Prisciliano eo priscilianismo. Da condena á rehabilitación - Biblos

Breviario - Narrativa
6
Breviario
Agustín Fernández Paz.
1. A AELG, a través dunha
carta asinada por Cesáreo
Sánchez e Mercedes Queixas,
solicitou o nomeamento
como Doutor Honoris Causa
para Agustín e o 20 de xuño
de 2012 o Departamento de
Filoloxía Galega e Latina da
Universidade de Vigo decidiu
aprobar esta proposta por
maioría. Enténdoo como un
acto de xustiza este máximo
recoñecemento universitario;
tamén o foi a emocionante
Homenaxe que se celebrou 0
30 dese mesmo mes en Vigo.
Beizóns para Agustín.
Vidal Bolaño. Xa temos autor
2. para as Letras 2013. Recoñezo
a miña satisfacción con esta
escolla, como igualmente
a amosaría con algúns dos
candidatos que se barallaban.
O dramaturgo compostelán
posúe incontestables méritos
para este nomeamento e
coido que debe ser un ano
para que se fale tamén de
teatro galego, que se proxecte
a relevancia deste xénero
na nosa sociedade e que se
mellore a súa saúde. Quedou
Rosalía de Castro fóra
desta escolla, que sería unha
elección magnífica pois 1963,
cando se lle dedicou, queda
xa ben lonxe. Con todo,
conxecturo que non ha ser
difícil que o Parlamento de
Galicia e outras entidades,
seguindo o ronsel do ocorrido
con Álvaro Cunqueiro en
2011, e no presente ano
con Celso Emilio Ferreiro,
poidan acordar dedicar o
2013 a enxalzar a memoria
rosaliana. Unha e outra
celebración non as entendo
como incompatibles; é máis,
teño para min que resultan
felizmente complementarias.
Oxalá así sexa.
Non esquezo que estamos no
3. verán e non vou recomendar
ningún título concreto aquí
mais si apunto algúns dos
volumes que, por diversas
razóns, agardo que me poidan
acompañar este tempo: En
vías de extinción, de María
Reimóndez, Tempo de outono
de Mario Regueira, Iria de
Anxo Angueira, a biografía
sobre Murguía que subscribe
X.R. Barreiro e os Rapoemas
de Aid. Falaremos deles.
Conclúo coa referencia
4. a un novo selo editorial:
Fabulatorio, que chega da
man de «desescribir»: un
estudio galego de deseño
gráfico e editorial. Os seus
primeiros pasos son moi
prometedores e, desde aquí,
deséxolles toda a sorte do
mundo.
Xesús Constenla
15.724
Obra dun enorme poder metafórico que fala dun
territorio asentado no lombo dunha ave durmida.
O autor (Ferrol, 1963) traslada ó lector a unha
Patria presidida pola figura do Gran Mariscal. Nela
vaise desencadear unha traxedia de toda unha familia
e a partires de aí cambiará o destino de quen
logran sobrevivir.
Xerais
Rústica
14,5 × 22 cm 248 páxinas
ISBN: 978-84-9914-363-7
16,62 €
MANUEL IGLESIAS
TURNES
As rapazas de Xan
Obra coral con vocación de
entreter e divertir. Unha visión
próxima da vida dunha
aldea galega a mediados do
pasado século.
Xerais
Rústica
14,5 × 22 cm 296 páxinas
ISBN: 978-84-9914-367-5
19 €
ANXO ANGUEIRA
Iria
Ambientada nos sesenta do
século XX, cando comeza a
agromar a primeira resistencia
activa antifranquista, tece
unha memoria polifónica do
Ulla e mais da Arousa.
Xerais
Rústica
14,5 × 22 cm 328 páxinas
ISBN: 978-84-9914-362-0
19 €
Xavier Alcalá
Tres motivos para ler
esta novela, a dicir do
autor:
Relato realista,
histórico e detallado,
procedente de fontes
ignoradas na Cuba
postrevolucionaria.
Mostra da implicación
galega na revolución
suprapartidaria e
interclasista, da
que se aproveitou o
castrismo.
