DRAFNUUS DESEMBER 2015

VOLGENS BOBBY
MCGEE….
Lees meer...
CARBO =
TURBO ?
TREVOR , EDWARD
DIAN, KYLA ?
DIE HERE VRA
20-80
FOTOGRAAF, MA,
en ATLEET.
ONTMOET LOUISE
BEPLAN, BEPLAN!
Hier is 2016

VOORSITTER AAN DIE WOORD
2
‘n
LEEFWYSE
Ek is Kelvin van Wyk, en my
rol as landloop voorsitter is
om ten alle tye ons Afrigters
uit te help.
My doel is om 'n
positiewe gevoel by die
landloop
oefeninge te sit ,
sodat ons almal die oefening
kan geniet en soos 'n
familie voel wat almal lekker
saam kan lag, grappe
vertel, en ook dan oefen!
Ek wil graag baie goed
bereik in 2016 en dus het
ek vir myself 'n paar doelwitte
opgestel.
Eerstens wil ek graag hê dat
ons as 'n landloopspan dieselfde
geklee is by elke
byeenkoms, en dus het ek
al borge gaan kry en is hard
aan die werk om die plan te
realiseer! Ek wil graag hê
dat elke landloop atleet
voel asof ons almal 'n familie
is en ek wil nie hê enige
atleet moet bang wees om
oefening toe te kom nie, ek
wil die landloop tyd, 'n tyd
maak waar ons almal gemaklik
met mekaar kan
wees sodat ons kan voel
dat ons daar vir mekaar is ,
om mekaar te druk tot op
hoogtes wat ons nooit gedink
moontlik
kan wees nie en ook om elke
oefensessie en elke byeenkoms
saam te kan geniet
as 'n span!
Dan het ek ook persoonlike
doelwitte wat ek in 2016
GAAN bereik, en dit is om 'n
Goue medalje te verower by
interhoër, om 2 minute te
breek op 'n 800m, om vir my
2de keer Gauteng-Noord klere
te verower en om deel te gaan
neem by die SA Landloop
Kampioenskappe, en dan wil
my 4km Rekord verder breek!
Laastens wil ek julle los met 'n
gedagte, wat jou gaan help om
baie vêr te kom in die lewe!
Alles gaan oor gesindheid, as
jou gesindheid reg is hoe kan
jy verkeerd gaan? Die manier
hoe jy opdaag vir oefening, die
manier hoe jy jou wedloop
hardloop, wat jy vir jouself
sê terwyl jy besig is om te
oefen of om deel te neem!
Wat jy vir jouself sê die
laaste 100m van jou wedloop,
dit word alles bepaal
deur jou gesindheid! As jy
'n positiewe gesindheid het
gaan alles net beter in plek
val en mense gaan dit agterkom
in jou karakter, oor
wie jy is, jou trots , jou
gees , jou respek teenoor
jouself en jou naastes! As jy
by die oefening opdaag en
jy hoor wat jy die dag oefen
moet jy vir jouself sê jy’s lus
daarvoor , jy wil dit doen en
jy wil vir almal wys jy kan,
sal en gaan. Jou vermoë sê
vir jou wat jy kan doen, motivering
bepaal wat jy doen
en jou gesindheid bepaal
hoe goed jy dit doen! Jou
gesindheid is iets kleins
maar dit maak 'n groot verskil!
Skep en ontwikkel vir
jouself 'n gesindheid en
houding van dankbaarheid
en sê dankie vir die Here vir
alles wat met jou gebeur en
weet dat elke stap vorentoe
is 'n stap na die bereiking
van iets groter en beter
as die huidige situasie
waarin jy nou is!

PITKOS vir die SIEL
3
Besig, besiger, besigste!
deur Stephan Joubert
Dit het al ’n mode geword om te spog wie is die besigste. Hoe besiger jy is,
hoe belangriker is jy — of so iets. Wel, ’n hond wat ons jare gelede gehad
het was baie besig. Heeldag het hy homself stokflou rondom ’n paal
gehardloop. Die arme hond het egter niks vermag nie. Hy was net
dood–besig. Te laat het ek besef ek moes ons hond die bekende Pareto
beginsel leer.
Volgens hierdie beginsel, ook bekend as die 80–20 reël, vloei sowat 80%
goeie gevolge in die lewe voort uit slegs 20% van insette. Netsoos my gewese
hond, spandeer 80% mense helaas egter die meeste van hulle tyd aan net
20% goeie gevolge. Hulle doen dinge met gejaagde harte en nie vanuit ’n
diep innerlike oortuiging dat God hulle hiervoor geroep het nie. Ook wil hulle
alles vir almal wees, in plaas daarvan dat hulle voltyds daardie een of twee
unieke talente wat God aan hulle gegee het tot Sy eer uitleef. Eers wanneer
dit gebeur, wen daardie skaars 20–80 roete voor God. Dan eers raak mense
regtig effektief.
Besigwees, of minder besigwees(!), is nooit ’n doel opsigself nie. Die Here
vra om minder dinge meer effektief vir Hom te doen. Hy vra ’n 20–80 lewe!

