A ergonomía / Sobredose de vitaminas / Epilepsia e condución ...

A ergonomía / Sobredose de vitaminas / Epilepsia e condución / Lente... 25/10/2007 12:19
Revista CONSUMER EROSKI
Outras informacións sobre Saúde
A ergonomía / Sobredose de vitaminas / Epilepsia e
condución / Lentes electrónicos / Chega o doutor Da
Vinci / A entrevista: Lluís Serra Majem
En catro palabras
A ergonomía
Nos últimos anos a ergonomía, que estuda as características e necesidades
das persoas para adecuar os produtos e os contornos e optimizar a súa
eficacia, seguridade e confort, irrompeu con forza no mundo sanitario.
Froito desa nova liña de aplicacións deseñáronse ou adaptáronse produtos e
contornos para persoas con limitacións funcionais, como persoas maiores e
diminuídos.
Quen avisa non é traidor...
Sobredose de vitaminas
Ante estados de baixón físico ou emocional non son poucas as persoas que botan man dos
suplementos vitamínicos, moitos deles de venda libre. E non son infrecuentes as sobredoses de
vitaminas, isto é, a intoxicación polo consumo de máis cantidade ca a recomendada de
suplementos vitamínicos. Calquera ingrediente nun complexo multivitamínico pode ser
prexudicial en grandes cantidades, pero o perigo máis grave procede do ferro ou do calcio. Os
posibles síntomas que poden aparecer van desde náuseas, dor de cabeza e
músculo-esquelético ata graves alteracións do ritmo do corazón e
convulsións. Ante episodios graves non se debe provocar o vómito senón
buscar atención médica urxente. Nun centro de saúde pódense administrar
líquidos por vía intravenosa, medicamentos para paliar os síntomas ou para
neutralizar o efecto tóxico.
Noticias
Epilepsia e condución
Habitualmente négase o carné de conducir a quen padece epilepsia, pero non hai datos que
obxectiven se existe perigo real para a condución. O estudo europeo 'Epilepsia e condución',
actualmente en marcha, asegura que o perigo de sinistralidade viaria dos enfermos epilépticos
pode equipararse ao de persoas sas, sempre e cando se cumpran as medidas terapéuticas
prescritas polo especialista e estean ben definidos os tipos de crise que se padecen e o período
libre entre unha crise e outra. O estudo pretende establecer parámetros obxectivos para que os
epilépticos con síntomas menos severos poidan conducir.
Lentes electrónicos
Un grupo de investigadores de EEUU desenvolveron uns lentes electro-ópticos que modifican o
seu enfoque cun interruptor. A súa primeira aplicación será substituír os actuais lentes bifocais.
Os lentes en desenvolvemento baséanse nun enxeñoso sistema que actúa como se se tratase
dunha cámara dixital, de xeito que se espera que cheguen mesmo a enfocar automaticamente.
Chega o doutor Da Vinci
A cirurxía deu un novo paso coa chegada do 'doutor Da Vinci', un robot desenvolvido por
enxeñeiros da NASA que permite operar a distancia. Aínda que a súa principal indicación son as
operacións de próstata, está listo para ser empregado en calquera tipo de cirurxía. O robot
'traduce' os impulsos das mans do cirurxián ao instrumental cirúrxico, que se move con precisión
no interior do corpo. Ademais de precisión, o robot está preparado para acceder a partes
inaccesibles mediante cirurxía convencional. Así mesmo proporciona unha redución notable do
tempo de intervención e de estancia hospitalaria.
A entrevista:
http://revista.consumer.es/web/ga/20060701/salud/70658.php

A ergonomía / Sobredose de vitaminas / Epilepsia e condución / Lente... 25/10/2007 12:19
Lluís Serra Majem, catedrático de Medicina Preventiva e Saúde Pública
Lluís Serra Majem é presidente da Sociedade Española de Nutrición Comunitaria. Desde a súa
cátedra da Universidade de Las Palmas defende a instauración de hábitos saudables como
arma preventiva contra a obesidade.
É a obesidade efecto dun trastorno de conduta?
Engordar non é un trastorno de conduta alimentaria, senón o efecto de hábitos dietéticos
inadecuados ou dun sedentarismo pertinaz.
Como se cura?
Non debemos medicalizar a obesidade. É un erro que todo o mundo coma o que queira e
cando queira para intervir de forma agresiva con fármacos ou cirurxía ao entrar na fase de
obesidade mórbida. A cirurxía debe ser a última solución, non a primeira elección.
A prevención, así e todo, parece máis difícil.
Non é fácil, aínda que si simple. O 99% dos casos de exceso de peso ou obesidade é evitable.
E logo?
O único xen pernicioso da obesidade chámase "comer demasiado e moverse demasiado
pouco". A evidencia científica confirma que oito das dez principais causas de mortalidade no
mundo gardan relación coa dieta e o exercicio.
Que medidas resultan máis eficaces?
Aleitar os bebés máis alá dos seis meses sen chupetes nin biberóns e, diariamente, fixar o
almorzo como a principal comida, consumir un mínimo de cinco variedades de froita ou
verdura e camiñar durante 30 minutos. Son medidas efectivas e nada caras. Hai que
convencer a sociedade de que hai hábitos que non por cómodos resultan beneficiosos.
Accesibilidade Titulares RSS Mapa web ¿Quen somos? Publicidade Escríbenos
En CONSUMER.es EROSKI tomámosnos moi en serio a privacidad dos teus datos, aviso legal. © Fundación EROSKI
http://revista.consumer.es/web/ga/20060701/salud/70658.php