Baafata

Baafata 

Seensa ......................................................................................................................... i 

Akkaataa Kitaaba Qajeelfama Hojii Kanatti Itti Gargaaraman ...................................... iii 

Hojjaa 1 - Yaada Waljijjiirsa .......................................................................................1 

Hojjaa 2- Sona Keenya ............................................................................................11 

Hojjaa 3 - Ofbeekuufi Ofitti Amanu ......................................................................... 19 

Hojjaa 4 - Murtee Kennuufi Jireenya Fuulduraa Kaayyeffachu .................................28 

Hojjaa 5 - Qulqullina Ofiifi Naannoo .......................................................................37 

Hojjaa 6 - Kutaalee Qaama Keenyaafi Yeroo Saalffattee .........................................44 

Hojjaa 7 - Gocha Barsiifataa Miidhaa Fidaniifi Korniyaa .......................................... 57 

Hojjaa 8 - Barsiifata Hamaa Irraa Of Dhorkuu ......................................................... 68 

Hojjaa 9 - Ech Ayi Vii Eedsii (HIV/AIDS) ............................................................... 76 

Hojjaa 10 - Loogiifi Qoqqobbii .................................................................................. 85 

Qabxilee Yaadannoo ............................................................................................ 94 

Fuula

Galata 

Kitaaba qajeelfama hojjaa kana qopheessuu irratti namootaafi dhaabbilee hedduutu 

gargaarsa hojii nuuf godhanii jiru. Keessumattiyyuummoo ogeeyyiifi durabuutotni Seev ze 

Childreen U.S.A (Save the Children USA), A.E.D.A., Woorld Leerning Itoophiyaa (World 

Learning Ethiopia) fi USAID gargaarsa guddaa isaan nuugodahniif nigalateeffanna. 

Kessumatimmoo, gargaarsa horii USAIDiin nuugodheef galata baay'ee guddaasaa 

dhiyeessina. 

Heelz Komuunikeeshin Paartinarship 

Lakkoofsa bilbilaa 011-4169212 

L. S. P. 18898 

Faaksii 011-4169217 

Finfinnee

S e e n s a 

Kitaabni qajeelfama hojii kun Itoophiyaa keessatti umuriin isaanii keessumatti waggaa 

kudhanii hanga kudha-lamaa kan ta'e barattoota idilee kutaa shaniifi ja'aatiif kan 

qophaa'eedha. Xiyyeffannoon inni guddaan kitaabichaa waa'ee Ech Ayi Vii Eedsii 

(HIV/AIDS) fi akkaataa jireenyaa barsiisuudha. Kanas haala gaariidhaan barsiisuufi 

hojjaaleen barsiisaa kudhan filatamanii jiru. Isaanis, yaada waljijjiiruu, sona keenya, 

ofbeekuufi ofitti amanu, murtee kennuufi jireenya fuulduraa kaayyeffachuu, qulqullina ofiifi 

kan naannoo, kutaalee qaama keenyaafi yeroo dargagummaa/dardarummaa, gocha 

barsiifataa miidhaa fidaniifi korniyaa, barsiifata gadhee irraa ofeeggachuu, Ech Ayi Vii 

EEdsii (HIV/AIDS)fi loogiifi qoqqobbiidha. Tokkoon-tokkoon hojjaa kanaa ofkeessatti 

kaayyoo, ijoo ergaa, hojicha gabaabaatti, yeroo kenname, meeshaalee barbaachisanifi 

qophee duraandursaan godhaman kan jedhaman kutaalee xixiqqaa qabatee jira. 

Hojilee yookiis mata-duree barumsaa armaan olitti caqasamani irratti kan xiyyeffataniifi 

waa'ee Ech Ayi Vii EEdsii (HIV/AIDS)fi ogummaa jireenyaa ilaalchisee ergaa faayidaa 

guddaa qaban dabarsuu kan nama dandeesisan malootni barsiisaa adda-addaa filatamanii 

jiru. Isaanis, durdurii gagabaabdu, tapha adda-addaa, gaaffilee irratti dudubbatan, 

shaakala, taphaafi hojilee manaati. 

Sagantaa kanaaf kan filataman mannen barumsaa keessati barumsa kana kan kennan, 

leenjii barbaachisaa kan fudhatan barsiistota kutaa shaniifi ja'aa yoota'anillee, akkaataan 

haala naannoo yoo barbaachisaa ta'ee lenjii kan fudhataniifi hojichaa wajjin walitti 

dhufeenya kan qaban ogeeyyiin garabiroon barsiisuu nidanda'u. Barumsi kun kan 

kennamu yeroo barumsa idilee alatti. 

Kaayyoo guddaan kitaaba qajeelfama hojii kun barattootni jijjiirraa amalaa faayidaa qabu 

agarsiisudhaan Ech Ayi Vii EEdsii (HIV/AIDS) irraa akka of eeggatan dandeesisuudhaaf. 

Jijjiirraa amalaa agarsiisuun waan yeroo dheeraa fudhatu ta'uunsaa amanamaadha. 

Jijjiirraan amalaa akka dhufuuf garuu duraandursanii dhufuu kan qaban jijjiirraan 

tokko-tokko nijiru. Waan kana ta'eef kitaabni qajeelfama hojii kun firii jijjiirraa durandursanii 

eegamaniifi firii jijjiirama amalaa of keessatti qabatee jira. Isaanis, 

i

1. Firii Jijjiirraa Eegamanii 

ii 

. Beekumsiifi ogummaan barattootaa nidabala. 

. Barattootni waan balaatti isaan saaxilu hubatanii ni'ibsu. 

. Barattootni amala gaarii fiduuf dhaabbilee gargaarsa godhan addaan baasanii 

nihimu. 

. Barattootni waa'ee Ech Ayi Vii EEdsii (HIV/AIDS),waa'ee fayyaa sirna-hormaataafi 

(reproductive health) waa'ee gocha barsiifataa miidhaa fidanii yaadasaanii ifaan 

nidubbatu. 

. Barattootni korniyaa irratti ilaalcha qaban nifooyyessu. 

2. Firii Jijjiirraa Amalaa 

. Barattootni quunnamtii saalaa turanii jalqabu. 

. Barattootni qulqullina isaanii nieeggatu. 

Barattonni yaada isaaniifaan yoo mari’atan

Akkaataa Kitaaba Qajeelfama Hojii Kanatti Itti Gargaaraman 

Kitaabni qajeelfama hojii kun of keessatti kan qabate hojjaalee kudhan irratti sochii 

godhaman ilaalchisee ajajaalee tartiiba isaani eeganii taa'an qabatee jira. 

Tokkoon-tokkoon hojjaa (mata-duree barsiisaa) kanaa seensa isaa keessatti waan 

armaan gadii ibsa. 

✦ Kaayyoo hojichaa 

✦ IJoo ergaa /qabxii ijoo /ijoo dubbii 

✦ Hojicha gabaabaatti 

✦ Yeroo kennameefi meeshaalee barbaachisan 

✦ Qophii duraandursaa 

Yeroo baay'ee hojjallen kan jalqaban waan barattoota kakkaasan yookiis ho'isan 

adda-addaatiin. Itti aansee sochiifi durdurii gaggabaabdu ijoo ergaa darbuu 

calaqqeesisantu dhiyaata. Sochileen godhamanis barattoota 35 hanga 40 ta'aniif 

yaadamanii kan qopha'aniidha. Tokkoo-tokkoo hojjaa kanaa barsiisuuf sa'atii tokko 

fudhata jedhamee yoo murtaa'ellee akka amalaafi bal'ina isaaniitti hojjaaleen hanga sa'atii 

tokkoofi walakkaatti fudhatan nijiru. 

Hojjaaleen tokkoo-tokkoo "barsiisichaaf yaadannoo" kan jedhu yaadachiisa qabu. 

Yaadachiisni kunis qabxilee barsiisaan sun yaadaan qabachuun irra jiruu caqasu. Kana 

irra darbees barsiisaan sun rakkinni yoo isa quunname hiikuu akka danda'uuf kan 

gargaaraniidha. 

Barsiisaan tokkoo-tokkoo hojjaa as keessa jiran utuu hinbarsiisin duraan dursee waliigala 

ergaa hojichaafi sadarkaa sadarkaadhaan waan hojjetaman irratti hubannoo argachuu 

qaba. Barbaachisaa kan ta'an qophilee duraandursaa gochuufi dhuma irrattis hojii manaa 

kennuun dirqama barsiisichaati. 

iii

Barsiisichi hojjaalee tokko-tokko kan akka eegumsa qulqulinaa, kutaalee qaamaa, yeroo 

saalfatinaa, gocha barsiifataa miidhaa fidaniifi Echi Ayi Vii EEdsii (HIV/AIDS) ilaalchisee 

gaaffilee ka'aniif deebiisaaniitiif dhimmichi kan isaan ilaalu ogeessota naannootti argaman 

irratti hirmaachisuu qaba. Ogeessonni akkasii naannoo hinjiran yoo ta'ani barsiisaan sun 

mana barumsichaa ala adeemuudhaan caaffata barbaachisaa ta'an dubisuudhaan ibsaafi 

deebii argachuu qaba. 

Kitaaba kana keessatti kan argaman durdurii gaggabaabduufi dubbifata garaa-garaa 

kessa maqaalee jiran barsiisaan maqaalee naannootti beekamaniin bakka buusee odichi 

akka caalaatti namaa galuufi nama hawwatu akka godhu nigorsama. Tarii durdurii kana 

barattootaaf dubbisuu irra, qabeentaa isaanii sirriitti hubachuudhaan afaaniin 

barattootatti himuun karaa garabiraa ta'uu isaa ni'ibsina. 

iv 

Barsiisaan barattootaaf ibsa yoo godhan 

Barumsa Gaarii!!

1 

Yaada Waljijjiirsa 

✦ Barattootni barbaachisina dhaggeefachuufi yaada 

waljijjiiru akka beekan barsiisu. 

✦ Barattootni ifaa kan ta'aniifi firii kan qaban maltoota 

yaada waljijjiirsaa addaan baafatanii akka hubatan 

gochuu. 

