UGULSVIK KRAFTVERK

3.0 Verknadar for miljø, naturressursar og samfunn Ugulsvik kraftverk
kraftutbyggingar er minst lik investeringskostnadane på prosjektet. Dette er omsetning
som vil skje både gjennom byggeperioden (her planlagt i 15 månadar) og driftsfasen
(tilsyn og vedlikehald).
Tiltakshavar Luster Småkraft AS er etablert lokalt i Luster kommune. Grunneigar er
busett i regionen. Dette er med å sikre stor grad av lokal verdiskaping i prosjektet.
Skatteinntekter:
Luster kommune har i tillegg innført eigedomsskatt (7 promille). Belastninga av
eigedomsskatt for kraftverka vil over tid variere med likningsverdien av kraftverket.
Skattetrykket vert dermed størst i starten. Gjeve likningsverdi lik utrekna
utbyggingskostnad, utgjer eigedomsskatten kring 240 000,- første året. I tillegg er
tiltakshavar etablert og skattar til Luster kommune.
Det er ikkje påvist negative samfunnsmessige konsekvensar ut over det som er omtala i
dei andre punkta.
3.14 Konsekvensar av kraftlinjer
Generelt kan det verte ei omlegging av linjenettet i samband med utvikling av
småkraftverk sidan straumflyten ofte skal ut av området i staden for inn. I visse tilfelle
vil dette medføre ombygging av linjenettet. Fleire småkraftverk er omsøkt i Veitastrond,
noko som gav grunnlag for bygging av ny kraftlinje til Veitastrond. Ei 66kV kraftlinje er
omsøkt av områdekonsesjonær Luster Energiverk AS (datert 30.11.06) med trafoanlegg
på Ugulsvik. I planlegginga av denne kraftlinja er det teke omsyn til potensialet for
småkraftutbygging i området, noko som inkluderer Ugulsvik kraftverk. Kostnadene
knytt til 66kV linja vil verta fordelt på dei prosjekta som vert realisert og fleire prosjekt
vil vere økonomisk gunstig for dei andre småkraftprosjekta i området. Anleggsbidrag for
Ugulsvik kraftverk i den planlagde 66kV linja er teke med i kostnadsoverslaget.
Tilknyting frå Ugulsvik kraftverk til linjenettet vil skje via 22kV jordkabel som ein legg
i røyrgata opp til eksisterande 22kV linje. Trass i den nye 66kV kraftlinja, vil det i
tillegg vere behov for ei parallell 22kV linje mellom Ugulsvik og Langanes og dette er
planlagt framført i dagens trase. Jordkabelen vert kring 70 meter. (sjå vedlegg 10).
Linjetilknytinga av dette småkraftverket har ikkje nemneverdige konsekvensar.
3.15 Konsekvensar ved brot på dam og trykkrøyr
Terrenget der røyrgata går er i si heilheit utmark. Øvre og nedre del er for det meste
lausmassar med einskilde store og grove steinar. Midtpartiet er bratt og med bart fjell.
Elvestrengen frå inntaksdammen og ned til kraftstasjon er om lag 1500 m. Elveleiet har
grove seg ned i lausmassane og renn grunt over bart fjell i midtpartiet.
Det er lite infrastruktur oppover tiltaksområdet, men nede mot kraftstasjonen går
fylkesveg 337 til Veitastrond og kraftlinje (eksisterande er på 22kV og ny 66kV er
omsøkt i same trase). Røyrgata vil krysse kraftlinja, men kraftstasjonen vil ligge
oppstrøms fylkesveg. Tre fritidshus står i nedre del av tiltaksområdet.
Eit dambrot vil truleg ikkje skje eksplosivt, men gradvis. Eit dambrot medfører at vatnet
vil følgje elveleiet nedover. Terrenget vil i liten grad dempe dambrotsbølgja og eit
dambrot vil kunne påverke fylkesvegen. Eit mindre røyrbrot vil kunne gje kastevidder
som kan påverke dei tre fritidsbustadane.
20