BASIESE OEFENBEGINSELS
4
Volgens die internasionaal erkende afrigter Bobby McGee is dit noodsaaklik dat ‘n
geheel benadering gevolg moet word wanneer geoefen word. Dit gaan nie slegs om hoe ver,
hoe vinnig en hoe dikwels nie. Alle fasette van menswees is belangrik. Die doel van hierdie
artikel is om aan hardlopers die basiese vereistes te verduidelik wat nodig is om behoorlik te
oefen en van wat nodig is om “commitments” na te kom.
Doelstelling
‘n Reis is nie moontlik as jy nie weet waarheen jy op pad is nie. Elke jaar, seisoen, maand,
week, dag, oefensessie moet ‘n doel hê.
Oefening moet aangenaam wees.
Weet hoeveel om te doen.
Weet hoe hard/vinnig geoefen moet word.
Weet wanneer en hoeveel om te rus.
Doelwitte en posisies (plekke) moet nagestreef word.
Doelwitte moet altyd oor besin word.
Vordering
Vordering moet voortdurend gemonitor word.
wedlope om jou vordering te meet.
Kies spesifieke oefensessies, tydtoetse,
Handhawing
Die handhawing van jou fiksheidspeil (tye/prestasie) is belangrik. As sekere standaarde
(vlakke) van fiksheid behaal is, moet dit gehandhaaf word. Indien nie, moet harde werk met
moeite van vooraf gedoen word om die vorige standaard te behaal.
Evaluasie
Hardlopers wat regtig wil verbeter, moet hulself gedurig evalueer ten einde seker te wees
dat hulle sinvol vorder om hulle doelwitte te bereik. Dit kan onder andere gedoen word deur
jou polsslag daagliks te neem; jou liggaamsgewig dop te hou; jou volume geoefen te monitor;
vordering in die verskillende tipes oefening te monitor; en deur kwaliteit tydtoetse te
hardloop.

OEFENBEGINSELS VERVOLG...
5
Matigheid en ewewigtigheid
Oefening moet oordeelkundig gedoen word. Geleidelike opbou is belangrik. Die navolg van
‘n wetenskaplike oefenprogram en die luister na ‘n afrigter is noodsaaklik. Die verkeerde
oefening op die verkeerde tyd of oor-oefening is baie nadelig. Programme wat oor tyd
ontwikkel en getoets is, moet gevolg word.
Afwisseling
Afwisseling van die tipe oefening en die terrein is nodig om te voorkom dat hardlopers nie
vervelig met oefen raak nie. Kreatiewe optrede ten opsigte van oefening, terreine,
verskillende wedlope en sosiale byeenkomste is nodig.
Wees spesifiek
Indien jy goed wil hardloop, moet jy goed oefen. Om vinnig te kan hardloop moet jy vinnig
tydens oefeninge hardloop. Passkatoefening gelykstaande aan jou wedlooppas is
onontbeerlik. Ander oefeninge soos gewigte, strek, fietsry is wel aanvullend maar kan jou
nooit voorberei om goed te hardloop nie.
Herstel
Hersteltyd in ‘n oefenprogram is uiters noodsaaklik. Geleenthede om te herstel is
byvoorbeeld LSD en rusdae. In beide gevalle moet dit letterlik toegepas word.
Aanpasbaarheid
Geen oefenprogram is ‘n presiese wetenskap nie. In ‘n hardloper se wêreld is daar altyd
veranderlikes wat vereis dat hy aanpasbaar moet wees. Wat doen ‘n hardloper as dit reën,
hy min tyd het om te oefen, hy ‘n ligte besering het, ensovoorts?
Emosionele
Die emosionele en logiese insette van die verstand (gees) is eweneens belangrik om goed te
presteer. Positiewe denke en optrede laat prestasies verbeter. Ontwikkel dit tydens
oefeninge sodat dit in wedlope (en ander aspekte van die lewe) toegepas kan word. Dink
“wenner”.
Holisme
Al die beginsels is belangrik om ‘n suksesvolle hardloper te wees. Almal moet deur die
hardloper as belangrik beskou word en as deel van sy gehele oefenprogram aanvaar word.
Elke mens is ‘n unieke persoonlikheid wat die basiese beginsels van ‘n oefenprogram op sy
eie manier moet toepas en verwerk.

