Tandsundhed - paarisa

- qangali ikkinnik ninngattoortarpunga, kigutilli
nakorsaannit iluamik ilinniartinneqarneq
ajorpunga.
Taamaallunilu kigutaa siuaavaniittoq aalalerpoq.
­ Kigutiga siuaanniittoq aalalersimasoq paasigakku assut
tupappunga.
Hansinep aasianniitilluni paasivaa kigutini siuaaminiittoq
aalalersimasoq, kigutillu nakorsaannukarami oqarfigine­
qarpoq ikiorneqarsinnaanngitsoq, taamaallaat oqarfigalugu
kigutip qalliutaata kigutaa pavungarujuk neriorsimagaa,
namminerlu kigutini salilluartanngippagit kigutini annaasinnaagaa.
Iluamik nassuiaanneqanngilaq suna pissutaanersoq.
­Tupaallaatigaara ikiorneqarsinnaananga oqarfigimmannga,
taamaallaat nammineq salilluartanngikkukkit kigutiga annaasinnaagiga
oqarfigaannga, namminnerlu salinnagit.
Panertunngersuugama kigutaarunnissara assut annilaangagisarpara,
kigutaasartaaruma tamakkutorsinnaajunnaaqinagama.
Tusaamasarakku inuit kigutaasartaaraangamik iluamik
kalaaliminertorsinnaajunnaartartut. Hansine illarluni
oqarpoq.
Nuummut nuuppoq
2005­imi juuli naasoq Hansine nuummut nuukkami kigutilerisumukarpoq.
aatsaat tassani iluamik oqaluttuunneqarpoq
kigutit nappaataannik ikkilluttoq (paradentose).
Kigutigissaasunit siunnersorneqarlunilu kigutigissaatit
qanoq ittut qanermullu errortuummik qanoq ittumik atugaqarsinnaanersoq
oqaluttuunneqarpoq.
­massakkut qaammatit pingasukkaarlugit kigutikka salitsik­
kiartortarpakka, aamma kallerup innitortunik kigutigissaate­
qarpunga, taakku saniatigut saliguteeqqanik (solobørste)
kigutima akorni ilaatigooriarlunga salittarpakka. aamma
ilaatigut kigutikka salinngikkaluarlugit kigutigissaasut
innersuussutaat qanermut errortuut matasimi pisiarisartagara
Corsodyl (klorhexidin) atorlugu qanera salittarpara.
minutsip ataatsip missaani kigutikka ataasiakkaarlugit errortortarpakka.
Unnuit tamakkianngikkaluarlugit.
Hansinep kigutini salilluartaleramigit qaammatillu pingasukkaarlugit
salitsikkiartortaleramigit kigutaa aalalersimagaluartoq
massakkut inissikkiartulerpoq, allaallu tamorratigeqqittalerpaa.
aamma kigutini salilluartaleriaramigit salitsikkiartortalerlugillu
kigutaasa putoornissaraluannit illersorpaat.
­Pissaqartillunga kalaaliminernik panertunik neriniartarpunga,
tamannalu aamma kigutima nukittoqqutigigunarpaat.
Kigutigissaatit innaallagissamoortut
­Innersuussutiginartorujussuuvoq kigutigissaatit innaallagissamoortut.
Kigutigissaatinit nalinginnaasunit sukkanerupput
pulatarnerusinnaallutillu. aamma inassutiginartuuvoq
qaammatit pingasukkaarlugit imaluunniit ukiup affakkaartumik
kigutit salitsikkiartortarnissaat. minnerunngitsumillu
kigutit saliguteerai (solobørste) kigutit akorninut
saligutigineqarsinnaasut aammalu pisariaqartitsineq naapertorlugu
qanermut errortuutip atortarnissaa.
Taama Hansine Fleischer kigutit nappaataannik ikkilluummik
paradentosemik ajornartorsiuteqaleraluarsimasoq,
massakkulli salitsikkiartortarnerisigut namminerlu kigutigissaatit
eqqortut atortalernerisigut qaangiisimasoq naggasiivoq.
17