Kamp is Lekker November 2018 Tydskrif

Matroosberg
se koue skrik nie
ons Kampeerders
af nie.
Ouma Kitty sorg vir
LekkeR Koffie by
Die PLAASKOMBUIS
Bonus 101
L e k k e r r e s e p t e
LOERIESFONTEIN
hou BAZAAR en ons is daar!

`n tentjie in die
TANKWA
“Die stilte en die sterre oorweldig jou
met `n gevoel van nederigheid!”
As jy die Tankwa Karoo wil aanpak,
moet jy jou regmaak vir drie dinge:
Grondpad – met baie (en erge) sinkplaat en klippe,
sterre – soos jy nog nooit gesien het nie,
en stiltes wat jou kan oorweldig!
Woorde & Foto’s: PIERRE LABUSCHAGNE

Die sinkplaat en los klippe is geredelik hanteerbaar,
want jy blaas jou bande af tot so op 1.8 bar. Jy wil
steeds die sye (sidewalls) van jou bande beskerm, so
1.8 bar, wat +- 20% minder as die normale banddruk
is, sal voldoende wees. Dan hou jy jou spoed op
80km/h! Niks vinniger nie! Wees geduldig, want die
reis soontoe is deel van die uitstappie! Hoe meer
haas, hoe minder spoed - en jy mis baie!
VOLMOERSFONTEIN op sy beste: Skemer met `n vuurtjie wat brand, `n
Brandwatertjie vir die “sundowner” en jakkalse wat die jong aand groet met hulle
kinderlike getjank! Ek wil daar wees! Nou…!

Sorg daat jy voor sonsopkoms uit die vere is! Jy kan bederf word met `n skouspel soos hierdie!
Om volmaan oor die Tankwa te kry is soos om
goeie, volroom Italiaanse roomys te kry, en dan met
regte-egte Switserse sjololadesous bo-oor! Dis `n
wenresep! Kyk na die maankalender en bespreek jou
plekkie in die Tankwa Karoo Nasionale Park met
volmaan! Dit voel daar met volmaan of mens op `n
ander planeet is! Rêrig!

Moet nooit dink – óf
sê: “Maar daar is
dan niks daar,” nie.
Dit hang alles af van
hoe jy kyk!

Hours: Open ⋅ Closes 4:30PM
Phone: 027 341 1927
https://www.sanparks.org/parks
/tankwa/
GPS Waypoints
Roodewerf Office:
S 32° 14’ 27.9”
E 20° 5’ 44.5”

101
LekkeR RESEPTE
ALLES WAT
JY MET
HOENDERS
KAN MAAK
EK KRY SOMMER HOEDERVLEIS AS DEUR DIE BOEK LEES
G R A T I S R E S E P T E B O E K

LOERIESFONTEIN
hou BAZAAR
en ons is daar!
Foto’s & woorde: HENRY JONKER
VRYDAG
E
inde verlede week skiet ek gou na Jacques op
die plaas, buite Wellington, en terwyl ons om
die tafel sit en ʼn koppie koffie geniet gesels ons
oor die vorige naweek se kuier in
Loeriesfontein en wat ʼn puik
naweek dit was vir almal betrokke.
Soos altyd het ons net ʼn halwe rede
nodig om in die pad te val – dus toe
Frans met die uitnodiging kom dat
ons by hulle in die Hantam op die
plaas moet kom kuier tydens
Loeriesfontein se bekende kerk
basaar was die koeël reeds deur die kerk.
Ons span vir die 4 dae (21 – 24 September) uitstappie
was soos volg:
Groenewald’s (Jacques, Carlize & Rialé)
Laas’e (Paul, Marina, Munnik & Streicher)
Hugo’s (Lourens, Mariette, Josua & Loumari)
Laubscher’s (Frans & Lunay)
Jonker’s (ek, Marli, Jean & Lian)
Vrydagaand so net na 8pm ry ons die stil, verlate
Loeriesfontein binne.
Eerste ding wat my tref is hoe skoon die strate is.
Nêrens is ʼn siel te sien nie en as jy nie vir my gesê het
daar was die volgende dag ʼn groot basaar op die
dorp nie, sou ek dit wraggies nie geglo het nie. Verby
die kerk (regs) draai ons links op die Brandvlei pad
terwyl Loeriesfontein se paar liggies agter ons weg
raak.
17km verder kom Frans op die VHF radio en vra of
dit ons ligte is wat oor die koppie kom. Hy en Jacques
ontmoet ons by die hek en blad word geskud. Die
opwinding lê vlak tussen die twee manne, en mens
kan sien die knape is sommer lus vir ʼn
groot naweek.
By die vurk draai ons regs en ry verby die
bordjie Spitzbergvlei. ʼn Km verder stop
ons langs die ry Toyota bakkies op die
werf.
Die vure brand hoog en elke man is
gewapen met ʼn glas “rustigheid” van sy
keuse. Die vrouens is doenig êrens in die
plaashuis en die kinders is die vlaktes vol.
Terwyl daar om die vuur gekuier word vertel Conrad
(Frans se broer, asook die eienaar van die plaas) van
die droogte wat hul die laaste paar jare ondervind
het in die distrik en hoe jakkals se kind hul gereeld
groot skade maak.
Een ding is verseker hier sit ʼn boer & ʼn jakkals nie om
dieselfde vuur nie – groter aardsvyande sal jy nie kry
nie.
SATERDAG
Saterdagoggend en daar is sommer vroeg lewe in die
plaashuis. Al die mans & seuns het sommer in die sit
& eetkamer tuiste gemaak vir die naweek.
Uiteindelik is die hele spannetjie reg en aan die
beweeg terug Loeriesfontein toe. Vandag is die groot
basaar en almal is reg vir die “ding”.

