Krit Maandag 10 April 2010 small

More documents

Recommendations

Info

8 Nuus Krit 10 April 2017 Drie in een Foto’s: NARDUS ENGELBRECHT Hannes Brümmer Waaroor gaan die show? Dis basies drie komediante uit drie verskillende generasies van die Afrikaanse grapmakerwese. Ons gesels oor die geskiedenis van Afrikaanse humor en komedie en ons improviseer in die hoop dat die gehoor sal skater van die lag. Wat is jou rol daarin? My rol is as’t ware dié van die middelkind. Waaroor behoort daar nié grappe gemaak te word nie? Daar is niks waarmee ’n mens nie kan spot nie. Dit is die één vryheid wat ons as komediante gegun word. As individuele komediant is daar sekere dinge wat vir my te naby aan die been sny en daarom vermy ek dit. Ek is byvoorbeeld nie ’n besonder politiese komediant nie omdat ek nie glo my opinies is noodwendig die sterkste nie en ek kan dit nie noodwendig so goed motiveer nie. Wie moet liewer nie na die show kom kyk nie? Daar is ’n ouderdomsbeperking. Verkieslik niemand jonger as 16 nie, want sien, as jou agjarige die show kom kyk, moet jy nie ontsteld wees as hy nuwe woorde leer nie. Verder is die show oop vir almal. Ons hoop dat sensitiewe mense hulself sal toelaat om die oogklappe af te haal en hulself uit te daag om saam te kom lag. Is snaakswees harde werk? Ongetwyfeld. As komediant is dit noodsaaklik dat jy op hoogte van sake bly. Mense se humorsin verskil ook en dis jou werk om uit te vind wat hulle geniet en wat nie. Jy moet heeltyd werk om uit te vind wat daardie spesifieke gehoor tickle. Elke nou en dan werk alles en dit voel of jy ’n golf ry en op daardie oomblik voel dit soos die maklikste, lekkerste en mees rewarding ding wat jy kan doen. Wat weet ons nie van die ander twee ouens nie? Hulle is glad nie so kras soos mense dalk vermoed nie. Schalk en Casper is vreeslik hoflik, met mooi tafelmaniere. Casper de Vries Waaroor gaan die show? Oor alles en oor niks. Oor diep en vlak dinge. Dit gaan oor drie stand-up komediante (asseblief nie skerpskertsers of whatever die woord is nie) wat uit drie generasies bymekaarkom op een verhoog – en alles wat dit tot gevolg het. Wat is jou rol daarin? Ek is die oudste – die oupa van die drie. Hannes is die pa en Schalkie is die kleinkind van Afrikaanse komedie. Waaroor behoort daar nié grappe gemaak te word nie? Dis elke komediant se eie besluit. As jy oor ’n grens gaan met ’n gehoorlid wat nie daarvan hou nie, dan kan hy vir twee sekondes vinnig asemhaal en dan aangaan of uitstap, maar daar is nie ’n boek met reëls nie. Dit sal altyd verander en die grense sal aanhou aanskuif. Wie moet liewer nie na die show kom kyk nie? Ek sal eerder sê die mense wat MOET kom, is mense wat hou van my, Schalk en Hannes se humor. Ons humor oorvleuel en ons kan vir mekaar lag. Dis eg-Afrikaans en Suid-Afrikaans, so mense wat ’n sin vir humor het: Welkom! Is snaakswees harde werk? Dit is ’n gawe wat jy van jou ouers se ancestry kry en jy is gelukkig om daai geen te ontvang. Dis soos om ’n koek te bak – jy weet jy het al die bestanddele, jy moet dit net reg aanwend. Dán is snaakswees nie so moeilik nie – veral as ’n mens eerlik is en nie aangeplak is nie, en dan gaan jy net met jou persoonlikheid. Wat belangrik is om te onthou met humor: Die mense wat dit pleeg is effe af om mee te begin. Wat weet ons nie van die ander twee ouens nie? Hannes rook en versamel cartoons. Nie Mickey Mouse nie – die hardebaard Superman- en Ironman-soort cartoons. Schalk dra sy truitjies net op die verhoog. Schalk Bezuidenhout Waaroor gaan die show? Dis drie comedians wat oor die verhoog stap wat dan net lekker met mekaar en met die gehoor gesels. Baie van die show is geïmproviseer; ons het ’n raamwerk, maar enigiets kan gebeur. Ons hou dit vars en die gehoor kan maar weet dit wat hulle vanaand sien, gaan net hulle sien. Wat is jou rol daarin? As ek nou regtig vir myself ’n rol moes gee, sou dit tien ten een die