Poesia - Academia Brasileira de Letras

Contan os aires lendas que, na rúa
Contan os aires lendas que, na rúa,
non son máis que verdade. Aí vai o home
que descoñece até o propio nome,
pero, acotío, amosa a súa alma núa.
Cada home ten, na rúa, a escena e actúa,
sen atanguer a gloria do renome,
e vai coméndose o deserto abdome,
hórreo baleiro da existencia crúa.
Voan paxaros ceibes sobre o asfalto,
mais o home segue escravo, en sobresalto,
catando cartos e finxindo o riso.
Mentres aspira o fume dos motores,
deixa na rúa o seu ronsel de dores,
abandona a esperanza e perde o siso.
Poesias
287