WIE IS EK ? VINKEL en KOLJANDER
6
Vinkel en koljander, die een is soos die ander….. Wie is ek ? Miskien kan jy alreeds
raai. Miskien nie. Ek pak alles met toewyding aan. Lojaliteit is my middelnaam.
Hoe pas kultuur by landloop ? Wel, ek beproef alles en behou die
goeie. Ek leer myself en die Anderkant ken. Is ek Vinkel of Koljander. Min
kry dit reg, somtyds vreemd, somtyds gerieflik. Tog is daar ʼn verskil. My
huiswerk word gereeld gedoen of is dit ALTYD gedoen?. Is dit ek of is dit die
Ander. Ek leer baie hard want kennis gee my ʼn voorsprong. Ek het my eie
karakter, my eie sterkpunte en my eie swakpunte. Die ander mag voor my wees
maar ek is stadig maar seker besig om hulle in te haal. Ek maak seker almal
kom by die huis gedurende padwerk, maar somtyds is dit my anderkant wat die
werk oorneem. Ek kan ook maklik verdwaal, tog weet ek waar ons woon. Party
het ʼn somtyds ʼn voorsprong in die lewe maar ek is verseker besig om die
voorsprong in te haal. Drama is in my bloed, maar is stil waar nodig. Ek is gemaklik
met die klavier voor my, al is my ritme soms uit. Ek
praat nie baie nie maar kan my woorde met oorleg gebruik. Ek
verhef nie my stem nie maar kan mooi klanke omvorm tot ʼn
melodie. Wanneer ander rus werk ek, wanneer ander ontspan
oefen ek. Ek is sterk in my eie swakheid. Wanneer ander opgee
hou ek aan. Somtyds is my pad vol klippe en my voete vol blasé. Juis dan hou
ek aan en gee nie op nie. Met trane in my oë, glimlag ek van vreugde want daar
is baie wat vir my omgee, wat my ondersteun en aanmoedig. Al is hierdie fase
in my lewe tydelik, sien ek uit na die dag wanneer ek die lewe voluit kan
aanpak. So min tyd, so baie om te doen. Ek is nie ʼn vis nie, maar sal ook nie
verdrink nie. Lengte is nie een van my gawes nie, daarvoor is ek baie dankbaar
want VAL is nog ʼn middelnaam. Die lewe is mos vol struikelblokke maar vir my
is dit uitdagings. Somtyds sal self die seestrome van die lewe meesleur maar
ek vrees nie, die Here is voltyds aan diens. Ek staan weer op en begin weer.
Wie is ek, wie is ons. Vra vir Mnr Geyer, hy sal jou sê want hy weet wie ek is.
Hy sien die hartseer raak maar mis ook nie die oomblike van vreugde nie.
Hoekom Landloop ? Dit is wat Mnr Geyer wou weet. Hoekom nie ? Dit is wat Ek
weet. Is die Een is soos die Ander ? Wel nie altyd nie, my hare word anders
gevleg. My smaak verskil en ek is uniek soos die Heer my gemaak het. Tog is
ek dieselfde as die Ander, het dieselfde gene, en dieselfde deursettingsvermoë.
Julle wat my ken, julle is kosbaar en onvervangbaar. Dit IS VIN-
KEL EN KOLJANDE... : Julle is kosbaar en ons Waardeer julle.

IS DIT “CARBO” OF “TURBO”
7
Baie Landloopatelete praat gereeld van “CARBO LOADING”…………….
WAT IS “CARBO LOADING” (KOOLHIDRAATLADING) ?
Komplekse koolhidrate, soos graan, pasta en heelgraanbrood, verhoog die
hoeveelheid glikogeen wat beskikbaar is vir onmiddellike energie. Vier tot vyf dae
voor ‘n uithouvermoëwedstryd, soos ‘n maraton, verhoog jy jou oefening en
verminder jou koolhidtaarinname tot 50 % van jou gewone daaglikse dieet. Dan
behoort jy meer proteïene soos vleis en eiers te eet en meer vet asook vrugte. Dit
sal jou glikogeenvoorraad in jou spiere en lewer uit put. Dan, twee tot drie dae
voor die wedstryd, verhoog jy jou koolhidraatinname tot 75% van jou gewone
daaglikse makronutriëntinname. Eet minstens drie groot koolhidraatmaaltye per
dag met ‘n bietjie prot proteïene en vet. Dit verhoog jou glikogeenvoorraad tot
maksimum kapasiteit. Jy het dan optimale vnnig bereikbare glukose beskikbaar
tydens jou wedloop. Vet is ook ‘n goeie bron van energie tydens ‘n wedloop.
Na die wedloop moet al die makronutriënte weer aangevul word !! Onthou dat
koolhidrate goed weerk vir sportdeelnemers wat ly aan chroniese moegheid. Meer
graan, pasta, ontbytgraan, heelgraanbrood, groente en vrugte verbeter ook krag en
uithouvermoë.
Eet gesond, wissel jou hoofaktiwiteit of met ander aanvullende sportaktiwiteite,
drink baie water, neem jou aanvullers elke dag (vitamienes, kalsium en
magnesium) en verhoog inname met, tydens en na ‘n wedloop. Jy sal beter presteer,
minder beserings opdoen, vinniger herstel en baie minder infeksies kry!!