Soos ons die dorp binnekom word jy oorval met die
reuk van braaivleis en sosaties. Lunay kry vir ons
vinnig ʼn tafel onder een van die groot weermag
tente, terwyl daar nog plek is.
Die kerksaal is vol met tafels met enige iets van
koeke, vleis, speelgoed, beskuit … amper enige iets
waaraan jy kan dink.
9am word die basaar offisieel oop gemaak deur die
dominee en in ʼn oogwink is die saal stam vol mense.
Die atmosfeer is geselling en die skaap sjops &
sosaties is iets uit ʼn ander klas, maar wat my die
meeste beïndruk van hierdie Hantam dorpie en sy
mense is die gemeenskaplike respek onder mekaar –
wit, nie-blank, boer, werker…maak nie saak wie of
wat jy is nie.
Droogte ken geen kleur of ras nie. Dit affekteer almal
en almal kry swaar, en dit is dan wanneer ʼn
gemeentskap & sy kerk mekaar nodig het om deur
sulke moeilike tye te kom.
SONDAG
Sondagoggend en die spannetjie staan effe
swaarder op. Vandag is ʼn groot dag in die
Laubscher’s se familie. Oom Dirkie (Conrad & Frans
se pa) is 80 vandag en die familie kom kuier op die
plaas om die ongelooflike gebeurtenis te vier.
Laat middag en ons is terug op die plaas. ʼn Staanrib
kry sy plek langs die vuur terwyl daar oor die dag se
basaar gesels word.
ʼn Skaapboud & sterte pot + ʼn hoender pot word
onder wakende oë gemaak terwyl die jong span vir
die oom verjaarsdag kaartjies teken/skryf.
Die aand word afgesluit met Jacques se swart pot
skuifies op die vuur wat altyd ʼn wenner is onder die
kinders en ook as jy die heeldag jouself ooreet het
aan skaap sjops & sosaties en jy net iets anders as
vleis soek haha.
Laat middag en almal kan skaars beweeg soos daar
geëet was. Die dag se hitte lê nog vlak en Conrad stel
voor dat hy ons bietjie die plaas gaan wys en dan kan
ons sommer in een van die plaasdamme gaan swem.
Skaars ʼn paar minute van die plaas en Lian se ligte is
uit. Dink die vars lig agter op die bakkie en die

aanhoudende geveg met wie voor teen die tralies
moet staan het sy ligte geknip haha.
Die veld is bedek met veldblomme en die broers
vertel staaltjies van hoe hul skaap gewerk het op die
plaas toe hulle nog jong latte was.
Jean word so effe teen sy wil die damn aangehelp –
mens kan nie al die moeite doen om jou swembroek
aan te trek en as jy dan voel die water is effe te koud
dan ontrek van operasie Dam Swem nie…duh, dit
werk nie so nie. In so geval, moet ʼn jong man effens
gehelp word met sy keuse en uitvoering daarvan.
Arme knapie se oë was groter as pierings toe hy sy
kop uit die water druk haha.
Terug by die plaas en die vure word weer lewe gegee
met groot Kameeldoring hout. Die middag se potte
word weer warm gemaak vir die siele wat nog kos
oor die lippe kon kry (meestal net die mans gewees).
Die bakkie kom tot stilstand by ʼn sementdam – die
manne is maar huiwerig oor die swem-ding, maar ek
en ou Laas besluit ons het mos hiernatoe gekom met
ʼn doel so die water moet maar getoets word.
Skaars het ek die water getref en my liggaam gaan in
skok en angs van koue. Ek wil omroep skreeu vir
hulp, maar toe kom Laas se skrale 100kg+ lyfie oor
die sement wal en toe moes ek net keer om nie te
versuip nie.
Ja, dit was mos nou ʼn verdomde puik idee hierdie
manne…k@k man!
MAANDAG
Maandagoggend en dit is tyd om die lang pad terug
huis toe aan te pak. Die families word eers gegroet
op die dorp voor daar by die bekende Fred Turner
Windpomp museum gestop word wat spog met 30
verskillende windpompe.
Groepsdruk is soms ʼn wonderlike ding, en skaars
paar minute later na my amper verdrinking met Laas
se induik in die dam toe is al die manne in die dam.
So 7km voor Nieuwoudtville op die R357 stop ons by
die Nieuwoudtville Waterval Reservaat vir ʼn paar
foto’s. Die seuns is sommer klaar woelig so die stop
kom net betyds anders was daar dalk moord in die
voertuig.
ʼn Laaste stop word by Klaver gemaak vir petrol &
diesel voor daar aangestoot is huis (Wellington
/Franshoek) toe.