worsrol wees. Ek is heeltyd tussen twee sulke heerlike buns – Hannes en Casper – en soos die bun die wors ondersteun, so voel ek ondersteun hulle my. Waaroor behoort daar nié grappe gemaak te word nie? Laurika Rauch. Niémand spot met Tannie Laurika nie. Wie moet liewer nie na die show kom kyk nie? Dit is nie vir sensitiewe kykers nie. Ons gaan definitief nie uit ons pad om te skok nie; dit is nie die punt van die show nie, maar dit is nie ’n familie-show nie en definitief nie vir kinders nie. Is snaakswees harde werk? Ja, jy moet heeltyd op hoogte bly van wat aangaan en jy moet dit vars hou. Jy wil nie hê dat een enkele grap dieselfde is as in ’n vorige show nie. Jy wil ook gereeld shows doen en nie net een keer elke vyf jaar nie. Daar is baie aande wat jy op die verhoog klim sonder om vergoed te word – waar jy net materiaal toets. Jy moet heeltyd op jou tone wees om te sien uit watter nuusstorie of situasie jy ’n grap kan maak. Wat weet ons nie van die ander twee ouens nie? Hannes se regte naam is eintlik Casper de Vries – hy moes dit verander toe hy begin komedie doen het omdat Casper de Vries reeds famous was. Die ander ding van Casper is – hy slaan ons. As ek en Hannes nie snaaks genoeg is nie, slaan hy ons. ) 3in1. Komedie. Absa Burgersentrum. Vandag om 14:00. ‘Ek is nie ’n besonder politiese komediant nie.’ ‘Die mense wat humor pleeg is effe af om mee te begin.’ ‘Niémand spot met Tannie Laurika nie.’
Krit 10 April 2017 Nuus 9 DEBUUTDRAMA: BUITE LAND Dié stuk moet ver reis Marina Griebenow Om te vergeet. Verlies. Vergetelheid. Dís waarna Jacques (Jacques Bessenger) streef. Die vraag is egter of vergeet die beste vorm van heling is, of is dit dalk eerder die hoogste vorm van verraad – van jouself, asook diegene wat jou liefhet of by jou lewe betrokke is. Soos Jacques se kollega Mitchell (Marvin-Lee Beukes) hom maan: Al verdoof jy jou geheue, vergeet die liggaam nooit nie. Die veelbekroonde dramaturg, ontwerper en regisseur Neil Coppen se jongste toneelstuk, Buite land, debuteer vanjaar by die KKNK en ondersoek ’n magdom kwessies, waaronder die krag en relevansie van geloof, seksualiteit en die ontkenning daarvan, die aard van identiteit, natuur teenoor wetenskap, die invloed van kultuur, onthou, ontvlugting en verlies. Die teks van Buite land is oorspronklik in Engels ontwikkel as NewFoundLand in vennootskap met die Markteaterstigting en die Royal Court in Londen. Die onlangse wenner van die Fleur du Cap-toekenning vir die beste Suid-Afrikaanse teks, I See You van Mongiwekhaya, kom uit dieselfde stal. Gemeet aan die uitstekende gehalte van albei tekste, asook die sterk produksies wat daaruit voortspruit, het dié instansies ’n wenresep beet. Wat dit veral onderskei van baie ander tekste, is die sterk klem op geïntegreerde Suid-Afrikaanse stories, sonder dat enigsins weggeskram word van die harde werklikhede. Hulle is ook nie bang vir omstrede onderwerpe nie. Die vertaling van Buite land is deur Amy Jephta gedoen, self ’n knap dramaturg. Om sy storie oor te dra, span Coppen twee uiteenlopende hoofkarakters in, naamlik die Afrikaanssprekende predikantskind en narkotiseur Jacques, en Sizwe (Kopano Maroga), ’n Zoeloesprekende choreograaf en ook sangoma indien sy voorouers uiteindelik hul sin kry. Hulle ontmoet vlugtig vir gryp-en-gaan seks, maar weens ’n sameloop van omstandighede gaan dit genadiglik op die ou einde om meer as net die lyflike. Nes sy ma, briljant vertolk deur Elize Cawood met absoluut onverbeterlike stilspel, probeer jy ook verstaan waarom Jacques “so fokken afsydig” is. Weer eens Mitchell se raak opsomming. Sy botheid staan in skerp teenstelling met Sizwe se sjarme en skynbaar eerlike pogings om ’n werklike of egte band te bewerkstellig ná hul aanvanklike ontmoeting. Dit raak duidelik dat albei, miskien ‘‘Hulle ontmoet vlugtig vir grypengaan seks, maar weens ’n sameloop van omstandighede gaan dit op die ou einde om