Underdølen - juni 2011 - Oransje webdesign
Underdølen - juni 2011 - Oransje webdesign
Underdølen - juni 2011 - Oransje webdesign
Create successful ePaper yourself
Turn your PDF publications into a flip-book with our unique Google optimized e-Paper software.
nderdølen<br />
for underdøler og venene deira – heime og ute<br />
18. årgang * <strong>juni</strong> <strong>2011</strong> * kr 70,–<br />
Gjett kva Kenneth, Tormod, Per Øystein, Atle, Sondre,<br />
Per Rune og Torbjørn driv med! Les meir på side 6.<br />
Les om aktive Anita på side 8!<br />
BLADET FOR BYGDA<br />
MED OVER 80<br />
INNBYGGJARAR
Gode lesar av <strong>Underdølen</strong>!<br />
I vinter har vår vakre og stille bygd opplevd ein del negativ<br />
merksemd i media. Det me snakkar om er sjølvsagt Servicebygget.<br />
Det har vore fleire oppslag i lokal- og regionavisene,<br />
som har presentert steile motsetnader i saka. Det er ikkje<br />
kjekt for ei bygd som til vanleg er kjent for vakker natur, ei<br />
flott stavkyrkje og god geitost. Ja, og ikkje minst dugnadsånd<br />
– å samarbeide til felles for bygda. Det som er heilt sikkert er<br />
at bråket omkring saki gagnar verken oss som bur her, eller<br />
dei som ynskjer å besøkje bygdi. No ser me fram til sommaren<br />
med ferie og festival, trua på fred og fordragelegheit<br />
og fint ver. Redaksjonen i <strong>Underdølen</strong> ynskjer alle lesarane<br />
ein riktig god sommar!<br />
Redaksjon<br />
Hanna Hj. Borlaug, tlf 576 31 742, hanna_1958@hotmail.com<br />
Anna K. Marstein, tlf 959 84 630, geitost@online.no<br />
Anna K. Marstein er bladet sin faste fotograf<br />
Ansvarleg utgjevar: Undredal Bygdeutvikling AS, 5746 Undredal<br />
Eigar: Undredal Grendalag<br />
Kontonr: 3745 30 28756 (OBS, nytt nummer)<br />
Utforming: <strong>Oransje</strong> <strong>webdesign</strong>, Stange<br />
Trykt hjå: Erik Tanche Nilssen AS, Skien på 130 g Profi silk<br />
Opplag: 400<br />
Send e-postadressa di! Meld adresseendring!<br />
Det hender me skulle hatt kontakt med abonnentane våre fort.<br />
Det hender og at abonnentane våre flyttar på seg. Det sparer både<br />
dykk og oss for arbeid dersom de sender oss e-postadressa dykkar<br />
og eventuell melding om ny adresse. Begge delar kan sendast<br />
post@undredal.no<br />
Bidragsytarar i dette nummeret<br />
Tekst:<br />
Inger Oline Øy<br />
Hanne Lykkja<br />
Sigrun Ytrefjord<br />
Eldbjørg Wangen<br />
Gerd-Mari Ahlin<br />
Caroline Juul Jørstad<br />
Gunhild Strand Borlaug<br />
Anna Elise Borlaug<br />
Leif Inge Underdal<br />
Frist<br />
2 | <strong>Underdølen</strong> - desember 2010<br />
David Underdal<br />
Aud Melås<br />
Roald Underdal<br />
Bilete:<br />
Henning Øy<br />
Pascale Baudonnel<br />
Hanne Lykkja<br />
Tilfeldig F. Passerande<br />
Atle U. Borlaug<br />
Ole Fretheim<br />
Åremålsdagar – andre del av <strong>2011</strong><br />
15 år Tore Stegen 29.09.96<br />
20 år Sigrun U. Borlaug 21.07.91<br />
Maria B. Underdal 09.11.91<br />
25 år Anna Elise Borlaug 30.09.86<br />
50 år Sigbjørn Skarsbø 19.07.61<br />
55 år Lars Underdal 15.12.56<br />
80 år Astrid Vindedal 06.08.31<br />
Fødde<br />
Bergit Torgersen 30.10.31<br />
Aslaug Nedberge 01.12.31<br />
May Kristin Underdal og Harald Vik fekk ein gut 30. mars<br />
Dårdi Flåm og Espen Bjørndal fekk ei jente 23. april<br />
Dåp i Undredal kyrkje<br />
22. mai vart vetle Nikolai frå den russisk-ortodokse<br />
kyrkjelyden i Bergen døypt. Me kjenner ikkje etternamnet<br />
hans<br />
Konfirmasjon<br />
2. <strong>juni</strong> vart Tore Stegen og Simon Underdal konfirmerte i<br />
Undredal kyrkje<br />
Avlidne<br />
Øystein Underdal f. 17.03.1920, vart gravlagt frå Vangen<br />
kyrkje 02. mai <strong>2011</strong>.<br />
Info om betaling<br />
Frist for stoff til julenummeret er 1. november, men me tek<br />
imot bidrag fortløpande.<br />
Send stoff – send bilete! Den 4. februar var det flo.<br />
Det er mange som lurer på kva tid dei skal betale for <strong>Underdølen</strong>.<br />
Me sender ut rekning på våren. Sommarnummeret skal<br />
vere i posten før 20. <strong>juni</strong>, og julenummeret før 20. desember.<br />
Det lettar arbeidet for oss om du sender oss e-postadressa<br />
di, så kan me sende rekning og annan informasjon pr e-post.<br />
Ta kontakt med redaksjonen om du har spørsmål!
hELSING LEIAR<br />
Ord ved båra til Øystein<br />
Øystein, du var ein heidersmann, veldig engasjert på<br />
mange felt. Men først og fremst var du kjøpmann.<br />
Det var som kjøpmann eg lærde deg å kjenna på slutten<br />
av 70-talet. Me var då to<br />
av tretten kjøpmenn - plukka<br />
ut til å vera med i forsøksprogrammet<br />
for nærbutikkar i<br />
Sogn og Fjordane.<br />
Føremålet var å driva meir<br />
lettvint og lønsam butikk.<br />
Det vart ein revolusjon for<br />
oss alle tretten. Mykje nytt å<br />
forholda seg til, entusiasme<br />
og skepsis. Me lærde kvarandre<br />
godt å kjenna gjennom<br />
mange seminar som gjekk<br />
over fleire år. Du, Øystein,<br />
var ein som ofte ga utrykk<br />
og tala med klar høg røyst -<br />
kva du meinte når det syntes<br />
gå over stokk og stein eller<br />
noko var glimrande. “ De må<br />
no skjønna og begripa” var<br />
omkvedet ditt når du gav uttrykk<br />
for dine synspunkt.<br />
Me var begge med i styret<br />
for Sogn Kjøpmannslag.<br />
I begge desse fora var det sosiale ein svært viktig faktor. Og<br />
her var du, Øystein, svært medverkande. Du var ein person<br />
med eit lyst sinn og eit fantastisk humør og ein glad latter.<br />
Du var ærekjær og ein stolt person. Du var stolt av bygda<br />
di, stolt av kona di, Jensine, som du mista altfor tidleg, stolt<br />
hjarteleg takk!<br />
av familien din og stolt av det du hadde fått til.<br />
Du ånda og levde for geitosten, og det opna seg nye moglegheiter<br />
med den då bygda<br />
fekk veg. Eg har aldri møtt<br />
nokon som tala så varmt og<br />
med innleving om ei vare som<br />
du kunne når du i din iver la<br />
ut om geitost frå Undredal.<br />
Ein kunne formeleg kjenna<br />
lukta både av geitedyret og<br />
den skarpe ostesmaken.<br />
Du sysla med osten til<br />
det siste. Du heldt deg godt<br />
i din høge alder, hadde god<br />
helse. Me møttes på Undredal<br />
brygge i fjor sommar. Som<br />
90-åring baud du meg opp til<br />
ein vals. Eg måtte berømma<br />
deg for kor sprek du var og kor<br />
godt du heldt deg. Du lika det.<br />
Men det skulle bli den siste<br />
dans.<br />
Frå gode venner i Førsøksprogrammet<br />
og Sogn Kjøpmannslag<br />
vil eg bringa fram<br />
ei siste helsing og takk.<br />
Me lyser fred over Øystein sitt minne.<br />
Gerd-Mari Ahlin, Slinde<br />
Foto: PB<br />
- til alle som gav minnegåve i samband med at Øystein Underdal<br />
gjekk bort 25. april <strong>2011</strong>.<br />
Til saman kom det inn kr. 10.378,-, noko som kjem vel med når<br />
ungdomslaget no står framfor ei større utbetring av ungdomshuset.<br />
Familien og Undredal Ungdomslag<br />
<strong>juni</strong> <strong>2011</strong> - <strong>Underdølen</strong> | 3
BYGDANYTT<br />
Snøvinteren 2010-<strong>2011</strong><br />
Kven hadde trudd at me skulle få to vintrar så like etter<br />
ein annan! Vinteren kom tidleg, og mange var ikkje<br />
ferdig med å førebu hagen før vinteren. Blada hang lenge<br />
på skogen i haust, og det var mange som beit seg merke<br />
i det. Det kunne hende det vart ein hard vinter til, og at<br />
han kom til å vare lenge. Mot slutten av oktober kom både<br />
snøen og kulden. Det vart ikkje så mykje snø, men kulda<br />
var hard utover seinhausten. Resultatet vart at hjå mange<br />
fraus vassrøyr og vatnet med.<br />
Desember vart den kaldaste månaden på om lag 40 år,<br />
og det seier litt. Januar var litt mildare og februar kaldare<br />
att. Det var kaldt nok, og nedbøren lavde ned som snø. Det<br />
4 | <strong>Underdølen</strong> - <strong>juni</strong> <strong>2011</strong><br />
var meir snø i vinter enn fjoråret. Ved å bruke skistaven<br />
som mål, så var det lett å finne skilnaden frå i fjor. På flat<br />
mark var det på det meste tett oppunder 1 meter. Store<br />
svingingar i temperaturane i vinter gjorde at rasfaren vart<br />
større enn fjoråret. Det var ikkje stabilt nok, og då vart det<br />
utrygt å ferdast t.d. på dalen. Det gjorde sitt til at den gamle<br />
stølsvegen ikkje vart like mykje brukt av oss skigåarar som<br />
vinteren i fjor.<br />
Vegstengingane kan du lese om i eigen artikkel. I midten<br />
av februar gjekk Djupsåna, slik at ho demde opp for vatnet,<br />
og så mykje at vatnet frå elvi flaumde over brui på ettermiddagen.<br />
Då veret vart kaldt og stabilt, var det fint å fare<br />
på ski over raset på veg til Langhuso.<br />
Dyrespor er det nok av, berre ein gir seg tid til å sjå<br />
etter. Likevel, samanlikna med førre året, så var det lite<br />
harespor å sjå. Spor etter rev hadde auka frå i fjor, og kan<br />
hende gaupa hadde vore ein tur på gamlevegen òg? Det<br />
fekk me aldri stadfesta, men kan hende viltkameraet som<br />
sto ei stund i Breiskreda har fanga opp noko…..<br />
I midten av mars trudde vel dei fleste at vinteren skulle<br />
vere over for i år. I alle fall håpa me på det. Då opplevde me<br />
det verste uveret som me kan hugse, i lågareliggjande strøk<br />
til no. Vegen til Langhuso vart omtrent ”vekke” i snøvêr<br />
og vind. Alt gjekk i eitt, og det var umogleg å sjå kor ein<br />
var på vegen. I eit slikt forrykande uver kunne det lett ha<br />
skjedd uhell, men sneglefarten gjorde at me etter om lag<br />
ein 20-25 minutt fann fram til E16 i Botn.<br />
Når me tenkjer attende på vinteren i år, så var det ein<br />
flott vinter. Det same med vinteren før. Det er lenge sidan<br />
eg har måka så mykje snø, og for å vinkle det positivt, så<br />
har det gitt oss masse trening. Då vegane i bygdi låg der<br />
ubrøyta, så måtte vel det gi alle lyst til å vere ute å gjere<br />
noko kjekt i snøen! Å ake Hjøllabakkane var kjekt, og gjekk<br />
godt gjorde det òg. Ein har ikkje meir moro enn ein lagar<br />
sjølv, og det bør me hugse å ta vare på.<br />
Tekst og foto: HHB<br />
Ungdomshuset<br />
Det er lenge sidan ungdomshuset fekk seg ein rundvask,<br />
men i år skjedde det. Golv, tak og vegger, gardiner, skap<br />
og skuffer vart vaska. Til og med flaggstonga fekk seg ein<br />
omgang måling. Det var det John i Nigarden som sto for.<br />
17. mai stråla huset som det ikkje har gjort på lenge.