Aan my liefste ATLETE
8
Aan my liefste ATLETE…
Ek kan nie glo die jaar staan op ‘n einde nie, maar hulle sê mos “time flies when
you’re having fun”, en dit is presies wat
2015 vir my was, absolute pret ! Ek wil vir
elkeen van julle dankie sê dat ek die voorreg
gehad het om julle as mense & atlete deur
die jaar kon sien vorder & groei. Ek is bitter
trots op elkeen van julle en sien uit na alles
wat ons saam in 2016 gaan aanpak.
‘n Gedagte vir die VAKANSIE…
Nou is dit vakansietyd en dis tyd vir my en
Mnr. Geyer om tydelik die aflosstokkie in
jou bekwame hande oor te gee. Jy, jou drome en jou prestasies word nou jou
verantwoordelikheid. Jy, en jy alleen kan aanspreeklik gehou word vir wat jy
deur die vakansie doen. Dink aan wat jy as atleet die jaar bereik het, en jou
doelwitte vir volgende jaar, die sukses of mislukking van daardie doelwitte
begin by jou, en jou bereidwilligheid om elke dag die vakansie ‘n besluit te
maak of jy iets gaan doen om daardie doelwitte te bereik.
Die WONDER van HARDLOOP…
“ You can RUN by YOUrself, under YOUR own power, in any direction,
at any speed, any distance & every single run is an opportunity to FIND
YOUR EDGE…”
‘ n Gedagte vir elke dag
Hebrews 12:1 (NLV) All these many people who have had faith in God are
around us like a cloud. Let us put everything out of our
lives that keeps us from doing what we should. Let us
keep running in the race that God has planned for us.
Geniet elke oomblik van julle vakansie & wees veilig.
Gesënde Feestyd vir jou en jou geliefdes.
Tonne liefde Juf. Swanepoel

WEES ALTYD POSITIEF
9
Positiwiteit binne landloop? Ja dit is beslis nodig.
‘n Atleet en groep atlete kan deur positiwiteit:
Realistiese doelwitte stel en dit haal.
Voluit oefen en deelneem.
Mekaar aanspoor sodat elkeen sy heel beste tye kan behaal.
Voorkom dat individue ‘n negatiewe bestel in die groep laat vestig.
Daartoe bydra dat elkeen in die groep sy lewe in alle fasette
positief en voluit sal benader.
Daartoe bydra dat niemand se selfbeeld afgetakel word nie
POSITIWITEIT IS NODIG OM BINNE JOU VERMOË DIE BESTE TE
WEES – OM DIE BESTE UIT DIE LEWE TE HAAL

Wie is wie ? Raai reg en WEN!
10

HOEKOM HARDLOOP ?
11

TONG IN DIE KIES....
12

KOPKRAPPERS
13

ONS GROET ONS GR12’s
14
Ons groet vir Maurice, Rene en Sharon.
Het die tyd dan so vining verby gegaan ? Soos die seisoene van die jaar wissel het
dit tyd geword vir die drie om aan te beweeg.
MAURICE van WYK
Maurice het sy skoollewe by Stefanus Roos afgeskop en soos julle weet maak hy
nou na 12 jaar klaar met skool – Overkruin natuurlik. Maurice begin gedurende April
2014 voltyds by Mnr Geyer oefen. Dit was toe dat hy die wens vir ʼn toer
uitgespreek het, wat soos julle weer, gerealiseer het. Maurice, dankie dat jy ʼn
voorbeeld gestel het en vir die ander gewys het waar David die wortels begrawe
het.
Volgende jaar wag Tuks vir Maurice maar ons gaan hom nog steeds sien. Oefen is in
sy bloed . Die Comrades Marathon in 7ure is een van sy vele drome en wil in die
toekoms betrokke wees by sport. Maurice vertel dat Landloop ʼn GROOT verskil
in sy lewe gemaak het. Dit is daar waar hy wonderlike vriende gemaak het en sy
hardloop talent ontdek het. Landloop het ook baie bygedra tot ʼn gesonde leefwyse.
Maurice wens elke een van julle voorspoed toe en hou duim vas dat elkeen sy potensiaal
sal bereik. Ek haal Maurice aan met die volgende woorde : “Mag julle elke
junior atleet inspireer en motiveer. Elkeen van julle het ʼn plek in my hart en ek sal
julle nooi vergeet nie. Ek hoop nie dat 2015 die einde van ons gesamentlike pad sal
wees nie. Baie sterte met die res van julle skoolloopbaan. Ek gaan julle mis.
Maurice”

