Páxinas Informativas - Museo do Pobo Galego

P.D.
Páxinas
Informativas
do Museo do Pobo Galego
Museo do Pobo Galego • San Domingos de Bonaval • 15703 Santiago de Compostela
tel. 981 583 620 • fax 981 554 840 • www.museodopobo.es • correo electrónico: info@museodopobo.com
Dirección: Carlos García Martínez ■ Secretaría: María-Xosé Fernández Cerviño
Redacción: David Conde Lourido, Ana Estévez Lavandeira, Rosa Méndez García, Belén Sáenz-Chas Díaz
Administración: Xulia Vázquez Randulfe abril 2 /2010
Declaración da Xunta Reitora
sobre Isaac Díaz Pardo
Ante as duras circunstancias vitais e
profesionais que nestes anos está a
sufrir D. Isaac Díaz Pardo, presidente
do Padroado do Museo do Pobo Galego,
a Xunta Reitora desta institución,
na súa reunión do 13 de xaneiro de
2010, acordou por unanimidade facer
pública a súa solidariedade con quen
sen dúbida é unha das figuras máis
senlleiras da cultura galega dos últimos
setenta anos.
Non é necesario lembrarmos a longuísima,
exemplar e infatigable traxectoria
de Díaz Pardo como artista
plástico; como creador xunto con Luís
Seoane de empresas que elevaron o
deseño galego a un nivel superior e o
difundiron por todo o mundo, articulando
cultura, creación e industria;
como promotor de entidades que
acolleron artistas e investigadores
novos e vellos; como benefactor que
empregaba gran parte dos rendementos
desas empresas en financiar
editoriais ou galerías sen as que moitos
escritores non verían publicada a
súa obra, moitos novos valores terían
máis dificultades en expoñer, moitos
foros da sociedade civil non atoparían
local onde manifestarse e a memoria
histórica se vería privada dun dos
seus primeiros valedores. A débeda
que temos todos con Díaz Pardo é
impagable. Por iso resulta máis
inxusto que no tramo final da súa
vida sexa desposuído do que contribuíu
a crear, teña que contemplar a
destrución de gran parte da súa obra
e mesmo se vexa obrigado a abandonar
o lugar onde viviu e traballou os
últimos vinte anos.
Por canto queda dito, esta Xunta Reitora
coida que a solidariedade pasiva
non abonda e fai un chamamento a
todos, poderes públicos incluídos, a
prol de articular a reparación que
Díaz Pardo merece.
abril / 1

Vinte e cinco anos de adhesión
Vaise convocar para o vindeiro 8 de maio, sábado, a asemblea anual dos Socios do Museo. Como cada ano, será o momento
de impoñer a aquelas persoas que cumpren vinte e cinco anos como socios a insignia de prata da institución. En 2010
recibirán a insignia as seguintes persoas:
ACUÑA CASTROVIEJO, Rosina
ÁLVAREZ ARCOS, Carmen
BANDE RODRÍGUEZ, Enrique
BUSTO SALGADO, Antonio
CAMBEIRO CIVES, Xosé Manuel
EL CORREO GALLEGO
FERREIRO DACOBA, Nélida
FOLGAR POMAR, Juan José
GARCÍA BOADO, Alfonso C.
GONZÁLEZ ABRALDES, Marcial
GONZÁLEZ MARTINEZ, Xosé
GONZÁLEZ VIÑAS, M. Luisa
LAVANDEIRA REY, Severino
LEDO CABIDO, Bieito
LÓPEZ SILVA, Xosé
PITA MON, M. Isabel
RODRÍGUEZ LÓPEZ, Xulio
SANTOS SEQUEIROS, Luís E.
SUÁREZ GONZÁLEZ, Elías
VARELA ARIAS, Elena
Asemblea de socios 2009. Foto Margen
Invitamos aos socios e socias a se sumaren a esta homenaxe nunha xornada de
encontro e participación.