Rv 601 stengd<br />
Vegen mellom Langhuso og Undredal var stengd to<br />
gonger i vinter. Første vart vegen stengt mellom tysdag 11.<br />
januar om ettermiddagen og 12. januar tidleg på ettermiddagen.<br />
Det kom eit lite ras denne gongen, men det var ikkje<br />
større enn at det kunne ha vore rydda med ein gong. Men<br />
vegvesenet valde å stengje pga fare for nye ras mens det var<br />
mørkt/ikkje sette brøyemannskapet i fare. Så vart vegen<br />
Tormod og Kjell flyttar<br />
Dessverre forlet to gode krefter bygda etter påske. Tormod<br />
Herre begynte som landbruksvikar i Luster kommune.<br />
Han tykkjer det er godt å vere tilbake i jordbruket, etter<br />
nokre år som anleggsarbeidar. Kjell Krogstad begynte i eit<br />
vikariat som museumsbonde ved De Heibergske samlinger<br />
Sogn Folkemuseum. Med praksis frå Undredal skulle han<br />
vere godt kvalifisert for jobben...<br />
Kjell har vore museumsbonde<br />
her i bygda og. Her serverer<br />
han vassgraut til onnefolka<br />
på slåttefesten i 2010.<br />
Tekst & foto: AKM<br />
Tormod Herre i sitt rette<br />
element. Bildet er frå Slåttefesten<br />
i 2010.<br />
stengd att laurdag 7. januar om ettermiddagen og opna<br />
ikkje før kl 14.00 måndag 17. januar. Stenginga førte til<br />
messefall i kyrkja og ein del problem for folk. Geitebøndene<br />
skulle levere mjølk til Tine for første gong etter kjeing, men<br />
det vart det ikkje noko av. Nokre bilistar tykte det var for<br />
gale at vegen var stengt pga fare for ras, og køyrde forbi<br />
sperringane. Heldigvis gjekk det godt.<br />
Skuleelevane som skulle på vidaregåande i Sogndal tok<br />
skulebåten som vanleg måndag morgon, men dei som<br />
skulle til skule i eigen kommune måtte bli heime. NRK<br />
Sogn og Fjordane leigde båtskyss og kom på fjøsbesøk for<br />
å finne ut korleis bøndene takla situasjonen. Innslaget<br />
vart sendt på NRK 1 kl 19.00 og kl 21.00. Men då var altså<br />
vegen opna att.<br />
I våre dagar kjennest det dramatisk når vegen stengjer,<br />
sjølv om det er snakk om berre nokre dagar i året. Her<br />
i Undredal har me likevel ikkje mykje å klage over i samanlikning<br />
med dei som bur i Skjerdal eller på Bakka. Dei<br />
har verkeleg fått merke kva vinteren medfører av ulemper<br />
denne vinteren.<br />
Gutane på Filefjell<br />
Foto: AKM<br />
I vinterferien slo ein heil generasjon med undredølar seg saman og<br />
dro til Filefjell for å stå på ski og vera saman. Her ser me gjengen<br />
før heimreise (frå v.): Espen Bjørndal (reserveunderdøl, gift med<br />
ei underdøla), David Underdal, Sondre Torgersen, Atle Underdal<br />
Borlaug, Kenneth Vindedal, Tormod Herre (vossing og underdøl god<br />
som nokon) og Tormod Underdal. Foto: tilfeldig forbipasserande<br />
<strong>juni</strong> <strong>2011</strong> - <strong>Underdølen</strong> | 5
BYGDANYTT<br />
Volley, volley!<br />
Det har lenge stått på ønskelista til ungdomane i bygdi<br />
å få laga til ei volleyballbane. I fjor søkte Undredal Ungdomslag<br />
om folkehelsemidlar til å fremje fysisk aktivitet i<br />
bygda. Ungdomslaget inviterte Grendalaget til spleiselag.<br />
Torill sette i gang med å innhente tekniske opplysningar,<br />
og det viste seg at det enklaste og rimelegaste var å lage<br />
ei grasbane. Tidleg på våren i år fekk vi levert søknad til<br />
kommunen og svaret var at “ver så god, berre set i gang.<br />
Dette er eit riktig tiltak i følgje reguleringsplanen”. I løpet<br />
av nokre hektiske vårhelger har den kommunale tomta me<br />
til dagleg kallar “Borlaugsåkeren” blitt forvandla frå haug<br />
og holer til ei fin, slett bane med nedstøypte fundament<br />
for volleyballstativ. Den 7. mai vart bana sådd til. Primus<br />
motorar har vore Tormod U. og Atle U.B. Dei har og stilt<br />
med maskiner. Så har ein heil gjeng med ungdomar vore<br />
med på arbeidet. Vårveret har vore nesten litt for strålande,<br />
så det måtte vatning til for at frøa kunne spire og vekse seg<br />
fine til volleyballkamp som er planlagt på jonsokkvelden.<br />
Vårrydding<br />
Til Bente<br />
Eg vil skrive nokre ord om Bente. Eg føler at ho er for bygda. Ho gjer mykje for oss alle, ikkje berre i jobben<br />
på Underdalsbui, men i mange samanhengar. Bente er hjelpsam, ein god ven, ein vi kan lite på. Då vi flytta hit<br />
kunne vi gå til Bente og spørre viss det var noko vi lurte på. I den siste tida vi har vore gjennom, med alvorleg<br />
sjukdom og bekymringar, har ho vore ei utruleg god støtte. Me har fått eit nært og spesielt forhold til Bente.<br />
6 | <strong>Underdølen</strong> - <strong>juni</strong> <strong>2011</strong><br />
GSB/AKM<br />
Fjerde mai var det ein liten, men ivrig gjeng som stilte med<br />
trillebårer, river og arbeidshanskar for å gjere bygda klar til<br />
sommaren. Parken vart fin etter eit par timars arbeid, og<br />
dugnadsgjengen vart blid og mett etter å ha blitt traktert<br />
med dugnadskringle i hagen til Inger Oline og Henning.<br />
På bildet ser me Bente og Torill i full sving. Bergit er skjult<br />
bak buskane.<br />
Foto: AKM<br />
David, Torbjørn og Atle fyller på massar og planerer. Bildet er<br />
teke i april. Foto: AKM<br />
Anna Elise Borlaug er tilsett i ei prosjektstilling hjå Undredal<br />
Bygdeutvikling sommaren <strong>2011</strong>. Ho skal arbeide<br />
med Geitostfestivalen, skjødselsprosjektet på Stokko,<br />
rydding og merking av stiar og administrere parkstellet<br />
i bygda.<br />
Foto: Henning Øy<br />
Inger Oline Øy
Ein samtale med Eke Krug<br />
Eke Krug kom til Noreg første gong i 2009. Ho flytta til<br />
Undredal saman med ektemannen Huib van der Horst<br />
i mai i fjor, og dei bur i ”Tora-huset” på Reina. Ho seier at<br />
dei likar seg godt i Undredal og øver seg i norsk språk kvar<br />
dag. For ikkje å ha budd i Noreg meir enn knappe to år, så<br />
snakkar Eke godt norsk.<br />
Eke er opphavleg frå Amsterdam<br />
i Nederland, men etter 27 år i den<br />
nederlandske hovudstaden busette<br />
ho seg i Friesland, som vert meir<br />
nord i landet. Der budde ho i om lag<br />
20 år. Friesland har eit eige språk<br />
som heiter frisisk, så Nederland har<br />
to offisielle språk – nederlandsk og<br />
frisisk.<br />
Eke er kunstnar og utdanna fargeterapeut,<br />
men har ikkje jobba<br />
som det. I Nederland hadde ho eiga<br />
bedrift med nokre få tilsette der dei<br />
masseproduserte smykke. Dette var<br />
i 1980-åra, då smykka skulle vere<br />
store. Dette var viktig for motebransjen.<br />
Smykka vart selde både i Nederland, Belgia og i Sveits.<br />
I 1990-åra endra situasjonen seg. Smykka skulle vere enkle<br />
og mindre i storleik. Det var ikkje så ”in” med smykke, så<br />
etterspurnaden minka veldig. Det vart ingen suksess.<br />
I 2009 etablerte Eke seg i Noreg og designa berre sine<br />
eigne smykke. Dei er spesiallaga, og svært få er like. Det<br />
er mange forskjellige smykke – store og små, og ho lagar<br />
det som ho likar sjølv.<br />
Materiala som ho brukar er papir, kartong, gummi, tre,<br />
syntetisk leire, metallfolie og filt. Ho nyttar òg sykkelslan-<br />
Gatenamn og husnummer i kommunen vår<br />
Arbeidet med tildeling av offisielle adresser starta<br />
opp på siste halvdel av 90-talet. Det første som vart<br />
gjort var å kartleggja, koda og gje<br />
namn til dei ulike vegane i kommunen.<br />
Arbeidet vart avslutta med<br />
kommunestyrevedtaket 15. mai<br />
2003. Vegnamna hadde då vore<br />