ONS GROET ONS GR12’s
15
Toe Maurice my gevra het om af te rig was my woorde aan hom : Weet jy waarvoor
jy jou inlaat? Besef jy dat ek nie altyd genade het nie ? Onder 2min vir die 800m
was nie ‘n opsie nie, dit was ‘n gegewe. Maurice jy het my verras. As ek gedink het jy
gaan opgee, het jy aangehou. As die ander atlete sukkel, trek jy hulle deur. As die
ander se hulle kan nie meer nie, dan laat jy hulle weet dat ek weet wat ek doen.
Dankie vir die vertrou, ondersteuning en volharding. Dit sal die res van jou lewe tot
jou voordeel strek. Ek waardeer dit dat jy ten spyte van ‘n besige akdemiese program,
Rugbyseisoen, Krieket seisoen en sosiale lewe my NOOIT in die steek gelaat
het nie. Jou word is jou eer. Daarvoor eer ek jou. Daar sal ALTYD vir jou ‘n plekkie
SHARON JORDAAN
Sharon was maar net daar, so het ek haar leer ken. Sonder ‘n groot opskop, sonder
‘n groot lawaai, sy was maar net daar. En was ek dankbaar, baie dankbaar. Met die
aanvang van die 2015 Atletiekseisoen het ek amper gevoel ons gaan haar verloor. As
Sharon gese het sy kan nie meer nie het ek gese JY KAN WANT EK WEET JY KAN.
So tussen die trane deur het sy klaargemaak. Baie gespanne het ek die volgende dag
die volgende afrigtingsessie begin. Sharon was weer daar. Dit is toe dat ek geweet
het sy het dit wat dit verg. Sharon eindig die 2015 Atletiekseisoen met die vinnigste
1500m en Tweede vinnigste 4km tyd (Senior meisies). Sharon, Jy sal jou nie
deur die lewe laat onderkry nie, Jy sal suksese beleef en jy sal geseen word. Dankie
dat jy my vertrou het, dankie dat jy vasgebyt het. Met die veg in jou het jy die dogters
landloopspan gehelp om die B-Bond te wen. Ons by die Landloop gaan jou BAIE
mis. REGTIG baie mis.
RENÉ VELDMAN
Wie is hierdie blonde lange Dame wat hier by die Landloop kom aanmeld het, wat
sommer net opdaag vir ‘n 8Km oefensessie ? Ek het geweet sy is ‘n Ovie maar meer
…? Nie veel nie. Hoe pas sy dan in by die Landloop ? Oppad huistoe nadat ons die
eertse 8km afgele het besluit ek om om te draai, terug na die plek waar ek die atlete
gegroet het om Rene daar te kry. Blykbaar gewag dat iemand haar kom oplaai.
So op haar rustige en kalm wayse het sy met my gesels oor die skool,Atletiek, Landloop
en alles wat nog moet gebeur. Dit is toe dat ek besef dat Rene saam moet gaan
toer. Eindelik besluit Rene dat sy die toer sal meemaak. Selfs in ‘n besige Gr12 Augustus
maand het jy bygedra tot die B-Bond wen van die dogters. Die res is
geskiedenis. Rene se spranklike vriendelikheid geaardheid, haar ondersteuning en
deursettingsvermoe het my verras. Dit is daardie deel van Rene wat ‘n invloed op ons
gehad het. Dankie Rene, dankie dat jy jy iets van jouself gegee het, dat jy bygedra
het tot ‘n sukswesvolle toer. Ons mis jou alreeds en daar sal altyd ‘n plekkie vir jou
hier by ons wees. Jy het ‘n verskil gemaak. DANKIE

4KM TYDTOETSE
16
PRYSUITDELING TOEKENNINGS 2015
MERIETE AAND
ERNST NORTH TROFEE – BESTE LANDLOOP SEUN : KELVIN VAN WYK
LANDLOOP VERENIGING TROFEE – BESTE LANDLOOP DOGTER : KYLA DE WAAL
ERE KLEURE GOUD : KYLA DE WAAL (DEELNAME SA LANDLOOP-KAMPIOENSKAP
GAUTENG NOORD SPAN)
ERE KLEURE GOUD : KELVIN VAN WYK (DEELNAME SA LANDLOOP-
KAMPIOENSKAP GAUTENG NOORD SPAN)
SPORTPRYSUITDELING
BESTE LANDLOOPATLEET TYDENS DIE SKOLE LIGA’S
JNR SEUN – HENRICO GREYLING
JNR DOGTER – MICARLI COETZEE
SNR SEUN TREVOR MAHLATJIE
SNR DOGTER KYLA DE WAAL
SPAN KAPTEINE
MAURICE VAN WYK (VOORSITTER LANDLOOP)
DIAN DEGGENAAR (SEUNS KAPTEIN LANDLOOP)
KYLA DE WAAL (DOGTERS KAPTEIN LANDLOOP)
PRESTASIE TOEKENNINGS
BRONS (SEUNS BETER AS 16:30 EN DOGTERS BETER AS 19:00 – 4KM)
DIAN DEGENAAR 16:21.1
STEFANI ODENDAAL 18:53.2
MARYKE SCHOEMAN 18:51.9
SHARON JORDAAN 18:27.1
SILWER (SEUNS BETER AS 15:30 EN DOGTERS BETER AS 18:00 – 4KM)
DANIEL VD VYVER 15:26.7
MICARLI COETZEE 17:44.6
MEKAELA PELZER 17:46.2
KYLA DE WAAL 17:06.6
GOUD (SEUNS BETER AS 14:30 EN DOGTERS BETER AS 17:00 – 4KM)
KELVIN VAN WYK 13:20.9 – NUWE SKOOLREKORD van 12/8/1999
MAURICE VAN WYK 13:25.7 – BREEK SKOOLREKORD VAN 12/9/1999
TREVOR MAHLATJIE 13:50.2