Visión feminina dunha
guerra en que os
heroes serían homes
barbudos.
Verde oliva
Novela sobre a intrahistoria da revolución cubana a través
da experiencia de Mariana, unha galega que formou
parte da rede secreta coa que o Movemento 26-J organizou
unha guerra paralela á das tropas de Fidel Castro.
O relato de Mariana, en primeira persoa, está baseado
na experiencia de Juana Maseda Samartín, de quen Xavier
Alcalá coñeceu por terceiros un relato do acontecido
que dista moito da versión oficial. «O que nos importaba
–comenta Alcalá a propósito do libro– era relatar
a tempestade que se abateu sobre Cuba entre marzo de
1952 e decembro de 1958; e facelo desde o punto de
vista dunha rapaza galega e burguesa á que nada, en
principio, se lle perdera nunha pelexa entre cubanos».
Galaxia
Rústica
13,5 × 21 cm 416 páxinas
ISBN: 978-84-9865-447-9
21,80 €
Mariña Pérez Rei
Contrapicados
Novela coral na que se cruzan personaxes dispares
observados desde un igualador ángulo límite. A cama
é un obxecto que gaña co claroscuro. Os pacientes
dun hospital saben que a intimidade se desprende
ao xeito dunha gran carapola, ao tempo que van
nacendo moitas emocións lentas e algunha que outra
vertixinosa. Un ataque de indignación e imbecilidade
pode chegar a consumir trescentas calorías. A pituitaria
e a amígdala son dúas grandes descoñecidas.
O frío é branco porque as sinestesias suceden;
ademais, non é verdade que a auga sexa insípida:
sabe a sede. Os personaxes masculinos olen a carballo
rebolo; os femininos, a figueiras novas e a tinta
roubada. A cámara enfoca os seus rostros e convérteos
en personaxes contrapicados, secundarios
ou relevantes, imperfectos ou sublimes, pequenos
cameos que saen ao paso dun narrador omnisciente
e irresponsable que abandona as súas funcións.
Sotelo Blanco Rústica
14 × 25 cm 210 páxinas
ISBN: 978-84-7824-622-9
15 €
XERARDO QUINTIÁ
Hotel Cidade Sur
Oito historias que se sitúan
entre novos edificios e leiras
semiabandonadas, nas marxes
esquecidas dun mundo
urbano que comeza a amosar
os dentes da explotación.
Galaxia
Rústica
14 × 21 cm 168 páxinas
ISBN: 978-84-9865-413-4
14 €
REXINA VEGA
Dark Butterfly
A loita dunha corredora exhausta
que procura o derradeiro
alento para chegar á
meta. Un literal descenso aos
infernos ante o que a psiquiatría
revela a súa impotencia.
Xerais
Rústica
14,5 × 22 cm 176 páxinas
ISBN: 978-84-9914-336-1
15,81 €
Gonzalo López Abente
A narrativa
mariña
Edición de Suso Sambade Soneira que recupera catro
novelas curtas do escritor muxián: O diputado
por Beiramar (1918), O novo xuez (1922), Buserana
(1925) e Fuxidos (1926). Ambientadas na costa, o
mar xoga un importante papel nalgunhas delas.
Xerais
Rústica
14,5 × 22 cm 248 páxinas
ISBN: 978-84-9914-376-7
17,10 €
PEDRO FEIJOO
Os fillos do mar
A un arquitecto mediocre mórrelle
unha clienta en estrañas
circunstancias. A partir de
aquí, vese involucrado nunha
intrigante trama na que tamén
parece estar envolta a
familia da muller morta.
Xerais
Rústica
14,5 × 22 cm 432 páxinas
ISBN: 978-84-9914-346-0
19,95 €
GORETTI FARIÑA
Orlando pendurado
Con Orlando pendurado, un
protagonista argallante que
principia namorado e remata
furioso, a autora quixo trazar
un relato entre existencial e
costumista, cun resultado entre
piadoso e retranqueiro.
Xerais
Rústica
14,5 × 22 cm 80 páxinas
ISBN: 978-84-9914-345-3
14,60 €
Narrativa
7