Tekking og kleding.pdf - Akademika forlag

Jon Bojer Godal har med denne boka, og saman
med medforfattarane sine, bidrege til å fylle ut
kvite flekkar på kartet over tradisjonelt bygghandverk
i Noreg. I Norsk handverksutvikling er vi
stolte over å ha spela ei rolle i ei rekke av prosjekta
som er utgangspunkt for boka. Mellom anna gler
vi oss over at den tidlegare stipendiaten vår i tradisjonell
tømring, Trond Oalann, har bidrege til
boka. Heilt sidan Norsk handverksutvikling sin
oppstart i 1987 har vi arbeidd systematisk med
prosjekt der det tradisjonelle bygghandverket har
vore sentralt. I 25 år har det vore jakta på tradisjonsberarar
og verdifull kunnskap, som det har
vore viktig å føre vidare til ein ny generasjon
handverkarar. Denne kunnskapen er ein viktig
del av kulturarven vår. I dette arbeidet har Jon B.
Godal vore, og er framleis, heilt sentral. Hans innsats
for å sikre kunnskap som har stått i fare for å
forsvinne kan ikkje overvurderes.
Fyrst av alt har boka vorte ei god kjelde for
handverkarar som arbeider med bygningsvern el-
Forord
11
ler søker kunnskap der ein ikke lenger kan spørre
tradisjonsberaren. Slik som til dømes i forhold
til tradisjonen med kvåvtak som omtales i boka.
Boka ber preg av å vere skriven av og for handverkarar,
sjølv om det er grunn til å tru at også
andre profesjonar vil kunne ha god nytte av den,
til dømes arkitektar og andre som syslar med kulturminnevern.
Som forfattaren sjølv understreker fleire gonger
i boka har dette grundige arbeidet gitt enda fleire
spørsmål enn svar. Det er framleis attgrodde stiar
å trø opp. Eg ville difor ikkje bli spesielt overraska
om forfattaren kjem med enda ei revidert utgåve
om 10-15 års tid. I mellomtida kan vi gle oss over
denne godbiten som bør bli pensum overalt der ein
driv opplæring i tradisjonelt bygghandverk.
Senter for immateriell kulturarv SIKA
Norsk handverksutvikling NHU
Direktør Eivind Falk
Book Trekking og kleding.indb 11 04.09.12 15.03