Kamp is LekkerTydskrif-Maart 2018

UITGAWE NO. O3
L e k k e R K a m p r e s e p t e
GRATIS
Kamp is Lekker
Selfoon toep/App
MAART 2018
•
KAMP IS LEKKER
Wat sê
HENRY?
K i e s d i e r e g t e
Kampvrieskas
K
amp waar dit LekkeR is.
So
maak ons 'n
swartpot
skoon

"Ons Kampresepte"
KAMP KERRIEKOS RESEP
500g Lekker Boerewors, in skywe gesny
2 knoffelhuisies, gekneus
2 uie gekap
15ml kookolie
2ml rissiepoeier
15ml kerriepoeier
250ml vleisaftreksel
15ml tamatiepuree
30ml suurlemoensap
5ml sout
2ml vars gemaalde swartpeper
3 aartappels, in blokkies gesny
4 piesangs, in skywe gesny
• Rooster wors tot byna gaar. Hou eenkant warm.
• Soteer intussen knoffel en ui in verhitte kookolie. Voeg
rissie- en kerriepoeier by en braai effens.
• Voeg verhitte vleisaftreksel, tamatiepuree, suur-
lemoensap, sout en peper by. Voeg aartappels en wors by
en prut vir 20 minute. Voeg piesangs by, meng goed en
verhit deeglik.
• Sit voor met gebotterde heelgraanbrood.
LEKKER SAGO POEDING VIR DIE
NAWEEK (KARAVAAN MIKROGOLF)
2 koppies melk
½ koppie sago (hoef nie vooraf te week nie)
3 eetlepels botter
2 eiers geskei
⅓ koppie suiker
2 ml vanielje geursel
knypie sout
appelkooskonfyt
kaneel
Giet die melk, sago en botter in bak en mikrogolf
10 minute oop by 100% krag (roer gereeld) en
daarna 5 min by 50% krag en roer dit elke 2
minute. Klits die eiergeel en voeg saam met
witsuiker, vanielje geursel en sout vinnig by die
warm sago mengsel. Mikrogolf 2 minute op
100%.Vou nou die styf geklopte eierwitte in die
warm mengsel in. Skep die mengsel in 'n glas bak
en blop so hier en daar appelkooskonfyt bo-oor en
strooi bietjie kaneel oor. Mikrogolf dit 2 tot 3 min
oop by 70% krag. Bedien warm .

Ons het die vakansie vir 10 heerlike dae
gaan kamp en ek het net weereens besef
hoe ‘n gerieflike katoeter my BRAAIMATE is.
Ons het lekker gevulde sampioene gemaak
(groot sampioene met knoffel en kaas), ek
het jaffels daarin gemaak, ontbytnessies en
nog vele meer. Ek is nie eendag spyt dat ek
‘n BRAAIMATE aangeskaf het vir ons
kampkombuis nie. Lekker Kampplekke – die
BRAAIMATE is ‘n wenner.
Die kostes van die BRAAIMATE beloop
R595.00 en die RSA posgeld beloop R80.00
per pan.
Stuur jou bestelling na
loret@lekkerkampplekke.co.za