Novos socios
Durante o ano 2009 producíronse
33 novas incorporacións:
ABELLA GALEGO, Ana
BAAMEIRO PENEDO, Bruno (infantil)
BAAMEIRO PENEDO, Juan (infantil)
BAAMEIRO PENEDO, Noa (infantil)
BEIROA LIÑARES, Isabel
BLANCO DÍAZ, Rodolfo José
BRINCADEIRA, GRUPO DE BAILE
E MÚSICA T.
CABARCOS SILVEIRO, Ruberto
CARNERO FERNANDEZ, Elisardo
CARNERO FERNÁNDEZ, José Antonio
CASADO NEIRA, David
DEL ORO TRIGO, Mª Pilar
DELGADO, Carlos (infantil)
FERNÁNDEZ NÚÑEZ, Pablo
FUNDACIÓN BAUTISTA ALVAREZ
(institucional)
GOYANES VILAR, Isabel (infantil)
IGLESIAS BALDONEDO, Maribel
IGLESIAS CASTELAO, Carlos Javier
LEICEAGA BALTAR, Saladina
LOJO IGLESIAS, Lucas (infantil)
LOPEZ SAGARNA, Susana
MANSO DE LA TORRE, Xilber
MANUBO MANN, Mª Madalena (infantil)
MARIÑO ALFONSO, Xurxo
NOYA GULDRÍS, Manuel
PENEDO POUSA, Concepción
PÉREZ MONTENEGRO, Melisa
PÉREZ MONTENEGRO, Sandra
POL AIRA, Óscar
POUSA MERÉNS, Luis Antonio
RODRÍGUEZ ARRIBE, José Antonio
RODRÍGUEZ GÓMEZ, Alexandre
ROZADOS RIVAS, Francisco
SAMPEDRO MARTÍNEZ, Pilar
TORRE RODRÍGUEZ, Xe
TORRES IGLESIAS, Clara (infantil)
Damos conta, asemade, de que se
produciron 12 baixas de socios por
defunción, falta de pagamento ou
baixa voluntaria.
Ao tempo de darmos a benvida e
agradecer o apoio dos novos
membros do colectivo, invitamos a
todas as persoas asociadas a faceren
un esforzo por achegar máis apoios.
abril / 2

ACTIVIDADES DO MUSEO
EXPOSICIÓNS
■ Xenaro Martínez Castro
Ata o 25 de abril
Desde o 31 de marzo exhíbese de novo a
exposición en memoria de Xenaro Martínez
Castro, organizada en 2008 co gallo do primeiro
cabodano do fotógrafo.
O pasamento prematuro de Xenaro, en
plena madureza da súa traxectoria, foi fondamente
sentido polos seus moitos amigos
e coñecidos, entre os que deixou unha
pegada perdurable pola súa calidade profesional
e humana. O Museo do Pobo Galego,
institución da que foi socio e coa que mantivo
unha relación de colaboración xenerosa,
asumiu o compromiso de organizar esta
mostra, comisariada por Mercedes Rozas e
Xosé Ramón Fandiño.
Nesta chuviosa primavera quixemos dar a
quen nos visitan unha nova oportunidade de
gozar da beleza e a tenrura das imaxes de
Xenaro Martínez.
■ Debuxantes da pedra,
fabricantes da lata:
O legado de “La Artística, S.A.”
Museo do Pobo Galego,
co patrocinio da Consellería do Mar
Comisariado: Xesús Giráldez, Lino Lema.
Colabora: Mercedes Rozas.
Coordinación: Belén Sáenz-Chas
Do 13 de abril ao 16 de maio
A fabricación de conservas herméticas
de peixe en Galicia remóntase a 1841.
Na década de 1880 converteuse nun verdadeiro
sector industrial, concentrado
nas Rías Baixas e, máis concretamente,
en Vigo.
Ata 1890 a folla de lata preparada e litografada
procedía de Inglaterra, Francia ou
Biscaia. Pero o desenvolvemento da industria
conserveira deu lugar á aparición das
empresas dedicadas á iluminación da folla
de lata. A primeira foi La Artística de A
Coruña, fundada ao redor de 1890, polos
irmáns José e Germán Suárez Pumariega.
En 1906 constituíuse en Vigo a sociedade
Germán Suárez, Salgado y Fadrique, á cal
se uniu catro anos máis tarde José Suárez,
dando lugar ao nacemento de La Artística.
