Hospitalet 2009 Nr 4.pdf - Helse Bergen

More documents

Recommendations

Info

Eitt år med Lytteposten: Godt å bli lytta til Sidan Lytteposten vart oppretta har over 400 personar tatt kontakt for å formidle si oppleving av møtet med Haukeland. – Folk set pris på å bli høyrt, seier ansvarleg for Lytteposten, Atle Halvorsen. Lytteposten starta som eit prøveprosjekt hausten 2008. No er det bestemt at prosjektet skal være eit fast tilbod til både pasientar og pårørande som har noko dei ønskjer å seie frå om. Anten det er ris eller ros. Omtrent ein tredjedel av dei som kontaktar Lytteposten, har utelukkande ros å komme med. Halvorsen fortel om ein mann var så nøgd med behandlinga han fekk i samband med ein hjartestans: – Han spøkte om å få eit bitte lite nytt infarkt berre for å få møte personalet igjen, ler ansvarleg for Lytteposten. – Men frå spøk til alvor, seier Halvorsen – Dei to andre tredjedelane er mindre Tekst: Camilla Crone Leinebø Foto: Øyvind Blom positive opplevingar, men ikkje så alvorlege at dei ønskjer å opprette ei formell klagesak. I dei aller fleste tilfella handlar det om å bli lytta til og få følelsen av å bli høyrd. Halvorsen har ansvar for å vidareformidle absolutt alle tilbakemeldingane til leiinga innan kvar enkelt eining det gjeld. I nokre saker har dette ført til eit møte mellom dei to partane der de har rydda opp seg i mellom. Dei aller fleste einingane er gode på å respondere hurtig og ta tak i eventuelle problemstillingar som kommer frem via Lytteposten. – Men det er alltid rom for forbetring og eg forventar at dette er eit område som prioriterast blant leiinga på dei enkelte einingane, understrekar han. Telefon- og besøkstid er tysdag og torsdag frå kl. 11-15 tlf: 95 89 05 55. E-post: lytteposten@helse-bergen.no Haukelands venner Haukeland universitetssjukehus har fått seg nye venner. Venneforeininga skal bidra til å gi pasientane noko anna å tenke på enn at dei er sjuke. Tekst: Linda Hilland Eldsjelene bak ”Haukelands venner” kjenner godt til dei behova som finnes på sjukehuset. Dei starta i sin tid Medisinsk Høyteknologisk Forskningsfond, og har dei siste åra samla inn rundt fem millionar kroner som har gått til finansieringa av PET/CT og kirurgiroboten da Vinci (døypt Kjiket på bergensk). No har dei lagt om profilen frå høgteknologisk utstyr i millionklassen til mindre kostnadskrevjande, men ikkje mindre viktige, trivnadsfremjande tiltak. ”Det lille ekstra” som kan bidra til at sjukehusopphaldet til pasientane blir litt betre. Haukelands venner ønskjer også å vere ein paraplyorganisasjon både for enkeltpersonar, bedrifter og organisasjonar som allereie bidrar på ulike måtar, og nye som ønskjer å bidra til trivselen for pasientane. Nokon gonger kan det vere litt tilfeldig kor gåver frå glade givarar hamna i sjukehuset. Venneforeininga skal i det vidare arbeidet samarbeide med sjukehuset slik at dei kan ha ein oversikt over kva avdelingar og pasientgrupper som har spesielle behov. Så kan givarane sjølv velje kven dei ønskjer å støtte. – Det er fint at nokon ønskjer å hjelpe til med ”det lille ekstra”, seier kommunikasjonsdirektør Mona Høgli. Kommunikasjonsavdelinga skal vere venneforeininga sitt kontaktledd inni sjukehuset, og målet er å styrke koordineringa av alt det flotte, frivillige arbeidet som skjer ved Haukeland. 22