ute til høyring, og det hadde vore<br />
gjennomført folkemøte for dei ulike<br />
soknene.<br />
Adresseringa er gjort med<br />
heimel i Matrikkellova. Hovudføremålet<br />
med å tildele offisielle<br />
adresser, kombinert med skilting<br />
og kartfesting, er å gjere det praktisk mogleg å finne fram<br />
til eigedommar og personar eller aktivitetar som er knytte<br />
til desse. Ei einsarta og presis offisiell adresse er viktig for<br />
besøkjande, drosjer, e-verk, posten, televerk, varetransport,<br />
brannvesen, ambulanse, renovasjon og legeteneste.<br />
gar som materiale. Ho fargar sykkelslangane med forskjellige<br />
fargar, og nyttar dette materialet som ein del i smykka.<br />
Eit smykke kan bestå av fleire materiale.<br />
Zentangle er ein spesialteikning laga med tusj. Denne<br />
teknikken skapar ro i kroppen og i hovudet.<br />
Det er som ho seier sjølv – nesten meditasjon.<br />
Det vert ein repetisjon av bildet ein<br />
lagar. Teikningane blir skanna og skrivne<br />
ut. Så etter kvart vert dei til smykke, små<br />
(kort)bøker eller kort.<br />
I fjor vart det lita tid til førebuing av sal<br />
når Eke og Huib ikkje kom før i mai. Likevel<br />
vart det galleri på bryggja i fjor, og det har<br />
gitt ho lyst til å satse i år også. Smykka som<br />
ho selde i fjor var store. I år er dei mindre,<br />
og ho har både halssmykke, armband og<br />
øyredobbar, i tillegg til små (kort)bøker og<br />
kort.<br />
Ho opnar offisielt Galleriet på Bryggja 1.<br />
<strong>juni</strong>. I desse dagar går ho ut med annonser,<br />
og det kjem ei heimeside i løpet av sommaren.<br />
”Ekes”, som bedrifta heiter, vil halde ope i om lag<br />
tre månader framover. Her må alle ta seg ein tur innom<br />
utover sommaren. Sjølv etter at ho har opna i Galleriet<br />
på Bryggja, så held ho fram arbeidet der. Folk kan få sjå<br />
korleis ho arbeider. Smykka ligg framme og dei kan tas på.<br />
Det er ikkje ”farleg” om barn t.d. tek på smykka. Dei tåler<br />
ein støyt, seier Eke.<br />
Me gler oss til opninga av Galleriet 1. <strong>juni</strong>, og håpar at<br />
mange vil sjå innom i løpet av sommaren og første del av<br />
hausten. Sjå annonse lengre bak i bladet.<br />
HHB<br />
I 2005 starta Aurland kommune opp med skilting og nummerering<br />
av hus og vegar. Eigarane har krav på å uttale seg<br />
om desse før montering. I Aurland og delar<br />
av Flåm er dette utført. Kontaktperson her<br />
er Jan Inge Magnussen.<br />
Husnummerskilt vil bli sett opp for huseigaren<br />
sin kostnad, jf. reglane for skilting,<br />
vedtekne av kommunen. Huseigarane vil<br />
bli kontakta før montering. Prisen på husnummerskilt<br />
vert om lag 150 kr pr stk., eks.<br />
mva oppsett på husveggen. Det skal nyttast<br />
standardskilt for husnummer (skilt nr 770 i<br />
Vegvesenet sin skiltnormal). Dersom nokon<br />
har ynskje om anna skilting enn den standardiserte, skal<br />
det godkjennast av kommunen.<br />
Framdrifta i <strong>2011</strong> er resten av Flåm. Først i 2012 og<br />
2013 er Undredal, Nærøy og hytteområde i fjellet planlagt.<br />
HHB<br />
<strong>juni</strong> <strong>2011</strong> - <strong>Underdølen</strong> | 7
Anita Alltid-på-farten<br />
Anita er den slags menneske som aldri blir gamal. Ho er like ungdommeleg, slank, blid og energisk som då ho<br />
kom hit til bygda. Dessutan er ho som pota: Kan brukast til alt. Spør du Anita om å koke i ein femtiårsdag i<br />
ungdomshuset, så seier ho ja. På Furukroa ser du ho ofte med servitørforkledet. Ho tar gjerne og klipper<br />
håret ditt når ho er heimom ein tur. Det skulle ikkje forundre meg om ho på dagtid ser etter ungane dine eller<br />
vaskar kontoret ditt.<br />
Anita Fjellheim er frå Tunhovd, og har budd dei siste 24 åra i Undredal.<br />
- Eg kom hit i ‘88, seier ho. Første jobben var for Selmer<br />
Furuholmen i Vassbygdi. Så var eg på strikkefabrikken på<br />
Fjordsentret i Aurland og i restauranten på gamle Fretheim<br />
Hotell. Så begynte eg som vikar i vaskejobben på Undredal<br />
skule, og der var eg heilt til skulen vart lagt ned. Sidan gjekk<br />
det slag i slag med barnehage og<br />
skulefritidsordningar rundt om i<br />
kommunen. Eg har jobba på dei<br />
fleste skulane og barnehagane<br />
som finst - og har funnest - i kommunen.<br />
For tida jobbar eg som<br />
assistent på Flåm skule. Det stortrivst<br />
eg med.<br />
- Kva er den viktigaste eigenskapen<br />
for ein som skal jobbe med ungar?-<br />
Hmm, seier Anita og tenkjer ein<br />
augneblink. - Det er kanskje å vere<br />
litt barn sjølv? Og ikkje minst å<br />
kunne lytte til dei. Eg liker kjempegodt<br />
å jobbe med ungar. Eg<br />
tykkjer eg får god kontakt med<br />
ungane. Eg er og assistent for barn<br />
med særskilde behov. Det er gøy<br />
med utfordringar!<br />
Anita er god til å lage mat, og ho er<br />
ein av dei som ikkje er redd for å lage<br />
mat til mange menneske. Anita var<br />
på kjøkenlaget då Undredal Ungdomslag<br />
feira sitt 100-årsjubileum.<br />
Sist ho hadde ansvar for maten i eit<br />
8 | <strong>Underdølen</strong> - <strong>juni</strong> <strong>2011</strong><br />
Versågod, det er berre å forsyne seg, seier<br />
Leif Finden til Anita.<br />
stort lag i Ungdomshuset var då ho kokte i bryllaupet<br />
til Steinar Stegen og Trude<br />
Du har jobba mykje i serveringsbransjen, ikkje<br />
sant? - Jo, eg begynte på Fretheim Hotell,<br />
men no har eg jobba som restaurantsjef på<br />
Furukroa i mange år. Eg har eigentleg slutta<br />
der, men eg er ofte innom for å ha kontroll,<br />
ler ho. Det er ein god arbeidsplass. Når me<br />
spør kor ofte ho er innom, viser det seg at det er<br />
bortimot kvar dag. Og så jobbar ho når det er<br />
bruk for ho, det vil seie ganske ofte.<br />
- Kva gjer du som restaurantsjef, og kva er din<br />
viktigaste eigenskap? - Tja... Anita legg hovudet<br />
på skakke og tenkjer seg om i to sekund:<br />
Eg tar meg av kundane, og ser etter at det er<br />
nok dukar, blomar og slikt. Så plasserer eg<br />
gjestane i lokalet og ser til at me har nok folk<br />
på jobb. Viktigaste eigenskapen er vel å vere<br />
positiv og imøtekommande og å passe på at<br />
både dei som er på jobb og kundane har det bra.<br />
- På ein internasjonal plass for Furukroa i travle Flåm møter<br />
du vel mange rare folk? - Ja, det skal vere visst, svarer Anita<br />
med eit glis. Asiatane, for eksempel. Dei er veldig flinke til<br />
å blande maten sin: Brun saus og gele, for eksempel. Laks<br />
og jordbærsylte. Og så drikk dei vaniljesaus. Til slutt takkar<br />
dei for maten og seier at det var<br />
godt. Det er kjempehyggeleg!<br />
Men Anita kan meir: Ho er omreisande<br />
i hårklipp! I dag skal ho ned<br />
til Leif Finden å gjere han fin. Leif er<br />
i gang med middagen, men han set<br />
kjøtkakene til sides når Anita kjem<br />
og tek plass på ein krakk så ho kan<br />
komme i gang med arbeidet. Saks<br />
og kam og dusjeflaske kjem opp av<br />
frisørposen.<br />
- Her var det mykje å ta av, ler ho.<br />
- Ja, no må du berre forsyne deg,<br />
svarer Leif.<br />
Har du gått på skule og lært å<br />
klippe hår? - Nei, eg har lært meg<br />
sjølv, svarer Anita. Eg øvde meg<br />
først på systene og venninnene<br />
heime på Tunhovd. Så har eg ei<br />
venninne som er frisør. Av ho<br />
får eg det ho ikkje bruker lenger.<br />
Kven er det du klipper? Anita reknar<br />
opp den eine etter den andre i bygda.
