Underdølen - juni 2011 - Oransje webdesign

More documents

Recommendations

Info

KULTUR SOrd på bokstaven S – framhald frå sommarutgåva av Underdølen i 2010. Av Roald Underdal Sikla sleve Sikta reinse sand, jord eller korn/mjøl i eit såld/sil Sileplagg tynt tøystykke (gas) som ein siler mjølka gjennom Sitla liten bekk. Verbet sitla er eit lydmalande ord for den fine klukkelyden frå småbekkar Sjaber ussel, klein, uvel Sjaksa måten som ein næming brukar øksa på eit trestykke eller øks Sjalabeis rask og uvanleg måte å gjere ting på, ”da gjekk pao ein sjalabeis” Sjausovar ein som ligg lenge i senga om morgonen Sjelta panne, hovudskalle; tyder òg skjelving, risting Sjena(skjena) når folk eller dyr ikkje går rett fram, men skjer ut til sidene Sjitra geitaulestilken er hul og avdelt i kammer. Av ein slik stilk laga gutungane ”skytevåpen” i to deler: den eine var røyret med ein liten opning i enden, og den andre ein rett pinne med ei fille rundt, ”stemplet”. Røyret vart så fylt med vatn, og når ein pressa stempla inn, vart det ei fin stråle som ein retta mot leikekameratane. Skaddle panne Skakk skeiv Skammabod eit altfor lågt pristilbod Skammakrok når barn gjorde noko gale eller var ulydig, kunne dei som straff bli sendt i ei krå med andletet mot veggen. Skammavit ein som har vit til å skamme seg når det vert avslørt at vedkommande har sagt noko urett eller usant eller gjort noko gale. Skarra skarre-r-en blir uttalt med den bakre del av tunga opp mot den bakre del av munntaket, når lufta passerar forbi (Edith Piaf-r-en). Den vanlege r-lyden i vår dialekt er ein rulle-r og blir uttalt med tungespissen mot ganetaket. Prøv! Skifte fleire tydingar: 1) vegdele 2) arveoppgjer 3) klesbyte Skjeppe gamalt hulmål, 17,37 l Skjerr sky, skremt (om dyr) Til ettertanke! Natt til 25. april skjedde det ei båtulykke på Husaflaten, på andre sida av fjorden frå Undredal. På formiddagen denne dagen vart Stein Ove Borlaug oppringt av Alarmsentralen med førespurnad om å undersøke kva som var hendt. Han og Marius Borlaug køyrde ”bortom” for å sjekke båten som låg med kjølen opp. Kva møtte dei? Ingen personar låg inni båten, for dei to som var om bord hadde hatt flaks og var uskadde. Dei hadde redda seg i land og fått hjelp. Hendinga gir oss tankar om at utkantane vert altfor lite prioritert når det skjer ulykker. Politiet hadde ikkje tid til å komme, eller prioriterte det ikkje. Dei fekk tilbod om å bli henta både frå Aurland og Undredal, men det ville dei ikkje. Riktig nok 18 | Underdølen - juni 2011 vart eit Sea King redningshelikopter sendt dit, men det er ikkje nok. Det kunne vore alvorleg skadde personar i båten, eller det som verre var, at nokon var omkomne. Dei to lokale som reiste bortom ante eigentleg ikkje kva som kom til å møte dei. Ulukka skulle etterforskast utan politi på staden, men med lokale aktørar og ein frå Sea King redningshelikopter med kontakt via mobil. Politiet kom på plass etter ei stund. Hanna H.Borlaug
KYRKJA Askvik5 Like før jul heldt Askvik5 ein fabelaktig flott julekonsert i kyrkja. Her fekk me høyre folketonar og andre vakre tonar med variert tonefølgje. Ein del av arrangementa var laga av den musikalske familien. Gruppa har gitt ut ein jule-CD med tittelen Gladværugt. Den anbefaler me på det sterkaste. Askvikfamilien budde i Aurland så lenge Egon var sokneprest her. No er barna vaksne og har fått seg musikalske vener. På biletet ser me yngste dotter Mari akkompagnere storesyster Ingrid på “Den fagraste rosa er funni” med sitt trekkspel kjøpt på Fretex, mens far Egon trør orgelet. Prestebyte igjen Svenske Karin Larnefeldt sin første gudsteneste i Aurland prestegjeld var Nikolai-markeringa i Undredal kyrkje i desember 2009. No har ho fått seg ny jobb i Paris, og har si siste preik i Undredal den 19. juni. Me takkar for følgjet og ynskjer Karin og sambuaren Axel lukke til i den store byen. Kandelaberkonsert I romjula inviterte Kyrre Evjenth Slind til kandelaberkonsert. Med song, lutt, gitar og mykje levande lys ga han oss ei fredeleg stund i den vakre kyrkja vår. Søskenbarnet Hege frå Stigen/Fresvik hadde tatt med mange gode ullteppe, så ikkje vinterkulda skulle øydelegge den gode stemninga. Kyrkjestyret laga si innstilling til ny sokneprest 31. mai. Saka skal opp i Bjørgvin bispedømmeråd for endeleg vedtak. Til hausten får me sjå kven som skal stelle med vårt åndelege liv framover. Ortodoks messe Den 22. mai vart ein liten georgisk-russisk gut døypt i kyrkja vår. Namnet hans var Nikolai, og det var difor den ortodokse kyrkjelyden i Bergen hadde valt seg ut Undredal kyrkje for den heilage handlinga. Kyrkja vår er nemleg vigsla til denne helgenen. Rundt 40 menneske vitja kyrkja og bygda denne dagen. På biletet les ei av forsongarane ei segn om St. Nikolai. Det store ikonet hadde gjestene med sjølv, mens Nikolai som står i bakgrunnen vart laga av ungane ved Undredal skule til kyrkjejubileet i 1997. Gudstenesta var prega av røykjelse, messing og vakker fleirstemt song. Kyrkjelyden sto under heile den 1,5 time lange handlinga. Fotos: AKM juni 2011 - Underdølen | 19
Page 1 and 2: nderdølen for underdøler og venen
Page 3 and 4: hELSING LEIAR Ord ved båra til Øy
Page 5 and 6: Rv 601 stengd Vegen mellom Langhuso
Page 7 and 8: Ein samtale med Eke Krug Eke Krug k
Page 9 and 10: Det blir ein 15-16 personar før me
Page 11 and 12: meg høner når me flytter til Undr
Page 13 and 14: Konkrete forslag som kom fram i dei
Page 15 and 16: Søndag 31. juli KL. 09:30 Festival
Page 17: Eit dikt frå boki ”Vilje de lya
Page 21 and 22: Aurland 28. - 30. oktober Aurland k
Page 23 and 24: Borlaug båtskyss Båtskyss frå Ga

Underdølen - juni 2011 - Oransje webdesign

Create successful ePaper yourself

Delete template?

Save as template?