AKTUELL Navn: Per Espen Akselsen Alder: 53 Sivil status: Gift, 2 barn Aktuell: Overlege ved Senter for smittevern under den første pandemiske influensaen på fleire tiår. Tekst: Anette Hellstrøm Foto: Ole-Christian Amundsen Vaksinedoktoren Har du sjølv hatt svineinfluensa? – Nei, det har eg ikkje. Eg vart vaksinert på eit tidleg tidspunkt, og har difor sloppe unna. Heller ingen i min nærmaste omgangskrets heime eller på jobb har vore sjuke. Har familien din vore skeptisk til vaksinen? – Heime var nok sonen min på 9 år mest skeptisk til å ta vaksinen i byrjinga. Han var redd det skulle gjere vondt. No derimot er alle vaksinert. Dei har hatt god tillit til pappaen sin, så det har ikkje vore så mykje diskusjon rundt middagsbordet om dei skal vaksinere seg eller ikkje. Opplevde du biverknadar av vaksinen? – Eg fekk ein vond arm i to-tre dagar, men det var ikkje verre enn at eg ikkje orka å ligge på den medan eg søv. Det er viktig at alle som opplever biverknader, sender inn biverknadskjemaet. Dette gjeld og dei som ikkje opplever biverknader. Så langt har vi fått inn over 500 skjema frå sjukehustilsette, og når desse vert analysert vil vi sitte på meir kunnskap om vaksinen. Korleis har dei siste månadene som smittevernoverlege vore? – Denne perioden har mildt sagt vore hektisk! Det har vore mykje å ta stilling til undervegs både på overordna nivå, med beredskapsplanlegging, intern og ekstern kommunikasjon og ikkje minst telefonar frå media. På det meste har eg mottatt 50 e-postar (!) dagleg med direkte spørsmål om svineinfluensa eller vaksinen. Smittevernoverlege i <strong>Bergen</strong> kommune, Søbstad, spelar jazz når han skal slappe av, kva gjer du? – Hehe, eg tar turen til hytta i Hardanger – gjerne saman med familien. Der finn eg roen, og klarer å legge vekk andre ting. Kva overraskar deg mest med pandemien? – Det er å sjå kor fort opinionen har snudd. Eg husker ei meiningsmåling som kom for nokre månader sida kor ein av fem sa at dei ikkje ville vaksinere seg, men då vaksinen endeleg kom ville plutseleg alle ha den. Eg trur fleire ville vore motivert for å ta vaksinen på eit tidlegare tidspunkt viss helsemyndigheitene hadde vore snarare ute med informasjon. Korleis synes du vaksineringa av sjukehustilsette har fungert? – Det har fungert over all forventning. Haukeland har valt å desentralisere vaksineringsprosessen ved å la ulike avdelingar gjere jobben sjølv. Vi har passa på at dei har fått tilstrekkeleg med informasjon, og så fort vaksinane har kome på plass har avdelingane utført jobben på ein utmerka måte. Vi har hatt som mål å vaksinere flest mogleg på kortast mogleg tid, og hittil regner vi med at cirka 7500 tilsette er vaksinert. Vanlegvis brukar mellom 15 og 20 prosent av dei tilsette å vaksinere seg mot sesonginfluensa, så oppslutninga mot vaksinering av svineinfluensa er vi særs nøgd med! 23
Page 1 and 2: HELSE BERGEN Haukeland universitets
Page 3 and 4: Døden Det siste stell Eit brennand
Page 5 and 6: ” Musikk gjer rom for ettertanke,
Page 7: -- Godt jobbet! Kjenner du en hverd
Page 10 and 11: - Oppi alt det vonde og triste blei
Page 12 and 13: Fotoreportasje ” Jeg vet egentlig
Page 14 and 15: Lunsjpausen starter som oftest med
Page 16 and 17: Tiden det tar. - Jeg har vel ventet
Page 18 and 19: Takk for at du venter, står det p
Page 20 and 21: Førstehjelp i lov og rett Når du
Page 24 and 25: Jeg gruer meg til operasjon Uvante
Page 26 and 27: www.kvernelandbil.no Bil siden 1921
Page 28: Returadresse: Helse Bergen Haukelan

Hospitalet 2009 Nr 4.pdf - Helse Bergen

Create successful ePaper yourself

Delete template?

Save as template?