✦ Karaan yaada waljijjiirsaa gosa baay'eedha. Isaanis, 

amala keessatti qooda fudhachuu kan hinqabne 

(passive communication), amala ofitti amanuu kan 

qabuufi, amala dhiibbaa uumuu (authortitarian). 

✦ Amala ofitti amanuu kan qabu gosi yaada waljijjiirsaa 

hundarra kan wayyuufi filatamaa kan ta'eedha. 

✦ Dhaggeefachuun barbaachisaa kan ta'e ogummaa 

jireenyaati. Namootni nutti dubbatan dammaqinaafi 

obsaan yeroo isaan dhaggeefannu itti tola. Kanarraa kan 

ka'e yaada isaanii ibsuuf fedhii godhatu. 

✦ Yaada ofii karaa gabaabaafi ifaa ta'een dubbachuu 

(mallatteessuu) danda'uunis baay'ee barbaachisaa kan 

ta'e ogummaa jireenyaa isa garabiroodha. 

✦ Jalqabatti barattootni yaada waljijjiirsi akkamitti akka 

adeemsifamu kan ibsu "bilbila" kan jedhamu sochii isaan 

kakaasutti gargaaramuudhaan barumsa jalqabu. Itti 

aansaniimmoo waa'ee dammaqinaan dhaggeefachuu irratti 

dudubbatanii shaakala godhu. Kana booda maloota yaada 

waljijjiirsaa adda-addaa kan barsiisan taphoota taphatu. 

Dhuma irrattis barsiistichi ganda tokko keessatti tiksee kan 

ta'an waa'ee obboleewwan tokkoo kan barreeffame durdurii 

gabaaba barattootaaf dubbisa. 

H 

o 

j 

j 

a 

a

2 

Sochii Dammaqinaa "Bilbila" Jedhamu 

✦ Daqiiqaa 60 

✦ Kophéé 

✦ Waraqaa yaadannoo irratti barreessan 

✦ Boronqii 

✦ Gabatee gurraacha 

✦ Kaayyoofi ijoon ergaa hojichaa maal akka ta'e sirriittii bari. 

✦ Tartiiba akkaataa barumsichi itti dhiyaatu hubadhuutii 

gosaafi haala ibsameen sochiilee jiran sadarkaasadarkaadhaan 

hojii irra oolchuuf qophaa'i. 

✦ Meeshalee barsiisuudhaaf barbaachisaa ta'an qopheessi.

Hojilee Sadarkaa-sadarkaadhaan Hojjetaman 

Sadarkaa 1 Bilbila 

Kanatti aansee barattootni "bilbila" kanjedhamu sochii nama dammaqsu 

akka isaan godhan itti himi. Barattootni geengoo guddaasaa hojjetanii 

akka dhaabatan erga gootee booda gurra barataa/barattuu gara mirgakee 

jirutti/jirtutti ergaa tokko himi. Barataan/barattuun ergaa sana 

fuudhes/fuutes haala kana fakkaatuun barataa/barattuu karaa mirga 

isaa/ishii jirutti ergaa sana haadabarsu/haadabarsitu. Akka kanatti ergaan 

sun hanga barataa/barattuu isa/ishii dhumaatti adeema. 

Barataan/barattuun inni/ishiin dhumaas sagalee ol kaasuudhaan ergaa 

isa/ishii ga'ee akka hunduu dhaga'uuf dubbata/dubbatti. 

Barataan/barattuun tokko ergaa gurratti itti himame sana irra 

deebi'ee/deebitee gaafachuun hineyyamamuuf. 

Sadarkaa 2 

Sadarkaa 3 

Hima salphaa ta'e tokko barataa/barattu sicinaa jirutti/jirtutti gurratti 

himuudhaan sochii jalqabsiisi. Fakkeenyaaf hima kan akka "Fuulakoo gara 

boodaatti deebisee mana barumsaa deemuudhaan yeroon achi ga'u inni 

michuukoo wajjinan sirba" jedhutti gargaaramuu dandeessa. Akkaataa 

kanaan ergichi hanga barataa/barattuu isa/ishii dhumaatti ha'adeemu. 

Barataan/barattuun inni/ishiin dhumaas ergaa dhaga'e /dhageesse 

hundumatti sagalee olkaasuudhaan haahimu/haahimtu. 

Gaaffilee Irratti Dudubbatan 

1. Barataan/barattuun inni/ishiin dhumaa ergaan inni/ishiin hundatti 

hime/himte kan ani barataa/barattuu isa/ishii jalqabaatti himee 

wajjin tokkoo? 

2. Ergaaleen kun kan garaagara ta'aniif maaliif isinitti fakkaata? 

Ergicha ifaa gochuudhaaf maal godhamuutu irra ture? 

3. Waliigaluu dadhabuu jechuun maal jechuudha? Waliigaluu 

dadhabuun akka uumamuuf sababii kan ta'an keessaa waan 

yartuun maalfa'i? 

3

Sadarkaa 4 

Sadarkaa 5 

Sadarkaa 6 

Sadarkaa 7 

4 

Dammaqinaan Dhaggeefachuu 

Kanatti ansiitii sochii dhaggeefataa gaarii ta'uun akkamitti akka danda'amu 

kan barsiisu akka dhiyaatuufi dhaggeefataa gaarii ta'uunimmoo yaada 

waljijjiirsaaf barbaachisaa ta'uu isaa ibsi. Gaaffilee kanatti aananis 

gaafadhu. Dhaggeefataa gaarii ta'uudhaaf kan nama gargaaran maalfa'i? 

Yaada baay'ee barbaachisaa ta'e tokko nama tokkotti himuu 

yoobarbaaddee yaada sana sodaa malee akka ibsituuf namni 

sidhaggeefatu sun wantinni gochuu danda'u maalfa'i? 

Deebii barattootni kennan gabatee gurraacha irratti barreessi. Deebii 

kennaman keessatti barattootni waan akka "ija keessa sirriitti walilaaluu, 

dubbii gidduutti kutuu dhiisuu, waan dubbataan sun jedhu irra deebi'anii 

dubbachuufi orma kabajuu" yoohinhimne ta'e akka himan godhi. 

Barattoota garee lamatti qoodi. Lamaan keessaa barattoota tokko-tokko 

kaasiitii inni tokko dubbataa inni kaanimmoo dhaggeeffataa akka ta'u 

gaafadhu. Warri dubbatan sanbata xiqqaa yeroo hundaa maal akka hojjetan 

daqiiqaa lamaaf barattoota warra dhaggeffatanitti akka himan gaafadhu. 

Dubbataafi Dhaggeeffataa 

Daqiiqaa lama booda warri dubbatan waa'ee mana barumsaa isaanii maal 

akka jaal'atan sababiisaa wajjin akka ibsan gaafadhu. Yeroo kana warri 

dhaggeeffatan akka dhaggeefatoota gadhee ta'an gaafadhu, fakkeenyaaf 

yeroo dubbataan sun dubbatu bakka biroo ilaaluudhaan, dubbii isaa 

gidduutti kutuudhaan, yookiis yaada nama aarsu dhiyeessuudhaan ta'uu 

danda'a.

Sadarkaa 8 

Sadarkaa 9 

Sadarkaa 10 


1. Ogummaa dhaggeeffachu gaarii kan himamaniin gargaaramtaniittu? 

2. Ogummaa dhaggeeffachu kanaan gargaaramanii yeroo 

dhaggeeffatan maaltu namatti dhaga'ama? 

3. Warri dubbattan yeroo dhaggeeffatootni gaarii hinta'in isin 

quunnaman maaltu isinitti dhaga'ame? 

4. Dhaggeeffataa gaarii ta'uun barbaachisaa kan ta'u maaliifi? 

Yaada Waljijjiiruu 

Kanatti aanee kan jiru ibsi. Dhaggeffachuun sochii yaada waljijjiirraa 

godhamu keessatti ogummaa isa tokko duwwaadha. Firii kan qabu yaada 

waljijjiirraa gochuuf yaadni mataa ofii gatii guddaa akka qabu hubachuufi 

beeksisuun barbaachisaadha. Kanati aansiiti barattootni garee sadi'itti 

qoodamanii yaada kanatti aanu irratti tapha akka agarsiisan godhi. 

Yaadichis, barataa guddaan tokko umuriidhaan isaa gadi kan ta'e barataa 

garabiroon akka kophéé kennuufiif gaafata. Barataan inni gaafatames 

kennuufii akka hinfeene kara garaa-garaa itti hima. Tokkoon tokkoon garee 

sanaa barattoota lama-lama 

akka filatan godhi. 

Kanatti aane kan jiru barattootaaf ibsi. 

Amala keessatti qooda fudhachuu kan hinqabne yaada waljijjiirsi (passive 

communication) kara ittiin yaada waljijjiiran keessaa isa tokko. Gosa yaada 

waljijjiirsa akkasii keessatti namni tokko yaadaafi sona ofii irra kan ormaa 

dursiisa. Namtichis wanti isatti dhaga'amu akka waan gatii hinqabneetti 

yaadusaa irrayyuu ofiisaa ormaa gadi godhee yaada. Yeroo yaada 

waljijjiirsi adeemsifamu qabxilee barbaachisaa ta'an hinkaasu. Kun 

kanta'usimmoo tarii orma miidhinnaa jedhee waan yaaduufi. Yaada 

waljijjiirsaa qooda fudhachuu hinqabne namni adeemsisu yeroo ormi 

yaada waljijjiiru inni mataa buusee taa'a. Sagalee isaas baay'ee gadi 

qabee yookiis xiqqeessee dubbata. Yeroo baay'ees dhiifama gaafata. 

5

Sadarkaa 11 

Sadarkaa 12 

Sadarkaa 13 

6 

Garee isa jalqabaa keessaa barataa inni abbaa umurii xiqqaa bakka bu'ee 

taphatu akka inni yaada waljijjiirsaa qooda fudhachuu hinqabne agarsiisu 

itti himi. Barattootni akka isaan qooda isaanii taphataniif daqiiqaa tokko 

kenniif. 


1. Barattootni lamaan kan agarsiisan waljijjiiri yaada waliigaltee rratti 

kan hundaa'eedha? 

