C L U B E D E L EC TO R E S - Biblos

Ollando un pouco atrás
As suxestións de Ramón Nicolás para este verán
Narrativa
6
Henrique Alvarellos
Diario dun pai
acabado de
nacer
Xerais
Rústica
17 × 24 cm 112 páxinas
ISBN: 978-84-9782-711-9
15,80 €
Por non seren habituais este tipo de
libros cómpre referirse a este volume do
xornalista e editor Henrique Alvarellos,
pois o Diario dun pai acabado de nacer
explora algunha das dimensións dos
primeiros pasos dunha relación paternofilial;
motivo que adoitaba ser máis
acaído até agora a outros xéneros como
o poético –velaí o sempre fresco Darío
a diario, de Xela Arias ou mesmo, en
parte, as Sete palabras de Suso de Toro....
Nesta ocasión Alvarellos abéirase á
forma do diario para abordar a espera,
o nacemento e os primeiros anos da
vida dun neno, o seu fillo, construíndo
un texto emotivo no que a figura do pai
pasa a focalizar o núcleo do discurso, sen
esquecer a inclusión de moitas doses de
certo escepticismo vital.
Tamén o volume encerra unha reflexión
sobre o futuro, a infancia e o tempo,
recollendo o eco dos acontecementos
sociais que se viven nun período
concreto e entreverando as impresións
de lecturas, a pegada das complicidades
afectivas, o traballo cotián, as viaxes, as
mudanzas e outros fíos que constrúen
o día a día. Un exercicio, así pois, de
memoria e reflexión, orixinal e moi ben
composto.
TRILOXÍA
Xavier Alcalá
Unha falsa luz
Galaxia
Rústica
13,5 × 21 cm 476 páxinas
ISBN: 978-84-9865-028-8
23,09 €
Nas catacumbas
Galaxia
Rústica
13,5 × 21 cm 424 páxinas
ISBN: 84-8288-802-1
21,66 €
Entre fronteiras
Galaxia
Rústica
13,5 × 21 cm 346 páxinas
ISBN: 84-8288-667-3
19,29 €
Non resultan moi comúns,
editorialmente falando, proxectos
como este no que Xavier Alcalá foi
quen de encerrar en case mil trescentas
páxinas non unicamente a memoria da
comunidade evanxélica desde o reinado
de Alfonso XII ata a morte do xeneral
do Franco senón outros moitos asuntos,
entre os que destaca, sobre todo, o da
disidencia e as súas consecuencias,
vivida e experimentada polos membros
dunha comunidade que, pola fidelidade
e lealdade a unhas crenzas, sufriron
persecución, sendo vítimas duns
e doutros e véndose obrigados a
sobreviviren en circunstancias ben
adversas e en moitas ocasións extremas.
Alcalá realiza un exercicio de
corte memorialístico –velaí o ton
autobiográfico co que o protagonista
nos ensarilla intensamente nos
tres libros e que posibilita unha
liña comunicativa máis directa e
achegada ao lector–, e crea unha
ficción que, en treitos substanciais,
adapta a historia aos seus lexítimos
intereses. Inescusablemente existe
unha débeda contraída con diferentes
fontes: documentais, notariais, de
carácter oral... unha cantidade inxente
de información que se modifica e
transforma, que converte en materia
narrativa asentándoa nun contexto
que tamén é, ao tempo, un friso dos
acontecementos. Por se fose pouco a
transparencia e forza expresiva desta
grande historia constitúe, tamén, un
elemento a ter moi en conta.
PREMIO DA CRÍTICA 2008
E PREMIO IRMANDANDE
DO LIBRO AO MELLOR
LIBRO GALEGO DE 2009
Marcos S. Calveiro
Festina lente
Xerais
Rústica
14,5 × 22 cm 288 páxinas
ISBN: 978-84-9782-786-7
16,25 €
Calveiro xa subscribira, antes deste
Festina lente, outras pezas como
Rinocerontes e quimeras e mais O carteiro
de Bagdad, mais coido que con esta
novela afortalou, de vez, a súa presenza
como un dos narradores de maior
proxección como estes días testemuña
con dúas recentes novelas no mercado
Esta proposta, concibida desde un
rigoroso medievalismo ambiental,
integra evidentes pegadas de novela
negra que conflúen ao tempo neses
grandes asuntos literarios de sempre
tratados con acerto: o amor, a morte,
a traizón, o engano, o poder...
