skolesekken - Nord-Trøndelag

Forsidefoto: Kollasj av nokon av bileta frå denne brosjyra
DEN KULTURELLE SKOLESEKKEN - videregående skole 2013 – 2014
2
Tilbodet frå Den kulturelle skolesekken
for skuleåret 2013-2014
Den kulturelle skolesekken (DKS) er no inne i sitt tredje
år i den vidaregåande skulen i Nord-Trøndelag, og er
eit tilbod som skulane har teke godt imot. DKS er ei
varig ordning som, med finansiering frå spelemidlane,
er heilt gratis for elevane.
Vi vonar at den enkelte tek seg god tid til gjennomgang
av programtilbodet i denne katalogen, og melder sine
produksjonsynskjer til kulturkontakten i god tid før
bestillingsfristen. På denne måten kan kvar enkelt av
dykk sikre at de får besøk av dei produksjonane de
opplever som mest relevante og interessante det
komande skuleåret.
Anne Marit Mevassvik,
Fylkesråd for utdanning
Anne Lena Underland,
Koordinator DKS
Meir utfyllande informasjon om
tilbodet kan de finne på nettsidene
våre www.dksnordtrondelag.no.
Klikk på fana merka «videregående»
nedst til venstre, og du vil få opp ein
oversikt over programmet. Det meste
av tilbodet blir også presentert på
Møteplassen på Stiklestad, slik at
lærarar og elevar får eit godt grunnlag
for å gjere sine val for komande
skuleår. Det er viktig at skulane gjer
val og prioriteringar som medfører
at kvar enkelt elev får minimum ei
oppleving i løpet av skuleåret.
Føremålet med DKS er, i følgje
Stortingsmelding nr. 8, 2007-08:
--
å medverke til at alle elevar i
grunnskulen og den vidaregåande
skulen får eit profesjonelt
kulturtilbod.
--
å leggje til rette for at elevar i skulen lettare skal få
tilgang til, gjere seg kjend med og utvikle forståing
for kunst- og kulturuttrykk av alle slag.
--
å medverke til at kunst- og kulturuttrykk bidreg til å
realisere skulen sine mål, slik dei kjem til uttrykk i
læreplanverket.
Tilbodet for neste skuleår er blitt til gjennom møter
med kulturkontaktane ved den enkelte skule, samt
representantar frå rektorkollegiet. Tilbodet omfattar
scenekunst, film, litteratur, musikk, visuell kunst og
kulturarv. I denne katalogen blir tilbodet presentert
innan desse seks kategoriane, samt ein kategori
kalla kunstartar i samspel, kor produksjonane er ein
symbiose av fleire forskjellige kunstuttrykk. I tillegg
har vi også eit utval av tilbod som er spesielt tilpassa
elevar med særskilde behov.
Programmet famnar vidt, her skal vere noko for ein
kvar smak, representert både gjennom skulebesøk
og besøk på eksterne arenaer som kulturhus, kino
og museum. Elevane får møte kunsten gjennom
framsyningar, verkstadar, museumsbesøk, samtalar
og foredrag. Fundamentet for ein god produksjon er
det gode møtet mellom eleven og kunstnaren. For at
dette møtet skal bli vellykka, har kvar skule ein eller
fleire kulturkontaktar, som legg eit stort arbeid i å
tilretteleggje for besøka frå DKS.
Vi ynskjer dykk
eit godt Skolesekk-år
Viktige datoar: Møteplassen: 16. og 17. april – Frist for bestilling frå tilbodet: 1. mai
Innhald:
Side 3
Anita Jacobsen: «Fjærlett»
Side 4 Kari Stai: «Jakob og Neikob»
Dans i Nord-Trøndelag: «Stjerne*»
Side 5 Karen Rotmo m.fl.: «Minner som forsvinner» /
«Mens du er her»
Nord-Trøndelag teater & Kristofer Grønskag:
«Demokratikk»
Side 6 Alan Drop: «Roads less travelled»
Tom Roger Aadland: «Blod på spora»
Side 7 Bjørn Jegerstedt & EstherOrkester: «Tilgi, men aldri
glemme»
Namdalsmuseet: «Fra barokk til rock»
Side 8 Tore Strand Olsen: «Tegneseriekurs»
Sigmund Kveli: «Humor i teksten»
Side 9 Ragnhild Lund Ansnes: «Fotball: Lidenskap og
galskap»
Kristin Fridtun: «Ivar Aasen: Rota til alt vondt»
Side 10 Kjersti Wold og Geir Vang: «Rapport fra et sandkorn»
Jon Vatne: «Nesten helt sant – et krasjkurs i
dokumentarfilm»
Side 11 Kosmorama: «The Disintegration»
Kosmorama: «Festivaloppleving»
Side 12 Trondheim Symfoniorkester: «Orkesterprøve»
Einar Olav Larsen Trio: «Pols og Blues»
Side 13 Falstadsenteret: «Kvinneliv i krig»
Eivind Lentz: «Se(e) me(g)»
Side 14 ADGE & TNT: «Dr. Jekyll and Mr. Hyde»
Freestyle Phanatix: «Bust da Breakz»
Side 15 Blendwerk teater: «Å leve på kode 6»
Trøndelag teater: «Peer Gynt»
Side 16 Riksteatret: «Each One Teach One»
Riksteatret: «Vildanden»
Side 17 Riksteatret / Wakka Wakka: «Saga»
Riksteatret: «Folkestyre!»
DEN KULTURELLE SKOLESEKKEN - videregående skole 2013 – 2014
Anita Jakobsen: Fjærlett
Dette er eit spesialtilpassa kunstnarleg tilbod til
elevar med nedsett funksjonsevne, og for elevar
med åtferdsvanskar.
Opplegget har i utgangspunktet to delar; ein sansedel
og ein workshop, men tilpassingar og justeringar
i programmet blir gjort etter behova i den enkelte
gruppa. Alle individuelle behov skal ivaretakast
gjennom opplegget, og det er difor viktig med dialog
mellom utøvar og skule i god tid før turnestart.
I sansedelen brukar ein fjør saman med
gjennomsiktig, florlett stoff. I workshopdelen får
elevane måle til musikk. Det ferdige uttrykket er prega
av den enkelte eleven sine evner. «Fjærlett» kan også
tilpassast slik at heile klasser kan delta i fellesskap,
kor både elevar med funksjonsnedsetjingar og øvrige
elevar får skape ut frå eigne føresetnadar.
Uttrykk: Kunstartar i samspel
Relevans for m.a. Elevar med særskilde behov
Medverkande: Anita Jakobsen
Produsent: Anita Jakobsen og DKS Rogaland
Turnéperiode: Oktober 2013 eller mars 2014
Arena: Stort rom / gymsal til sansedel,
klasserom til workshop
Tid: 180 minutt
Maks publikumstal: 15 (25)
For elevAr med særskilde behov
3