Koop die
CAMP&CARAVAN boek
en
WEN
Om in te skryf gebruik die
Lekker Kampplekke QR

“Sy kyk nie eers na my uitgesteekte hand nie,
en gryp en omhels my met `n hartlike en warm
hug, en ek besef terstond: “boetie, hier kan jy
maar jou stadsgeit los en menswees…!”
WESKUS
QUARRY
wen ons harte
Ek het `n afspraak met Albert en Carol Burger. Ek kom
op ons afgespreekte tyd en plek by hulle aan op die plaas
Steenbokfontein Seeplaas net buite Lambertsbaai. Soos `n
oordentlike man wat nuwe mense vir die eerste keer
ontmoet, steek ek my hand uit na Carol om haar met `n
stewige handruk te begroet. Sy kyk nie eers na my
uitgesteekte hand nie, en gryp en omhels my met `n hartlike
en warm hug, en ek besef terstond: “boetie, hier kan jy maar
jou stadsgeit los en menswees…!” Dié mense is van die
Weskus! Warm, ontvanklik, vriendelik en opreg! Ek voel
onmiddelik tuis!
Foto’s & Woorde: PIERRE LABUSCHAGNE
1
Weskus Quarry - kampplek
Wat `n unieke plek is die stukkie wêreld wat hier voor
my omvou nie! Die Weskus in die omgewing van
Lambertsbaai is maar oor die algemeen redelik plat, en op
Steenboksfontein is daar `n paar Tafelberg-sandsteen
formasies. Dit gee so bietjie hoogte, en die Burgers het dit
slim gebruik om `n LekkeR Kampplekkie hier in te rig! Die
Engelse praat van “rustic”, en dis presies wat jy hier gaan
kry: luuksheid met `n rustic gevoel! Daar is `n baie goed en
volledig ingerigte kombuis, en pragtige ablusiegeriewe:
twee toilette en twee storte – alles sommer so ingebou en
deel van die quarry se rotswande – net wat mens nodig het
vir gerief en gemaklikheid, maar jy behou steeds die gevoel
van “aardsheid”.
Oomblikke later word ek ingenooi met die keurigste kaasplatter
– Bettie Bok se kaas, se Carol vir my - en `n bottel
plaaslike witwyn om myself gemaklik te maak en myself in
te Burger! Ek moes die kaas en wyn eers laat staan, want die
lig was perfek vir mooi foto’s met `n goue son wat vinnig
oor die see sak in die Weste!

Twee permantent opgeslaande tente is die slaapplek.
Elke tent het twee kampbeddens in met matrasse en
beddegoed. Daar is wel ligte in die tente, maar geen
kragproppe, wat mens in elk geval nie nodig het nie. Die
gedagte wat ek gekry het by die tente, is dat dit eg weskus
is, kompleet met visnette as skadunet en dit lyk of die tentjie
langs die see regstaan vir enige visserman of surfer – ewe
luuks! Dit pas perfek in by die omgewing! Elke tent is
opgeslaan op `n sementblad en daar is genoeg ruimte op `n
lekker kuierstoep, met vuurmaakplek. Weskus Quarry is
volledig selfsorg, en jy bring net jou eie braaigoed – wat hout
insluit – en drinkgoed. In die kombuis is alles wat jy nodig
het vir ekstra voorbereiding van jou kos, en wat-ookal…
Van `n mikrogolf en ketel tot `n yskas. Jy hoef nie eers jou
eie messegoed te bring nie. Alles is daar!
Die quarry se klipmuur maak netjies deel uit van die
ablussie en kombuis, en alles wat jy nodig het is daar.
Jy hoef nie eers jou eie handoeke te bring nie! Daar is
`n gasgeyser wat die badkamer en kombuis deel vir
warmwater.
Die lekker is dat die kampplek naby aan Lambertsbaai self
is. Mens sien die liggies in die aand. `n Skamele 10 of 15
minute se ry, so as jy in die knyp is met iets wat jy by die
huis vergeet het, is dit `n maklike uitweg om gou te ry (nou
nie dat jy wíl nie, maar mamma spreek dalk net die woord –
of jy kry sommer net ‘die oog’ by die baas).

