345 - Føroya Fiskimannafelag

Síða 26 Nr. 345 - 23. juni 2005
Manningarmynd
Vit hava fingið upplýst
fýra nøvn, og eru hesir úr
Tjørnuvík. Vit vita ikki
skipið, men tjørnuvíkingar
sigldu nógv við
Óla Horn, og hann førdi
leingi "St. Jaques". Er
nakar sum veit meira um
hetta?
Menninir eru nr:
1. ?
2. ?
3. Hans Mikal Hansen
4. ?
5. ?
6. Jákup Heinesen,
hjá Dáva
7. Jógvan Hansen,
hjá Poulinu.
8. Hans Jákup Hansen,
hjá Poulinu
9. ?
Nr. 1 er stóri Óla Jákup
Hansen, Óli hjá Hansi,
sum hann eisini var róptur.
Hann var skipari, førdi
'CELOFT'.
Hann var kollfirðingur,
men flutti til Hósvíkar og
seinni til Havnar
Nr. 2 er beiggi hansara,
Jóhannus Hansen, nevndur
Jóhannus á Kjalnesi.
Hann var eisini skipari,
m.a við Brimnes í ca.
1946-47.
Nýggj manningarmynd
Veit nakar at siga okkum hvørjir hesir eru? Myndina hava vit fingið frá Føroya Fornminnissavni.
3350F03160
3350F03120
3350F3142
GUÐS
ORÐ
Torleif Johannesen
Trúgv er lýdni –
vantrúgv er ólýdni
"Tann, sum trýr á sonin, hevur
ævigt lív; men tann, sum er syninum
ólýðin, skal ikki síggja lívið, men vreiði
Guds verður verandi yvir honum."
Joh. 3,36
Sambært yvirskriftina í Bíbliuni er orðið tikið úr
"Síðsta vitnisburði Jóhannes doyparans".
Vitnisburðurin var greiður fyri teimum, sum
hoyrdu hann og fyri tey mongu, sum hava lisið
hann síðani. Orðið tosar um trúgv, og hvat tann,
sum trýr á sonin, eigur. Ævigt lív. Samstundis tosar
tað um ólýdni, og hvat tað gevur. Guds vreiði og
glatan.Yvirfyri Gudi er ólýdni eitt annað orð fyri
vantrúgv.
Tá Bíblian tosar um frelsandi trúgv, er tað altíð
trúgv á sonin, trúgv á Jesus, trúgv á Kristus.
Mong komu til Jesus við neyð síni. Fleiri teirra
vistu ikki, um tey trúðu, ella um trúgvin var nóg
stór og sterk til, at Jesus kundi hjálpa teimum.
Kortini komu tey í áliti á Jesus og løgdu neyð sína
fram fyri hann. Fleiri teirra fingu at vita:Trúgv tín
hevur frelst teg. Hjálp fingu tey, bæði andaliga og
handaliga.
Bara at vita um Jesus og hava røttu meiningarnar
um hann, frelsir ongan. Eingin sjúkur verður
grøddur bara við at vita um læknan – ella við at
hava røttu meiningarnar um hann.Sjúklingurin og
læknin mugu hittast, so viðgerðin kann byrja. Soleiðis
er tað eisini andaliga.
Tann, sum trýr á sonin, kemur til sonin, tekur
ímóti soninum, ákallar sonin – hevur ævigt lív nú.
Samstundis er tað æviga lívið nakað, sum liggur
fyri framman – tað komandi.
Tann, sum trýr á Jesus, eigur alt tað, sum Jesus eigur
og er borgan fyri. Útsøgnin: "Einhvør er sælur í
sínari trúgv!" er óbíbilsk og villleiðandi tala.Sælan,
frelsan, fyrigevingin, náðin… og ævigt lív, fæst
bara við trúgv á Jesus.
Tann, sum er syninum ólýðin, skal ikki síggja lívið,
men vreiði Guds verður verandi yvir honum.
Ólýdni er ein fylgja av vantrúgv og líkasælu mótvegis
Gudi og Jesusi.Vantrúgvin vil vera harri í lívinum,
vil hava avgerðarættin, vil verða skipari í lívinum.
Vantrúgvin vil ikki vita av Gudi. Hon er tí høvuðssyndin
og móðir at øllum øðrum syndum.
Guds vreiði er ein reaktión mótvegis vantrúnni.
Tann vantrúgvandi er tí undir Guds vreiði og
dómi, so leingi hann livir í vantrúnni. Doyr hann í
vantrúnni, doyr hann í syndini og glatast.
Tann, sum trýr á sonin, sum er syninum lýðin,
hevur ævigt lív. Hann skal liva um hann so doyr.
Joh. 11,25