THE
GROWCERY
The Growcery Kamp is in
Vioolsdrift aan die oewer van
die magtige Oranjerivier geleë
en bied ‘n rustige omgewing
met ‘n eindelose uitsig oor die
rivier en die omliggende
rotsformasies in die Nababeep
Bewarea. Kamp aan die oewer
van die Oranjerivier, kook oor
oop kampvure, hou ‘n piekniek
terwyl jy die uitsigte oor die
rivier geniet soos die son
ondergaan, stap in die
woestyn en verken die
hemelruim soos jy net in die
Richtersveld kan.
Die verblyf bestaan uit 10 Chic
Shack-eenhede wat uit
herwinde materiale gemaak
word en in ‘n rugsakreisigerstyl
gebou is. Daar is 3
kampeerplekke met plek vir 6
gaste en 7 kampeerplekke met
plek vir 16 gaste. Elke
kampeerplek het ‘n wasbak,
braai-area en toegang tot
gedeelde ablusiegeriewe.
Richtersveld Safaris bied ontbyt, middagete,
aandete en piekniekmandjies op versoek, of gaste
kan die groentetuin en winkel op die perseel
besoek.
Dis die ideale plek om te ontspan na ‘n dag se ry,
die beeldskone woestyngebied te verken of af te
koel in die langste rivier in Suid-Afrika.
NAASTE DORP: Springbok 140km
STREEK: Richtersveld
PROVINSIE: Noord-Kaap
GPS: -28.698041 17.49843
Kontak persoon Margaret Olivier
+27 76 852 8633
margaret@thegrowcery.co.za

WENK HOE OM JOU
SWARTPOT SKOON TE
MAAK.
Skuur daai pot met
skuurpapier om van
die ergste roes ontslae
te raak en vee hom
met 'n droë lap uit.
Kook nou groenteskille
en blare in die pot met
driekwart vol water,
waarin daar weer 'n
koppie sout en asyn
bygevoeg is.
Jy kan 100ml kookolie ook in die pot gooi saam met die
skille met sout en asyn.
Indien die pot dalk nog roeserigheid toon kan jy gebruikte
kookolie in die pot gooi en dan lekker warm maak. Gooi
nou aartappelskille in die kookolie, maar pasop dat jy nie
brand nie. Roer die spulletjie met 'n lang houtlepel en laat
die olie sommer lekker opkook boontoe sodat hy tot teen
die rand gesmeer word.
Platboompot: Vat die swartpot, maak vuur onder dit en
gooi gebruikte kookolie daarin. Laat die olie lekker warm
word. Gooi nou klompie aartappelskille in. Pasop net vir
die olie wat gaan spat en kook. Maak die pot toe en
laat alles lekker kook. Haal die gaar skille uit en herhaal.
Laat die olie sommer lekker spat teen die binne sye en
laat die pot dan afkoel. Gooi die olie uit, spoel die pot met
warm seepwater, laat hom droogword en spuit met Spray
& Cook.
Indien die pot geroes het, moet jy eers die ergste roes
uitskuur, die pot uitspoel en dan met skille uitkook
voordat die kookolie in hom gekook word. My potte was
almal deur die proses en ek het 'n paar geroeste potte
van vriende so gered.
Deur Ian Laing
Rouxbean Coffee Roastery is ‘n
koffie roostery in die hartjie van
die Overberg, wat met 'n
innoverende lug-rooster metode
en top gehalte Arabica bone ‘n
suiwer geurige koffie produseer
met ‘n heerlike aroma.
Hulle nuwe produk, die Coffee
Angels, is ‘n weggooi koffie filter
wat ideaal is vir langs die kamp
vuur! Perfek vir enige kamp of
toer, kompak en eenvoudig om
te gebruik, dis die gemak om
gehalte filter koffie te hê sonder
pakkerasies en moeite, en
verpak in individuele pakkies vir
varsheid!
KONTAK
Naam Adri Roux
epos: orders@rouxbean.co.za