Vir groter groepe wat wil kom saam kuier, het Albert ook
goed voorsiening gemaak vir `n gemeenskaplike braaiplek, of
sommer net `n lekker bon-vuur! Ek kan die atmosfeer aanvoel
en sien dit in my geestesoog, as `n lekker groot vuur se goue
lig teen die rotswande rondom jou weerkaats…
2
Grotte en rotstekeninge
Steenbokfontein is `n baie geskiedkundige stuk grond
wanneer dit by die Khoi-San mense kom. Die grotte hier hou
diep geheime opgesluit, en wag om verken te word. Vanuit
die uitgrawings wat tot dusver gedoen is, beraam die
wetenskaplikes en argeoloë dat dit tot soveel as 8500 jaar
gelede bewoon was. Volgens oorlewering het selfs Simon
van der Stel ook oppad na Nababeep se kopermyne met sy
ossewa hier vertoef in die groot grot – vandaar die naam:
“Simon se Klip”.

My voorstel is om met `n piekniekmanjie of `n rugsak vol
snoepgoed en LekkeR Koffie tyd by en om die grotte te kom
spandeer. Loop om die groot “Simon se Klip” en klouter
hom sommer uit tot heel bo-op, want die uitsig is besonders!
Spandeer genoeg tyd hier om die gevoel van die verlede in
jou binneste te begin kry. As dit te warm is, bied die grotte
self
3
genoeg koelte en skaduwee!
Plaaskombuis - eetplek
Wees gewaarsku! Gun jouself genoeg tyd as jy vir
Ouma Kitty Burger ontmoet! Jy gaan na stories luister
van en oor die plaas en sy mense wat jy nie sal glo nie!
Die plaaskombuis is die oorspronklike plaashuis wat
nou al 28 jaar lank in die bekwame hande van
Ouma Kitty omskep en bedryf word as `n kombuis!
Die stories rondom die skip wat voor op die rotse
vergaan het, maak `n groot deel uit van haar vertellinge. Haar
Majesteit se Skip (HMS), die SYBILLE het hier vergaan vroeg
in die vorige eeu, en al die drama met die storm en gebeure
rondom dit word met groot detail vertel.
My afspraak met Ouma Kitty was 10h00. Ek besluit
om `n uur vroeër te gaan, om solank `n paar “steelkiekies”
te gaan maak voor die tyd. Ek lê plat op my maag op die
gras om die Plaaskombuis mooi in die foto te kry, en hier
kom `n deftige dame aangestap. “Kitty Burger”, stel sy
haarself voor en ek vlieg op om terug te groet, en net daar
begin die kuier op die grasperk, reg voor die
Plaaskombuis! Twee koffies, twee varsgebakte scones en
drie ure later sou ek eers wegstap, met `n kop vol stories
en `n pak mosbeskuit in die hand! Wat `n heerlike oggend!
Hiermee saam is daar `n paar lekker spookstories wat loop!
Spoke het sy self nog nie gesien nie – en veral Ouma Betjie wat
steeds in die kombuis self rondloop, is een van die gunstelinge.
Gaan luister maar self!
Amper die lekkerste om na te luister is al die snaakse – en soms
komiese – wedervaringe met al die gaste wat die plaas besoek,
én werkers wat op die plaas self werk en wat hulle eie stories na
haar toe bring, en waarvan sy graag vertel met `n onskuldige,
stoute vloekwoord hier en daar tussen-in! Dit was `n plesier om
na alles te sit en luister!

4 Wynproe
Ek self woon in die hartjie van die wynland en ek
het hier in die Weskus iets ervaar wat ek nog nooit van
tevore geproe of beleef het nie. Dit was `n wynproe in `n
totaal ander klas. Ons twee bitter bekwame, en uiters
professionele gasvroue het ons vermaak met top wyn en kos.
Hulle het dit so keurig gekombineer en verduidelik dat wyn
en kos amper nooit weer vir my dieselfde sal wees nie.
Ons is met drie
wyne en drie
geregte
getrakteer met
verskillende
kombinasies wat
met ons
smaakknoppies
getoor het. Ons
oë het gerek, en
ons was
aangenaam
verras met al die
verskillende
geure en smake
wat voortgebring
is.
Hierdie is `n
absolute “MOET
DOEN” op jou
lyse van dinge
om te doen as jy
hier kom kamp!
INLAS: Die twee dames wat met ons
smaakknoppies getoor het:
Regs: Nelda van Zyl, ons wyngids,
met onder andere niks minder as 20
jaar se wyn-ervaring en wat op
Internasionale waters en wyne in en
om Europa en Amerika ook hiermee
doenig was. Sy is ook `n wyndosent,
en sy weet waarvan sy praat as dit by
`n Cabernet’tjie of `n Pinotage’ie
kom!
Links is Bertina Engelbrecht wat
onder andere al by Disney’s
California Grill in Orlando, Florida
gewerk het. Haar opleiding as sjef
het sy gedoen deur die Protea
Hotelgroep. Jy kan dit in haar
voorbereiding en aanbieding sien én
proe! Sy ken van kos!