Manufacturas de hoja de lata. En 1921
creouse Talleres Mecánicos Alonarti S.A.
dedicada á produción de maquinaria para
a industria conserveira. En 1955 La Artística-Alonarti
S.A comezou a fabricar tubos
comprimibles e ríxidos de aluminio. En
1968, con plantas en Vigo, Valença e
Madrid, converteuse no principal produtor
de tubos do mercado peninsular.
O atraso técnico no que se mantivo a
industria de bens de consumo nos primeiros
anos do franquismo afectou directamente
ás empresas metalgráficas, que
chegaron á década de 1960 cuns equipos
obsoletos. Imposibilitadas de competir
coas empresas multinacionais que se instalaron
daquela en Galicia, desaparecerían
nas décadas seguintes. Era a fin da metalgrafía
baseada na tradicional técnica de
impresión litográfica. Con todo, La Artística
chegou a un acordo coa multinacional
francesa Carnaud, para subministrarlle a
litografía. Para iso creou unha nova
empresa e introduciu modernos procedementos
técnicos.
Os fondos históricos de La Artistica, S.A.,
depositados no Museo do Pobo Galego,
constitúen a base desta exposición, que
presenta a panorámica dunha época dentro
dun sector punteiro da industria galega.
BIBLIOTECA
OS SOCIOS E PATRÓNS ESCRIBEN
Acusamos recibo e agradecemos as contribucións recentes dos patróns e socios á Biblioteca, que se relacionan a seguir:
CARPINTERO ARIAS, P., MARÍN MARTÍNEZ,
X.R. (deseños) Os instrumentos musicais
na tradición galega. Ourense, 2009
BERAMENDI, J. Os irmáns Suárez Picallo
no Nacionalismo galego. En: Ramón Suárez
Picallo: a voz esquecida do galeguismo.
A Coruña, 2009
—Nacemento e maduración. En:
O nacionalismo galego nos programas
políticos : o século XX, Santiago, 2009
BERGERET, Y., FERNÁNDEZ OCAMPO, A.
Signes et levées de pierre = Signos e
pedras erguidas, Vigo, 2009
BRAÑA REY, F., Memoria y transmisión:
procesos artesanales, en: XVII Eusko
Ikaskuntzaren Kongresua = Congreso
de Estudios Vascos, Vitoria, 2009
—The Museum of the Galician People
as a container of values for different
publics, en: Proceedings of ICOM-ICME,
2009 Seoul Conference. Seul, 2009
GONZÁLEZ PÉREZ, C., De camiño,
A Coruña, 2009
GONZÁLEZ REBOREDO, X. M., El ocaso
del campesinado en Galicia: situación de
partida, cambio y recuerdos en el presente
o para el futuro. En: El fin del campesinado.
Sevilla, 2009
—Unha introducción e dúas cuestións
sobre os Procesos de Patrimonialización da
Cultura inmaterial, en: Ponte de Lima: Terra
Rica da Humanidade, Ponte de Lima, 2008
abril / 3

NOTICIAS CON NOME PROPIO
PARABÉNS
O patrón Gerardo Fernández Albor, ex presidente
da Xunta de Galicia, recibiu o pasado
24 de febreiro a insignia de ouro da Universidade
de Santiago de Compostela. No mesmo
acto presentouse un libro homenaxe.
NECROLÓXICA
Inauguración da exposición Entre amigos, maio 2010.
Á esquerda, con gafas e pucha, de costas contra a ventá, Morgan
Informamos con pesar do pasamento do socio
Xosé Lois Mendes Martíns, Morgan, moi
coñecido e apreciado en Compostela polo seu
traballo como taberneiro no Xa Chegou e pola
súa participación en distintos colectivos culturais
e veciñais. Gran coñecedor do acerbo musical
galego, foi barítono do coro da Agrupación
Folclórica Cantigas e Agarimos, fundador das
murgas Os Estalotes e Os Trincamocos, e integrante
do Orfeón Treixadura. Exerceu nos
últimos anos de mestre de percusión tradicional
e de pandeireta na Asociación de Veciños
A Xuntanza do barrio de San Pedro. Expresamos
a nosa sincera condolencia á súa familia.