CRODINIE
20KM VANAF SWELLENDAM EN
200 KM VANAF KAAPSTAD
Ons het die afgelope Desember-vakansie
gaan uitspan by Crodinie. Daar was 3
families wat saam gekamp het vir 10 nagte
en…ons het bitter lekker daar ontspan!
Crodinie is sowat 20km voor Swellendam,
langs die Breederivier geleë. Daar is ‘n
entjie wat jy moet grondpad ry en die laaste
afdraende na die kampterrein kan nogal
intimiderend lyk, maar jy kan met ‘n gewone
sedan voertuig die kampterrein bereik. Die
meeste kampers het met tente of boswaens
gekamp. Die staanplekke het nie elektrisiteit
nie, maar daar is wel solarkrag en gas
geysers by die ablusie, dus met goeie
beplanning het dit ons nie gepla dat daar nie
elektrisiteit by ons staanplek was nie.
My staanplek het die meeste van die dag
skaduwee gehad en ons kon dus lekker in
die koelte ontspan. Elke oggend het Hanlie
kom onloer, sy is die dame wat die
kampterrein bestuur. Sy het dan kom hoor of
ons vars melk of ys wou koop. Daar is ook
vriesfasiliteite by die kantoor wat ons kon
gebruik om ons vleis gevries te hou vir die
tydperk van ons kamp.
Ek het sommer vir ons vooraf 1000
stukkies hout by die kampeienaar bestel en
toe ons by ons kampplekke kom was die
hout vir ons netjies gepak – reg vir
braaivleis op ons... MADKON!
Ons het op die oewer van die rivier gekamp
en was dus net ‘n paar tree van die
waterkant. Die visarend het ons baie
oggende vroeg wakker geroep en dan
moes ons vuurtjie aansteek en koffie maak
om te sien hoe die son opkom.

Die kinders het elke dag in die water
baljaar, vis gevang en kayak gery. Ons het
die kayak by die eienaar van Crodinie
gehuur teen ‘n baie billike prys. Natuurlik
het die kamp vir heelwat opwinding gesorg.
My seun was baie gelukkig om te gaan roei
en toe spring daar sowaar ‘n vis by hom in
sy kayak in – dit het natuurlik vir baie
opwinding by oud en jonk gesorg. My seun
het homself daarna as ‘n “Gebore
visserman” verklaar – hoe dan nou
anders…lol. Van die ander kampers was
ook gelukkig om ‘n paar groot visse uit te
trek en vinnig het die manne begin koukus
oor watter aas gebruik moet word om ‘n
grootte aan die lyn te kry.
Soos alle lekker dinge, het ons 10 dae van
swem, kuier, braai en ander lekkertes te
gou verby gegaan en moes ons weer
oppak, maar Crodinie sien ons beslis gou
weer!
OORSIG
Kamp Staanplekke: 10
Persone Per Staanplek: 4 max 6
Kontak persoon Hanli Kemp
Kontak nommer 082 787 3398
Epos kempcrodinie@gmail.com
Troeteldiervriendelik: Buite seisoen
Visvang: Ja
Swemplek: Rivier
GPS: -34.160550, 20.461672
Tariewe vanaf R50 pppn

2018 kykNET Buite ekspo
MÔRESON PLAAS
WES-KAAP
Die kykNET Buite ekspo Wes-Kaap
was 16-18 Februarie op die Môreson
plaas aangebied.
Die ekspo het weereens daarin
geslaag om duisende besoekers na
die Swartland te lok. Daar was
oorgenoeg uitstallers en kos om jou
die heeldag besig te hou. Ander lekker
vermaak was die braai kompetisies
wat deur die baie bekende Jimmy van
Jimmy's sous self beoordeel was en
kunstenaars wat gesing het - dit alles
was deel van die groot sukses.
Baie geluk aan Maruis Opperman en
sy span van Trio events vir 'n LekkeR
buitelewe konsep wat werk.
By die Lekker Kampplekke uitstalarea
was ons oorval deur kuiergaste met baie
kampstories. Ons het aan die gaste
gewys hoe 'n afgetrede Wiskunde
onderwyser, Wim van Jaarsveld, sy eie
kampvaantjie vir sy vrou gebou het.
Wim van Jaarsveld
082 377 4496
Met groot belangstelling moet Wim vir nog
'n paar mense kampvaantjies bou.