Det blir ein 15-16 personar før me veit ordet av det. - Og så<br />
klipper eg nokre i Aurland, venner og slikt, og nokre kolleger.<br />
Eg fargar og.<br />
Me spør Leif kva han set pris på ved Anita frisørdame. - Ho er<br />
omgjengeleg, og ho ser ikkje på klokka. Og så gjer ho godt<br />
arbeid, sjølvsagt. Bror min, Lidvin, er frisør nordafor. Han<br />
har si eiga frisørkjede. Når han er heime i Undredal ser han<br />
på frisyren min og godkjenner arbeidet!<br />
Har du nokon gong fri, Anita? - Å jada, kjem det, etterfølgt<br />
av ein trillande latter. Eg er ofte heime hos mor og far på<br />
Tunhovd. Både eg og ungane er veldig glad i å vere der.<br />
Tunhovd ligg 850 moh, 2,5 mil frå Nesbyen. Det er heilt<br />
annleis enn her. Der bur ein oppå fjellet, her bur ein nedi.<br />
Pappa, som var anleggsarbeidar, hadde ein draum om å<br />
få seg dyr. Så kjøpte han ein stall og fekk seg 6 sauer og<br />
ein hest. Det var i 1975, så eg er nesten bondejente. Etter<br />
kvart bygde han seg fjøs, og no har han 40 vinterfora sauer.<br />
Alle som kjenner Anita, veit at ho er ei skikkeleg hønemor. Når<br />
ungane reiser tilbake skule og hybel etter endt helg får dei med<br />
seg heimelaga middag for fleire dagar. Ho ringer dei ofte, og må<br />
forsikre seg om at dei har kome seg vel i hus når dei har vore<br />
ute ein laurdagskveld. - Det er så grusomt når ungane skal<br />
reise ifrå meg. Eg er så sippete. Tårene renn! Men så er eg<br />
fantastisk glad når dei kjem heim att. Då veit eg ikkje kva<br />
Cruisebesøk<br />
Aud Melås på Flåmsbrygga:<br />
Her er min karakteristikk av Anita...<br />
Smilande, godt humør, service i blodet, stiller alltid opp så sant ho kan og ofte på<br />
kort varsel, lojal og trufast, eit rivjern som sjonglerer mange jobbar samstundes,<br />
glad i menneske, omtenksam, givande, rettferdig, rask i vendinga. Anita er med<br />
andre ord eit glad-menneske som får ting gjort, ho bryr seg og deler gjerne med<br />
andre av seg sjølv, og ho er perfekt for servicebransjen!<br />
for bein eg skal stå på av berre glede!<br />
No har du budd i Undredal i 24 år. Ungane dine, Kenneth og<br />
Kathrine er 21 og 18 år. Dei har budd her heile livet. Likevel<br />
snakkar dei Tunhovd-dialekt. Kvifor? - Det er min feil. Eg tyt<br />
så mykje, svarer ho og set latterdøra opp igjen.<br />
Du er veldig glad i foreldra dine og. Sat du ikkje stand by ved<br />
sengekanten til far din i to månader då han var sjuk for eit par<br />
år sidan? - Det skulle berre mangle. Han har gjort så mykje<br />
for oss! Lungene hans kollapsa og han fekk ikkje nok oksygen.<br />
Eg og systrene mine bytte på å sitte ved senga hans.<br />
Og me krangla mykje med sjukehuset for at han skulle få<br />
den behandlinga han hadde krav på. Eg er sikker på at om<br />
me ikkje hadde stått på slik me gjorde, så hadde han ikkje<br />
levd i dag. På same tid vart mor innlagt med ein alvorleg<br />
augesjukdom. Det var ei tøff tid, men no er heldigvis begge<br />
ganske bra, og takk og pris for det!<br />
Du er alltid blid og glad, verkar det som, og aldri høyrer me<br />
du snakkar stygt om andre. Er du alltid slik? - Eg kan vere<br />
alvorleg, slik som då eg sat ved sjukesenga til far min. Men<br />
eg klarer for eksempel ikkje vere på ein arbeidsplass der eg<br />
må vere seriøs heile tida. Då dør eg, seier Anita og knekker<br />
saman i ei lang, herleg latterkule<br />
Tekst & foto: AKM<br />
Den 11. mai låg det tre Cruiseskip i Flåm. Det lengste skipet heitte Orchestra og målte nesten 300 m. 173 personar frå skipet, fordelt<br />
på fem bussar kom hit og fekk omvising i kyrkja. Dagen etter kom 93 personar frå skipet Exhibition. Biletet av bussane er frå 27.<br />
mai. Då låg to store skip i Flåm, og det kom fire bussar på ein gong.<br />
<strong>juni</strong> <strong>2011</strong> - <strong>Underdølen</strong> | 9
hjå Jofrid og Egil i Buastova<br />
Strandsitjarane var underdølar som ikkje eigde<br />
grunn. Dei eigde huset dei budde i og kanskje eit<br />
naust og grunnen huset sto på. Inntekta henta dei ved<br />
arbeid utanom heimen, ofte gjennom pendling til andre<br />
plassar.<br />
Egil, Jofrid, brygga og fjorden.<br />
Buastova er eit slikt strandsitjarhus. Stova ligg i Undredals<br />
“Skomakargate”: Når du står på almenningen framom<br />
Underdalsbui går du til venstre opp Birjegeili. Du svingar<br />
forbi det som går for å vere Undredal eldste hus, Edlingastova,<br />
og stova der Tulla, mor til Jofrid bur. På vegen<br />
utover passerer du to andre strandsitjar-stover og så er du<br />
der: Eit enkelt kvitt hus med to naust tett i tett,<br />
inneklemt mellom vegen og fjorden.<br />
Ein vakker vårdag i slutten av april tar Jofrid<br />
og Egil Roteigen imot på brygga i sitt paradis.<br />
Sola strålar frå skyfri himmel og speglar seg i<br />
blank sjø. På bordet på brygga står ein gamal<br />
mugge med gåsungar og nokre gule tulipanar i.<br />
- Det er ein befrielse å komma hit, seier Jofrid.<br />
Her er så vakkert og fredeleg. Me reiser så ofte<br />
me har tid, det er berre 1 ½ times køyring frå<br />
Hemsedal.<br />
Byggeåret er ukjent, men skøyta på tufti er<br />
datert 1919. Det var bestefar og bestemor (Jens<br />
og Marta Sofie Buene) til Jofrid som bygde huset.<br />
Han kom frå Buene og ho frå Sogndalsdalen.<br />
Dei fekk 10 barn, og av dei er det Tulla, Idar og<br />
Ruth som lever i dag. - Etter at Sigurd-morbror<br />
døydde, overtok Jon-morbror huset. No er også<br />
han død, og huset er eit mykje brukt fritidshus<br />
for Jofrid og Egil. - Dette er heimen min, skjønar du! Mor<br />
og far budde først i to år på loftet i Edlingastova. Der fekk<br />
dei eldste syster mi. Så budde dei på loftet her hjå bestefar<br />
10 | <strong>Underdølen</strong> - <strong>juni</strong> <strong>2011</strong><br />
og bestemor, og her fødde mor fem jenter. Då eg var sju<br />
år flytta dei bort i huset ho mor bur i enno. Men då sa<br />
bestemor: - Ho Jofrid blir verande hjå oss! Og slik vart det.<br />
Brygga her vart restaurert for seks-sju år sidan, seier<br />
Egil. Det var han Jon og eg som gjorde det.<br />
Så restaurerte me naustet. Han Jon var ein<br />
ivrig fiskar. Me har ikkje båt, men sonen vår i<br />
Hemsedal har ein båt som han hadde liggjande<br />
her i fjor sommar. Stova begynte me på etter<br />
at me overtok ho for eit par år sidan. Me<br />
tek den tida me treng, det er ingen ting som<br />
hastar. Me er her som sagt så ofte me kan, og<br />
om sommaren er eg her meir eller mindre fire<br />
månader samanhengande. I fjor kledde eg opp<br />
att huset. Alle som for forbi på fjorden vinka<br />
til meg. Det vart så travelt at til slutt måtte eg<br />
slutte å snu meg og vinke tilbake, elles hadde<br />
eg ikkje fått gjort noko, ler han. Egil jobbar<br />
som vaktmeistar i Hemsedal kommune. - Han<br />
liker å drive med noko heile tida, seier Jofrid.<br />
At han er ein nevenyttig kar er lett å sjå. Alt<br />
er fint gjort, både innvendig og utvendig. Og<br />
Jofrid har sett sitt preg på huset gjennom innreiing<br />
og fargeval. Lyst og lekkert er det. Og<br />
alle møblane har si historie:<br />
Denne sjeselongen fekk eg av Sigurd-morbror. Eg tok<br />
han med til Hemsedal og trekte han opp att. Han kan slåast<br />
ut til dobbelseng. Då eg var lita sto sjeselongen inne i vetlastova.<br />
Bestemor og eg låg i han kvar natt. Eg har mange<br />
gode minne både om den og vetlastova. No har me slått ut<br />
veggen mellom stovene og sett sjeselongen inn her, for han<br />
Strandsitjarstovene ligg tett i tett langs fjorden. Brygger og uthus innimellom.<br />
var så fin. Over han heng eit stort, fint måleri av ein hane,<br />
som Jofrid fekk av yngste dotter si til 60-årsdagen. - Eg<br />
har alltid hatt så lyst på høner, seier ho. Kanskje eg kan få
meg høner når me flytter til Undredal?<br />
Men det blir ikkje mykje for dei<br />
å nippe i, ler ho. Tomta er ikkje stort<br />
større enn flekken huset står på.<br />
Frå stoveglasa ser Jofrid og Egil<br />
både innover mot Raudberg og utover<br />
mot Beitelen. - Det er kjekt å<br />
sjå på dyrelivet herfå, seier Jofrid. I<br />
dag tidleg symde det eit stokkandpar<br />
forbi her. I fjor og i forfjor såg<br />
me ein storskarv som ofte sat på ein<br />
båt utom her og tørka vengene sine.<br />
Ein gong såg eg han kom opp med ein<br />
fisk, fortel Egil. Me såg og ein oter<br />
som symde langs hølastrondi og ei<br />
kveite som bukta seg rett utfor brygga.<br />
Eit mektig syn! - Før såg eg ofte<br />
krosstroll og krabbe, minnest Jofrid.<br />
Denne gamle sjeselongen har<br />
Det har vore lite av det i mange år, Jofrid mange gode minne om<br />
men i fjor såg eg dei igjen. Jofrid<br />
minnest barneåra: Me sto på brygga og fiska. Me fekk ofte<br />
Servicebygget<br />
Nærøyfjorden verdsarvpark var vertskap for nettverket<br />
mellom dei som alt er regionale parkar eller<br />
landskapsparkar (lokale parkar), samt alle andre som var<br />
interesserte i å lære om dette. Måndag 2. mai møttest<br />
45 personar frå m.a. Telemarkskanalen, Valdres Naturog<br />
kulturpark, Landskapsparkane i Hordaland, Halden,<br />