In samewerking met Nelda en die
High Tide Restaurant, kan besoekers
hierdie wynproe doen, en glo my vry…
ek kan dit nie meer aanbeveel as met
my blote belofte hier, dat dit iets is wat
ek glo elkeen maar kan doen nie! Dit
was `n belewenis… Maak dit beslis
deel van jou program as jy
Stenbokfontein besoek met `n
LekkeRKamp by die Weskus Quarry.
Besprekings hiervoor kan deur Carol
Burger gedoen word met die
besonderhede wat hieronder volg.
LekkeRKampplekke sê…
`n Moontlike LekkeRKamp naweekprogram as iemand by Weskus Quarry kamp kan so lyk :
Vrydag : Aankoms – Skrop nes en boek vooraf `n plekkie by die Plaaskombuis vir `n
boerekos ervaring! Kom honger- lus vir LekkeR kos en LekkeR stories saam met Ouma Kitta
Burger- `n “must-do”! Dis nou as jy nie self wil braai nie, wat plan-B is.
Saterdag : Oggend – Pak `n rugsak of `n pieknietmandjie en suiker af grotte toe. Hou
genoeg tyd uit om ‘Simon se Klip’ te gaan verken met al die hoekies en gaatjies en grotte én om
piekniek te hou. Daar is ook trekkerritte beskikbaar – op bespreking en afspraak met oom Herman
Burger (Tannie Kitta se man). Hy neem jou grotte toe en ry om die klip met `n trekker en sleepwa!
Middag - `n Middag snoozie.
Aand – Bespreek deur Carol `n plek vir die wynproe! Nog `n “must do”! Jy sal nie spyt wees nie, plus jy sal totaal anders gekultiveerd daar
uitstap! (Nie gekoring nie… Gekultiveerd!) Nelda van Zyl sal jou help hiermee…
Sondag : Vertrek soos en waanneer dit gerieflik en gemaklik is. Onthou, dis maar 3 ure uit die Kaap uit… Moenie haastig wees nie.
2
1
Dit was heerlik om by die Quarry aan te kom net met my eie eetgoed en drankies en klere! Alles verder was daar, behalwe dat ek
twee oordentlike sakke Namibiese hardehout vuurmaakgoed saamgeneem het. Bring maar hiervan ook jou eie.
3
Carol sê sy sal pasmaak pakette uitwerk om by alles te kan uitkom in die program, so `n mens kan vooraf bespreek en betaal.
4
Onthou die Weskus het besige en stiller seisoene! Blommetjies-tyd is baie besig! Besprekings is dan essensieël! Dit geld vir Quarry
se tente ook! Moenie teleurgesteld omdraai by `n vol kampplek nie, want daar is slegs twee tente!
5
6
Weskus Quarry is selfsorg. Die kombuis en ablusie moet met die ander tent se mense gedeel word, maar by die meeste van ons
kampplekke werk dit in elk geval dieselfde. Dis niks vreemd om met medekampers te deel nie. As jy nie gelukkig is met hierdie
reëlings nie, is die Burgers ontvanklik vir `n omkoop voorstel. Onthou, dis hulle brood en botter, so dis hulle inkomste wat halveer
as jy nie bereid is om te deel nie. Kom met billike voorstelle hoe jy kan kompenseer!
LekkeRKampplekke sê weereens dankie! Ek het `n onvergeetlike naweek met die Burgers se gasvryheid en warm vriendelikheid
gehad! Carol en Albert is `n gasvrou en gasheer duisend! Ons hoogste waardering vir `n heerlike naweek saam op Steenbokfontein
in die Quarry!
Kontakbesonderhede:
ALBERT BURGER :
083 702 1414
albert@uniekum.co.za
CAROL BURGER :
083 458 1575
carol@mtnloaded.co.za

MATROOSBERG
Privaat Natuurreservaat
KOUD EN NAT
“Ten spyte van die koue weer, het ons tóg besluit
om ons goedjies te pak vir `n kamp by Matroosberg
Privaat Natuurreservaat vir die naweek.”
Foto’s & Woorde: MINOUW COETZEE

