Create successful ePaper yourself
Turn your PDF publications into a flip-book with our unique Google optimized e-Paper software.
8 Nuus <strong>Krit</strong> <strong>10</strong> <strong>April</strong> 2017<br />
Drie in<br />
een<br />
Foto’s: NARDUS ENGELBRECHT<br />
Hannes Brümmer<br />
Waaroor gaan die show?<br />
Dis basies drie komediante uit drie verskillende generasies<br />
van die Afrikaanse grapmakerwese. Ons gesels<br />
oor die geskiedenis van Afrikaanse humor en komedie<br />
en ons improviseer in die hoop dat die gehoor sal skater<br />
van die lag.<br />
Wat is jou rol daarin?<br />
My rol is as’t ware dié van die middelkind.<br />
Waaroor behoort daar nié grappe gemaak te word nie?<br />
Daar is niks waarmee ’n mens nie kan spot nie. Dit is<br />
die één vryheid wat ons as komediante gegun word. As<br />
individuele komediant is daar sekere dinge wat vir my<br />
te naby aan die been sny en daarom vermy ek dit. Ek<br />
is byvoorbeeld nie ’n besonder politiese komediant nie<br />
omdat ek nie glo my opinies is noodwendig die sterkste<br />
nie en ek kan dit nie noodwendig so goed motiveer nie.<br />
Wie moet liewer nie na die show kom kyk nie?<br />
Daar is ’n ouderdomsbeperking. Verkieslik niemand<br />
jonger as 16 nie, want sien, as jou agjarige die show<br />
kom kyk, moet jy nie ontsteld wees as hy nuwe woorde<br />
leer nie. Verder is die show oop vir almal. Ons hoop<br />
dat sensitiewe mense hulself sal toelaat om die oogklappe<br />
af te haal en hulself uit te daag om saam te kom lag.<br />
Is snaakswees harde werk?<br />
Ongetwyfeld. As komediant is dit noodsaaklik dat jy op<br />
hoogte van sake bly. Mense se humorsin verskil ook en<br />
dis jou werk om uit te vind wat hulle geniet en wat nie.<br />
Jy moet heeltyd werk om uit te vind wat daardie spesifieke<br />
gehoor tickle. Elke nou en dan werk alles en dit<br />
voel of jy ’n golf ry en op daardie oomblik voel dit soos<br />
die maklikste, lekkerste en mees rewarding ding wat jy<br />
kan doen.<br />
Wat weet ons nie van die ander twee ouens nie?<br />
Hulle is glad nie so kras soos mense dalk vermoed nie.<br />
Schalk en Casper is vreeslik hoflik, met mooi tafelmaniere.<br />
Casper de Vries<br />
Waaroor gaan die show?<br />
Oor alles en oor niks. Oor diep en vlak dinge. Dit gaan<br />
oor drie stand-up komediante (asseblief nie skerpskertsers<br />
of whatever die woord is nie) wat uit drie generasies<br />
bymekaarkom op een verhoog – en alles wat dit tot<br />
gevolg het.<br />
Wat is jou rol daarin?<br />
Ek is die oudste – die oupa van die drie. Hannes is die<br />
pa en Schalkie is die kleinkind van Afrikaanse komedie.<br />
Waaroor behoort daar nié grappe gemaak te word nie?<br />
Dis elke komediant se eie besluit. As jy oor ’n grens<br />
gaan met ’n gehoorlid wat nie daarvan hou nie, dan<br />
kan hy vir twee sekondes vinnig asemhaal en dan aangaan<br />
of uitstap, maar daar is nie ’n boek met reëls nie.<br />
Dit sal altyd verander en die grense sal aanhou aanskuif.<br />
Wie moet liewer nie na die show kom kyk nie?<br />
Ek sal eerder sê die mense wat MOET kom, is mense<br />
wat hou van my, Schalk en Hannes se humor. Ons humor<br />
oorvleuel en ons kan vir mekaar lag. Dis eg-Afrikaans<br />
en Suid-Afrikaans, so mense wat ’n sin vir humor<br />
het: Welkom!<br />
Is snaakswees harde werk?<br />
Dit is ’n gawe wat jy van jou ouers se ancestry kry en<br />
jy is gelukkig om daai geen te ontvang. Dis soos om ’n<br />
koek te bak – jy weet jy het al die bestanddele, jy moet<br />
dit net reg aanwend. Dán is snaakswees nie so moeilik<br />
nie – veral as ’n mens eerlik is en nie aangeplak is nie,<br />
en dan gaan jy net met jou persoonlikheid. Wat belangrik<br />
is om te onthou met humor: Die mense wat dit pleeg<br />
is effe af om mee te begin.<br />
Wat weet ons nie van die ander twee ouens nie?<br />
Hannes rook en versamel cartoons. Nie Mickey Mouse<br />
nie – die hardebaard Superman- en Ironman-soort cartoons.<br />
Schalk dra sy truitjies net op die verhoog.<br />
Schalk Bezuidenhout<br />
Waaroor gaan die show?<br />
Dis drie comedians wat oor die verhoog stap wat dan<br />
net lekker met mekaar en met die gehoor gesels. Baie<br />
van die show is geïmproviseer; ons het ’n raamwerk,<br />
maar enigiets kan gebeur. Ons hou dit vars en die gehoor<br />
kan maar weet dit wat hulle vanaand sien, gaan<br />
net hulle sien.<br />
Wat is jou rol daarin?<br />
As ek nou regtig vir myself ’n rol moes gee, sou dit tien<br />
ten een die worsrol wees. Ek is heeltyd tussen twee sulke<br />
heerlike buns – Hannes en Casper – en soos die bun<br />
die wors ondersteun, so voel ek ondersteun hulle my.<br />
Waaroor behoort daar nié grappe gemaak te word nie?<br />
Laurika Rauch. Niémand spot met Tannie Laurika nie.<br />
Wie moet liewer nie na die show kom kyk nie?<br />
Dit is nie vir sensitiewe kykers nie. Ons gaan definitief<br />
nie uit ons pad om te skok nie; dit is nie die punt van<br />
die show nie, maar dit is nie ’n familie-show nie en definitief<br />
nie vir kinders nie.<br />
Is snaakswees harde werk?<br />
Ja, jy moet heeltyd op hoogte bly van wat aangaan en jy<br />
moet dit vars hou. Jy wil nie hê dat een enkele grap<br />
dieselfde is as in ’n vorige show nie.<br />
Jy wil ook gereeld shows doen en nie net een keer elke<br />
vyf jaar nie.<br />
Daar is baie aande wat jy op die verhoog klim sonder<br />
om vergoed te word – waar jy net materiaal toets.<br />
Jy moet heeltyd op jou tone wees om te sien uit watter<br />
nuusstorie of situasie jy ’n grap kan maak.<br />
Wat weet ons nie van die ander twee ouens nie?<br />
Hannes se regte naam is eintlik Casper de Vries – hy<br />
moes dit verander toe hy begin komedie doen het omdat<br />
Casper de Vries reeds famous was. Die ander ding van<br />
Casper is – hy slaan ons. As ek en Hannes nie snaaks<br />
genoeg is nie, slaan hy ons.<br />
) 3in1. Komedie. Absa Burgersentrum. Vandag om 14:00.<br />
‘Ek is nie ’n<br />
besonder politiese<br />
komediant nie.’<br />
‘Die mense wat<br />
humor pleeg is effe<br />
af om mee te begin.’<br />
‘Niémand<br />
spot met<br />
Tannie Laurika<br />
nie.’