Finnskogen, Numedal og verdsarvparken på grendehuset<br />
i Undredal.<br />
fisk. Og når makrellstimen kom – då var<br />
det ut i båt. Me sette hoven nedi sjøen<br />
og hova inn. Ja, det var andre tider enn<br />
no! Nise og kobbe ser me ofte. Og så følgjer<br />
me med på pillane som beitar i vetlenedbergane.<br />
Det er stupbratt der. Mang<br />
ein gong har me trudd dei har gått seg<br />
skorfaste, men nei, dei bergar seg alltid!<br />
No ser Egil og Jofrid fram til ein lang,<br />
fin sommar i Buastova. Målet til Egil i år<br />
er å rydde naustet. - Eg har ikkje noko<br />
hastverk, seier han. Eg liker å ha noko å<br />
gjere på. Og arbeidet har ein tendens til å<br />
balle på seg. Eg ser for eksempel at sjøen<br />
tærer på grunnmuren. Kan hende må eg<br />
støype lenger ned for å sikre grunnmuren?<br />
Tekst & foto: AKM<br />
Som nemnt i leiaren, har det storma kring servicebygget i vinter. Me gjengir ikkje argumenta her, men kan opplyse<br />
at uteområdet etter framdriftsplanen frå byggjeleiar Kjell Tokvam skal ferdigstillast i midten av <strong>juni</strong>. Første etasje<br />
(toalett, dusj mm) skal vere ferdig 1. juli, og andre etasje i midten av august. Bygget skal opnast offisielt under Geitostfestivalen<br />
siste helga i juli.<br />
” Norske parkar” stifta i Undredal 2. mai <strong>2011</strong><br />
Det var svært stilt i bygda, for ein av dei gamle høvedsmennene,<br />
Øystein Undredal, vart gravlagd på Vangen denne<br />
dagen. Vi fekk ei fin omvisning i kyrkja, der vi også mintest<br />
Øystein med eitt minutts stillheit. Klokka sine vakre tonar<br />
fylde kyrkja for ein som hadde vore klokkar i over tjue år.<br />
Det var ei fin stund og sjølv dei som ikkje kjende han, følte<br />
at dei kom Undredølene litt nærmare nett då.<br />
Etter omvisninga gjekk vi til ungdomshuset. Den gode<br />
maten og miljøet både nede i kafeen og oppe i salen danna<br />
ei fin ramme for konferansen, noko mange kommenterte.<br />
Det er heilt ok å ikkje ha alt på stell med nyaste teknologi,<br />
det enkle er ofte det beste! I unghusomset vart og skipinga<br />
av ein ny organisasjon vedteken: Den 2. mai <strong>2011</strong> signerte<br />
dei fire eksisterande parkane stiftingsdokumentet<br />
for ”Norske Parker”. Tema elles på seminaret var utvikling<br />
av vertskapsrolla, lokal verdiskaping og forankring<br />
av parksatsinga i lokalsamfunna. Undredal var eit godt<br />
eksempel på båe delar. Seminaret held fram med eit sakte<br />
cruise med Lykkeper på fjorden og på Stalheim hotell dagen<br />
etter.<br />
Tekst og foto: Hanne Lykkja<br />
<strong>juni</strong> <strong>2011</strong> - <strong>Underdølen</strong> | 11
ORGANISASJONSSTOFF<br />
Referat frå arbeidsseminar<br />
om universell utforming, bulyst og besøksstyring i Undredal, 5.-6. april <strong>2011</strong><br />
Samplanlegging for god besøksforvaltning og universell utforming: Per Christian Brunsvik (rådgjevar praktisk<br />
tilrettelegging), Janne Ølmheim (Statens Vegvesen), Ivar Bjarne Underdal, Oddgeir Aardalen (Fylkesmannen<br />
Sogn og Fjordane), Jarle Sandvik (arkitekt), Mona Elisabeth Steinsland (S & Fj fylkeskommune) Randi<br />
Øverland (Oppland fylkeskommune) og Johanne Gjesdal Mo (ergoterapistudent).<br />
I mars <strong>2011</strong> fekk kommunen og grendalaget støtte frå<br />
fylkeskommunen til utarbeiding av ein stadanalyse for<br />
Undredal. Stadanalysen skal danne grunnlag for innspel<br />
til reguleringsplan/ kommundelplan og ein utviklingsplan<br />
for Undredal. Denne skal utviklast i nært samarbeid med<br />
bygdefolket gjennom fleire arbeidsseminar og folkemøte<br />
utover året. Hanne Lykkja ved Aurland Naturverkstad AS<br />
leier dette arbeidet.<br />
Det fyrste seminaret fann stad i Undredal før påske. Universell<br />
utforming (dvs. tilrettelegging for alle – inkl. folk<br />
med ulike funksjonshemmingar), trygg trafikkløysing i<br />
små bygdesentra og besøksstyring var populære tema, og<br />
35 følgde førelesingane i ungdomshuset fyrste dagen. På<br />
arbeidsseminaret same kveld og neste dag deltok 28 personar.<br />
Det vart mange interessante diskusjonar og mykje<br />
viktig kunnskap vart<br />
formidla mellom førelesarane,<br />
representantane<br />
frå kommune- og fylkesforvaltninga<br />
og grendafolket.<br />
Randi Øverland koordinerer<br />
arbeidet med<br />
universell utforming i<br />
pilotfylka Oppland og<br />
Hedemark. Ho fortalde<br />
om kvifor Universell<br />
utforming er viktig, kor<br />
mange av oss som sit alt<br />
12 | <strong>Underdølen</strong> - <strong>juni</strong> <strong>2011</strong><br />
for mykje i ro, og at tilrettelegging for ferdsel og trivsel<br />
der alle brukarar føler seg velkomen, er eit gode for alle.<br />
Det handlar mykje om omtanke og god planlegging tidleg<br />
i prosessen. Randi fryda seg over både bygda og seminaret<br />
og såg for seg liknande planseminar i Oppland og Hedemark.<br />
Per Christian Brunsvik sit i rullestol og vart godt kjent<br />
som deltakar på Lars Monsen sin ekspedisjon ”Uten<br />
grenser” i fjor. Han fortalde levande om omtanke<br />
og verdiar som ligg bakom det å leggje til rette for<br />
at alle skal kunne klare seg mest mogleg sjølv, og at<br />
det ligg mykje verdigheit i det å la folk meistre sin<br />
eigen kvardag. Det er samstundes viktig å oppfordre<br />
folk til å trene, flytte grenser, bruke hjelpemidla<br />
meir aktivt og kreativt. Små detaljar kan bety mykje<br />
for ein som ser eller høyrer dårleg, eller som<br />
sit i rullestol eller treng krykker. Td. finare grus<br />
på gangvegen, lågare montering av skilt og spegel<br />
på badet, tydelege kontrastar for dei som ser lite,<br />
fjerning av søppeldunkar, blomsterkrukker og skilt<br />
der folk skal gå. Mange slike tiltak er gode for alle,<br />
og kan gjere det enklare å ta seg ein tur anten ein<br />
har barnevogn eller rollator. Per Christian likte seg<br />
godt i Undredal og fortalde at han har sansen for<br />
slike bygdesamfunn som endå har att atmosfære<br />
og særpreg.<br />
Solveig Dale frå Trondheim kommune har jobba<br />
med universell utforming i ei årrekkje og har vore prosjektleiar<br />
for utarbeidinga av eit nytt prosessverktøy for<br />
kulturminnevern og universell utforming som vart gitt<br />
ut av Miljøverndepartementet i 2010. Ho tok for seg både<br />
måtar å gjere det på og korleis ein må jobbe i lag for å få<br />
til universell utforming av verneverdige bygg og landskap.<br />
For å få til gode løysingar er det viktig med god dialog og<br />
Undredalselvi er eit varig verna vassdrag som renn gjennom grenda og sentrum. Elveforbyggingane<br />
er rasa ut fleire stader, mellom anna ved skulen og ovanfor ungdomshuset.
Konkrete forslag som kom fram i dei tre gruppene<br />
• Trafikale utfordringar: Eit sjarmerande kaos, som godt<br />
kan fortsetje dersom ein fjernar mesteparten av trafikkmengda<br />
midt på sommaren ved å stoppe tilreisande på snuplassen (eller<br />
Langhuso).<br />
• Strakstiltak 1) Opprydding: flytting av søppelspann, rundballar,<br />
revegard<br />
Strakstiltak 2) Skilting og brosjyre: med kart og rusleturar.<br />
Trafikkskilt etter forskrifter, lokale skilt: opprydding av skilt,<br />
lage eigen skiltmal for resterande skilt. Oppdatere skilt på<br />
snuplassen osv. Velkomstbrosjyre med turruter i sentrum og<br />
andre rusleturar.<br />
Strakstiltak 3) Offentleg toalett - organisering fram til<br />
servicebygget står ferdig.<br />
Strakstiltak 4) Utemøblar: Einheitlege benkar og søppelkasser,<br />
kvileplassar kvar 50. meter og ved utsiktspunkt.<br />
Ungdomshuset skal få nytt tilbygg og sanitæranlegg med universell<br />
utforming.<br />
• Torgareal mellom servicebygget og kaia: Forslag om å<br />
utforme den kommunale kaia mellom Osteklokka kafe og den<br />
restaurerte sjøbua, slik at den skrår ned (breie trappetrinn)<br />
mot fjorden, for å opne opp og gjere vatnet lett tilgjengeleg.<br />
Universell utforming er ei utfordring.<br />
• Kaiområdet har høge kvalitetar, dvs. det er vanskeleg å<br />
byggje meir kaier på tvers, utan å øydeleggje dette unike miljøet.<br />
Pir med plass til småbåtar er betre.<br />
Forslag om opptrekksplass for kajakkar som no, ved stranda,<br />
og lagring på torget, eller opptrekk og lagring ved elva.<br />
• Allmenningen: Fortetting av sentrum, forsterke gateløpet<br />
frå brannstasjonen til butikken, og vidare frå sanitæranlegget<br />
til ”parken”. Leikeplass – naturleikeplass og fleksibel bruk, td.<br />
volleyballbane med plen. Gangvegar og stiar gjennom det opne,<br />
grøne området.<br />
• Prioritering etappevis i forhold til parkering:<br />
1) Snuplassen 2) Skilting 3) Langhuso<br />
Analyse og strategiar for besøksstyring E16 Langhuso –<br />
Snuplassen<br />
Forslaga til tiltak og strategiar for Langhuso, snuplassen og<br />
sentrum var mange og fagfolka var ikkje einige om kva som var<br />
samarbeid mellom tiltakshavar, styresmakter og ulike<br />
interessegrupper. Kommunane bør lage seg eigna rutinar<br />
for å få til slikt samarbeid.<br />
Frode Bakken frå Statens vegvesen på Hamar sa at det<br />