2. Barataa inni xiqqaan yaadasaa quubsaatti ibsee jiraa? 

3. Barataa inni xiqqaan isa guddaadhaaf kophéé waan kennuuf isinitti 

fakkaataa? Maaliif? 

Kanatti aanee kan jiru barattootaaf ibsi. 

Amala abbaa irree kan qabu karaan yaada waljijjiirsaa jira. Gosa yaada 

waljijjiirsaa akkasii keessatti namni tokko yaadaafi sona isaa kan ormaa 

irra caalchisee ilaala. Namtichi dubbatus yaadniifi miirri ormaa hamma 

kanatti barbaachisaa akka hintaane godhee ilaala. Ofiisaas orma irra 

caalchisee ilaala. Namni yaada waljijjiirsa amala akkasii qabutti fayyadamu 

yeroo dubbatu miilla isaatiin lafa dhiitaa sagalee dhageessisa. Quba 

namatti qabaa dubbata. Warra isa dhaggeeffatanis ija itti baasee ilaala. 

Sagalee guddisee dubbata. Akkasumas nama yaada dhiyeessu komata. 

Barataa inni isa umuriidhaan caalu bakka bu'ee taphatuu akka inni yaada 

waljijjiirsaa amala abbaa irree qabutti gargaaramee dubbatu godhi. 

Barattootni akka isaan tapha itti ramadaman dhiyessaniif daqiiqaa tokko 

kenniif. 


1. Yeroo barattootni lamaan yaada waljijjiiran maal hubattan? 

2. Barattootni lamaan yaada isaanii sirriitti ibsanii jiru? Maaliif? 

3. Barataa inni xiqqaan isa guddaadhaaf kophéé waan kennuuf isinitti 

fakaataa? Maaliif?

Sadarkaa 14 

Sadarkaa 15 

Sadarkaa 16 

Kanatti aane kan jiru barattootaaf ibsi. 

Gosi yaada waljijjiirsaa inni dhumaa ofitti amanuudhaan isa godhamuudha. 

Ofitti amanuudhaan yaada waljijjiiru keessatti namtichi dubbatu yaada 

mataa isaa ol-ol qabuudhaan kan ormaas nikabaja. Ofiisaas orma wajjin 

walqixxee akka ta'e godhee ilaala. Nama gatii qabuufi barbaachisaa akka 

ta'ettis of lakkaawa. Namni akkasii yeroo dubbatu ofii isaatti amanuudhaan 

yaaddoo malee sosocho'udhaan dubbi nama mufachiisutti utuu 

hingargaaramin yaada isaa jabeesse ibsa. 

Barattoota lamaan bakka bu'uudhaan tapha warri dhiyeessan akka isaan 

gosa ofitti amanuudhaan yaada waljijjiirsaatti gargaaramanii dubbatan 

godhi. Kanaafis daqiiqaa tokko kenniif. 


1. Yeroo barattootni lamaan yaada waljijjiiran maal hubattan? 

2. Barattootni lamaan yaada isaanii sirriitti ibsanii jiru? Maaliif? 

3. Gosa yaada waljijjiirsaa himaman keessaa baay'ee firii kan qabuufi 

gaariin isa kami? Maaliif? 

Seenessuu 

Abdulkariimiifi Ibraahiim 

Kanatti aansee barreeffamni waa'ee 

obboleewwan Abdulkariimiifi Ibraahiim 

jedhamanii akka isaaniif dubbifamu 

barattootatti himi. Abdulkariimiifi Ibraahiim 

tiksee ganda tokko keessa jiraataniidha. 

Barreeffama kanas akka isaan obsaan 

dhaggeeffatan itti himi. 

Baarsiituun Barattootaaf 

Seenicha yoo dabbisan 

7

Abdulkariimiifi Ibraahiim 

Guyyichi warra kaan irraa adda ta'ee aduu hamtuun kan itti baateefi ho'aa kan ta'ee ji'a 

Hagayya keessa. Yeroon isaa yeroo bokkaa waan tureef iji aduu ji'oota baay'eedhaaf of 

dhoksitee turte. Amma garuu deebitee mul'achuudhaaf qophee irra jirti. Abdulkariimiifi 

Ibraahiimii ganna kana saawwan ganda sana jiran bakka marga lalisaan jirutti geessanii 

akka tiksaniif filatamuun isaanii kun isa arfaffadha. 

Ganni sun Abdulkariimiif salphaa hinturre. Abdulkariim obboleessasaa isa hangafaa 

Ibraahiimiin baay'ee jaalata. Haata'uyyuu malee yeroo horii wajjin tiksan Ibraahiim yeroo 

baay'ee Abdulkariimiin horii biratti dhiisee gara magaalaa naannoo isaaniitti argamu tokkoo 

adeema. Ibraahiim yeroo gara magaalaa adeemu Abdulkariim irra yookiis saawwolee irra 

balaan tokkollee akka qaqqabuu hindandeenye mirkaneesse itti hima ture. Ibraahiim akka 

sababaatti kan inni dhiyeessus Abdulkariim kophaasaa horii sana tiksuu kan danda'u 

mucaa guddaa ta'uu isaati. 

Abdulkariim adeemsa gara magaalaa Ibraahiimitti hingammadu ture. Guyyaa inni gaafa 

jalqabaa gara magaalaa adeeme sanallee kophaasaa saawwolee sana tiksu akka 

hindandeenye himuudhaan mormee ture. Ta'ullee sodaafi yaaddoo akkasii kana akka 

dhiisuun irra jiru Ibraahiim itti hime. Yoo inni yaada kana fudhachuu dides akka isa rukutu 

sossodaachisee jira. Kanaafis Abdulkariim yaada kennuu irraa of qusate. 

Abdulkariimiifi Ibraahiim yeroo horii wajjin tiksan hundaa Ibraahiim obboleessasaa dhiisee 

gara magaalaa deemuun isaa ganna sana itti fufee ba'e. Gara dhumaatti guyyaa tokko 

Abdulkariim utuu horii kophaa isaa tiksuu fagootti waraabessa bol'a keessaa ba'e arge. 

Guyyaa sanaa jalqabee wanti barbaade yoo isa irra ga'ellee horii tiksuu irratti Ibraahiim 

akka gargaaruuf gaafachuudhaaf murteesse. Yoo Ibraahiim dides warra isaanitti 

himuudhaaf murteesse. 

Abdulkariim onnee godhatee horii tiksuu akka inni isa gargaaru gaafachuun isaa 

Ibraahiimiin baay'ee ajaa'ibsiise. Hata'uyyuu malee yaada Abdulkariim fudhachuu 

hinfeene. Ibraahiim gara gabaa magaalaa keessatti argamuu adeemuudhaan muuzii, 

dhangagooftuu (lemon) fi shonkooraa nyaachuufi konkolaattoota fe'iisaa adda-addaa 

ilaaluu malee horii tiksuuf yaada waan hinqabneef gaaffii Abdulkariim fudhachuudhaaf 

hinbarbaadu. Sagalee aarii guddaadhaanis "Kanaaf waan kana abbaa keenyatti 

himuudhaaf jechuudhaa?" jedhee Abdulkariimiin gaafate. Yeroo kanas Abdulkariim 

sodaate. Sababiin isaas kanaan dura mucaan ollaa isaanii tokko akkaataa mataa 

murannaa Ibraahiimitti baacee jennaan Ibraahiim akkanni itti rukutee waan yaadatuuf isas 

akkanuma waan rukutu itti fakkaateeti. 

8

"Ibraahiim! Hangafakoo waan taateef baay'een sikabaja. Yaadni kun barbaachisaa miti 

taanaan abbaa keenyatti hinhimu. Garuu aniifi ati saawwolee kana tiksuudhaaf itti 

gaafatama nurra jiru nibeekta. Balaan fedhe horii kana yoo qaqqabe qotee bultootni ganda 

kanaa abbaa keenya komatu. Akkuma ati beektummoo abbaan keenya gatii horii badee 

kafaluudhaaf humna hinqabu." jedhee itti dubbate Abdulkariim. 

Abdulkariimiifi Ibraahiim Utuu Horii Tiksanii 

Abdulkariim Ibraahiimiin amansiisuudhaaf yallii inni godhu itti fufe. Ibraahiim yaalii 

Abdulkariim godhu hubatee dafee itti siqe. Rukutuufis yaade. Sababiinsaa waan fedhellee 

yoo inni godhe Abdulkariim dubbicha abbaa isaaniitti hima jedhee shakkeeti. Ibraahiim 

yeroodhaaf yaada Abdulkariim fudhatee guyyaa sana isaa wajjin horii tiksaa ooluudhaaf 

murteesse. Haata'uyyuu malee yeroo garabiroo akkam godhee gara gabaa adeemuu akka 

danda'u yaaduu hindhiifne. 

Guyyaa sanas obbolaan lamaan horii tiksaa olanii gara manaatti debi'ani. Guyyichis isa 

tokkof gara gaba dhaquu dadhabuu isaatiif kan gaddaa yeroo ta'u isa garabiroodhaafimmoo 

obboleessisaa hangafaa isa dhaga'ee yaadasaa akkanni fudhatu gochuu danda'uu isaatiif 

guyyaa gammachuu ta'ee oole. 

9

Sadarkaa 17 

10 


1. Abdulkariim waa'ee obbolessasa gammadaa kan hintaane maaliif? 

2. Abdulkariim obbolessisaa Ibraahiim lammata akka inni gara 

magaalaa hindeemnee itti himuudhaaf kan isa kakaase maali? 

Abdulkariim yaadasaa Ibraahiimiif ibsuun salphaa ture jettee 

yaaddaa? Abdulkariim irra maaltu ga'uu danda'a ture? 

3. Abdulkariim jalqabatti yaadasaa Ibraahiimiif ibsuuf kan inni itti 

gargaarame gosi yaada waljijjiirsaa maali? Dhumarratti eega 

waraabessa argeewoo? Lamaan keessaa isa kamtu caalaa firii 

godhate? 

4. Rakkini/muuxannoon akka Abdulkariimiin quunname kana 

siquunnamee beekaa? Yoo ta'es maal goote? 

Qabxilee armaan gaditti caqasaman kana gabaabaatti 

ibsuudhaan hojicha xumuri. 