PROXECTO DIDÁCTICO ANTONIO FRAGUAS
7ª edición 2010-2011
Convoca:
Fundación Antonio Fraguas Fraguas
Patrocina:
Consellería de Cultura e Turismo
A Fundación Antonio Fraguas Fraguas convoca
a sétima edición do Proxecto Didáctico
encamiñado á realización dun programa de
pescuda sobre o patrimonio etnográfico, antropolóxico,
xeográfico, histórico e artístico do
contorno inmediato entre os centros escolares
de Galicia.
Establécense dúas modalidades: ensino
primario e ensino secundario. En cada unha
delas elixirase un proxecto, que se ha desenvolver
durante o seguinte ano lectivo.
O ámbito temático abranguerá un ou varios
dos seguintes campos: etnografía, antropoloxía,
xeografía, historia e arte. Procurarase
que nas sucesivas convocatorias se vaian diversificando
os temas obxecto de estudo.
Institúese un premio de 7.000 euros para
cada modalidade. O premio dedicarase integramente
á realización do proxecto, que
pode incluír a adquisición de material escolar
ou equipamento destinado a el. A aplicación
do premio deberá comprender a elaboración
dos materiais que plasmen o traballo
realizado, presentados no formato axeitado
para a súa exposición.
O Xurado estará composto polo Presidente
da Fundación Antonio Fraguas Fraguas, o Director
do Museo do Pobo Galego e tres membros,
designados pola Consellería de Cultura
e Turismo e polas Fundacións Caixa Galicia e
Caixanova, entre persoas de recoñecida competencia
no ámbito das ciencias sociais.
Actuará como Secretario, con voz e sen voto,
o Secretario da Fundación.
As candidaturas remitiranse á Fundación Antonio
Fraguas Fraguas, San Domingos de Bonaval,
15703 Santiago de Compostela, ata o
30 de abril de 2010.
O Xurado emitirá o seu fallo o 18 de maio, Día
internacional dos Museos. A resolución farase
pública a través dos medios de información
e comunicarase directamente aos centros
interesados, que serán convocados para lles
facer entrega da primeira parte do premio no
decurso dun acto público.
O traballo iniciarase co ano académico e deberá
estar finalizado e presentado para a fin
do curso 2010-2011. No outono organizarase
a exposición dos seus resultados, quer
no Museo do Pobo Galego, quer nunha institución
axeitada dunha cidade ou vila de Galicia,
que determinará a Fundación Antonio
Fraguas Fraguas.
Información
Museo do Pobo Galego
San Domingos de Bonaval
15703 Santiago de Compostela
tel. 981 583 620
fax 981 554 840
correo e.:
fundacionfraguas@museodopobo.com
RECORDATORIO: LISTA DE DISTRIBUCIÓN
A comezos do ano pasado púxose en servizo a lista de distribución por
correo electrónico, a través da cal pretendemos manter unha relación
máis asidua co colectivo de Socios, difundindo por este medio a información
xerada desde o Museo, ao tempo que se introducen medidas
de aforro no uso de papel e custes de expedición, e se simplifica o traballo
administrativo.
Ata agora non son moitas as persoas inscritas. Reiteramos, por
tanto, a invitación a quen dispoñan de correo electrónico a se inscribiren
nesta lista de distribución, enviando o enderezo de contacto á
Administración, info@museodopobo.com
PROTECCIÓN DE DATOS
En cumprimento do establecido na L.O. 15/1999, do 13 de decembro,
de protección de datos de carácter persoal, comunicamos que
os datos que se nos faciliten serán incorporados e tratados de forma
confidencial no ficheiro de titularidade do Padroado do Museo do
Pobo Galego, denominado SOCIOS, coa finalidade de xestión de doazóns
e de remitir información sobre as actividades do Museo. Para o
exercicio dos dereitos de acceso, rectificación, cancelación ou oposición
dos seus datos de carácter persoal, os interesados deberán
dirixirse á administración do Museo, San Domingos de Bonaval,
15703 Santiago de Compostela.
abril / 4