Zevenputs (Weskus)
KLIK hier vir fotos
"Die Weskus het ʼn bekoring van sy eie, begin ek al hoe
meer agterkom. Hierdie dorre landskap met sy vars
seelug en vriendelike Weskus mense, is maar net anders
as die Ooskus se groen landskap en soms “ons-weetvan-beter”
mense.
Alhoewel die Karoo en woestyn, met al daai niks en groot
vlaktes vol klip, my gunsteling wegbreek plekke is om kop
skoon te maak, moet ek bieg ek begin my kuiers &
avonture langs die Weskus meer en meer geniet.
Wat sê Henry?
Ek dink ook ʼn groot aspek van enige avontuur/naweek wegbreek is die tipe mense saam met wie jy dit
aanpak. Alhoewel ek dit geniet om met die familie of soms net met die seuns te ontsnap is dit altyd lekker om
saam met hierdie manne en hulle families nuwe herinneringe te gaan skep:
Frans Laubscher
Paul Laas
Jacques Groenewald
Lourens Hugo – kon ongelukkig nie die trip maak nie
Johan Dreyer – kon ongelukkig nie die trip maak nie
Vrydagmiddag so net na 17h00 stop ek en Lian voor tannie Erene Engelbrecht se huis in Lambertsbaai. Met
die dat Jean aan ʼn mini-krieket toernooi deel geneem het sou hy en Marli eers die volgende oggend by ons
aansluit.
Die tannie is ferm en ek skud net kop soos sy die NB punte vir my verduidelik. Met die hek sleutel in die
gatsak is ons weer aan die beweeg.
+/- 5km uit die dorp draai ons links by die Vredendal bordjie en volg die grond pad vir so +/- 9km tot ons die
Soopieshoogte Privaat Natuur Reservaat muur op linkerhand kry.
Van hier volg ons die pad tot oor die Sishen treinspoor brug. 200m verder kry ons die Zevenputs hek. Bande
word bietjie afgeblaas en dan volg ons die sand twee spoorpad tot by die see.
Laaste keer wat ek hier was, was in 2008 tydens ou Bertho se batchelors, en was verbaas hoe die plekkie
verander het. Daai tyd was dit net oom Sybrand se staanplek, maar intussen is daar al langs die see skoon
gemaak vir staanplekke.

K A M P I S L E K K E R
Behalwe vir die skoon gedeeltes langs die see is daar verder NIKS
nie. Daar is 2 dalk 3 “longdrops” in die veld, maar verder moet jy
alles saam bring as jy daar wil kom kuier.
Die wind waai ongemaklik en ek sukkel so manalleen om die daktent
se “dropdown” kamer op-ge-zip te kry en terselfde tyd oog op Lian te
hou wat net nie wil weg beweeg van die rotse nie. Wou hom later
aan ʼn tentpaal vasbind totdat ek klaar gesukkel het met die
verdomde tent.
Net soos die son sy laaste strale wil weg trek kom die res van die
span daar aan. Gou word die tente opgeslaan voor die Rooikrans
lewe kry saam met die eerste koue vir die naweek.
Ou “groot” Jacques was weer op sy stukke met ʼn Geelstert &
vasgebakte brood (+ jam) op die spyskaart vir die aand.
KLIK hier vir fotos
Wat sê Henry?
Laatmiddag en die Rooikrans laat alweer
Frans se gat jeuk en kort voor lank loop
die vure weer sterk. Die volgende
avontuur word reeds beplan terwyl die
kinders langgend die plek plat hardloop.
Hier huil een, daar kla een oor sy toon,
maar in geheel wil nie een van hulle by
die huis wees nie.
ʼn Skaapribbetjie kry sy plek (waar hy
hoort) langs die vuur en die glase word
vol gemaak terwyl die Weskus windgat
spog met ʼn ongelooflike mooi
sonsondergang. Later maak steaks & toe
vark sjops hul verskyning met ʼn
vasgebakte brood kort op hulle hake.
Een ding is nou maar duidelik – as jy
lekker wil slaap, dan gaan kamp jy langs
die Weskus. Daai geluid van die see en
koue briesie is net ʼn wen kombinasie.
Die week se chaos & gejaag was skielik iets van die verlede en lankal
vergete. ʼn Bier proe darem net beter met die vars see lig en die reuk
van Rooikrans in die lig.
Saterdagoggend en ek en Lian is vroeg op die pad terug
Lambertsbaai toe, met Paul se Hilux (Cruiser het die daktent op), om
Marli & Jean te kry. Hulle het gereël dat haar voertuig by vriende se
ouers staan die Saterdagaand.
Terug by die kamp en Jacques se lyn is reeds in die water. Toe die
seuns dit sien is die koeël deur die kerk en skielik moet ek visstokkies
reg kry vir die knape. Altyd ongelooflik hoe opgewonde kinders kan
raak oor visvang, maar aai die geduld is maar net nie altyd daar nie.
Sondag en dit is weer tyd om die voertuie
se neuse Boland se rigting toe te trek.
Voor Elandsbaai stop ons by die
Vensterklip restaurant vir middagete
waarna daar blad geskud word voor ons
die laaste gedeelte huis toe aan pak.
Soos altyd ʼn onvergeetlike naweek saam
met lekker mense."
Paar swart mossels maak hul verskyning in Jacques se kreef pot
terwyl ou Paul besig is met sy bekende Mexican omelette.
Laat middag en die kinders dring daarop aan dat daar geswem moet
word. Aai, dink hulle het ʼn lewens les geleer met die dat die Weskus
water effe koeler as die Ooskus sin is haha.