✦ Gosi yaada waljijjiirsaa sadiitti qoodam. Isaanis kan 

keessatti qooda hinfudhanne, ofitti amanuu irratti kan 

hundaa'eefi, abbaa irreeti. Sadan isaanii keessaa ofitti 

amanuu irratti kan hundaa'ee isa filatamaadha. 

✦ Dhaggeeffachuun yaada waljijjiirsaa firii qabu uumuuf kan 

nama gargaaru ogummaa barbaachisaadha. 

✦ Hiriyoota keessaniifi maatii keessanii wajjin akkamitti akka 

yaada waljijjiirtan yaadaa. Akkamitti akka karaa ittiin yaada 

waljijjiirtan fooyyeffattanis mariadhaa.

Sona Keenya 

✦ Barattootni sona isaanii addaan baasanii akka hubatan 

gargaaruudhaafi. 

✦ Sona keenya hubachuufi eessaa akka isaan dhufan 

baruun barbaachisaadha. 

✦ Sonni yaada, heeraafi amala irratti dhiibbaa godha. 

✦ Barattootni "Gaachanakoo" kan jedhamu sochii tokko 

gochuudhaan barumsicha jalqabu. Kanatti aansaniis 

waa'ee sonaa kan ibsan hima tokko-tokko ilaalanii 

dhaabbata isaanii kan ibsu marii adeemsisu. Kana booda 

barsiistichi barreefama waa'ee hiriyaa lamaan utuu warra 

isaanii sobanii qabaman barattootaaf dubbisa. Dhuma 

irratis barsiistichi hojii manaa kenna. 


2

12 

✦ Pilasterii ittiin waraqaa maxxansan 

✦ Kophéé 


✦ Boronqii 


✦ Gaachana armaan gadii fakkaatu gabatee irratti fakkiisaa 

kaasi. 

✦ Waraqaa tokko irratti "Ittin waliigala" kan jedhu garabiraa 

irrattimmoo "Itti waliihingalu" kan jedhu barreessiitii 

keenyan/daaga irratti maxxansi. "Hinmurtteeffanne" kan 

jedhummoo barreessiittii gidu lamaan isaaniitti maxxansi. 

✦ Waraqaa tokko akka sagale-guddiftuu (microphone) 

fakkessii mari. Armaan olitti kan caqasaman meeshaalee 

ittiin barsiisan qopheesi. 


Sadarkaa 1 Sona jechuun maal jechuudha? 

Sona jechuun waan jireenya keenya keessatti gatii guddaa keninuufi. 

Fakkenyaaf warra ofii kabajuun, faayidaa barumsaa beekuun, amanamaa 

ta'uun, dhara/soba dubbachuun miidhaa akka inni qabu hubachuun sona 

ta'uu danda'u.

Sadarkaa 2 

Sadarkaa 3 

Gaachanakoo 

Barattootaaf sona jechuun maal jechuu akka ta'e baruudhaaf sochii isaan 

gargaaruun akka jalqabdan ibsiif. Kanatti aansiitii gabatee gurraacha irratti 

kaaftee kan turte fakkii gaachanaa ilaalanii barattootni dhuunfaadhaan 

waraqaa irratti kophéédhaan yookiis qubeessituudhaan akka kaasan 

gaafadhu. Kana booda gaaffilee armaan gadiif deebii isaanii fakkii 

gaachana sana gubbaatti bakka sirriitti akka isaan barreessan itti himi. 

Fakkenyaaf gaaffii tokkoffaadhaaf deebiin isaa bakka lakkoowsi tokko 

barreeffame keessatti barreeffama. Kan lammataas akkasummatti itti fufa. 

1. Gara fuulduraatti waanan ta'uu barbaadu 

2. Horii/Bineensa utuun ta'ee horii/bineensi ani ta'uu barbaadu 

3. Naman baay'ee jaaladhu, fakkenyaaf haadha, abbaa, allisaa, 

fakki-kaastu, durabu'aa amantii 

4. Michuunkoo/Hiriyaankoo eenyummaakoo jecha tokkoon ibsuudhaaf 

jecha ani utuu inni itti gargaaramee filadhu 

Hundumtu yeroo deebii kennanii rawwatan warri fedha qaban akka isaan 

deebii isaanii warra kaaniif dubbisan gaafadhu. Isa booda yaada armaan 

gadii ibsi. 

Gaachanni keenya eenyummaa keenyaafi maal-maaliif akka gatii 

kenninuu agarsiisa. Fakkenyaaf hiriyaan keenya yoo "amanamaa" jedhee 

nu ibsee tarii nu nama amanamaadha jechuudha. Nama amanamaa 

ta'uunisimmoo waan gatii qabu ta'uu isaa itti amanna jechuudha. Yookaanis 

namni nu jaal'annu yoo durabu'aa amantii ta'e amantiidhaaf gatii kennina 

jechuudha. 

Sonni yaada, amantii, dhaabbataafi ilaalcha namni tokko, maatiin, yookiis 

gareen tokko qabuudha. Barattootni gaachana sana irratti deebii isaan 

kennan akkamitti akka sona isaanii ibsan irratti haadudubbatan. 

13

Sadarkaa 4 

14 

Dhaabbatnikoo isa kami? 

Yeroo sochii kanaa barattootni sona isaanii walii ibsuudhaaf carraa akka 

qaban ibsiif. Keenyan bitaafi mirga daree sanaatti "Ittin waliigala"fi "Itti 

waliihingalu" kan jedhu, gidduu isaaniittimmoo "Hinmurtteeffanne" kan 

jedhu akka maxxansitu barattootatti himi. Sana booda caaffata yaada 

adda-addaa qaban akka dubbiftuuf itti himi. Fakkenyaaf himi ati dubbiftuuf 

keessa inni tokko "Mana barumsaa keessatti warii durbaa warra dhiiraa irra 

wayyu" kan jedhu ta'uu akka danda'u itti himi. Haala akkasiitiin barattootni 

caaffata adda-addaa erga dhaggeeffatanii booda warri yaada sanaan 

waliigalan bakka "Ittin waliigala" jedhu, warri yaada sana 

hinfudhanemmoo bakka "Itti waliihingalu" jedhu akkasumas warri 

hinmirkaneeffaatinimmoo "Hinmurtteeffanne" bakka jedhu dura akka 

dhaqanii hiriiran ifaan barattootatti himi. Sochii keessan utuu hinjalqabin 

dura seerri hordofuu qabdan akka jiru ibsiif. Kunis: 

1. Yaada dubbifamu keessaa kun "sirriidha" kunimmoo "sirrii miti" kan 

jennu akka hinjirre itti himi. Sababiinsaas sonni barataa tokkoo kan 

isa kaaniirraa waan adda ta'eefi. 

2. Barataan kamillee yaada dhiyaate sana hinfudhatu yoo ta'ellee yaada 

barataa isa biroo kabajuudhaan maliif akka inni fudhate hubachuu 

yaaluu qaba. 

Haalli ittiin barattootni dhaabbata isaanii ibsan kana fakkaata.

Sadarkaa 5 

Hirmaachisaaf Yaadannoo:- 

Himoolee armaan gaditti argaman hundaa dubbisuun dirqama miti. Feedhaafi 

yaada barattootaa ilaalte itti fufuu yookiin dhaabuutu sirra jira. Gaaffiin irrati 

dudubbattan falmii ho'aa yoo kaasee hima biroo dubbisuu irra isaan itti fufuun 

wayyuu nidanda'a. 

Yaada nama tokko kabajuudhaafi kabajuu dhiisuu kenya akkamittiin akka 

agarsiisnu barattootni akka ibsan gaafadhu. 

Hima armaan gadii barattotaaf dubbisi. Tokkoo-tokkoo hima kanaa eega 

dubbiftee booda barattootni sadii dhaabbata isaanii ibsaniif waraqaa irraa 

kan hojjetame sagale-guddiftuu (microphone) itti kenni. Yaada dhiyaatan 

irratti hundaa'uudhaan barattootni dhaabbata isaanii jijijjiiruu nidanda'u. 

Barattootni eega murteessanii booda hima sanatti aanee gaaffilee 

dhiyaatan dubbisiif. 

Dhaabbatnikoo isa kami? 

1. Nama beekamaa ta'uun barbaachisaadha. 

A. Nama beekamaa ta'uun barbaachisaa kan inni ta'u maaliifi? 

B. Yeroo tokko-tokko murtee beekamaa nama godhu gochuun 

gaariidha? 

2. Namootni biroon kan qaban caalaa horii qabaachuun barbaachisaadha. 

A. Namootni biroon kan qaban caalaa horii qabaachuun barbaachisaa 

ta'uunsaa maaliifi? 

B. Horii baay'een akka jiraatu yoo barbaadame maaltu godhamuu 

qaba? 

3. Mana barumsaa dhaquun ijoollee durbaa caalaa warraa dhiiraatiif 

barbaachisaadha . 

A. Ijoolleen durbaa utuu mana barumsaa hindhaqin warri dhiiraa 

dhaquun isaanii sirriidhaa? 

B. Durbaafi dhiirri walqixxee yoo baratan faayidaa inni qabu maali? 

4. Ijoollota hiriyaa keenya ta'aniif caatii qama'uufi tamboo xuuxuun 

(smoking) waan gaariidha. 

A. Ijoolleen saalfatteen tokko-tokko kan caatii qama'aniifi tamboo 

xuuxan maaliifi? 

B. Caatii qama'uufi tamboo xuuxuun kaayyoo/abdii isin gara 

fuulduraatti qabdan akkamitti miidha? 

15

Sadarkaa 6 

16 

5. Ijoollee guddissuufi kunuunsuun hojii dhiiraa miti. 

A. Itti gaafatamni ijoollee guddisuu kan eenyuuti? 

B. Ijoollee guddisuufi kunuunsuun itti gaafatama dubartii qofaa ta'uunsa 

sirriidhaa? 

C. Warri dhiiraa itti gaafatama ijoollee guddisuu akka qooddatan 

gochuuf tarkaanfiin akkamii yoo fudhatame gaarii dha? 

6. Hiriyaankee/Michuunkee murtee gaarii hintaane kan murteessu yoo ta'e 

itti himuu qabda. 

