Utgave nr 2 - Den norske Rhododendronforening

Den fyrstnemnde er ein velkjend, kraftig, storblømande
kinesisk art som finst i fleire samlingar her
vestpå. Den andre er ein heller lite kjend, hardfør, låg
japansk naturhybrid av Rh. aureum og Rh. brachycarpum,
og ikkje den fyrste eg ville ha tenkt meg å kryssa
ein så høg og kraftig art med. Men resultatet kunne
nok verta lægre og meir hardført enn Rh. decorum, og
det har det blitt. Det finst i det heile berre eit dusin
registrerte hybridar av Rh. nikkomontanum, men
ingen med doble blomar, noko eg ikkje trur den som
kryssa hadde venta seg.
Som ein kan venta med to så ulike forelder, har barneflokken
vorte variabel, og Kari tykkjer best om ein låg,
tettare plante som kjem noko seinare i blom enn dei
andre, fyrst i mai, og beheld dei spesielle blomane
uskada av frost (fig.5), noko eg er heilt samd i, så den
er det som skal registrerast.
Men så er det dette med namnet. Av di han er eit
eventyr i kvitt og har svensk opphav, kom eg til å tenkja
på ei vakker eventyrprinsesse i ei middelaldersegn
som tykte om kvite blomar og difor vart kalla
’Blanzeflor’ (uskuldskvit var ho òg!). Soga ville det så
at ho vart bortrøva frå si heimlege strand, men det
endar lukkeleg med at ho finn att drøymeprinsen sin,
Florez heitte han. Om dette skreiv den svenske diktaren
Oscar Levertin eit høgromantisk dikt i 1891. Diktet
er velkjent i Sverige med Stenhammars vakre musikk
til. Eg siterer til slutt frå det siste verset:
När aftonrodnadens facklor blänkte
vid den döende dagens bår,
och maj i sin skymningsslöja sänkte
min ensamme vandrings spår,
på blommas og vitblommas kärlek jag tänkte,
på Florez och Blanzeflor.
Noko å tenkja på i mai når ’Blanzeflor’ blømer?
Kjelder:
Hesjedal, J. R. 2009. Vårtur i Rhodo-Vest - Hagevandring på Stord og Fitjar. Lapprosen 3: 28
Jørgensen , P. M. 2009. ’Milderubin’ – nytt navn på gammel kjenning. Lapprosen 3: 4.
Jørgensen, P. M. 2010. Rhododendronundret på Stord. Lapprosen 1: 4-5.
Levertin, O. 1891. Legender och visor. Stockholm
Salley, H. E. & Greer, H. E. 1992. Rhododendron hybrids. Timber Press, Oregon.
Stück, G. & Hachmann, H. 2009. H. Hachmann Sortimentsbuch 2009-2013. Barmstedt
Fig.5: Den doble ’Blanzeflor’, endå eit under i hagen hennar Kari, som sjølv står i bakgrunnen ved huset.
6 - Lapprosen 2-2012-