D
ie kampeer-area is baie ruim met genoeg bome
wat lekker skaduwee gee. Tog is dit dalk meer
`n winter kampplek omdat mense graag
hierheen kom in die winter vir die sneeu. In die
somer egter, is daar ook meer as genoeg om te doen: Stap,
4x4-roetes en swemgate en poele is maar `n paar
aktiwiteite vir die hele gesin.
Teen Saterdag-oggend toe ons ontwaak, het dit al begin
reën. Die weervoorspelling was akkuraat hiermee, en ons
het dit verwag, en met `n koeligheid wat byt, het onder die
kampafdakkie van die Fortuner ons ontbyt gemaak.
Ons het die Vrydag-aand gearriveer, en die weer was toe
nog perfek met geen wind nie. Ons kon gemaklik ons
kampplek opslaan en die dag afsluit met `n lekker braai.
Heel op ons gemak was ons toe nog onbewus van die
storm wat oppad was.
Dinge het begin interessant raak toe ons wou gereed maak
vir ons 4x4-roete teen die Matroosberg-uit. Terwyl ons
ontbyt gemaak het, het ek die Fortuner se sleutel in die
messegoedmandjie gesit (dit was ons afgespreekte
bêreplek vir die sleutel), maar ek het nagelaat om dit in die
kantsakkie te sit (soos ons afgespreek het). Die gevolg was
dat ons in die giettende reën die tent drie maal op-en-af
moes slaan, opsoek na die sleutels! Ons moes die hele
voertuig ook driemaal uitpak en oorpak. Simon het my
belowe dat hy in die afgespreekte manjie gekyk het vir die
sleutels, maar na 45 minute het ek besluit om net wéér
seker te maak. éVoilaaa - In een van die kantsakkies kry ek
toe die sleutel uiteindelik. Deurnat tot in ons onderklere,
kon ons maar net lag hieroor, en uiteindelik ná die hele
petalje kon ons toe darem klaarmaak om die 4x4-roete
aan te pak.
Teen dié tyd het die sluise van die hemele begin oopmaak,
en deur alles het ek op die harde manier geleer om seker
te maak dat die sleutels wél op die afgespreekte plek
gebêre word! Sopnat en deurdrenk het ek die foto’s van
ons roete geneem, en my vertroosting was `n droeë pakkie
koekies. Die rit was asemrowend, en die reën en nat
toestande van die 4x4-pad het gesorg vir genoeg
opwinding.

D
ie middag het ons besluit om eerder terug
huistoe te draai, as om weer ons kampplek in te
rig vir nog `n nat nag, want alles was deurnat –
van die kampstoele tot ons slaapsakke. Ek het
ook my les geleer deur my eie nalatigheid, want deur my
eie toedoen met die in-en-uit pakkery, opsoek na die
sleutel, het alles so nat geword.
Sondag, terug by die huis, moes ons weer die tent
oopmaak om droog te word, en na `n uur of wat, het ek
besluit om te gaan verneem waarmee Simon besig is. Soos
`n wafferse kamper, het hy begin werskaf aan ons
laaistelsel in die voertuig, en tussen alles deur het hy al die
toerusting sommer terselfdertyd geherorganiseer. “Who’s
the man!”… Hy het `n koue enetjie verdien, en ek het hom
beloon met een!
“Sopnat en deurdrenk het ek die foto’s van ons roete geneem, en my
vertroosting was `n droeë pakkie koekies. Die rit was asemrowend,
en die reën en nat toestande van die 4x4 pad het gesorg vir genoeg
opwinding.”
“Ons sal verseker binnekort weer na Matroosberg moet terugkeer, en ek sal beslis dié keer seker
maak dat alles op hulle regte plek gebêre is – soos ons afgespreek het!”
Kamp is Lekker sê: DIS MOS WARE KAMPERS! Koud en nat, maar LekkeR!

Powered by TCPDF (www.tcpdf.org)

R3150
Beskikbaar by www.lekkerkampplekke.co.za

Die KAAP VAKANSIESKOU
was `n wenner!
E
“ k stap met groot verwagting by díe jaar se
vakansieskou se hekke in, en nodeloos om te sê dat ek
geensins teleurgesteld was nie! Daar was iets van
alles, en vir elkeen se sak (en beursie)! Van die mees luukse
reiswaens en 4-trek sleepwaes tot `n bekostigbare byl – en
`n bier!”
H
eel eerste sê ons graag namens al die uitstallers
dankie aan die organiseerder van die skou met
sy span: Kevin Kennedy! Hy en sy span het gesorg vir al die
reëlings en dat dinge glad verloop! Dit het, want dit was `n
uitmuntende vakansieskou! Ons opregte waardering
hiervoor!
L
ekker Kampplekke se splinternuwe kampboek:
Camp & Caravan, het baie goeie aftrek gekry, en
het baie belangstelling gelok! Dis `n kamper se droomboek
om te hê, en die boek is steeds beskikbaar by plaaslike
boekwinkels. Doen gerus navraag of kontak sommer Lekker
Kampplekke direk via die webwerf. Rikus sal jou graag
hiermee bystaan!
MAPSTUDIO, in samewerking met Lekker Kampplekke, se
nuutste bekendstelling: Camp&Caravan is `n moethê
boek vir elke kamper!