A. Hiriyaakeetti/Michuukeetti murtee gaarii hintaane murteessu isaa itti 

himuudhaaf yeroo gaariin yoomi? 

B. Hiriyaakeetti/Michuukeetti murtee gaarii hintaane murteessu isaa itti 

himuukeetiif wanti sirra ga'u maali? 

Kanatti aansee barreefama waa'ee hiriyoota sobdu lamaanii akka isaaniif 

dubbiftu barattootatti himi. Barreefama kanas callisanii dammaqinaan akka 

dhaggeeffatan itti himi. 

Tasfaayeefi Yaasin 

Tasfaayeefi Yaasin ijoollee sammu qara qabaniidha. Hata'uyyuu malee, 

mana barumsaatii eega deebi'anii booda barumsa isaanii qayyabachuu 

irra ijoolleedhaa wajjin kubbaa taphatu. Yeroo hamma taphaaf kennan 

barumsa isaaniitiif hinkennan. Kanarra kan ka'es dhibaa'oodha. 

Dhiyeenya kana barsiistonni qabxilee barattootaa kan semesteera 

jalqabaa gabatee beeksisaa irrati maxxansanii turan. Tasfaayeefi Yaasin 

gosa barnootaa baay'eetti wanti isaan argatan harka dhibba keessaa 

shantamaa gadi ture. Kana irraanimmoo qabxiin Tasfaayeen Herregatti 

argate barattoota hundaa gadi ture. Tasfaayeefi Yaasin kutaa isa ol'aanutti 

darbuu yoo barbaadan qabxii isaanii fooyyeeffachuu akka qaban 

barsiisaan isaanii ifatti itti himee jira. Isaaniin garuu haalli kun badaa isaan 

hinyaachifne. Kaayyoo isaan qaban hundaa waa'ee tapha kubbaa ture. 

Guyyaa qabxiin semesteera jalqabaa itti ba'e sana Tasfaayeefi Yaasin 

mana barumsaatii eega deebi'anii booda warra isaanitti akka waan qabxii 

baay'ee ol'aanaa argataniitti fakkessanii himan. Daree isaanii keessaas 

gosa barnootaa ja'aan tokkoffaa akka ba'an himan. Maatiin isaaniis 

baay'ee gammaduudhaan ijoollonni kun gara fuulduraatti sadarkaa 

guddaa irra akka isaan ga'an tilmaaman. 

Guyyaa sana akka carra ta'ee gandaa isaanii keessatti sabni naannoo 

sanaa walga'ii adeemsisee ture. Abbootiin Tasfaayeefi Yaasinis walga'icha

gubbaatti argamanii turan. Walga'ichi akka dhumeen hirmaattotni tibban sana naannoo 

isaanitti waan dubbataman tokko-tokko kaasuu jalqaban. Dhimmichis waa'ee qabxilee 

ijoollee mana barumsaa keessatti maxxanfamee tureeti. 

Abbaan Tasfaayees kana keessa mucaan isaanii barataa kan jiru gosa barnootaa saddeet 

keessaa ja'aan tokkoffaa ba'e jedhanii dubbatan. Ittis dabaluudhaan Tasfaayee aanaa sana 

keessatti kan argamu gara mana barumsa sadarkaa lammaffaatti erguudhaaf yaadaa 

jirachuu isaanii dubbatan. 

Abbaan Yaasin obbo Mahaammadis walga'ii sana gubbaa kan ture barsiisaa Baqqalaa ija 

keessa ilaalaa akkas jedhan. "Obbo Baqqala kanan amma dhaga'e Tasfaayeen daree isaa 

keessaa tokkoffaa akka ba'eedha. Garu har'a mucaankoo akka anatti himetti kan tokkoffaa 

ba'eefi qabxii ol aanaa argate isa ta'uu isaati. Kanaaf eenyu kan dhugaa dubbate?" jedhanii 

barsiisicha gaafatan. 

Baay'ee kan nama kabaju barsiisaa Baqqalaanis tokkichumaan yaade. Dhugaasaa 

dubbachuun akka irra jirus murteesse. Achumaanis "Obbo Mahaammad" jedhee waame. 

"Lamaan keessaniyyuu, jechuunkoo isinis taanaan abbaan Tasfaayees waan dogoggortan 

natti fakkaata. Dhugumaan yoo ta'e Tasfaayeefi Yaasin daree isaanii keessaa gosa 

barnootaa baay'eedhaan qabxiin isaanii hundumaa gadi. Aniifi barsiistotni biroon ijoolleen 

kun mana barumsaa booda qayyabachuu caalaa tapha kubbaa irratti yeroo isaanii 

bal'eessu yaada jedhu irra geenyee jirra." Jedhee barsiisitichi haala isaa ibse. 

Abbooliin Tasfaayeefi Yaasin yeroo kana dhaga'an baay'ee gaddan. Ijoollee isaaniis 

hordofuun akka isaan irra jiru amanan. Guyyaadhuma sana Tasfaayeefi Yaasin akka utuu 

manaa hinba'in qayyabataniif maatiin isaanii ajaja cimaa isaaniif kennan. Dhuma waggaa 

irrattis ijoolleen lamaanuu qabxii baay'ee xiqqaa ta'een kutaa shanii gara ja'aatti darban. 

Abbaan Yaasiin barsiisaa wajjiin yeroo mari’atan 

17

Sadarkaa 7 

18 


1. Tasfaayeefi Yaasin waa'ee barumsa isaanii kan warra isaanii soban 

maaliif? Sobni isaanii gaariidha jettanii yaadduu? 

2. Warra isaanii sobuu isaaniitiif Tasfaayeefi Yaasin kan isaan irra ga'e 

maali? 

3. Sababii sobaatiin kan dhufuu danda'an haala kana caalaa hamaa 

ta'an yaadu nidandeessaa? 

4. Hiriyootakee keessaa warra isaanii kan soban beektaa? Yoo beekta 

ta'e hojiin isaanii kan gaarii hinta'iniif maaliif? 

Qabxilee armaan gaditti caqasaman gabaabaatti ibsuudhaan 

hojicha xumuri. 

✦ Sonni jireenya keenya keessatti gatii guddaa waan 

kenninuufiidha. 

✦ Sona keenya hubachuun jireenya keenya kan guyyaa-guyyaa irratti 

jijjiirama gaarii fida. 

✦ Barattootni yeroo manatti galan maalummaa sona 

isaaniitiif faayidaa isaa warra isaanii wajjin akka irratti 

dudubbatan itti himi.

3 

Ofbeekuufi Ofitti Amanu 

✦ Barattootni ofitti akka amananiif jajjabeessuu 

✦ Ofitti amanuun waan gaariin akka sitti dhaga'amu 

godha. Isa irras darbee murtee gaarii kennuu nama 

dandeessisa. 

✦ Barattootni jechoota gaarii hiriyoota isaanii ibsan tokkotokko 

barreessu. Isa booda barsiistichi jechoota sana 

barattootaaf ibsa. Kanatti aansee barattootni lama 

filatamanii waan gaari dhiyaatan sana akka taphaatti 

agarsiisu. Itti fufeemmoo barsiistichi intalli tokko 

mucummaa ishiitti rakkina ishii quunnamee ture kan ibsu 

barreeffama gabaabaa barattottaaf dubbisa. Garuu 

dhumaa isaa utuu hinga'in dhaabee barattootni barreeffamni 

sun akkamitti akka dhumu itti yaadanii akka taphaatti akka 

dhiyeessan godha. Kanatti aanee barsiistichi dhuma oduu 

sanaa barreeffama kenname irraa barattotaaf dubbisa. 

Dhuma irrattis hojii manaa kenna. 


H 

o 

j 

j 

a 

a

✦ Kophéé 


✦ Boronqii 


✦ Kaayyoo hojjichaafi ijoo ergichaa sirritti hubadhu 

✦ Tartiiba akkaataa barumsichi ittiin dhiyaatu hubadhuutii 

haala ibsameen hojii irra oolchi. 

✦ Meeshaalee barsiisaaf sibarbaachisan qhopheefadhu. 


Sadarkaa 1 Waan Anaan Adda Nagodhu 

20 

Barattootni tarreedhaan ta'anii waraqaa tokko eega baasanii booda bakka 

afuritti akka dachaasan gaafadhu. Tokkoon-tokkoon isaaniis waa'ee 

barataa isaan cinaa taa'uu waan gaarii tokko-tokko akka barressan 

gaafadhu. Wanti isaan barreessanis jecha tokko yookiis ciroo ta'uu 

nidanda'a. Fakkenyaaf waan akka "kormee" yookiis "amanamaa" kan 

fakkaatan ta'uu danda'a. Tokkon-tokkon barataa jechoota afur barressa. 

Kunisimmoo, jechi inni jalqabaa waa'ee barataa isaan fula dura taa'uu, 

jechi inni itti aanummoo waa'ee barataa isaan booda taa'uu, jechi sadaffaa 

waa'ee barataa isa harka bitaa isaanii taa'uu, jechi dhumaammoo waa'ee 

barataa isa harka mirgaa isaanii taa'uu akka qabu itti himi. Waan 

barreessanis gaafa dubbisanii fixan barataa isaan cinaa taa'uu wajjin 

waljijjiiru.

Sadarkaa 2 

Sadarkaa 3 

Barattootni Yeroo Waa'ee Amala Gaarii Hiriyoota Isaanii Ibsan 

Barsiisichaaf Yaadannoo:- 

Barattootni hojii kana yaada guutuudhan akka hojjetaniif wanti isaan waa'ee 

hiriyoota isaanii barressanis waan isaan jajjabeessufi gaarii ta'uu akka qabu 

mirkaneessi. 

Amma sochii jalqabsiisi. Daqiiqaa yartuu booda barataan inni tokko waan 

inni biroon barreesse akka dubbisu godhi. 


1. Yeroo hiriyyoonni keessan waa'ee keessan waan gaarii barreessan 

maaltu isinitti dhaga'ame? 

2. Waa'eekee waan gaarii beekuun jireenya waayyeeffachuudhaaf 

akkamitti nama gargaara? 

