KyrKjeblAd - kyrkje... Austevoll
KyrKjeblAd - kyrkje... Austevoll
KyrKjeblAd - kyrkje... Austevoll
Create successful ePaper yourself
Turn your PDF publications into a flip-book with our unique Google optimized e-Paper software.
10 <strong>Austevoll</strong> <strong>kyrkje</strong>blad nr 3/2011<br />
Minna oss om Gud<br />
Av Eigil Morvik - direktør ved IKO - Kyrkjeleg pedagogisk senter<br />
1. pinsedag, 31. mai 2009<br />
Preiketekst: Johannes 14, 23-29:<br />
Jesus svara: «Den som elskar meg, held fast på ordet<br />
mitt. Og den som elskar meg, skal Far min elska, og vi<br />
skal koma og ta bustad hos han. Den som ikkje elskar<br />
meg, held ikkje fast på orda mine. Og ordet de høyrer,<br />
er ikkje frå meg, men frå Far, som har sendt meg. Dette<br />
har eg sagt dykk medan eg enno er hos dykk. Men<br />
Talsmannen, Den heilage ande, som Far skal senda i mitt<br />
namn, han skal læra dykk alt og minna dykk på alt det<br />
eg har sagt dykk.<br />
Fred etterlèt eg dykk, min fred gjev eg dykk. Eg gjev<br />
dykk ikkje fred på same måten som verda gjer det. Lat<br />
ikkje hjartet dykkar uroast, og ver ikkje motlause! De<br />
høyrde at eg sa: Eg går bort, og eg kjem til dykk att.<br />
Elska de meg, så gledde de dykk over at eg går til Far, for<br />
Far er større enn eg. No har eg sagt dykk dette før det<br />
hender, så de skal tru når det hender.<br />
Pinsedag. Kva slags dag er eigentleg det? For nokre<br />
år sidan las eg om ei gransking der folk på gata vart<br />
spurde om kvifor vi feirar pinse. Det er kanskje ikkje så<br />
overraskande, men nesten ingen visste kva pinsa handlar<br />
om. Jul og påske har mange eit forhold til innhaldet i,<br />
men pinsa er diffus og uklår for dei fleste.<br />
Dei store kristne høgtidene vert feira til minne om noko<br />
spesielt og eineståande som hende i soga. Vi feirar jul<br />
til minne om Jesu fødsel. Det er lett å hugsa! Vi feirar<br />
påske til minne om Jesu død og oppstode, også det er<br />
til å forstå seg på, endå oppstoda er eit mysterium. Men<br />
pinsa og Den heilage ande er det mykje vanskelegare<br />
å forstå, eller hugsa for den saks skuld. Forteljinga om<br />
læresveinane som fekk Den heilage ande i form av eldtunger<br />
over hovudet, for deretter frimodig å forkynna<br />
historia om Jesus, er spanande, men kanskje vanskeleg<br />
å fatta.<br />
Det er mykje i den kristne trua som kan vera vanskeleg<br />
å forstå. Somme har enkle svar og løysingar,<br />
men eg trur korkje verda eller trua er svart-kvit. Det<br />
finst nyansar og ulike synsvinklar, og vi treng hjelp<br />
til å sjå nettopp nyansane. Talsmannen, han skal<br />
læra dykk alt og minna dykk på alt det eg har sagt<br />
dykk. Slik lyder Jesu lovnad til læresveinane og til<br />
oss midt i våre spørsmål og grubleri.<br />
Kva er det så Talsmannen vil seia oss? Eg trur han<br />
vil minna oss om Gud, om at Gud vart menneske<br />
(jul), at han døydde og stod opp for oss (påske),<br />
og at han vil vera ein del av våre liv i dag (pinse).<br />
Talsmannens viktigaste oppgåve er å gjera oss<br />
kjende med Gud; vår største utfordring er å våga å<br />
lytta til Talsmannen. Gjer vi det, held pinseunderet<br />
fram også i dag. God pinse!