hjelper lite om eit tiltak er etter lova og ser bra ut, dersom<br />
det ikkje blir trygt å ferdast i trafikken.<br />
Han viste filmar som understreka dette. Frode jobbar både<br />
med lokalsamfunnsutvikling og tettstadforming, og var<br />
ute etter å kartleggje problemet som skulle løysast før ein<br />
beste strategi. Arkitektane, landskapsarkitektane, planleggjarane<br />
og ingeniørane hadde kvar sine oppfatningar og tilnærming, og<br />
på så kort tid er det vanskeleg å få oversikt over kva som er<br />
dei viktigaste utfordringane for bygda. Men det er spennande<br />
å få nye innspel, og vi tek dei med oss vidare i prosessen. Her<br />
er nokre viktige innspel:<br />
Forslag om å utvide snuplassen ved å byggje opp ein mur mot<br />
elva (god elveforbygging) og fylle opp arealet for parkering og<br />
snuplass. Lage markant form og klar av avgrensing med flott mur<br />
mot elva og sentrum. Ta vare på den høge muren på oversida,<br />
den markerer inngangen til bygda.<br />
Servicebygget passar godt inn i bygningsmiljøet.<br />
Det kom mange gode tilbakemeldingar på plassering og utforming<br />
frå dei tilreisande som deltok på planseminaret. Fortetting<br />
av sentrum vil kunne forsterke preget og atmosfæra. Her ser<br />
vi bygget frå fjordcruisebåten i det den legg frå land.<br />
Ta vare på brannstasjonen, la den stå fritt!<br />
Solveig Dale viste til eit øysamfunn som hadde teke vare på ein<br />
liknande liten brannstasjon. Den var eit populært fotoobjekt<br />
og gjorde folk interesserte i samfunnet på øya, korleis det var<br />
organisert, korleis det var å bu der. Forslag frå mange av fagfolka<br />
og arkitektane var: Behald bygget, mål «Brannstasjon» på<br />
dørene, rydd opp og organiser møteplassar her, lag parkering<br />
og set opp eit eige lite hus som skjerming for glaskontainer mv.<br />
såg på tiltaka.<br />
Vidare arbeid<br />
Undredølene var eit triveleg vertskap, og dei hadde hyra<br />
inn kokkar som slo til med lokale rettar som smaka fantastisk!<br />
Så folk jobba ivrig og fortalde at dei hadde lært mykje.<br />
Men dei oppmoda oss om å få med fleire ungdomar. - Lag<br />
seminar for dei – på deira måte, var eitt av innspela<br />
Tekst og foto: Hanne Lykkja<br />
<strong>juni</strong> <strong>2011</strong> - <strong>Underdølen</strong> | 13
14 | <strong>Underdølen</strong> - <strong>juni</strong> <strong>2011</strong><br />
GEITOSTFESTIVALEN I UNDREDAL<br />
29. – 31. juli <strong>2011</strong><br />
i år satsar me på ein festival med sterkare fokus på geitosten og anna «sakte mat». Ved å servere ostefat med<br />
tilpassa drikke og grillmat av lokale råvarer vil me gje folk nye gode opplevingar i matvegen.<br />
Program<br />
Fredag 29. juli<br />
Som det har vore vanleg på tidlegare festivalar inviterer me til ein «førkveld» før sjølve festivalen opnar, med kulturopplevingar<br />
litt utover vår eigen lokale kultur, som står meir i fokus resten av helga. I år har me vitjing av ein gamal kjenning og undredalsven<br />
Andrea Rice frå Irland. Saman med sine musikarar klarer ho å få fram både dei vare stemningane i irsk musikktradisjon og dei friske<br />
velkjende irske visene som får folk til å synge med. I år har ho med seg ein multiinstrumentalist som kanskje særleg med banjoen<br />
sin vil gje eit nytt uttrykk i musikken hennar.<br />
KL. 19.00 Kyrkjekonsert med irske Andrea Rice der den irske harpa har eit sentral plass forutan Andrea sin nydelege vokal.<br />
KL. 21. – 01.00 Kveldsseta på brygga med eit nytt smakstilbod på ost og utvald god drikke. Musikk ved Andrea Rice Band i ein miks<br />
med konsertstemning og melodiar som får det til å rykke i dansefoten.<br />
Slutt kl 01:00<br />
Laurdag 30. juli<br />
KL. 11.00 Salsbodane opnar med tradisjonelle og nye mat- og handverksprodukt.<br />
Matbodane serverer grillmat, fløytelappar og annan god kaffimat. I år er Haugen Gardsmat invitert til å stå for grilltilbodet, basert<br />
på god handverkstradisjon.<br />
KL. 12.00 Offisiell opning av festivalen og det nye servicebygget. Leikar for liten og stor, der du vert utfordra til å prøva deg på<br />
jurklutkasting, setta spedlen på geiti, andletsmåling og hestaskokasting. Det vil og bli fleire åresal utover dagen med flotte premiar,<br />
underhaldning og musikk. Aktivitetane og salsbodene vil halde ope til ca kl. 17.00. Me avrundar med premieutdeling.<br />
Kveldsprogram<br />
Kl. 18.30 Bordseta på brygga med fjordens kanskje lengste langbord frå parkeringsplassen til bryggjekanten. Menyen er tradisjonen<br />
tru rommagraut, spekemat, flatbrød og i år kan me garantere at Undredalsmylsa er med.<br />
Dei tre trubadurane Olaf, Øystein og Leif Inge vil underhalde og dra folk med i allsang med stoff frå Sivle, Sande og nyare låtskrivarar.<br />
KL. 20:30 Aurland Trekkspelklubb spelar opp til gamaldans<br />
KL. 21:15 Dei tre trubadurane Olaf, Øystein og Leif Inge dreg folk med på velkjende populærmelodiar ispedd litt dansemusikk.<br />
KL. 21:30 Bryggedans med Hilde Fjørtoft Band.<br />
Utover kvelden vert det sal av grilla lokalt produserte burgarar og pølser. Slutt kl 02:00
Søndag 31. juli<br />
KL. 09:30 Festivalfrukost på bryggja<br />
KL. 11:00 Salsbodane opnar med tradisjonelle og nye mat- og handverksprodukt. Matbodane opnar kl 12:00.<br />
KL. 11:00 Messe ved fjorden<br />
Imellom desse programpostane vert det høve til å vere med på omvisning i kyrkja, Undredal Verdsarvhus (Eldhuset) og Undredal<br />
Stølsysteri. Festivalen vert avslutta i tretida, men det er mogeleg bodane held ope lengre om veret er godt og det er kjøpelystne gjester.<br />
NB: Det kan komme endringar. Følg med, følg med!<br />
Velkomen til Geitostfestivalen <strong>2011</strong>!<br />
Frå geitostfestivalen 2009. Sofie Klemetsen ved mikrofonen.<br />
KURS I Å LAGE ROMMAGRAUT OG MYLSE<br />
Laurdag 2. juli kl 14:00 i Undredal skule.<br />
Ingebjørg Borlaug instruerer i korleis ein tradisjonelt lagar<br />
rommagraut og mylse. Kurset er gratis, men me vonar dei<br />
som deltek kan vere med å lage rommagraut og mylse til<br />
geitostfestivalen. Me vil prøve å få til eit opplegg med produksjon<br />
av rommagraut i Fjordkjøkkenet i Aurland før festivalen.<br />
Vel møtt!<br />
har du lyst til å delta på festivalen som frivillig?<br />
Me treng hjelp både i forkant, under og etter festivalen.<br />
I år vil me prøve å sette meir fokus på trivselen til dei<br />
frivillige, mellom anna ved oppvarting under rigginga, og<br />
gode, detaljerte instruksar under heile festivalen, slik at<br />
opplevinga ein sit att med etterpå, er å ha vore med på:<br />
• Å lage ein fin festival der bygda får visa seg fram<br />
• Å oppleva godt samhald og kva ein får til i fellesskap<br />
• Ei kjensle av å ha gjort noko meiningsfylt som kan<br />
gje overskot i kvardagen<br />
I tillegg vil du kunne tena deg opp fri tilgang til arrangement<br />
på festivalen, alt etter kor mykje du jobbar. Ei vakt<br />
vil bli på ca 4 timar. Det er fint om du kan seia frå om du<br />
ynskjer ei eller fleire vakter, og kva du kan tenka deg å<br />
jobba med. Ca 10 timars arbeidsinnsats gir festivalpass.<br />
Om du er interessert, ta kontakt med Anna Elise Borlaug<br />
på tlf: 913 09 021 eller send ein e-post til post@<br />
undredal.no<br />
Arr.: U. Ungdomslag<br />
Det trengst mange frivillige for å lage festival. Her ser med<br />
Elfrid frå Bulken, Inger Marie frå Evanger og Irene B. Stegen<br />
frå Undredal/Aurland.<br />
håpar på mange positive tilbakemeldingar, for me treng DEG!<br />
<strong>juni</strong> <strong>2011</strong> - <strong>Underdølen</strong> | 15
KULTUR<br />
Underdalssongen har fått fleire stemmer!<br />
Songen om bygda vår, Undredalssongen, er endeleg<br />
blitt festa til notearket. Det er tidlegare organist i Aurland,<br />
Øystein Steinsland, som har gjort det. -Eg kjente<br />
Aurlandssongen, og då eg høyrde at det fanst noko som<br />
heitte Undredalssongen spurte eg om det fanst notar på<br />
den. Eg ville gjerne bevara songen for ettertida og samstundes<br />
arrangera han for kor, så han kunne brukast på<br />
fleire måtar. Trykte notar fanst ikkje, men Anna Karine<br />
Marstein sende meg ein kladd. Sidan har eg arrangert han<br />
for både to, tre og fire stemmer.<br />
-Korleis vil du karakterisera tonen til Undredalssongen?<br />
- Han er monumental - minner om ein marsj. Det er ein<br />
typisk bygdesongmelodi, svarer Steinsland. Han fortel at<br />
han brukte om lag fire timar på den firstemte varianten.<br />
Sidan tok det eit par timar å lage dei to andre versjonane.<br />
Førebels kjenner han berre til at Hagebykoret i Oslo har<br />
framført songen i hans arrangement. Dei som vil kan bruke<br />
arrangementa. Det er berre å kontakte AK!<br />
11<br />
10<br />
16 | <strong>Underdølen</strong> - <strong>juni</strong> <strong>2011</strong><br />
1<br />
9<br />
2<br />
hundekonkurranse<br />
Øystein Steinsland er 37 år. Han kjem frå Modalen i Hordaland.<br />
Han kom som organist i 2003. Arbeider no i musikkskulen<br />
i Lærdal og Aurland. Øystein er ein allsidig musikar. Han<br />
er utdanna organist frå Musikkhøgskulen i Oslo og Musikkonservatoriet<br />