MAAGOEFENING
17

WAT HET GEWORD VAN ?
18
Wat het geword van Louise ? Wel, Drafnuus het haar opgespoor en so
bietjie ʼn paar gedagtes gedeel. Louise het ’n groot bydrae in die lewe
van die Ovie Landloop gemaak. Dit is voorwaar ’n voorreg om haar te
ken. Ons het gepraat van ’n reünie en ek is seker dat die Ovie atlete
Louise sal wil ontmoet. Kom ons hoor wat Louise te se het :
Die eerste item wat jy koop, as jy met hardloop as ʼn sport begin, is
natuurlik ʼn paar hardloop tekkies. Hierdie tekkies beloof om jou te
dra oor al die lang paaie, steil bulte, klipperige terreine,
skokabsorbering te bied en om jou te help om die pad wat jy moet
aandurf makliker te maak. Na afloop van 23 jaar se (aan-en-af) hardloop, het ek eindelik tot die
besef gekom dat dit eintlik hardloop is wat my in staat gestel het om die lewe se paaie, steil bulte,
klipperige terreine, skokke, uithou en aanhou te hanteer, sodat jy ʼn sukses in jou “lewensreis” kan
maak.
Elke keer wat jy jou veters vasmaak en jou tekkies die teer/grond/pad raak, bind dit jou aan daardie
deel van jou siel wat jou volle aandag en konsentrasie verg. Dit forseer jou om te elke greintjie aanhou
binne jouself te ontgin. Hoe meer jy hardloop, hoe nader kom jy aan daardie deel van jou siel wat
baie min mense ooit sal ken. Hardloop maak jou nie net fisies sterk nie, maar ook verstandelik, dit
leer jou hoe om te fokus in alle aspekte van jou lewe. Hardloop het my voorberei vir die res van my
lewe. As gevolg van vele aangebore knie-kondisies en Fibromialgie, weet ek dat elke tree net geleen is
vir my. Selfs as die dag aanbreek dat ek nie meer ʼn tree kan gee nie, sal hardloop altyd in my are
vloei en deel wees van my siel.
As ek terugkyk na my hardloop-loopbaan, hoogtepunte sowel as laagtepunte, kan ek nie
anders as om
die aspekte in my lewe wat nie direk met hardloop te doen het nie ook deel van die lys te maak.
Aspekte soos moederskap; ʼn huwelik; ʼn suksesvolle fotografie besigheid die afgelope 9 jaar en my
voltydse werk van die afgelope 10 jaar as Besigheid analis; Sagteware Kwaliteit-beheer & Sagteware
Fasiliteerder vir Britehouse Dimension Data. Sonder my hardloop agtergrond sou ek nie die eise wat
die lewe aan mens stel te bowe kon kom nie.
Die geskenk wat ek elke dag uit hardloop ontvang het en steeds ontvang wanneer die liggaam gewillig
is, probeer ek terugploeg deur betrokke te wees by organisasies soos “Stand with Stan”, ʼn niewinsgewende
organisasie wat minder-bevoorregte amputees help om beter prosteses te bekom sodat
hul ʼn aktiewe, normale lewe kan leef. Hul hou selfs hardloop-klinieke vir hierdie amputees waar hul
geleer word om te hardloop met hul prosteses. Die eienaar, Stan Andrews is self ʼn Paralimpiese Tri-
Athlon atleet met slegs een been. Hul gesegde: “Ek leer om te hardloop, wat is jou verskoning?” Dit is
mense soos hierdie wat my elke hardloop tree laat waardeer, want elke tree is voorwaar ʼn geskenk
van Bo.
ʼn Paar hoogtepunte uit my hardloop-loopbaan:
· PB 3000m: 10:34.8, PB 3000m SC:11:13, PB 4km tydtoets rekord: 15:42.2
· PB 10km: 37:40, PB 21km: 01:20, · Overkruin Ysterman kompetisies
· Landloop Gauteng-Noord & Junior SA’s 1997-2003
· 1999 Overkruin Landloopvereniging Trofee: Beste Landloopdogter
· SA Senior Kampioenskappe 10km , · SASSU Landloop Kampioenskappe
· SASSU Atletiek kampioenskappe 21km, · SA Senior Atletiek Kampioenskappe 3000 SC
Louise, ons is trots op jou. Ovie-Landloop wens jou en jou gesin seënwense toe. Baie dankie dat jy
bereid was om so ʼn paar gedagtes met ons te deel. Groetnis…….

