You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2 Aan die Woord... <strong>KLK</strong> Gesprek<br />
Die pad<br />
vorentoe...<br />
Stephen van Huyssteen<br />
Besturende Direkteur: <strong>KLK</strong><br />
Marksake<br />
Jan Schutte<br />
Bestuurder: <strong>KLK</strong> Vleis<br />
Verhandeling van <strong>KLK</strong>-aandele<br />
DIE VERHANDELING VAN <strong>KLK</strong>aandele<br />
vind plaas deur middel van ‘n<br />
tenderproses en oor die toonbank in die<br />
kantore van Du Toit Van Den Heever, <strong>KLK</strong><br />
se eksterne ouditeure.<br />
Koop-en-verkoop-tenderdokumente<br />
word gebruik, in ‘n verseëlde koevert<br />
geplaas en volgens die reëls vir die<br />
verhandeling- en bodproses, word<br />
kopers en verkopers se aandele tydens<br />
die verhandelingsproses gepaar en<br />
verhandel.<br />
Die historiese inligting wat deur kopers<br />
en verkopers gebruik kan word om ‘n<br />
ingeligte besluit te neem ten opsigte van<br />
die verhandeling van hul <strong>KLK</strong>-aandele, is<br />
op <strong>KLK</strong> se webtuiste beskikbaar.<br />
Hierdie inligting behels die finansiële<br />
resultate, nuusvrystellings, hoeveelheid<br />
aandele verhandel, dividende betaalbaar<br />
ensovoorts.<br />
Die Raad van Finansiële Dienste<br />
(RFD) het besluit dat alle “oor die<br />
toonbank”-verhandeling van aandele<br />
binne die vereistes en raamwerk van<br />
‘n gelisensieerde aandelebeurs moet<br />
plaasvind en <strong>KLK</strong> die verhandeling, soos<br />
tans, moet opskort of voldoen aan die<br />
voorwaardes en vereistes van die RFD.<br />
<strong>KLK</strong> het aansoek gedoen en tydelik uitstel<br />
gekry tot 30 Junie <strong>2015</strong>, om aan hierdie<br />
voorwaardes en vereistes te voldoen. Dit<br />
beteken dat <strong>KLK</strong> die bedryfsmodel vir<br />
verhandeling moet verander om nie as<br />
verhandelingsbeurs op te tree nie, of te<br />
noteer op ‘n beurs of om aansoek te<br />
doen vir ‘n verhandelingslisensie.<br />
<strong>KLK</strong> sal vanaf 1 <strong>Julie</strong> <strong>2015</strong> dieselfde<br />
verhandelings/bodprosedures gebruik<br />
as tans, behalwe dat <strong>KLK</strong> voortaan slegs<br />
sal optree as fasiliteerder waar kopers en<br />
verkopers aan mekaar voorgestel word<br />
om self die transaksie vir verhandeling te<br />
finaliseer en <strong>KLK</strong> dan slegs die suksesvolle<br />
verhandeling opteken in die register en<br />
die afhandeling van die betaling, tussen<br />
kopers en verkopers, fasiliteer.<br />
Die direksie evalueer en oorweeg tans<br />
al die moontlike opsies, soos ‘n notering<br />
op ‘n verhandelingsplatform/beurs, die<br />
aansoek vir ‘n verhandelingslisensie of die<br />
fasilitering en bekendstelling van kopers<br />
en verkopers – wie self die transaksie<br />
moet ooreenkom, as modelle vir die<br />
toekomstige verhandeling van u <strong>KLK</strong>aandele.<br />
Vleispryse in perspektief<br />
DIE EERSTE KWARTAAL van die<br />
finansiële jaar <strong>2015</strong>/2016 is verby en<br />
daarmee saam het die somerreënvaltyd<br />
sekerlik tot ‘n einde gekom. Die goeie<br />
reën waarna daar in die vorige rubriek<br />
verwys is, het ongelukkig nie voortgeduur<br />
nie en die grootste deel van die <strong>KLK</strong>bedienings-gebied<br />
is tans baie droog met<br />
die weiding wat uiters skaars geraak het<br />
