Tekking og kleding.pdf - Akademika forlag

Denne boka byggjer på materialkunnskap som er
samla inn ved Norsk handverksutvikling (NHU
Maihaugen på Lillehammer), så vel som frå innsamlingsarbeid
som er gjort i andre samanhengar.
NHU har landsdekkjande ansvar og har som ei av
sine hovudoppgåver å samle inn og føre vidare
handlingsboren kunnskap knytt til handverk.
Kunnskapen om material har vi fått frå gamle
handverkarar, og vi haustar av han i ulike samanhengar.
I den eldre byggjeskikken vår har det levd
eit svært nyansert syn på trevyrke. Det er litt av
denne rikdommen av kunnskap og røynsle vi
prøver å formidle.
For å teste det dei gamle har fortalt, og for å
sjå om vi kan øygne kvalitetsoppfatningar som
kanskje er gløymde, har vi teke på oss materialtekniske
briller når vi ser på gamle hus. Det er
resultatet av denne kom binerte framgangsmåten
vi legg fram.
Bak den kunnskapen som denne boka byg gjer
på, står det ei lang rad med informantar og svært
mange hus som vi har analysert. Nokså mange
personar er involverte som fagpersonar eller dokumentatorar
i ein eller annan samanheng. Dette
avspeglar seg også ved at det er fleire forfattarar
som saman har skrive i denne boka.
Den reint litterære tilnærminga er heller sparsam.
Det som er skrive, er fortolka av skrivaren.
Difor vil svært mykje vera filtrert på ein slik måte
at vi ikkje kan oppfatte utsegnene som eintydige.
Såleis nyttar vi først og fremst det vi har vore med
på og som vi har sett ved sjølvsyn, som grunnlag
for det som er skrive her. Av den grunn får boka
også svært mange bilde.
Hovudforfattar og redaktør av denne boka
Innleiing
13
har, saman med Steinar Moldal, stått sentralt i det
byggjeteknis ke prosjektet ved NHU, som starta i
1989. Seinare er det komne både fleire personar
til og mange fleire prosjekt. Arbeidet med å samle
kunnskap har halde fram jamvel etter at den direkte
tilknytinga til NHU vart avløyst av ei lausare
tilknyting i 2002.
Når ikkje anna er sagt, er figurane teikna av
Steinar Moldal og fo tografia tekne av Jon Bojer
Godal.
For å få nok tilfang er fleire medforfattarar engasjerte.
Roald Renmælmo skriv om kløyving – i
lag med Konrad Stenvold – og om never og torv i
Troms og Finnmark. Aadne Sollid skriv om kvåv.
Trond Oalann skriv om never og torv i Hordaland
og om brake (einer) i vegg, og Grete Holmboe
skriv om never og torv i Ryfylke. Jørn Berget
syner døme på lang saga spon (langflis) i Telemark.
Einar Engen skriv om tekking med halm i
Østfold og om tekking med lyng. Arne Vassenden
har kome med eit interessant innspel om kor det
finst kjelder av interesse for vidare studiar, utan at
vi har synt til denne litteraturen i tekst.
Utgjevinga av denne boka er støtta av Landbruksdepartementet,
Norsk handverksutvikling,
Norsk Bygdesagforening og Norsk Folkemuseum.
NHU har stilt materiale frå arkivet sitt til
rådvelde. Medskribentar har vore velviljuge og ytt
meir enn det er betaling for. Takk til alle som har
gjort sitt til at denne boka kunne bli skriven og
gjeven ut.
For mange vil kanskje boka te seg som svært
detaljert og fylt av mange raritetar, og dei har i ein
viss forstand rett. Mykje av det som er omtala her,
er ikkje lenger synleg i det daglege landskapsbile-
Book Trekking og kleding.indb 13 04.09.12 15.03