Ingredientes que se adobían coas
necesarias doses puidoras e intenso
traballo estilístico.
A presenza da Compostela medieval, os
personaxes elaborados con solvencia
en todas as súas contradicións, a
variedade de recursos empregados son
só algunhas razóns máis para continuar
recomendándoa.
O verán constitúe, para a maioría, un deses
períodos acaídos para achegarse a aquelas
novidades acabadas de saír do prelo mais tamén é
posible que este tempo poida erixirse como o ideal
para volver a ollada lectora un pouco atrás,
nalgúns casos un pouco máis atrás, e decidirse
a retomar aquel libro que, por circunstancias
diversas, puido quedar varado nas primeiras
páxinas ou aqueloutro que aínda agarda unha
oportunidade, para poder conseguilo ou para
retiralo do andel da biblioteca.
Así pois se cadra estes días que agora se presentan
poidan ser datas acaídas para este exercicio
Manuel Veiga
O profesor de
vegliota
Xerais
Rústica
14,5 × 22 cm 144 páxinas
ISBN: 978-84-9782-706-5
15,80 €
Aínda non se abateran días un tanto
infelices para o futuro do idioma
cando Manuel Veiga, tras dúas novelas
publicadas con anterioridade, ofreceu,
a medio camiño entre a novela e o
ensaio, unha lúcida reflexión arredor
de conceptos como a identidade, a
resistencia ou a asimilación coa lingua
como obxecto de reflexión.
Incorporando unha homenaxe implícita
a Reimundo Patiño a través da figura
do falante de vegliota óptase por
construír un universo literario alicerzado
nunha viaxe en tren realizada polo
protagonista: un profesor depurado
e perseguido, posuidor de dous
manuscritos de corte ensaístico sobre o
vegliota que titula significativamente
«Klemperer» e «Ferrer i Gironès»;
unha viaxe, por certo, cargada de
intención, pois nada hai gratuíto
nesta entrega, de xeito que se trata da
derradeira que realiza un tren chamado
«arrancatravesas» e que aproveitará
o seu percorrido para ir arrincando as
trabes que compoñían a vía pola que
circulaba. Unha estraña e simbólica
viaxe, así pois, que lle dá forma a unha
alegoría que, hoxe máis que nunca,
convén coñecer.
que entendo como axeitados para «rescatar»
algúns títulos, nesta ocasión narrativos, máis ou
menos próximos no tempo e que ao meu xuízo non
defraudarán... Sobre eles semella que pasou moito
tempo pois a vixencia das novidades, como obxecto
de atención mediática, en librarías ou revistas,
vén sendo cada vez máis efémera, mais non debera
ser así.
Non se persegue, por último, ocultar recentes
e probablemente valiosas novidades senón,
por unha vez, recuperar tamén a presenza de
libros nosos que, se cadra, puideron tamén pasar
desapercibidos.
Marica Campo
Memoria para
Xoana
Espiral Maior Rústica
13,5 × 21 cm 64 páxinas
ISBN: 84-95625-40-7
10 €
Publicado xa no ano 2002 e galardoado
no seu día pola Asociación de Escritores
en Lingua Galega Memoria para Xoana
articúlase como un exercicio narrativo
no que unha muller lle relata en voz
alta, a unha filla que agarda e que
nacerá axiña, o pasado da súa familia,
as raigames nas que se afonda nunha
liñaxe, con aberta preheminencia
do feminino, marcada polo esforzo e
orgullo superador de seculares atrancos
ata o tempo presente, tecendo unha
cadea intanxíbel de vida que vai desde
Pepa a Toupa ata Xoana, pasando
por Rosa Pérez, Carolina, Carme e a
protagonista, todas a teceren un soño
propio –esa memoria recorrente–
que entenden necesario para a
supervivencia.
Un libro cheo de matices épicos e
con axustadas doses de emoción,
sensibilidade e tenrura que, ademais,
afonda con sinceridade nas poliédricas
relacións humanas e que mesmo encerra
unha inequívoca dimensión simbólica
e metonímica da nosa historia, de
Galicia e do seu futuro que, loxicamente,
representa esa Xoana que ha de vir,
afortalada xa pola memoria dos seus.