MOBIELE Kampkroeg
Die kroeg kan opvou en aan enige
platform heg soos jou bakkie,
karavaan of 'n muur teen die huis. Dit
vou op en weeg skaars 3kg en vat tot
6 glase, shooters, drankbottels, 'n ys
cooler, tafel, botteloopmaker en baie
meer.
E-pos info@letsgohunting.co.za
of whatsapp 0721413158.

Ek wil ‘n
kampvrieskas
koop,
maar watter
een?
Die oomblik wanneer die woord kamp opgebring word,
is daar onmiddellik ‘n paar assosiasies. Die twee grotes
is waarskynlik vuur en ietsie kouds. Daar is bittermin
gesprekke oor watter maak vuurhoutjies om te gebruik
vir daai vuur (almal weet dis Lion), maar wanneer dit by
die koudmaker kom vir daai ietsie kouds, kan jy netsowel
een van die woorde “Ford”, “Toyota” of “Land Rover”
saamvoeg met die term “die beste”, want selfs al is dit na
12, het die aand sopas ‘n embrio geword.
Die teenvraag voor jy ‘n vrieskas aanskaf is eintlik, watse
tipe kamp doen jy?
As jy vir 3 maande ‘n jaar Kruger toe gaan met die
karavaan, sal ‘n gasvrieskas waarskynlik die mees
ekonomiese opsie wees, want jy gaan vir ‘n week op 1
plek staan, op plekke waar daar nie altyd krag is nie.
Die voordeel van gas is dat dit relatief goedkoop is, die
vrieskaste is ook relatief goedkoop in perspektief gesien
met die 12V kompressorvrieskaste. Alhoewel die meeste
gasvrieskaste op 12V krag kan loop, trek hulle ‘n battery
bitter vinnig pap, so verkieslik wil ‘n mens daardie 12V
opsie slegs vir kort periodes gebruik.
As jy op ‘n gereelde basis kamp, maar slegs by plekke
waar daar 220V krag is wat nie veel meer as ‘n paar
uur van die huis af is nie, is jou mees ekonomiese opsie
waarskynlik ‘n 220V vrieskas.
Maar, wanneer die nomadiese tipe ding in rowwer areas
vir jou ‘n aanloklikheid begin word, gaan jy waarskynlik
‘n meer kompakte vrieskas wil he, iets wat kouer maak as
‘n gasvrieskas, en iets wat op 12V ook kan loop.
Jou antwoord is dan ‘n kompressor vrieskas die
effektiefste
van alle kampvrieskaste. Maar waarom nie ‘n 220V
kompressor-vrieskas met ‘n inverter nie? Dan kan jy mos
die vrieskas van die kar se battery af laat werk. Jy kan ja,
maar jy gaan baie meer energie gebruik as wanneer jy ‘n
12V kompressor-vrieskas gebruik. So omdat jy nie
verseker
is van ‘n 220V kragpunt by jou staanplek nie, en omdat
jy beperkte energie (jou 2de battery of dalk ‘n sonpaneel)
het vir die vrieskas, wil jy die mees energie-ekonomiese
opset he – en dit is ‘n 12V kompressor vrieskas. 1. Met
elektriese installering, gebruik eerder groter diameter
drade, gebruik goeie konneksies en soldeer alles as jy
kan – jy wil ‘n “hoofweg” hê vir die krag om te vloei.
Maar watter een?
Hier is 3 gedagtes:
1. Alle 12V Kompressor vrieskaste is goed genoeg
en gaan jou heel waarskynlik jare se sorgvrye
diens gee. Party is Nissans, party is Mercedes, ek
is nie bewus van Dacia’s nie.
2. Dit maak nie saak watter 12V kompressor vrieskas
jy gaan koop nie, daar is iemand daar buite wat
al probleme met daardie spesifieke maak vrieskas
gehad het, so moet jou nie steur aan stories
nie. Dis ‘n “Luck of the draw” kwessie indien ‘n
vrieskas op jou breek.
3. Sekere make is ‘n bietjie meer ekonomies as
ander, ja. Is die verskil drasties, nee. Ek kan
myself nie ‘n situasie voorstel waar ‘n meer
ekonomiese vrieskas vleis sou deurtrek en ‘n
minder ekonomiese vrieskas dit nie sou doen nie.
As jy jouself in ‘n situasie bevind waar jy vleis
gaan verloor as gevolg van energie-tekort, gaan
die vrieskasmaak nie die verskil maak nie.