3. Namootni waan waa'ee isaanii itti himame ormatti himu nibarbaaduu? 

21

Sadarkaa 4 

Sadarkaa 5 

Sadarkaa 6 

Sadarkaa 7 

22 

To'ata gabaabdu waa'ee taphichaa 

Hojjaa kana keessatti barattootni tapha akka agarsiisan itti himi. Tapha 

jechuun maal jechuu akka ta'e barataan beeku yoo jiraate gaafadhu. Kan 

hinbeekne yoo jiraate, tapha jechuun baay'ee gabaabaa kan ta'e karaa 

namni ittiin yaada waljijjiiiru ta'ee, taphattoonnis namoota biroo bakka 

bu'anii akka dubbatan ibsi. Fakkenyaaf namootni tokko-tokko yeroo do'ii 

agarsiisan abbaa manaa yookiis haadha manaa ta'anii akka taphatan 

himi. Kana keessattis barattootni tapha agarsiisan xiyyeeffannoo 

kennaniifii akka gaariitti agarsiisuu akka qaban yaadannoo kenni. 

Taphni akkamitti akka hojjetamu ibsuuf barattoota lama fo'iitii yaada 

armaan gadii irrati akka tapha agarsiisan godhi. "Gurbayyoon tokkoo 

mucayyoo quxisuu isaatiin waan nyaatan akka ishiin hojjettuuf yeroo inni 

gaafatu ishiinimmoo diddee barnoota herregaa qayyabachuu barbaaddi. 

Kannatti aansee barreeffama waa'ee mucayyoo rakkina baay'ee jala 

baate tokkoo akka dubbiftu barattootaaf ibsi. Kutaaleen lamaan dhuma 

barreeffama kanaas maal ta'uu akka danda'an yaadanii akka taphaatti 

akka dhiyeessan dhuma irrattis akka isaan gaafattu itti himi. 

Barreeffama "Caaltuu" jedhamu armaan gadii kana dubbisi. 

Caaltuu 

Finfinnee irraa gara lixaatti kiiloomeetira 150 fagaattee kan argamtu 

ganda xiqqoo tokko keessatti maatii gali giddu-galeessaa qaban irraa 

dhalattee kan guddate Caaltuun gara fuulduraatti maal akka taatu 

hinbeektu turte. Yeroon sun warra ishiitiif baay'ee rakkisaa ture. Abbaan 

Caaltuu ijoolleen isaanii akka barataniif fedha guddaa waan qabaniif 

barumsa ijoollee isaaniitiif baay'ee dhama'u turan. Keessumattimmoo 

Caaltuun barumsa ishiitti jabaattee akka ishiin itti fuftuuf deggersa cimaa 

godhuuf turan. Caaltuun xiqqoo taatee yeroo harmeen ishii 

dhukkubsatanii turan dubartoota wal'aantota (nurse) isaaniin gargaaruu 

dhufan argitee waan turteef fedhiin ishii fuulduraa wal'aantu ta'uu ture. 

Haata'uyyuu malee Caaltuun gara fuulduraatti maal akka taatu 

hinbeektu turte.

Barsiistotni Caaltuu barattoota isaaniitiif deggersaa gaarii kan godhan turan. Caaltuun 

sadarkaa lammaffaa giddu-galeessaa yeroo geessu qabxilee ishiin barumsatti argachaa 

turte ol aanaa ture. Keessumattimmoo qabxiin ishiin herregatti argattu ol aanaa ture. 

Barsiistonni ishiis sadarkaa guddaa irra akka ishiin geessu itti himu turan. Barattoota warra 

kaaniinis waan isaan rakkise Caaltuu akka gaafatan itti himu turan. Caaltuunis deebii sirrii 

kennaafii turtee. Caaltuun barattuu cimtuu akkasii taateellee mana barumsaa dhaquufi 

barumsa ishii hordofuu malee, gara fuulduraatti maal akka taatu ifaan wanti ishiin beektu 

hinturre. 

Caaltuu qormaati jireenyaa baay'een ishii quunnamee ture. Yeroo ishiin kutaa sagal 

barattu Magaalaa Amboo keessa kan jiraatu dureessi tokko Caaltuu fuudhuudhaaf abbaa 

ishii gaafatee ture. Abbaan ishiis barumsa ijoollee isaaniitiif hawwii guddaa waan qabaniif 

gaaffii namtichaa fudhachuudhaaf fedha hinqabaanne. Karaa tokkoon garuu yeroon sun 

yeroo jijjiiramaa waan ta'eef haalli badaa adeemuu danda'a kan jedhu sodaan waan itti 

galeef gaaffii heeruma Caaltu fudhachuudhaaf dirqaman. 

Caaltuun Gara Mana Barumsaa Yeroo Adeemtu 

23

Caaltuun murtee abbaa ishiitti baay'ee aarte. Abbaa ishiis ifatti hindinne. Garuu arii ishii 

irraa kan ka'e guyyaa lamaaf midhaan nyaachu dhaabde. Gaafa guyyaa sadaffaa sirna 

kadhataa hordofuu lafa mana kadhataa dhaqxetetti dadhabii ishii irraan kan ka'ee lafti ittiin 

naanna'ee kufte. Warri ishiis gara mana wal'aansaatti geessan. Ta'us dhukkubni tokkollee 

irratti hinargamne. Ishiinis kan fedhe yoo ta'ellee barumsa ishii gargar kuttee akka 

hin'eerumne abbaa ishiitti ifaan himte. Abbaan ishiis barumsi ishii Caaltuudhaaf hammam 

dhimma barbaachisaa akka ta'e hubatan. Guyyaa sanaa jalqabanii fedhii ishiitiin yoo 

eerumte malee gonkumaan eerumi akka hinjenneen waadaa seenaniif. 

Caaltuun mana kadhataatti kuftee gaafa ji'a tokkoo abbaan ishii du'an. Ishiinis abbaa ishii 

baay'ee waan jal'attuuf gaddi cimaan itti dhaga'ame. Abbaan ishiis barumsa ishii akka 

ishiin itti fuftu fedha isaanii waan beektuuf utuu hindhiisin itti fufte. Caaltuufi intalli hiriyaan 

ishii barumsatti jaboo waan ta'aniif ijoolleen dhiiraa tokko-tokko hinaaffaadhaan kan ka'e 

isaan rukutu turan. Kanaanillee utuu hinmo'amin Caaltuun barumsa ishii jabaattee itti fufte. 

Caaltuun kutaa kudha lama geessee qormaata biyyoolessaa fudhachuudhaaf qophee irra 

utuu jirtuu namtichi dur ishii fudhuudhaaf abbaa ishii gaafatee ture sun deebi'ee ishii 

gaafate. Innis Caaltuun barumsa ishiitti cimtuu ta'uu ishii waan beekuuf yoo yunivasitii galte 

ishii argachuu hindanda'u shakkii jedhuun Caaltuu dirqamsiisee fuudhuudhaaf murteesse. 

Yeroo kun ta'us Caaltuun hiriyaashii kan wajjin daree tokko baranii wajjin magaalaa Amboo 

jedhamtu tokkoo keessa jiraatti turte. Sababiinsaas Amboo malee Gudariin manni 

barumsaa sadarkaa lammaffaa waan hinjirreedhaafi. Caaltuufi hiriyoonishii qormaata eega 

fixanii booda qabxii isaanii baruudhaaaf yeroo baa'yee gara mana barsiisota isaanii 

nidhaqu turan. Akkuma kanatti gaafa tokko utuu isaan gara mana barsiisaa baayoloojii 

dhaqanii namtichi ishii fuudhuu barbaadu sun Caaltuu karaa irratti argata. Itti dhiyaatees 

maqaa isaa itti hime. Caaltuun eenyummaa namtichaa fuula isaa utuu hinhubatin gaafuma 

maqaa isaa dhageessu jalaa fiigde. Jarjartii irraa kan ka'e kophee ishii baaftee darbattee 

gara mana hiriyaa ishii wajjin jiraataniitti fiigde. Sodaa iraa kan ka'es gara ji'a tokkoof 

eessumattiyyuu utuu hinsocho'in turte. 

Ji'i sun Caaltuudhaaf salphaa hinturre. Ta'us hinuma dandeesse. Achumaanis rakkina 

Caaltuun namticha sanaa wajjin qabdu kan dhaga'e barsiisaan tokko "rakkina sirra jiru akka 

mo'achuu dandeessuuf natti eerumi jedhee" ishii gaafate. Caaltuun garuu gaafficha 

hinfudhanne. Barataan xiqqoo ishii gadii tokkos "natti eerumi" jedhee gaafate. Caaltuun 

gaaffi isa kanas hinfudhanne. Isa booda barataan sunis aaree warra "beekaa" bira dhaqee 

qorichaan akka ishii of jaal'achiisus sossodaachise. 

24

Sadarkaa 8 

Sadarkaa 9 

Sadarkaa 10 

Tapha 

Taphattoota (characters) barrefama kana keessa jiran hunda gabatee 

gurraacha irratti akka isaan tarreessan barattoota gaafadhu. Gareen 

lama fedha isaaniitiin tapha kana akka agarsiisan gaafadhu. Barattootni 

warri hafan dhuma odichaa utuu hindhaga'in filannoo armaan gadii 

keessaa tokko filatanii akka isaan barreeffama sana xumuran godhi. 

Filannoo 1:- Caaltuun barumsa ishii dhiiftee barataa isa qoricha itti 

gochuuf sossodaachisee sanatti eerumti. Caaltuun gara 

fuulduraatti maal akka taatu yaadi. Jireenya ishii fuulduraa 

akka taphaatti dhiyeessi 

Filannoo 2:- Caaltuun gaaffii eerumaa dhiyaateef hundaa diddee 

barumsa ishii xumurtee doktoorii fayyaa taati 

Garee jiraniif taphicha shaakaluudhaaf daqiiqaa shan duwwaan waan 

kennameef bakkee ba'anii akka isaan shaakalan itti himi. Hamma isaan 

shaakalanitti barattoota warra hafee gaaffilee irratti dudubbatan armaan 

gadii gaafadhu. 

1. Caaltuun namticha jalqaba fuudhaaf gaafatee sana kan hinbarbaadin 

maaliif? 