en produsente genoodsaak het om diere<br />
vir verslagting aan te bied wat nog nie die<br />
ideale slagkondisie en/of slaggewig bereik<br />
het nie.<br />
Die produsentepryse vir A2/A3 lammers<br />
is tans steeds bokant die vlakke van<br />
R50/kg en het nie onder hierdie vlakke<br />
vir die kwartaal verhandel nie. Die meeste<br />
van die ontleders het verwag dat die<br />
slaggetalle sou afneem omdat produsente<br />
die diere sou terughou om dit af te rond wat<br />
toe nie gebeur het nie vanweë die swakker<br />
as verwagte produksieomstandighede. Tog<br />
het die mark verbasend sterk bly vertoon<br />
in die midde van die hoër as verwagte<br />
slaggetalle. Die vooruitsigte tans is dat<br />
daar laer getalle beskikbaar behoort te<br />
wees in die volgende kwartaal omdat<br />
meeste van die ouseisoen-lammers reeds<br />
bemark is en die nuweseisoen-lammers<br />
later as gewoon-lik eers markklaar sal raak.<br />
Dit behoort sterk opwaartse druk op die<br />
pryse vir lam en skaap vir die volgende<br />
kwartaal uit te oefen.<br />
Pitkos vir die siel...<br />
˝Trek die volle wapenrusting aan˝<br />
LEES EF 6: 10 - 20<br />
Die pad van die geloof is ‘n geveg teen die magte van die bose in die wêreld, ˝hierdie<br />
duisternis˝, soos Paulus dit noem.<br />
Staan die hare op jou nek regop, geagte leser? ‘n Geveg? Ons wat leef in die eeu van<br />
militante geloofstryders, van religieuse aktivisme, die vloek van ons tyd?<br />
Hoe verloop hierdie geveg? Hopelik nie soos jy gedink het nie!<br />
Die speenkalfpryse is tans in die omgewing<br />
van R18/kg tot R19/kg lewendige gewig<br />
en daar word nie in hierdie kwartaal<br />
noemenswaardige bewegings voorsien<br />
nie. Die feit dat <strong>KLK</strong> se Upington-abattoir<br />
ZA-gradering vir bees- sowel as skaap/<br />
lamverslagting bekom het en ook<br />
goedgekeur is om bees sowel as skaap/<br />
lam vir die Woolworths-mark te verslag,<br />
kan plaaslike beesvleispryse tydelik opdruk<br />
teenoor die nasionale mark. Daar is<br />
ook min markklaar bees beskikbaar vir<br />
verslagting en daarom behoort pryse ook<br />
vir hierdie kwartaal opwaarts te beweeg.<br />
Daar is nog geen veranderinge aan die<br />
Suid-Afrikaanse kant van die invoergrense<br />
nie en Namibië het ook nie die<br />
uitvoerregulasies aan hulle kant verander<br />
nie. Die Suid-Afrikaanse regering het in<br />
Mei <strong>2015</strong> ‘n stel nuwe regulasies afgekondig<br />
waaraan invoere vanaf buur lande<br />
na die RSA moontlik sal moet voldoen.<br />
Rolspelers moes kennis neem van die<br />
voorgestelde veranderinge en is ook<br />
gevra om kommentaar daarop te lewer.<br />
Die regering sal die kommentare, indien<br />
enige, in ag neem met die saamstel van<br />
‘n stel nuwe invoerregulasies alvorens<br />
dit ingestel sal word. Dit is belangrik om<br />
daarop te let dat die beskerming van die<br />
dieregesondheidsstatus van die RSA<br />
absoluut noodsaaklik is en dat dit in ag<br />
geneem moet word wanneer besluite in<br />
hierdie verband geneem word.<br />
Deon van Niekerk<br />
Die wapenrusting van God vir hierdie geveg is waarheid, geregtigheid, vrede, geloof, die<br />
woord van God en gebed. Met hierdie swaard van die Gees veg ons.<br />
Ons weerstand is nie een van ‘n oog vir ‘n oog soort weerwraak nie, maar van liefde. Dit is<br />
tog die somtotaal van die wapenrusting.