E
k het die idee gekry van `n groot genoeg
verskeidenheid en bekostigbaarheid! Daar was
duur kampwaens en luukshede wat ek graag wou hê. Maar
wat tans buite bereik is. Tog was daa genoeg lekker kampgoed
wat ek kon bekostig soos byvoorbeeld Smartstraps. Dit het nie
kos nie `n arm en `n been gekos nie, en tog is dit `n baie
handige stukkie toerusting om te hê. Hier was iets van alles
vir almal en teen billike skoupryse!
Iets vir almal, en almal se sak – en oog!
D
ie algemene gevoel van die uitstallers was
positief. Ons staan in geweldige uidagende tye
wat finansies betref, en dis nie vir almal beskore om geld op
luukshede te spandeer nie, maar as die uitstallers positief was
oor die blootstelling en navraag wat hulle gekry het, was die
skou suksesvol. Dis dalk nie die plek om jou geld te kom
uithaal nie, maar as jy `n verskaffer dan gan besoek met die
nodige beursie, was die kontak die moeite werd!
D
is ook lekker om produkte op gelyke voet te kan
vergelyk. Mens het nie altyd die geleentheid om
van een produk oor te stap na `n volgende een om die
spreekwoordelike “appels met appels” te vergelyk nie, en dis
dan makliker om `n objektiewe keuse te kan maak!
A
lmal het maar gesweet op die warm dae, maar
immers was daar genoeg om te drink en te eet,
en die kinders het vermaak gehad. Mens het vinnig die gevoel
van feestelikheid gekry met al die lekker geure en kleure. Dan
raak dit lekker om rond te stap by `n skou, want almal is
gelukkig met wat alles gebied word!

M
aak seker jy kom by volgende jaar se skou!
Gebruik ook die inligting hier om seker te maak
jy kom by die verskaffer uit in wie se produkte jy belang gestel
het.
Hier is nog `n paar uiratallers se Lekker Kampprodukte wat
aandag getrek het:

2 0 1 8
K a a p
V a k a n s i e s k o u

AHA
ATKV
Auto X
Bathroom Travel Buddy
Big Bites
Blue Rhino Tours
Braai Guys
Break Free
Bush Lapa
Bushwakka
Business Palace
Camp and Climb
CampMaster
CamProducts
Cape Nature
Cape Town Tourism
Cape Winelands
Caravanparks.com
Ceres Zipline
Go Facet
GoMad 4x4
Graze Kitchen
Hansen Products
Home Builds
Howzat Seat
iKamper/Think360
Infanta 4x4
Invader Off Road Campers
Ishushu
iTouch
JC Entertainment
kampmal
Kouga LTO
Kubu4x4 Trailer Rentals
Kudu Inn - Kudu Burgers
KZN Sharks Board
KZN Wildlife
Ons sien julle weer
Kaap Vakansieskou
25 -27 Oktober 2019

Adventures
Chasing the Bean
Classic Arts
Coast & Country Leisure
Conqueror
Crispy Gypsy
Destination Swakopmund
Dream Holiday Club
Eco 4x4 Africa
Eco X Gear
Elektori Imports
EPA INDUSTRIES
Ethunga Tentmaker
Ford Stellenbosch
Gecko Offroad
George Tourism
Langson Phiri
Las Paletas
Lekkerkampplekke
Lemon Offroad/Imagine
Trailvan
Madkon
Masala Cafe
Maxmo
Medicus Shoes
Mega Wearhouse
Atlasware
Mellewtrix
Mobi lodge
Mobile Coffee Café
Motorhome World
Mount Cedar
Northern Cape
Ons sien julle weer
Kaap Vakansieskou
25 -27 Oktober 2019

Oscar 5 Vetkoek Den
Oudtshoorn en de Rust
Tourism
Oystercatcher Trail
Pearce chip ‘n dip
Peelaways
Perdeberg Isuzu
Persian Imporium
Piroschkas Kitchen –
Flaamse kos
Pitmasters – Pulled pork
Redback & Mongrel Boots
RLD Design
Safari Campers
Saint Mary’s Chip stix –
Chip stix
Saldanha Tourism
SBK Eyewear
Shorty's Adventures
SmartStraps
Sonbrille
Stellenbosch Tourism
Swissmate
The Dunes
The Hêppie chef –
Gourmet broodjies
Tokkies Travel/Activities
Namibia
Tracks 4 Africa
Trailer Cuff
Truck with a Twist
Twofoodfundies
Waterbuggy
West Coast Way
Wild Camp Cleaners
Wild Coast
Holiday/Umngazi
Windirect NSRI
WM treats –
wraps/steak/wors/chips
Yummies fast Food
Zee Trix
Zulu Overland
Kaap Vakansieskou
25 -27 Oktober 2019