....vervolg.
Ek wil ‘n kampvrieskas koop, maar watter een?
So waarna moet ek oplet?
Die regte vrieskas vir jou, hang af van persoonlike
voorkeur en jou begroting. Hier is ‘n paar
oorwegings:
1. Kies ‘n vrieskas met dik insolasie. Hoe dikker die
i nsolasie, hoe stadiger is die hitteverlies, hoe ligter
op krag
2. Koop ‘n relatiewe bekende maak. Die kans is beter
dat die mense in Keetmans, Khorixas en Kasane
al aan die bekender make gewerk het in die
onvoorsiene situasie dat ‘n vrieskas oppak
3. Vrieskaste is meestal goed vasgemaak en die kans
is bitter skraal dat jou kampvrieskas fisiese skade
sal opdoen gedurende ‘n ekskursie. Moet jou nie
vaskyk in ‘n vrieskas met ‘n Staal of Alumimium
buitekant nie. Inteendeel, dit maak die vrieskas
swaarder en dra by tot meer hitteverlies.
4. Wat is jou voorkeur vir deur-orientasie. As jou
vrieskas op ‘n slide staan, maak dit waarksynlik nie
saak nie. Maar indien jou vrieskas vasgemaak is
op een plek in jou voertuig, is jou voorkeur dalk ‘n
deur wat van die kant af oopmaak eerder as van
agter af.
5. Grootte: Ek sal traag wees om kleiner as 50L te
gaan. Met goeie beplanning, kan 50L vir 4 mense
werk vir so 10 dae.
6. Uitleg binne. Die kleiner Waeco’s (Dometic
deesdae) en ARB’s het ‘n klein 2de kompartement
in die hoofkompartement, wat nie heeltemal so
koud raak soos die res van die vrieskas nie. Vir my
persoonlik werk dit baie lekker aangesien ek my
items wat ek nie gevries wil he nie, daar pak.
Dan, ‘n paar dinge om in gedagte te hou om die beste uit jou vrieskas te kry:
1. Met elektriese installering, gebruik eerder groter
diameter drade, gebruik goeie konneksies en soldeer
alles as jy kan – jy wil ‘n “hoofweg” he vir die krag om
te vloei.
2. Maak ten minste 1 keer ‘n jaar jou batterypole skoon,
dit verbeter die laai van die battery aansienlik, wat
beteken jy het meer krag beskikbaar vir die vrieskas
3. As jou vrieskas op die bak staan, installeer die vrieskas
aan die teenoorgestelde kant as die uitlaatpyp. Daar is
tog ‘n klein bietjie hitte wat deurkom van die uitlaatpyp
af.
4. Maak seker dat jou vrieskas se uitlaat goed geventileer
is. Probeer die hitte wat die vrieskas genereer, wegkry
van die vrieskas af.
5. As vleis net-net gevries is, sal dit maklik vir ‘n maand
hou. Dit is onnodig om ‘n vrieskas op sy koudste te stel.
My vrieskas is gewoonlik op -5 grade Celsius gestel.
6. My gevriesde goed is onderin my vrieskas, geskei van
my ongevriesde items bo, met ‘n stukkie fomolite (mens
kan enige ander insolasiemateriaal gebruik). Wanneer
die vrieskas meer gereeld oopgemaak word, het dit nie
so ‘n noemenswaardige effek op die gevriesde items
nie.
7. Sak: As jy kan, kry ‘n vrieskassak (cover). Dit help baie
met insolasie.
8. Ter wille van die rekord, die ooglopende goed is om