2. Caaltuun namticha jalqaba fuudhaaf gaafatee sana akka 

hinbarbaanne abbaa ishiitti yeroo himtu maaltu ta'e? 

3. Barsiistichi Caaltuu fuudhuuf gaafachuun isaa sirriidha? Qoricha 

aadaatti gargaaramuudhaaf yaadee kan ture dargaggoon sun 

gaaffiin fuudhaa inni dhiyeesse sirrii ture? 

Gareewwan shaakala irra turan tapha isaanii akka isaan barattootaaf 

dhiyeessan gaafadhu. Gareewwan kunis armaan ol sadarkaa 8 jalatti kan 

dhiyaate filannoo tokkoffaatti gargaaramanii akka dhiyeessan gaafadhu. 

25

Sadarkaa 11 

Sadarkaa 12 

26 


1. Filannoo isa kamiin caalaa jaal'attan? Maaliif? 

2. Caaltuun gaaffii fuudhaa dhiyaateef hundaa diduun itti ulfaata 

jettanii yaadduu? Gaaffilee sana diduudhaaf maaltu gargaare 

jettanii yaaddu? 

3. Mucayyoo biroo kan gosi rakkina Caaltuu quunname beektu? 

4. Barreefama kana keessa kan jiran ijoolloni durbaa barumsa 

isaaniitti jaboo ta'uudhaaf kan godhan maali? 

Kanatti aanee kan jiru xumura odichaa isa sirrii barattootaaf duubbissi. 

Qoricha aadaatiin gurbaan Caaltuu sossodaachise sun waan yaadee ture 

bakkaan hingeenye. Dhumattis yeroon qormaataa dhiyaannaan Gudar 

kan turan hiriyootni dhiiraa Caaltuu guyyaa-guyyaadhaan yeroo ishiin 

mana barumsaa adeemtu eeguudhaaf waliigalan. Kan kana godhanis 

Caaltuun barumsa ishiitti akka ishiin firii agarsiistu barbaadanii turan. 

Akka isaan yaadanis Caaltuun barumsa ishiitiin qabxii ol aanaa argatte. 

Caaltuun Hojii Wal'aansaa Irra Utuu Jirtuu

Eega barumsa ishii fixxee yeroo xiqqoo booda Caaltuun waraqaa ragaa ishii fudhattee 

Koleejii Fayyaa Gondoritti ramadamte. Yeroo sanaa jalqabee dhiira kan jedhame Caaltuu 

fuudhaaf kan dirqamsiise hinjiru. Caaltuun Koleejii Fayyaa Gondoritti barumsa ishii 

hordoftee wal'aansaan digrii ishii isa jalqabaa argatte. Yeroo ammaa kana Caaltuun 

Finfinnee keessatti bulchaa mana wal'aansa tokkoo taatee hojechaa jirti. 

Qabxilee armaan gaditti kaa'aman gabaabaatti ibsiiti hojicha 

xumuri. 

✦ Ofitti amanuun murtee gaarii gochuudhaaf nama gargaara. 

✦ Namni ofitti amanu waa'ee mataa isaa miira gaariitu itti 

dhaga'ama. 

✦ Faayidaa ofitti amanun argamsiisu barattootni hiriyoota 

isaanii wajjin akka irratti dudubbatan godhi. 

27

4 

Murtee Kennuufi Jireenya 

fuulduraa Kaayyeffachuu 

✦ Barattootni akkaataan murtee gaari itti kennan 

barbaachisaa ta'u isaa akka hubatan gochuufi 

tarkaanfii kennaa murtee keessatti fudhataman 

barsiisuu. 

✦ Barattootni fuulduratti maal ta'uu akka barbaadan itti 

yaaduu akka danda'an gargaaruu 

✦ Murtee gaari kennuun barbaachisaadha. Hata'uyyuu 

malee murtee gaarii kennuun yeroo inni itti rakkisaa ta'u 

jira. 

✦ Takka-takka yeroo murtee kennan itti yaadamuu kan 

qaban wanti barbaachisaan ta'an nijiru. 

✦ Deggersa namoota itti amannuu fudhachuudhaafi mataa 

keenyaaf kaayyoo fuulduratti qabnu sammuutti 

qabachuun barbaachisaadha. 

✦ Barattootni jireenya isaanii fuulduraa keessatti bakka 

ga'uu barbaadan akka yaadan kan isaan gaafatu 

shaakala barressaa gochuu jalqabu. Kannatti ansee 

barsiisaan waa'ee mucayyoo murtee rakkisaa ta'e gootu 

tokkoo waan barreefame barattootaaf dubbissa. Dhuma 

irrattis barattootni fuulduratti maal ta'u akka barbaadan 

kan agarsiisu walaloo, durdurii gabaabdu, faarsaa 

yookiis fakkii qopheessu. Barsiisaanis barattootaaf hojii 

manaa kenna. 


H 

o 

j 

j 

a 

a

✦ Kophéé 

✦ Pilasterii ittiin waraqaa maxxansan 

✦ Waraqaa 

✦ Boronqii 


✦ Gabatee armaan gadii keessatti bakka "Sadarkaa" jedhu 

jalatti: 

sadarkaalee murtee kennuu tartiiba isaanii waliin 

makiitii gabatee gurraacha irratti barreessi. 

Tokkoon-tokkoon sadarkaalee kanaammoo waraqaa 

xixiqqoo iratti barreessiitii mariitii akka carraatti 

qabadhu. 

✦ Meeshalee barsiisuudhaaf barbaachisaa ta'an qopheessi. 

✦ Kaayyoofi ijoo ergaa hojjichaa dubbisii hubadhu. 

Duraandursii rakkinicha ibsi. 

Orma irraa gorsa gaafadhu. 

Sadarkaa 

Waaqa kadhadhaa. Yookiis durabuutota amantii irraa gorsa gaafadhaa. 

Warrikee maal akka ati gootu akka barbaadan yaadi. 

Yaada hundaa fudhadhu. 

Tokkoon-tokkoon yaadichaa maal akka inni fidu yaadi. 

Murteessiitii kana hojii irra oolchuudhaaf tarkaanfii fudhadhu. 

Itti gaafatama isaa fudhadhu. 

29


Sadarkaa 1 

Sadarkaa 2 

Sadarkaa 3 

30 

Umuriinkoo ................... yeroo inni ta'u 

Yaada armaan gadii barattootni akka hubataniif ibsiif. 

Murtee gaarii kennuu danda'uun barbaachisaa kan ta'e ogummaa 

jireenyaati. Jireenyi keenya kan fiixaan ba'ee akka ta'uuf murtee gaarii 

kennuu qabna. Karaa biroommoo murtee hamaa gochuun jireenyi keenya 

akka fiixaan hinbaane godha. Kana irras darbee sona keenya akka fiixaan 

hinbaafanne gufuu nutti ta'a. 

Barattootni umurii isaanii kanatti kan isaan murteessuu danda'an gosa 

murtee gaariifi murtee hamaa akka dubbatan gaafadhu. 

Yaada "Yeroo umuriinkoo waggaa .............ta'u ............. ta'uun hawa." jedhu 

tokkoon-tokkoon barataa si'a afur akka barreessu godhi. Yaada kana yero 

isaan barreessanii raawwatan, bakka duwwaa isa jalqabaa irratti umurii 

isaanii ammaa irratti shan dabalanii akka isaan barreessan godhi. Bakka 

duwwaa isa itti aanee jiru irrattimmoo maal ta'uu yookiis maal qabaachu 

akka barbaadan ha'ibsan. 


Wanti armaan gaditti caqasaman kanaa ol sadarkaa 2 irraatti barattootni 

kan ibsan hawwii isaanii hammam akka innii fiixaan baasuufii yookiis 

gufuu itti ta'uu danda'u barattootaa wajjin irratti mari'adhaa. 

A. Yeroo barumsaa hafuufi hojii manaa hojechuu dhiisu 

B. Warraafi hiriyoota irraa kabaja argachuu 

C. Caatii qama'uu, tamboo xuuxuu yookiis dhugaatii dhuguu 

D. Gara mana kadhataa yookiis masgiidaa dhaquu 

E. Warraafi hiriyoota sobuu 

F. Barumsatti jabaa ta'uu

Sadarkaa 4 

Sadarkaalee murtee kennuu tartiibaan kaa'uu 

Kanaan dura gabatee gurraacha irratti barreeffamanii kan turan 

sadarkaalee murtee kennuu waraqaa xixiqqoo irratti barreessitee akka 

carraatti maruukee itti himi. Barattoota murtaa'an fo'iitii carraa tokko-tokko 

akka kaasan godhi. Isaanis dabaree-dabareedhaan sadarkaa murtee 

kennuu waraqaa isaanii irratti barreffame dubbisuudhaan barattootatti 

haadhageessissan. 

Gorsa Gaarii Fudhachuu 

Jireenya Fuulduraa Yaadaan Ilaaluu 

31

Sadarkaa 5 

Sadarkaa 6 

Sadarkaa 7 

32 

Dhuma irrattis barattootni sadarkaalee murtee kennuu dubbifaman 

tartiibaan akka isaan kaa'an godhi. Tartiibni isaa sirrii ta'uu isaa irratti 

duddubadhaa. Tartiibni sadarkaalee murtee kennuu tokko-tokko kan nama 

falmisiisu ta'uu waan danda'uuf karaa tartiiba kan asiif achi hinjenne karaa 

tokko duwwaan akka hinjiraanne ibsi. 


1. Sadarkaan murtee kennuu kan hincaqasamin jiraa? Tartiiba 

sadarkaalee murtee kennuu dhiyaatan irratti barataan jijjirsi inni 

gochuu barbaadu jira? 

2. Sadarkaalee murtee kennuu caqasaman kana keessaa walakkaa 

yookiis hunda isaanii itti fayyadamuu dhiisuun rakkinni inni fidu 

maali? 

3. Sadarkaalee murtee kana hojii irra akka hinoolchine wanti gufuu 

nutti ta'an maalfa'i? 

