You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Bøn, vaflar og evangelisering<br />
Etter helga på Gullbotn hadde vi to veker på Askøy med fokus på<br />
Gud, bøn, evangelisering og forkynning. Vi starta kvar dag i kjellaren<br />
hos Astrid og Asbjørn Normann med lovsong på høgtalarane<br />
og opne hjarte til Gud. Eit par dagar var fleire frå Askøy med.<br />
Desse morgonstundene var gull verde i ein krevjande praksis. Tida<br />
saman med Gud og kvarandre ga oss styrke til å møte dagen og<br />
utfordringane.<br />
Nokre dagar var heilt vigde til bøn for øya og folket som bur<br />
der, med bøn fra Storevarden og på andre stader Gud minte oss<br />
om.<br />
Vi var fleire dagar på eit butikksenter, og snakka med og ba<br />
for menneske Gud viste oss. Nokre av dagane hadde vi med vaffelrøre,<br />
og vi delte ut gratis vaflar til dei som ville ha. At vaflane var<br />
gratis vart mange forundra over.<br />
– Vi er her for å dele ut kjærleik, ikkje for å få inn pengar, sa<br />
vi og peika på plakaten med 1 Kor 13,13. Ein god del fekk med seg<br />
evangeliet på vegen i tillegg til vaflane.<br />
Elise Monclair Litleskare var ein av lærarane vår som var med<br />
til Askøy. Frimodet og engasjementet hennar smitta oss og ga oss<br />
tru til å våge å ta kontakt med dei Gud viste at vi skulle snakke<br />
med. Vi såg fleire mirakel. Ein mann vart kvitt smerter han hadde<br />
hatt i 12 år, både i foten og hovudet. Ein annan hadde ein kort fot<br />
som vaks ut og vart like lang som den andre. Vi delte kunnskapsord<br />
som gjekk rett inn i liva til dei som fekk ei helsing frå sin<br />
himmelske Far. At menneske lengtar etter ein pappa i himmelen<br />
som elskar dei, vart veldig tydeleg for oss. At Gud visste om<br />
akkurat dei, og at han hadde ein plan for dei, vart veldig sterkt for<br />
dei. Før teamturen vår var over hadde tre unge menn teke imot<br />
Jesus!<br />
Gruppesamling på Askøy<br />
Å vere med på gruppesamling med Askøy-gjengen er heilt fantastisk<br />
– ein sann fryd! Dei er så overgitte til Gud, og har eit stort<br />
ønske om få vere med på planane hans. Den eine kvelden var det<br />
25 menneske i ei stove, men der det er hjarterom er det husrom, og<br />
smått med plass er inga hindring for Guds Ande.<br />
45<br />
Vi vart godt tekne vare på hos Astrid og<br />
Asbjørn Normann.<br />
(Foto: Inger Cecilie Frisvoll)<br />
Desse morgonstundene var gull<br />
verde. Tida saman med Gud og<br />
kvarandre ga oss styrke til å møte<br />
dagen og utfordringane.