jou vrieskas so veel as moontlik uit die son te hou en
so min as moontlik oop te maak.
Ek gebruik ‘n Waeco CF-50 vir die afgelope 9 jaar en
hy werk nog so goed soos dag 1. As ek weer koop, sal
ek weer ‘n Waeco CF-50 koop, dis persoonlike voorkeur
(deur-orientasie, klein 2de kompartement, lig – ‘n groot
kwessie vir my). Jy sal egter nie ‘n fout maak om enige
van die groot name te koop nie (National Luna, Engel,
ARB, Snowmaster, Campmaster). Die hoof-oorweging is
dat jou vrieskas ‘n 12V kompressor inhet.

OOR DIE BERG………
Vir mense soos ek, wat in die Vrystaat grootgeword het in
die tagtigs, was daar gewoonlik net 1 pad as dit tyd is vir
vakansie. See-toe. Oor die berg, daar waar die lugdruk
anders is.
Nog te meer as jy ‘n kamper is. In daardie jare was
dit ‘n Toyota Cresida met ‘n groot Jurgens agteraan. En
vir my pa en ma het see-toe gaan in Desember beteken
Mosselbaai.
Ek onthou hoe ons al ‘n paar dae voor die tyd begin pak
het en alles reggekry het. My pa was in die kunsmis en
boerdery bedryf, so ons het nooit geweet wanneer ons ry
nie. Maak nie saak hoeveel keer jy gevra het nie. As dit
gereën het. As ek nog by daardie klient was.
Ens. Dit was lank voor die tyd van selfone waar jy nog die
laaste werk op die pad kanafhandel. So ons moes leer om
opgewonde te wag.
Maar gewoonlik so teen 16 Desember het die
aankondiging deur die loop van die oggend gekom dat
ons NOU gaan ry. En dan was die opgewondenheid
op sy hoogste. En dan moes almal in. En ons het gery.
Uiteindelik. MAAR, net tot by ons buurdorp. Dit was
60km. En daar het pa gestop om padkos te eet. Want
hy is met vakansie. Mosselbaai het op daardie stadium
nog ‘n goeie 1000km verder gelê. Maar ons het gestop.
WANT, ons is met vakansie.
Ons het gewoonlik dan halfpad of so naby as moontlik
aan Beaufort-Wes of Oudtshoorn oorgeslaap sodat ons
die volgende dag vroeg by die see kan wees en genoeg
tyd kan hê om die karavaan staan te maak en die tent op
te slaan. Die BERG wat ons moes oor, was natuurlik ook ‘n
groot vrees vir ons. Want dit kan reen of daar kan mis op
wees. En ons wat van die Vrystaat af kom ken nie berge
nie. Ek het later geleer dat dit wat ek gedink het berge is,
maar eintlik net ‘n blinde hoogte was. Maar hoe dit ookal
sy, wanneer ons dan natuurlik oor die berg is het ons altyd
gekyk wie sien die see eerste.
Baie jare later het ek en my gesin by die see kom bly. En
ons is kampers. Eers het ek gedink – lekker – mens het
nie meer nodig om so lank voor die tyd te pak nie. Jy het
ook nie nodig om so ver te ry nie. Dit is nie meer nodig
om oor die gevreesde berg te ry nie. En dit is so naby jou
kinders het nie nodig om al om en om ‘n bloekomboom te
loop terwyl jy padkos eet nie. Maar ek moes leer dat daar