Ramón Caride
O frío azul
Sotelo Blanco Rústica
16 × 21 cm 128 páxinas
ISBN: 978-84-7824-540-6
10,50 €
Galardoada no premio de novela
curta Lueiro Rey hai poucos anos,
Caride ofrece, no ronsel das novelas
de aventuras, as peripecias biográficas
de Lourenzo: un frade e ex militar
desapiadado, agora enclaustrado por
propia vontade no mosteiro de Oseira
nas primeiras décadas do século XVI,
dono dun pasado avolto e certamente
insospeitado.
A este piar xúntaselle o das novelas
góticas pois velaí o obxecto que desata
toda a misteriosa intriga: un anel
misterioso que nos conduce por veces
ao terror, noutras ocasións aos vieiros
da morte –ese frío azul– ou mesmo
á presenza do amor no medio dunha
atmosfera desacougante e cun pano
de fondo tecido cos acontecementos
estraños e angustiosos que
protagonizan os personaxes femininos,
con especial atención Inés ou Xálima e
Ildara. Finalmente, o autor non esquece
o modelo da novela histórica pois
non en van se introducen referencias
do mundo medieval, retratado
con precisión e sendo evocado coa
transparencia necesaria, agromando
aquí e acolá a sombra do Santo Oficio, os
convictos de apostasía, o escurantismo,
os libros prohibidos, os partidarios
de Sabela a Católica e de Xohana a
Beltranexa... Todo serve para esculcar
nas fendas e no máis escuro da alma
humana, tamén para erixir un canto
contra a intolerancia e contra os poderes
inquisitoriais e de todo tipo.
PREMIO ISAAC DÍAZ PARDO
AO LIBRO ILUSTRADO DO ANO
2008 E PREMIO ASOCIACIÓN DE
ESCRITORES EN LINGUA GALEGA
(INFANTIL - XUVENIL) 2008
Xabier P. Docampo e
Xosé Cobas
O libro
das viaxes
imaxinarias
Xerais
Cartonado
19,5 × 29 cm 224 páxinas
ISBN: 978-84-9782-918-8
19,66 €
Se cumprise realizar unha escolla onde
se citasen unha ducia dos supostamente
denominados libros da década, ao
meu ver este título non debería faltar.
Argumentos para xustificar o dito é ben
certo que son moitos mais non viría
mal lembrar, alén desa conxunción,
acaída como poucas, entre imaxe o
texto, a afouteza e o enxeño para se
internar por un universo temático que
pode parecer moi tripado, mais desde o
que se demostra como é posible poder
renovar e volver interesar a un lector
nun texto fonte e clave de todo o que
veu despois como é a Odisea, e por riba
facelo levando canda si a compañeiros
de viaxe como son Cunqueiro, Borges,
Kawabata, Robert Burton ou Bruce
Chatwin, sen deixar de facer chiscadelas
a toda a potencialidade que encerra a
propia tradición oral.
É este un libro dono dunha fulgurante
clareza que se evidencia en cada páxina,
en cada liña. Un libro, en fin, que non é
quen de ocultar a sapiencia e o talento
que o alicerza.
Premio de novela
por entregas de
La Voz de Galicia
Alberto Ramos
Con acuse de
recibo
Biblos
Cartonado
16 × 22 cm 112 páxinas
ISBN: 978-84-937323-9-4
15€
E atrévome coa última recomendación
que é o «rescate» máis recente no
tempo dos que aquí se presentan. Con
el permítome reivindicar a actividade
e presenza do que teño denominado
noutros lugares como autores e autoras
da «factoría Biblos» e que apunta a esa
ricaz promoción de autores novos que
se dan a coñecer ao abeiro do premio
Biblos-Pazos de Galicia para un escritor
menor de 25 anos. Ramos conseguírao,
no seu día, con Dor pantasma (2006)
e Con acuse de recibo, premio de
novela por entregas La Voz de Galicia,
testemuña a súa feliz continuidade no
ámbito creativo.
Esta novela permítelle a Ramos exhibir
as súas dotes como narrador, moi atento
ao meu ver ás técnicas de filiación
cinematográfica, para atreverse con
inequívoca fortuna a artellar unha
orixinal filodetectivesca, erixida sobre
un fondo que esculca na identidade
persoal e familiar, con grande
efectividade no que atinxe ao deseño de
situacións, ao tratamento outorgado a
personaxes e atmosferas que beirean, en
ocasións, a dimensión do misterioso ou
do descoñecido.
Ramón Nicolás
Narrativa
7