meer as net die lyflike. Jacques Bessenger as Jacques en Kopano Maroga as Sizwe hanteer omstrede onderwerpe sonder moeite in Buite land. Foto: NARDUS ENGELBRECHT weens hul seksuele oriëntering, probeer breek met hul konserwatiewe herkoms en die kulturele en godsdiensbande wat hulle bind. Daar is onder meer verwysings na die stram verhouding tussen Jacques en sy Dopperpredikantpa, terwyl Sizwe vertel sy ma, mev. Zulu (Mpume Mthombeni), is ’n getroue aanhanger van ’n streng charismatiese kerk. Daar is ’n sterk toneel in die hospitaal met Mthombeni wat heftig ’n Zoeloegebed inkanteer met gepaardgaande rituele vir die uitdrywing van duiwels, asook ’n oplegging van hande en was van die pasiënt se voete. Coppen se produksies staan altyd visueel en tegnies baie stewig, want hy is ’n ewe knap ontwerper as woordsmid. In Buite land gebruik hy baie doeltreffend ’n aantal surrealistiese elemente om die verhaal uit te bou en die tydlyn vloeibaar te hou sodat jy nooit presies seker is of dit die werklikheid, ’n koorsdroom of ’n dwelmwaas is nie. Vreemd genoeg skep dit nie by jou onsekerheid of frustrasie nie, maar eerder nuuskierigheid omtrent die karakters se reis tot waar hulle hul nou bevind. Hoewel die gevoel van die drama as gevolg van eersgenoemde amper filmies is, word die spanningslyn tog deurgaans gehandhaaf. Dit dra waarskynlik daartoe by dat jy nie eintlik omgee of die storie liniêr vertel word of nie. Jy’s voortdurend bewus van die hospitaalagtergrond waarteen die storie hom afspeel. Dit word natuurlik ook relevant as dit kom by Jacques se misbruik van voorskrifmedikasie. Selfs die toneelveranderings word gedoen deur ’n span wat hospitaaluniforms dra. Die meeste van die dékorstukke is op wiele en kan heen en weer geskuif word na gelang van wat nodig is. Hoewel daar ’n hele paar toneelwisselings is, is dit nooit steurend of maak inbreuk GRATIS Kom kuier saam by Media24-feeskafee Hoek van Voortrekker- en Baron van Reede-straat Elke dag van 8 tot 8 9:00 13:00 15:00 18:00 op die droomagtige kopruimte waarin die stuk jou plaas nie. Bekende beligtingsontwerper van Durban Tina le Roux se atmosferiese beligtingsontwerp verdiep Leefstylpraatjie Daagliks Die Burger - gespreksreeks met Waldimar Pelser Leefstylpraatjie Kaas en wyn: Kuier saam met bekendes • Huisgenoot • SARIE • Weg • Kuier • WegRY • • Landbouweekblad • Tuis • TV-Plus • Via • Liedjie.com • • Netwerk24 • Die Burger • WegSleep • WegPlatteland • • NetNuus • Son • NB-Boeke • Rapport • MySubs • Kaboedel • dié ervaring, asook Tristan Horton se keurig saamgestelde klankontwerp. Coppen verdien ’n pluimpie vir sy rolverdeling. Hulle is inderdaad ’n wenspan. Bessenger (ook by die KKNK te sien in So ry Miss Daisy) en Maroga kwyt hulle uitstekend van hul taak as draers van die storie, terwyl Beukes as die buiteperd jou tot aan die einde verras. Mthombeni en Ntombi Gasa wat Sizwe se oorlede ouma aan moederskant speel, verleen diepgang en nuanse aan die verhaal met geloofwaardige en outentieke vertolkings. Dis egter Cawood wat die hart steel en ’n traan dwing wanneer sy van haar seun afskeid moet neem. ’n Mens hoop dat Buite land in sy huidige gedaante met Afrikaans, Engels en Zoeloe verder sal reis, want dis ’n inklusiewe, veelvlakkige eg Suid-Afrikaanse produksie wat ’n mens trots maak op die uitstaande gehalte van die teater in hierdie land. ) Buite land. Debuutdrama. Vandag om 14:30, Di. om 19:30, Do. om 14:30, Vry. om 09:30 en Sa. om 09:30.
Page 1 and 2: Krit In samewerking met Die Burger
Page 3 and 4: Krit 10 April 2017 Nuus 3 KONTEMPOR
Page 5 and 6: Krit 10 April 2017 Nuus 5 ONDERHOUD
Page 7: Krit 10 April 2017 Nuus 7 DRAMA: KO
Page 11 and 12: Krit 10 April 2017 Nuus 11 DEBUUT:
Page 13 and 14: Krit 10 April 2017 Nuus 13 Deon Mey
Page 15 and 16: Krit 10 April 2017 Nuus 15 KKNK-dag

Krit Maandag 10 April 2010 small

Create successful ePaper yourself

Delete template?

Save as template?