Powered by TCPDF (www.tcpdf.org)

Powered by TCPDF (www.tcpdf.org)

BLIKBEKER
KOFFIE
Koffie met houding
KOOP
BLIKBEKER KOFFIE kom uit die hartjie
van Montagu, wat met 'n innoverende
lug-rooster metode en top gehalte
Arabica bone ‘n suiwer geurige koffie
produseer met ‘n heerlike aroma.
Ons nuwe produkte is die Lekker
Kampplekke Blikbeker koffie en die
Coffee Angels, dit is ‘n weggooi koffie
filter wat ideaal is vir langs die kamp
vuur! Perfek vir enige kamp of toer,
kompak en eenvoudig om te gebruik,
dis die gemak om gehalte filter koffie te
hê sonder pakkerasies en moeite, en
verpak in individuele pakkies vir
varsheid!.

SCHOEMANSHOF
Potchefstroom (25km) Noord-Wes
OORSIG
Kamp Staanplekke; 1 Slegs
groepbesprekings
Persone Per Staanplek; Maks. 17
persone
Troeteldiervriendelik; Nee
Visvang; Ja – rivier
Swemplek; Geen
Grondbedekking; Gras
Skaduwee; Ja
Toeganklikheid; Grondpad
Selfoon Ontvangs; Ja
TokkelosBos is ‘n luukse boskamp
met 2 ruim familie badkamers, elkeen
met ‘n stort, toilet en wasbak. Die
kamp word as geheel verhuur aan 1
groep vriende of familie op ‘n slag.
Die kamp kan maksimum 17
kampeerders op ‘n slag
akkommodeer. Daar is nie elektrisiteit
nie, maar ‘n sonpaneel verskaf lig vir
die badkamers en daar is ‘n gas
geyser vir warm water.
BESKRYWING
Kontak persoon Hesme Schoeman
Epos: info@schoemanshof.co.za

K L I K
MOBIELE Kampkroeg
Die kroeg kan opvou en aan enige platform
heg soos jou bakkie, karavaan of 'n muur
teen die huis. Dit vou op en weeg skaars
3kg en vat tot 6 glase, shooters,
drankbottels, 'n ys cooler, tafel,
botteloopmaker en baie meer.
E-pos info@letsgohunting.co.za
of whatsapp 0721413158.

FLAT CAT AKKOMMODASIE
SODWANA BAAI 5km KwaZulu-Natal
OORSIG
Kamp Staanplekke 14
Persone Per Staanplek 4 max 6
Troeteldiervriendelik Nee
Visvang Ja – see
Swemplek Kouewater swembad
See
Grondbedeking Gras
Skaduwee Gedeeltelik
Toeganklikheid Teer
Selfoon Ontvangs Ja
Kontak persoon Rina Hoffmann
Kontak nommer 0832631587
info@flatcat.co.za
BESKRYWING
Flat Cat Akkommodasie is
gelee 5 km van Sodwana
strand en 600m van die hoof
Sodwana teerpad.
Netjies luukse en standaard
kamp staanplekke met
kragpunt, braai, grasperk,
baie skoon en netjies albusie
geriewe, swembad, sekuritiets
omheining. Selfsorg eenhede
ten volle toegerus met aircon
en DSTV en onder dak
parkering.

Ons waarborg die BESTE tariewe om
jou besigheid te adverteer.
Stuur n epos aan: tydskrif@lekkerkampplekke.co.za
Adverteer
Hier
Kamp Paklys
Gratis
Toep
2 0 2 1 0 0
C u s t o m e r s
P a g e V i e w s
3 6 9 7 6 V i e w s
1 5 9 0 0
L i k e s
3 , 1 8 4 , 3 8 5 o o r
f o l l o w e r s
( 5 8 5 5 7 )
P o s t r e a c h
1 2 m d e t y d p e r k
a a n l y n
D o w n l o a d s
( S e p t
W e b b l a d
t y d s k r i f
2 0 1 8 )
g e b r u i k e r s
5 1 2 , 6 5 3
9 1 % v a n o n s g e b r u i k e r s e n L e d e w o o n i n S u i d - A f r k a
Gegrond op statistiek en databasis van 300 000 plus lede
Jy is welkom om met ons kontak te maak om jou
kampverwante besigheid te adverteer.