Verkyker 1 2019

Koorkamp 2019
Die Oviekoorkamp het vanjaar oor
die naweek van 25 tot 27 Januarie
plaasgevind. Onder die vrolike gekwetter
van die voëltjies buite in
die natuur, het die koorlede en onnies
die kort roete aangepak na die
“Joy Unspeakable” – Kampterrein.
Die ure se swoeg en sweet kan
baie gou ‘n hoë vlak van moedeloosheid
teweeg bring onder
ons sangers, maar spanbou aktiwiteite
en swemsessies bring telkemale
nuwe moed en vuur onder
ons verenigde koorspannetjie.
Die asemrowende uitsig tydens
sonsopkoms het die Roodeplaatdam
in ‘n kragbron vir ons span
verander. Wat ‘n voorreg om deel te
wees, nie net van so ‘n mooi omgewing
nie, maar ‘n span wat op hierdie
manier tot nuwe hoogtes gelei is.
Die koorspan het onder die bekwame
leiding van mnre Attie Rossouw (ons
koorleier) en Ferdie Geyer (koorbegeleier)
nuwe liedere aangepak, bekendes
se stof afgeskud en weereens
besef hoeveel talent hierdie leiers vir
ons bied. Dr Marlene le Roux en mev
Janneke Lemke en die personeel van
die “Joy Unspeakable”-kampterrein
het ons tot in die grond toe bederf en
verseker dat ons 2019 se koorkamp
nie gou gaan vergeet nie! ‘n Spesiale
woord van dank aan mnr Daneel de
Beer wat die spreekwoordelike “ekstra
myl” gestap het om die atlete en mnr
en mej Ovie debutante veilig by
die kamp vir ons te besorg. Dit is ‘n
groot voorreg om deel te wees van
‘n uitstaande skool en so ‘n spesiale
koor wat gehore oral betower. Die
Oviekoor is slaggereed vir die jaar
wat voorlê en die woorde van Robin
Williams lê ons na aan die hart en
spreek presies uit oor hoe ons voel
oor die suiwer klanke wat ons gaan
lewer hierdie jaar: “You know what
music is? God’s little reminder that
there’s something else besides us in
this universe; harmonic connection
between all living beings, everywhere,
even the stars.”
Monique du Plessis
KOORKAMP 2019
KOMITEE GEE OM VIR ONNIES
VERKYKER 2017 2019 13
Uitgawe 21