Folk nr 4-2012

Team frå Bergen Bibelskole:
Mirakel og frelse på Askøy
Tekst: Inger Cecilie Frisvoll
ingcefri@gmail.com
Inger Cecilie Frisvoll er fødd og oppvaksen i
Romsdalen. Ho er gift med Per Edvin og dei
har tre ungar på 7, 9 og 12 år. I 2011/2012
tok dei med seg ungane til Bergen for å gå
eit år på Bergen Bibelskole, og dei var på
teamtur på Askøy. Etter fullført skuleår flytta
dei heim att til Molde. (Foto: Privat)
I slutten av april 2012 delte studentane på Bergen
Bibelskole seg i tre grupper for å reise ut på teamturar til
Filippinane, Bolivia og Askøy. Vi var fire som ikkje reiste
til det store utlandet – men Askøy er ikkje til å kimse av.
Vi hadde nokre fantastiske veker, og her får de eit lite
innblikk.
Helg på Gullbotn
Første helga i teamtur-perioden vår hadde menigheten på Askøy
planlagt ei menighetshelg på Gullbotn konferansesenter. For oss var
det ein »flying start« på teamturen. Vi var om lag 60 deltakarar med
smått og stort, frå den minste, 6 veker gammal, til aktive pensjonistar.
Som det har stått i bladet FOLK før, har forsamlinga på Askøy
hatt ein veldig vekst dei siste to åra, og mange av dei nye var med.
Det var mykje lovsong der Guds nærvær var tydeleg, og vi
merka Den heilage ande mellom oss. Kunnskapsord og profetiar
skapte tru, og undervisninga handla om at vi må søkje inn til Gud
og fylle oss med hans ord.
For oss i bibelskuleteamet var menighetshelga ein unik sjanse til
å bli kjende med dei som høyrer til i KF på Askøy. Eg og to av dei
andre hadde hatt praksishelgar på øya før og kjende ein del av dei,
likevel er det noko heilt anna å dele alt: Leik og moro, alvor, barnegråt,
måltid, liva våre og Guds Ord. Ein kjem tett innpå kvarandre ei
slik helg.
44