HET JY GEWEET ?
19
Feit of Fiksie?
1500 m wêreldrekord = 16 min 46.41 sek
Feit
Die 101 jarige Leslie Amey van Australië het die rekord vir mans ouer as 100 jaar
tydens die “World Veterans Athletics Championships” in Brisbane Australië
opgestel.
Comrades-inligting
34 hardlopers het in 1921 die eerste Comrades aangepak en 16 het klaargemaak
binne die voorgeskrewe 12 uur.
In 1928 is die afsnytyd na 11 uur verminder.
Selfs in 1960 het maar slegs 100 hardlopers in Durban weggespring waarvan
77 klaargemaak het.
In 1970 het 759 begin waarvan 636 binne 11 uur klaargemaak het.
Om die Comrades te hardloop is nie so maklik soos wat dit lyk nie. ‘n Groot
persentasie hardlopers eindig nie voor die afsnytyd nie. Die volgende is
voorbeelde:
1960 23 %, 1970 16 %, 1980 10 %
1990 15 % 2000 17 % (binne 12 uur)
2001 22 %
NOG ‘N PAAR FEITE ( http://goo.gl/E6cli3 )
Vrouens hardloop die tweede helfte van padwedlope vinniger as mans
Atlete geklee in rooi het ‘n groter kons om te wen as die ander atlete
Om minder te eet en meer te hardloop is nie goed nie
Die rekordtyd vir ‘n Myl (1,6Km) is 3:43 vir mans en 4:12 vir vroue
Gedurende die 2013 New York Marathon het 50 304 atlete die wedloop
voltooi
Die Rekord vir die Marathon (42,2km) is 2:15.25 wat in 2013 opgestel is
Om ‘n langer lewe te geniet moet jy meer as 28km per week hardloop
Die vinnigste dier op aarde is ‘n Cheeta en die stadigste ‘n slak
Dit is veiliger om op ‘n koue dag as om op ‘n warm dag te hardloop

JAARPROGRAM: (Jan — Jun)
20
HOLD ON, PAIN ENDS. !!
JANUARIE
WOENSDAG 13 SKOOL OPEN LEERDERS
DINSDAG 19 INTERHUIS SKOOLTYD OVERKRUIN
VRYDAG 22 BRITS ATLETIEK OVERKRUIN
VRYDAG 29 NOORDHEUWEL/ZWARTKOP ZWARTKOP
FEBRUARIE
VRYDAG 05 DR MALAN ATLETIEK DR MALAN
WOENSDAG 10 TOP 15 NOORDHEUWEL UNIV. JOH. (UJ)
VRYDAG 12 MIDSTREAM ATLETIEK MIDSTREAM
WOENSDAG 17 TUT TOP 10 PILDITCH
VRYDAG 19 DIE WILGERS ATLETIEK DIE WILGERS
VRYDAG 26 INTERHOËR ATLETIEK LC DE VILLIERS
MAART
VRYDAG 18 SKOLE SLUIT GEEN OEFENINGE NIE
SATERDAG 19 WATERPUNT, 3 IN 1 PADWEDLOOP MONTANAPARK
APRIL
DINSDAG 05 SKOLE OPEN
WOENSDAG 13 4 KM TYDTOETS
SATERDAG 16 PARK RUN 5KM WEDLOOP BOTANIESE TUINE
SATERDAG 23 8 KM ONTBYT “RUN” LYNNWOOD
MEI
VRYDAG 01 5/10KM PADWEDLOOP ZWARKOP
SATERDAG 07 4/6/8KM LANDLOOP AGN LIGA 1
WOENSDAG 11 4KM TYDTOETS
VRYDAG AAND 13 4/6/8KM LANDLOOP AANDWEDLOOP AGN LIGA 2
SATERDAG 21 4/6/8KM LANDLOOP AGN LIGA 3
JUNIE
SATERDAG 4 8KM LSD OEFEN, INTERPROVINSIAAL SKOOL, AGN
SATERDAG 11 8KM LSD OEFEN SKOOL
SATERDAG 18 8KM LSD ONTBYT KOLONADE RETAIL
VRYDAG 24 SKOOL SLUIT GEEN OEFENINGE
SATERDAG 25 GEEN OEFENINGE
MAANDAG 29 VAKANSIE OEFENPROGRAM / KAMP

JAARPROGRAM: (Jul — Okt)
21
JULIE
MAANDAG 18 SKOLE OPEN
WOENSDAG 20 SKOLE LANDLOOP LIGA 1 MIDSTREAM
VRYDAG 22 SKOLE LANDLOOP LIGA 2, AFLOS ZWARTKOP
WOENSDAG 27 SKOLE LANDLOOP LIGA 3 FH ODENDAAL
AUGUSTUS
WOENSDAG 03 SKOLE LANDLOOP LIGA 4 PTA BOYS HIGH
WOENSDAG 10 SKOLE LANDLOOP LIGA 5 WILLOWRIDGE
SATERDAG 20 AGN LANDLOOP KAMPIOENSKAP
WOENSDAG 31 SKOLE PRYSUITDELING LANDLOOP ELDORAIGNE
SEPTEMBER
VRYDAG 02 INTERHUIS – MASSA DEELNAME OVERKRUIN
DINSDAG 6 MINI ATLETIEKBYEENKOMS ZWARTKOP
SATERDAG 10 SA LANDLOOPKAMPIOENSKAP
WOENSDAG 14 MINI ATLETIEKBYEENKOMS OOS MOOT
VRYDAG 30 SKOOL SLUIT GEEN OEFENINGE
OKTOBER
SATERDAG 01 8 KM ONTBYT “RUN” LYNNWOOD
MAANDAG 03 VAKANSIE OEFENPROGRAM VOLG 08:00 BY SKOOL
MAANDAG 10 SKOOL OPEN
VRYDAG 14 LENTEBYEENKOMS CENTURION CENTURION
VRYDAG/
SATERDAG
21/
22
PUK TOP 30 ATLETIEK
POTCHEFSTROOM
VRYDAG 28 TUT TOP 12 ATLETIEK PILDITCH