i Trondheim. Forutan å arrangere musikk så<br />
dirigerer han kor og spelar både orgel, andre tangentinstrument<br />
og trekkspel. Foto: AKM<br />
8<br />
3<br />
Hunden er menneskets beste venn, men kva<br />
(a) heiter hunden og (b) kva heiter eigaren?<br />
Undredal er fullt av hundar, men kjenner du alle desse?<br />
Nokre hundar og eigarar bur i bygdi, mens andre er herifrå<br />
og kjem heim på besøk av og til. Nokre av hundane er<br />
døde no, men har levd sitt hundeliv her. Skriv nummer<br />
og namna på eit ark, så er du med på trekninga av ein<br />
billett til eitt av kveldsarrangementa på brygga<br />
under Geitostfestivalen. Me må ha svaret<br />
innan 25. juli.<br />
7<br />
4<br />
5<br />
6
Eit dikt frå boki ”Vilje de lya” av Caroline Juul Jørstad - innsendt av Eldbjørg Wangen, Aurland<br />
Det er høgt i frå sjøen til Steganos<br />
og Beitedl ligge unde.<br />
Og ingen kan sigla fjorden inn<br />
som inkje fær lengt etter snø og tind.<br />
Det rodna i svarte votni.<br />
Men midt imot nuten og svarte svai<br />
ligg Kvitemoladn grå.<br />
Steinen er grå og mosen er grå,<br />
men himmelkvelven er klår og blå.<br />
Og snøen ligg kvite på fjedli.<br />
So høgt som det er til Steganos,<br />
fugedl liten vinn ikkje fluga.<br />
Bjørki ho heng yver vatn og sjø,<br />
Men oppe i fjedle ligg kvite snø.<br />
Bjørki ho gjenge på kvite fot,<br />
Men øvst so er ho grøn.<br />
Grøne kodle etter fjedle hanga.<br />
Kvite føte etter fjedle ganga.<br />
Vårbøn<br />
av Sigrunn Ytrefjord, 9. mai 2009<br />
Det blømer i hagar for våren er her,<br />
den møtte vinteren nyss.<br />
Midtlies bytte dei klednad<br />
og skildest i våte kyss.<br />
Det surklar i bekkar – det fossar i elv,<br />
det blømer i gråkvite hagar.<br />
I kjølege vårvindar kronblada skjelv<br />
med bøn om solrike dagar.<br />
Snart heiser me flagget vårt den 17. mai,<br />
Fugedl flyg i skogen.<br />
Bokprosjektet – Undredal anno 1973<br />
Men den som burte frå fjedli må gå,<br />
han dregst i hugen attende.<br />
Fugedl liten vinn ikkje fluga.<br />
Eitt av dei mange bileta Ole Fretheim knipsa då han var i Undredal.<br />
Me kjenner att Simo-Lisa, Lusse, Stein Inge og Botolv. Men<br />
kven er dei andre på biletet?<br />
Foto: PB<br />
Litt informasjon om diktaren Caroline<br />
Juul Jørstad.<br />
Caroline var dotter<br />
til presten og skulestyraren<br />
Eilert Patrick<br />
Juul som levde frå<br />
1852-1928. Han var<br />
prest i Aurland frå<br />
1884 til 1924 – i heile<br />
40 år. Caroline Juul Jørstad<br />
var fødd i 1892.<br />
Ho busette seg i Oslo der ho var lærar<br />
og lyrikar. Diktet ”Vilje de lya” er frå<br />
1935.<br />
Dei fleste hugsar vel ei stund tilbake, då <strong>Underdølen</strong><br />
omtalte eit fotoprosjekt som fotografen Ole Fretheim gjennomførte<br />
ei vekes tid før påske i Undredal i 1973. Han ville<br />
at desse bileta skulle komme alle til gode, og ikkje liggje<br />
å støve ned.<br />
Ole Fretheim jobbar med boka, men det har vore stillstand<br />
ei stund pga sjukdom. No er arbeidet i gong att, og han<br />
reknar med at boka skal vere ferdig i god tid før jul i <strong>2011</strong>.<br />
Boka kjem ut på Skald Forlag, og tanken er at Skald Forlag<br />
og Ole Fretheim deltek under Nynorske Litteraturdagar.<br />
Dersom det vert bokslepp under Nynorske Litteraturdagar<br />
28.-30. oktober, så skal det vere i Undredal. Skald Forlag<br />
fortel at dei har alle bileta på plass, men at dei ventar på<br />
resten av tekstmaterialet.<br />
Ein god idé til julepresang, i alle fall for dei som har levd<br />
ei stund.<br />
HHB<br />
vårt vakraste felles symbol.<br />
”Ja, vi elsker” skal runge høgt<br />
i takksemd frå pol til pol.<br />
Me eig dette landet – me fekk det i arv,<br />
her kjempa dei kvinne og mann.<br />
Me skal tryggje det vidare fram<br />
i takk for den fridom dei vann<br />
<strong>juni</strong> <strong>2011</strong> - <strong>Underdølen</strong> | 17
KULTUR<br />
SOrd på bokstaven S – framhald frå sommarutgåva av <strong>Underdølen</strong> i 2010.<br />
Av Roald Underdal<br />
Sikla sleve<br />
Sikta reinse sand, jord eller korn/mjøl i eit såld/sil<br />
Sileplagg tynt tøystykke (gas) som ein siler mjølka gjennom<br />
Sitla liten bekk. Verbet sitla er eit lydmalande ord for den fine klukkelyden frå småbekkar<br />
Sjaber ussel, klein, uvel<br />
Sjaksa måten som ein næming brukar øksa på eit trestykke eller øks<br />
Sjalabeis rask og uvanleg måte å gjere ting på, ”da gjekk pao ein sjalabeis”<br />
Sjausovar ein som ligg lenge i senga om morgonen<br />
Sjelta panne, hovudskalle; tyder òg skjelving, risting<br />
Sjena(skjena) når folk eller dyr ikkje går rett fram, men skjer ut til sidene<br />
Sjitra geitaulestilken er hul og avdelt i kammer. Av ein slik stilk laga gutungane ”skytevåpen” i<br />
to deler: den eine var røyret med ein liten opning i enden, og den andre ein rett pinne med<br />
ei fille rundt, ”stemplet”. Røyret vart så fylt med vatn, og når ein pressa stempla inn, vart<br />
det ei fin stråle som ein retta mot leikekameratane.<br />
Skaddle panne<br />
Skakk skeiv<br />
Skammabod eit altfor lågt pristilbod<br />
Skammakrok når barn gjorde noko gale eller var ulydig, kunne dei som straff bli sendt i ei krå med andletet mot<br />
veggen.<br />
Skammavit ein som har vit til å skamme seg når det vert avslørt at vedkommande har sagt noko urett<br />
eller usant eller gjort noko gale.<br />
Skarra skarre-r-en blir uttalt med den bakre del av tunga opp mot den bakre del av munntaket,<br />
når lufta passerar forbi (Edith Piaf-r-en). Den vanlege r-lyden i vår dialekt er ein rulle-r og<br />
blir uttalt med tungespissen mot ganetaket. Prøv!<br />
Skifte fleire tydingar: 1) vegdele 2) arveoppgjer 3) klesbyte<br />
Skjeppe gamalt hulmål, 17,37 l<br />
Skjerr sky, skremt (om dyr)<br />
Til ettertanke!<br />
Natt til 25. april skjedde det ei båtulykke på Husaflaten, på andre<br />
sida av fjorden frå Undredal. På formiddagen denne dagen vart<br />
Stein Ove Borlaug oppringt av Alarmsentralen med førespurnad<br />
om å undersøke kva som var hendt. Han og Marius Borlaug<br />
køyrde ”bortom” for å sjekke båten som låg med kjølen opp.<br />
Kva møtte dei? Ingen personar låg inni båten, for dei to som<br />
var om bord hadde hatt flaks og var uskadde. Dei hadde redda<br />
seg i land og fått hjelp.<br />
Hendinga gir oss tankar om at utkantane vert altfor lite prioritert<br />
når det skjer ulykker. Politiet hadde ikkje tid til å komme,<br />
eller prioriterte det ikkje. Dei fekk tilbod om å bli henta både<br />
frå Aurland og Undredal, men det ville dei ikkje. Riktig nok<br />
18 | <strong>Underdølen</strong> - <strong>juni</strong> <strong>2011</strong><br />
vart eit Sea King redningshelikopter sendt dit, men det er ikkje<br />
nok. Det kunne vore alvorleg skadde personar i båten, eller<br />
det som verre var, at nokon var omkomne. Dei to lokale som<br />
reiste bortom ante eigentleg ikkje kva som kom til å møte dei.<br />
Ulukka skulle etterforskast utan politi på staden, men med<br />
lokale aktørar og ein frå Sea King redningshelikopter med<br />
kontakt via mobil. Politiet kom på plass etter ei stund.<br />
Hanna H.Borlaug
KYRKJA<br />
Askvik5<br />
Like før jul heldt Askvik5 ein fabelaktig flott julekonsert<br />
i kyrkja. Her fekk me høyre folketonar og andre vakre<br />
tonar med variert tonefølgje. Ein del av arrangementa<br />
var laga av den musikalske familien. Gruppa har gitt ut<br />
ein jule-CD med tittelen Gladværugt. Den anbefaler me<br />
på det sterkaste. Askvikfamilien budde i Aurland så lenge<br />
Egon var sokneprest her. No er barna vaksne og har fått<br />
seg musikalske vener. På biletet ser me yngste dotter Mari<br />
akkompagnere storesyster Ingrid på “Den fagraste rosa er<br />
funni” med sitt trekkspel kjøpt på Fretex, mens far Egon<br />
trør orgelet.<br />
Prestebyte igjen<br />
Svenske Karin Larnefeldt sin første gudsteneste i Aurland<br />
prestegjeld var Nikolai-markeringa i Undredal kyrkje i<br />
desember 2009. No har ho fått seg ny jobb i Paris, og har si<br />
siste preik i Undredal den 19. <strong>juni</strong>. Me takkar for følgjet og<br />
ynskjer Karin og sambuaren Axel lukke til i den store byen.<br />
Kandelaberkonsert<br />
I romjula inviterte Kyrre Evjenth Slind til kandelaberkonsert.<br />
Med song, lutt, gitar og mykje levande lys ga han<br />
oss ei fredeleg stund i den vakre kyrkja vår. Søskenbarnet<br />
Hege frå Stigen/Fresvik hadde tatt med mange gode<br />
ullteppe, så ikkje vinterkulda skulle øydelegge den gode<br />
stemninga.<br />
Kyrkjestyret laga si innstilling til ny sokneprest 31. mai.<br />
Saka skal opp i Bjørgvin bispedømmeråd for endeleg vedtak.<br />
Til hausten får me sjå kven som skal stelle med vårt<br />
åndelege liv framover.<br />
Ortodoks messe<br />
Den 22. mai vart ein liten georgisk-russisk gut døypt i kyrkja<br />
vår. Namnet hans var Nikolai, og det var difor den ortodokse<br />
kyrkjelyden i Bergen hadde valt seg ut Undredal kyrkje for<br />
den heilage handlinga. Kyrkja vår er nemleg vigsla til denne<br />
helgenen. Rundt 40 menneske vitja kyrkja og bygda denne<br />