OOR DIE BERG………
‘n rede is vir alles. Sekere goed verander wel. Maar as jy
kamp en wil rus en vakansiehou, is daar sekere goed wat
nooit verander nie.
Die goed wat verander. By ons het net 2 goed wel
verander. Die eerste is die uitvindsel wat mens ‘n selfoon
noem. Want nou ry jy al en dan is jy nog steeds besig met
hom of met iemand op hom. Jou kinders is ook heeltyd
besig op dit. Wanneer mense saam kuier kan hulle net 2
grappies vertel en siedaar – daar kom die selfone uit. En
daar word gekyk na snaakse videos. SOO – die oplossing
is, pak hom so gou as moontlik weg. Tensy jy iemand
moet bel omdat jy in die nood is. Die tweede ding wat vir
ons verander het, is die vrees vir die berg het verdwyn. Of
dit nou reën en of dit nou mistige weer is, vat jou tyd, en
voor jy sien is jy oor die berg.
Die goed wat nie verander nie. As jy lekker wil kamp, is
daar egter 4 goed wat nooit verander nie. Die eerste is,
as jy wegtrek by die huis met die kampwa of karavaan, is
jy met vakansie. Of dit nou net ‘n naweek is of ‘n week of
langer. Of jy net 10km ry voordat jy opslaan of 100km.
As jy wegtrek, is jy met vakansie.
Die tweede is, as jy wil gaan kamp en rus, is dit soos ‘n
gekookte hoendereier. Hy moet eers ‘n entjie ry voordat
jy hom eet. Dan is hy op se lekkerste. Net so met die
kampery. Jy moet ‘n entjie ry. Die pad maak jou rustig en
laat jou vergeet van wat agter is.
‘n Derde ding wat ek agtergekom het is dat dit wat my
gepla het nou weer my kinders pla. Jy moet stop en
padkos eet. Hier is ongelukkig nie genoeg bloekombome
of kameeldoringbome vir my kinders waarom hulle kan
loop terwyl ons koffie maak en ‘n broodjie eet nie, maar
dan moet hulle maar om ‘n basboom loop. Die in die
rondte loop doen hulle tog seker goed.
En die laaste is dat dit goed is as jou omgewing verander.
Die lugdruk moet verander. As jy wil rus moet dit waar jy
jou kamp opslaan anders wees as dit waar jy elke dag
bly. Die omgewing moet anders wees en dit waarmee jy
jou besig hou moet anders wees. Dan kan jy lekker kamp
en rus.
Storie verteller: Peet Louw

Het jy 'n storie wat jy met ons wil deel?
Stuur jou epos na
tydskrif@lekkerkampplekke.co.za
Gratis
Toep/App