BRIEWEBUS…...
22

VAKANSIE OEFENPROGRAM
23
VAKANSIE OEFENPROGRAM (Vanaf DONDERDAG 26 NOVEMBER 2015)
DAG
OEFENINGE
01 5 x 1000m - 1000m Voluit, rus 6 min na elke 1000m, [Laerskool 3 x]
02 STEIL Bulte 7 x 50 sek, 7 x 40 sek, 7 x 30 sek. dryf hard op, drafpas vir 2 min na elke bult af. Draf 2 km
opwarm en 2 km af warm, [Laerskool 4 x]
03 7 x 600m @ tyd- Rus 2min na elke 600m, rus 7min na 4 x voltooi, [Laerskool 4 x, rus na 2 x]
04 Snr seuns 6 km, res 4 km, [Laerskool 3 Km @ tyd]
05 Snr Seuns 6 x 400m, Res 4 x 400 @ tyd, rus goed na elke 400m, [Laerskole 3 x 400m]
06 Spoed oefeninge – Sien bylaag
07 1 x 2000m + 3 x 400m - Alles is voluit, rus goed na elke lopie, [Laerskool 1 x 1000m + 3 x 300m]
08 Geleidelike Bulte - 7 x 60sek, 7 x 50sek, 7 x 40sek drafpas 3min na elke bult terug, Draf 2 km opwarm
en 2km af warm [Laerskole 4 x ]
09 7 x 200m, doen 3 keer, Elke een is voluit, rus 30 sek na elke een, rus 7 min na elke stel [Laerskole 4 x]
10 Snr seuns 10 km, res 8 km, alles rustig, onder 60min, mag nie stap nie [Laerskool 4 Km rustig]
11 Snr seuns 8 x 300m , res 6 x 300m, elke 300m voluit, rus 2min na elke 300m, Rus 10 min halfpad
[Laerskole 4 x]
12 Spoed oefeninge – Sien bylaag
13 Lamppale Piramide 1 x Lampaal - 8 x lamppale voluit, 8 x Lampale – 1 x lampaal voluit Snr seuns 7 km,
res 5 km. [Laerskole slegs 1 – 5 Lampale]
14 Afdraandes - Snr seuns 10 x 200m , res 7 x 200m, drafpas terug na beginpunt, [Laerskole 5 x]
Draf 5 km elke middag rustig bykomend, warm elke dag goed OP en AF Voor elke oefeninge, Doen ook Maag
oefeninge en Opstote elke dag na afloop van die oefeninge.
MAAG OPSITTE + “CRUNCHES” - 10 sek oefen ,10 sek rus - doen vir 3 min. lank, OPSTOTE 3 x 15
Behou asb. die volgorde van die oefeninge. Begin by oefening 1 en eindig by 14, begin dan weer by 1 en eindig
by 14, dus 28 dae se oefeninge. Amptelike oefeninge by die skool begin op Maandag 28 DESEMBER 2015 08:00 -
WEES DAAR.
SPOEDOEFENINGE :
Doen gewone strek en opwarmings oefeninge
Doen die volgende oefeninge elk 3 keer met drafpas na elkeen. Na die derde een is dit stappas voor die volgende
oefeninge begin word
Deel die oefengebied op in 3 x 25m gebiede en doen nou die volgende
1 Boudeskop 75m 2 Lae ritme 25m, hoe ritme 25m, Lae ritme 25m
3 Wisselpas 75m 4 Hoë dryfaksie
5 Draf 25m, Voluit 25m, Draf 25m 6 Voluit 25m, Draf 25m, Voluit 25m
7 Spoedopbou 50m, 25m voluit 8 Spoedopbou 25m, 50m voluit
9 150m voluit

24
‘n WENNER is
somtyds net ‘n
DROMER wat
NOOIT OP-
Video: Drummer Boy
http://goo.gl/z1oJwZ
GEGEE het nie.
Video : Christmas Scale
http://goo.gl/iv2Bl4
Dankie aan elke een van julle wat tot ‘n suksesvolle 2015
bygedrae het. Dit was ‘n moeilike tog goeie jaar. Ons as afrigters
waardeer dit opreg. Die Here het ons regtig geseën.
Ons hoop dat julle almal die vakansie sal geniet en hard sal
oefen. Ons wens julle ‘n Geseënde kersfees toeg en mag
2016 net so wonderlike jaar wees. [ovie-landloop]