dagen. På biletet les ei av forsongarane ei segn om St. Nikolai.<br />
Det store ikonet hadde gjestene med sjølv, mens Nikolai som<br />
står i bakgrunnen vart laga av ungane ved Undredal skule til<br />
kyrkjejubileet i 1997. Gudstenesta var prega av røykjelse, messing<br />
og vakker fleirstemt song. Kyrkjelyden sto under heile den<br />
1,5 time lange handlinga.<br />
Fotos: AKM<br />
<strong>juni</strong> <strong>2011</strong> - <strong>Underdølen</strong> | 19
ANNONSAR<br />
Gåveabonnement<br />
Eg vil gjerne at<br />
skal få eit abonnement på <strong>Underdølen</strong>.<br />
Han/ho har denne adressa:<br />
Eg som skal betale heiter:<br />
Og har denne adressa:<br />
Eg ber om å få rekning frå og med sommar-/julenummeret<br />
<strong>2011</strong>.<br />
Abonnementet går til eg seier det opp skriftleg.<br />
Opplev<br />
pizzasteiking<br />
i Eldhuset<br />
Bygdeverten Jorunn byr på<br />
pizzaoppleving i Eldhuset,<br />
og steinomnsbakte brød.<br />
Bestilling og pristilbod:<br />
915 23 394<br />
Frukost frå kr 140 (vaksen) / kr 70 (born)<br />
Overnatting i leilegheit frå kr 1.300 pr/natt<br />
(4-6 pers). Turar frå kr 400 pr pers/time.<br />
Egne prisar for servering.<br />
Ta kontakt for bestilling og pristilbod.<br />
20 | <strong>Underdølen</strong> - <strong>juni</strong> <strong>2011</strong><br />
Ta deg tid.<br />
Flåm Oppleving<br />
N-5743 Flåm<br />
post@flamoppleving.no<br />
flamoppleving.no<br />
sakte.no<br />
Designbyrået Karlsens. Foto: Privat/Flåm Oppleving<br />
Filt Ferie i Undredal<br />
Eke Krug fra GALLERIET PÅ BRYGGA<br />
arrangerer en filt-‐ferie<br />
med Harm Harms fra den nederlandske<br />
bedriften HAWAR<br />
Fra 6. til 11. september <strong>2011</strong><br />
Undervisningen blir fra kl 9:00 til kl 13:00 hver dag<br />
Kurs info, påmelding og praktisk informasjon:<br />
eke.krug@gmail.com<br />
Ta deg tid.<br />
Sakte gjer deg mathandverk og<br />
opplevingar regionen. Her finst ei<br />
mengd produkter og tenester som<br />
er verdt å ta seg tid til.<br />
sakte.no Designbyrået Karlsens. Foto: © Sakte, Actionphoto, Stine Karlsen
Aurland<br />
28. – 30. oktober<br />
Aurland kommune inviterer<br />
til den 6. utgåva av Nynorske<br />
Litteraturdagar.<br />
Programmet vert offentleggjort i slutten av <strong>juni</strong><br />
og billettsalet startar i byrjinga av september.<br />
Sommarkonsert<br />
VAMP m/ Eivør Pálsdóttir<br />
Onsdag 13. juli kl. 19.00<br />
- utandørskonsert på Sogn jord- og hagebruksskule<br />
Foto: Dag Thorenfeldt<br />
nynorskelitteraturdagar.no<br />
Billettsal på rådhusa i Aurland,<br />
Lærdal og Årdal, og på turistinformasjonen<br />
i Flåm. Billettar<br />
kan óg bestillast på e-post<br />
billett@nynorskelitteraturdagar.no<br />
For meir info om litteraturdagane<br />
eller konserten med VAMP, sjå<br />
nettsidene våre eller føl oss på<br />
Facebook.<br />
Foto: Maria Gilje Torheim<br />
gasta.no<br />
<strong>juni</strong> <strong>2011</strong> - <strong>Underdølen</strong> | 21
ANNONSAR<br />
Sommarprogram ved Aurlandsfjorden i Undredal <strong>2011</strong><br />
Fredag 24. <strong>juni</strong> kl. 21.30<br />
Me opnar bryggjedanssesongen med rockabilly og countrybandet ”Twang Gang” som mange fekk oppleve under<br />
Forsmaken i fjor. Ein rasande festleg gjeng med musikk både for dansefoten og øyra. Bill.: kr. 200,-.<br />
Laurdag 2. juli. Kl.21.00<br />
Musikkprogram med vestlandshumor ispedd ein og annan ”drammensar” med dei tre trubadurane Olaf, Øystein<br />
og Leif Inge. Dansemusikk frå kl. 22.30 med utvida band. Bill.: kr. 150,-.<br />
Laurdag 23. juli kl. 21.00<br />
22 | <strong>Underdølen</strong> - <strong>juni</strong> <strong>2011</strong><br />
KONSERT med Aasmund Nordstoga DUO. Dansemusikk: Leif Inge og kompisane frå kl 22:30. Billett for konsert<br />
og dans kr. 250,-.<br />
29. – 31. juli<br />
Geitostfestival i regi av Undredal Ungdomslag og Undredal Grendalag.<br />
Fullstendig program om festivalen finn du på annan stad i bladet.<br />
I tillegg til oppsett sommarprogram vert det trubadurkveldar innimellom.<br />
Meir og oppdatert program på : www.visitundredal.no<br />
Velkommen til Undredal i sommar!<br />
SOMMAR PÅ FLÅMSBRYGGA<br />
FURUKROA KAFÉ: Din naturlege stoppestad for ein matbit, kaffirast, lunsj, middag<br />
eller iskrem. Nytt for sesongen—Grillbui med lokale spesialitetar på terrassen.<br />
Furukroa ope kvar dag kl. 08.00—19.00.<br />
FLÅMSTOVA RESTAURANT: Lunsj- og middagsbuffet kvar dag med tradisjonelle<br />
rettar med lokale råvarer, både fisk, kjøt, kaldt og varmt i tillegg til stort dessertbord.<br />
Lunsjbuffet kl. 12.00—15.00. Middagsbuffet kl. 19.00—21.00.<br />
ÆGIR BRYGGERI & PUB: Kåra til ” Årets Bryggeripub” i 2008, 2009 og 2010!<br />
Ope kvar dag frå kl. 12.00.<br />
Pb. 44, N-5742 Flåm—Tel.: 57632050—Fax 57632051<br />
E-mail: mail@flamsbrygga.no—www.flamsbrygga.no
Borlaug båtskyss<br />
Båtskyss frå Gamlebryggja i Undredal<br />
Mobil Marius 480 76 313 - Mobil Stein Ove 413 30 973<br />
Turar til Horten, Nedbergo,<br />
Stigen og andre stader etter<br />
førespurnad. Pris etter avtale<br />
GALLERIET PÅ BRYGGA<br />
er åpent i sommer<br />
fra 1. <strong>juni</strong> til 1. september<br />
med:<br />
smykker, bilder, kunstkort og tegninger<br />
kontakt: kontakt: eke.krug@gmail.com<br />
Vil du annonsere i <strong>Underdølen</strong>?<br />
Her er prisane:<br />
Heil side kr 1000<br />
Halv side kr 500<br />
Tredjedels side kr 350<br />
Kvart side kr 250<br />
Bygdafolk annonserer gratis, men må levere trykklar annonse eller<br />
dekke kostnadene med utforming. Bladet sin formgjevar, <strong>Oransje</strong><br />
<strong>webdesign</strong>, kan ta slike oppdrag.<br />
Undredal stavkyrkje <strong>2011</strong><br />
Opningstider<br />
15. mai-15. <strong>juni</strong> og 15. august-31. august: kl 10.30 - 16.30<br />
15. <strong>juni</strong>-15. august: kl 09.30 - 18.30<br />
Prisar<br />
Enkeltpersonar: kr. 60<br />
Familierabatt: kr.. 45 pr. pers. ved min. 5 betalande<br />
Born under 12 år i fylgje med føresette går gratis.<br />
Grupper<br />
Minimum 10 betalande: kr. 45 pr. person<br />
Skuleklassar: kr. 500 pr. klasse<br />
Studentar: kr. 750 pr. klasse<br />
Turoperatørar: pris etter avtale<br />
For grupper har vi noko utvida opningstid dersom det høver<br />
betre. Tinging seinast 3 dagar før til booking@undredal.no<br />
Leige Ungdomshuset?<br />
Då tek du kontakt med leiaren i husnemndi, Edvin Flåm<br />
på tlf 5763 1723 eller mobil 952 78 225. Han kan gje deg<br />
opplysningar om prisar og anna.<br />
Borlaug vedsal i Undredal<br />
Norsk ved!<br />
Stein Ove mob. 413 30 973<br />
Bjørk 60 l sekker kr. 70,-<br />
Kveikjeved 60 l sekker kr<br />
30,-<br />
DU RINGER OG ME<br />
BRINGER!!<br />
Marius mob. 480 76 313 -<br />
Vi gjer merksame på at frå 1. september startar Riksantikvaren<br />
arbeidet med vedlikehald inne og ute, og kyrkja vert difor stengt<br />
til arbeidet er ferdig.<br />
Velkomne til ei historisk oppleving i ei kyrkje med mange store<br />
og små perler!<br />
Undredal Guideservice<br />
<strong>juni</strong> <strong>2011</strong> - <strong>Underdølen</strong> | 23
Aktivitetskalendar sommaren <strong>2011</strong><br />
24 | <strong>Underdølen</strong> - desember 2010<br />
B<br />
Returadresse:<br />
Undredal Grendalag<br />
5746 Undredal<br />
19. <strong>juni</strong> 11:00 Kyrkja Gudsteneste, prest Karin Larnefeldt, dåp<br />
23. eller 24. <strong>juni</strong> kveld Parken Sal av grilltallerken, kaker og kaffi. Volleyballcup viss bana er klar. Arr.<br />
UUL. Følg med for nærare opplysning om dato!<br />
24. <strong>juni</strong> 21:30 Bryggja Bryggjedans med Twang Gang<br />
02. juli 21:00 Bryggja Musikkprogram med vestlandshumor og trubadurane Olaf, Øystein og<br />
Leif Inge. Dansemusikkmed utvida band frå 22.30<br />
23. juli 21:00 Bryggja Konsert med Aasmund Nordstoga og band. Dansemusikk med Leif Inge<br />
og kompisane frå 22.30<br />
Geitostfestivalen <strong>2011</strong><br />
29. juli 19:00 Kyrkja Kyrkjekonsert med Andrea Rice<br />
21.00 Bryggja Kveldsseta med ost og god drikka<br />
Musikk ved Andrea Rice band<br />
30. juli 11:00 Sentrum Salsodane opnar<br />
12:00 Sentrum Offisiell opning av festivalen og servicebygget<br />
Leikar for liten og stor<br />
Omvising i kyrkja, Undredal Verdsarvhus og Undredal Stølsysteri<br />
17:00 Bodane stengjer, leikane slutt, premieutdeling<br />
18:30 Bryggja Bordseta med rommagraut, spekemat, flatbrød og undredalsmylsa. Allsong<br />
mm med Tre Trubadurar (Olaf, Øystein og Leif Inge)<br />
20:30 Bryggja Aurland trekkspelklubb spelar opp til dans<br />
21:15 Bryggja Tre trubadurar spelar og syng<br />
21:30 Bryggja Bryggedans med Hilde Fjørtoft Band<br />
Sal av lokale burgarar og pølser<br />
31. juli 09:30 Bryggja Festivalfrukost<br />
11:00 Sentrum Salsbodane opnar<br />
11:00 Bryggja Messe ved fjorden<br />
12:00 Sentrum Matbodane opnar<br />
Omvising i kyrkja, Undredal Verdsarvhus og Undredal Stølsysteri<br />
15:00 Slutt<br />
NB: Ta alle tidspunkt med ei klype salt!<br />
Mehehe... er det her det skal vere Geitostfestival?