Odeesa Waa'ee Saaraa 

Kannatti aansee barreeffamawaa'ee mucayyoo rakkinni quunnammee 

turee tokko kan dubbiftu ta'uukee barattootaaf ibsi. Barattootnis odicha 

callisaafi dammaqinaan akka dhaggeeffatan itti himi. Oduun sun waa'ee 

isaanii utuu ta'ee jiraatees maal gochuu akka danda'an akka yaadan itti 

himi. 

Amma barreeffamawaa'ee Saaraa katabame barattootaaf dubbisi. 

Saaraa 

Manni barumsaa banamuudhaaf torban tokko duwwaatu hafe. Saaraan 

murtee warra ishii dhaga'uudhaaf hawiidhaan eegaa jirti. Waggoota 

lamaan darbaniif Saaraan mana barumsaa adeemuuf heyyemni utuu 

hinkennaminiif turte. Sababiin abbaan ishii kanaaf kennanis Saaraadhaaf 

kan barbaachisan kitaaboleedhaafi kophéé bituudhaaf humna dhabuu 

isaaniiti. Kanaafis Saaraan hojii mana keessaa akka gargaartu murtaa'uu 

isaa dubbatanii jiru. Haata'uyyuu malee Saaraan ammas barumsa ishii itti 

fufuudhaaf abdii godhachaa waggaa kana haala ittiin mana barumsaatti 

deebi'uu dandeessu haadha ishiitiif yaada dhiyeessite.

Saaraan yeroo abbaan ishii gara manaatti waaman yaada ishii akka isaan karaa gaarii irra 

hinilaalin barte. Abbaan ishiis sagalee gadi qabatanii "Saaraa" jedhan. "Utuu barana mana 

barumsaa dhaquu dandeessee baay'ee gammadna turre. Garuu kana gochu 

hindandeenyu. Sababiin isaa obboleessakee isa dhihoo dhalateefi nuunis kan nugargaaru 

akkasumasimmoo namni horii tiksu waan nubarbaachisuudhaafi" jedhanii yaada isaanii 

Saaraadhaaf ibsan. 

Saaraan yaada abbaan ishii dhiyeessan irraa kan ka'e gaddi itti dhaga'ame. Waaqa keessa 

ilaalaas gara alaatti baate. Saaraan abbaa ishii baay'ee kabajji. Haata'uyyuu malee waa'ee 

haalichaa baay'ee gaddite. Aariin tokkos fuula ishii irratti mul'ata. Hiriyoota ishii kan ta'an 

ijoolleen durbaa naannoo sanaa mana barumsaa dhaqaa jiru. Rakkinni maatiin ijoollota 

sanaa naannoo manaatii qabanis rakkina abbaan ishii caqasan kan caalu malee isaa gadi 

akka hintaane Saraan sirriitti beekti. Kanaafis sababiin abbaan ishii caqasan quubsaadha 

jettee itti hinamanne. Durba ta'uu ishii duwwaadhaaf manatti hafuun ishiitiifi gara mana 

barumsaa akka hindeemne godhamuun ishii murtee sirrii akka hinta'in itti dhaga'ame. 

Umuriidhaan baay'ee ijoollee kan taate Saaraan 

yaada dhiyaatetti yoo gadditeyyuu yeroo 

dheeraadhaaf waa'ee dhimmichaa gadi fageenyaan 

itti yaaduufi irratti kadhachuu itti fuftee jirti. Hiriyoota 

ishii wajjinis irra deddeebi'anii dhimma kana irratti 

dudubbatanii jiru. Furmaata adda-addaas kaasanii 

irratti dudubbatanii jiru. Saaraanis furmaata hojii 

gubbaa oolchuu kan ishii dandeessisu karoora 

baafatte. 

Saaraan Rakkina Ishii Quunname 

Darbuuf Yeroo Yaaddu 

Abbaan ishiis gara hojii qonnaa adeemuu isaanii erga mirkaneessitee booda Saaraan 

yaada yeroo dheeraadhaaf sammuutti yaadaa turte haadha ishiitiif dhiyeessite. "Harme, 

siifi abbaakoo baay'iseen isin jaal'adha. Kabajin isiniif qabus guddaadha. Hamma har'aatti 

waan isin natti himtan hundaa fudhadhee waan na'ajajjanis godheera. Fuuldurattis kana 

ittiinfufa. Garu amma barumsa barachuun barbaada. Kana gochuu akkan danda'uuf 

abbaakoo akkam goonee amansiifnu? Hiryootnikoo naannoo kana jiran baay'een isaanii 

barachaa jiru. Tokko-tokko warra isaanii gargaaruullee jalqabanii jiru. Fakkeenyaaf Ahmad 

guyyaa boqonnaa isaa abbaa isaa wajiin suuqii dhaqee waan isaan barbaadan barreessaf. 

Afaan Inglizii dubbachuu kan jalqabanis jiru." Jechuudhaan Saaraan yaada ishii haadha 

ishiitiif ibsite. 

33

"Mana barumsaafi meeshaalee adda-addaaf horii nabarbaachisu argachuudhaaf mana 

barumsaatti shaayee danfisee gurguruu, gabaattimmoo shonkooraa, muuziifi burtukaana 

gurguruu nandanda'a. Baasii nabarbaachisuuf atiifi abbaankoo yaadda'uu hinqabdan. Hojii 

mana keessaa naaf keennitanimmoo nanhojjedha. Yoon hojiikoo hinraawwanne ta'ee 

mana barumsaatii nahambisuu nidandeessu." jette Saaraan haadha ishiitiin. 

Saaraan dubbichi qalbiidhaan akka inni hidda yaafatu godhuudhaan karaa haadhaa ishii 

abbaa ishii amansiisuuf yaalii gochuu itti fufte. Guyyaa lamaan itti aananiif walitti fuftee 

yaada ishii haadha ishiitiif ibsuu qabde. 

Saaraan Yeroo Warra Ishii Wajjin Mari'attu 

Dhuma irrattis gaafa guyyaa sadaffaa harmeen Saaraa yaada mucaa isaanii 

fudhachuudhaaf murteessan. Isaanis keessa isaaniitti waa'ee yaada mucaa isaanii 

ajaa'ibsiifatan. Haata'uyyuu malee abban manaa isaanii tarii yaada kana fudhachuu dhiisuu 

danda'innuu kan jedhu sodaan mataa isaanii keessaa hinbadne. Murtee mataa isaanii 

garuu of keessatti qabatanii jiru. Saaraanis yaada ishii akka ishiin abbaa ishiitiif ibsitu itti 

himan. Yaada abbaa ishii amansiisuu danda'an tokko-tokkos dabalanii itti himan. 

Abbaan ishii gara galgalaa qonnaadhaa yeroo deebi'an Saaraan dhimma ishii itti himu 

jalqabde. Haati ishii kan itti himte qabxilee nama amansiisuu danda'an utuu hinirraanfatin 

abbaa ishii amansiisuudhaaf dubbii ishii itti fufte. Barumsa dubartiitti hamma kanatti kan 

hin'amanne abbaan Saaraa akkaataa mucayyoon isaanii yaadashii itti dhiyeessite, ibsiteefi 

ija-jabbeenyi ishii baay'ee isaan ajaa'ibsiise. Onneensaaniis tuqamee yaadashii fudhatan. 

Torban itti aanus Saaraan mana barumsaa dhaqxee galmoofte. Saaraan hojii ishiif 

kennamu hundaa hojjechaa baasii mana barumsaa ishii danda'aa barumsa ishii itti fufte. 

34

Sadarkaa 8 

Sadarkaa 9 

Sadarkaa 10 


1. Abbaan Saaraa akka ishiin mana barumsa dhaqxu kan isaan 

hinbarbaadin maaliifi? 

2. Saaraan fedhii ishii fiixaan baafachuufi warra ishii amansiisuuf 

murtee ishiin gooteefi sadarkaalee ishiin itti gargaaramte maalfa'i? 

3. Saaraan utuu qalbiidhaan yaada ishii hinibsine taatee warra ishii 

amansiisuu nidandeessi turtee? 

4. Dubartii garabiraa kan akka haalli Saaraa quunname beektaa? 

Murtee akkamii ture kan ishiin goote? Murteen sun jireenya 

ishii irratti dhiibbaa akkamii fide? 

Barreessuu, Faarsuufi Fakkii Kaasuu 

Yeroo tokko-tokko murtee gaarii murteessuun nama rakkisa. Odeesa 

armaan olitti dhiyaate keessatti akka argine Saaraadhaaf warra ishii 

amansiisuudhaaf murtee irra ga'uun salphaa hinturre. Ijoolleen durbaa 

baay'een waan warri isaanii jedhan salphaatti fudhatu ta'a. Murtee gaarii 

dabarsuuf waan nama gargaaran keessaa inni tokkoo fuulduratti maal 

ta'uu akka barbaadan yaadu danda'uudha. Fuulduratti maal ta'uu akka 

barbaannu yoo beekne, achi ga'uudhaaf murtee nudandeessisu 

salphaatti murtessuu dandeenya. 

Gaafa Umuriin Isaanii Waggaa 25 Ta'u Barattootni Maal 

Ta'uu Akka Barbaadan Ibsuu 

Walaloo/durdurii gaggabaabduu akka barressan yookiis fakkii akka 

kaasaniif daqiiqaa 10 kenniifi. Daqiiqaa 10 booda barattootni lama 

yookiis sadii waan hojjetan akka isaan barattoota hundaatti 

agarsiisan/dhageessisan gaafadhu. Maaliif akka isaan waan 

dhiyyeessan sana ta'uu/hojjechuu barbaadaniif gaafadhu. 

Sadarkaa 11 Gaaffilee Irratti Dudubbatan 

1. Fuulduratti maal akka ta'an duraandursanii baruu danda'uun amma 

murtee gaarii murteessuudhaaf kan inni nama gargaaru akkamitti? 

2. Fuulduratti maal ta'uu akka barbaaddu yoo hinbeekne, murtee 

gaarii murteessuun nama rakkisaa? 

35

36 

✦ Barattootni fakkii kaasan, barreeffamabarreessaniifi 

faarsaa isaanii akka warra isaaniitiif ibsan gaafadhu. 

✦ Barattootni fuulduratti wanti isaan ta'uu barbaadan akka hojii irra 

ooluuf warri isaanii maal akka isaaniif gochuu qaban akka gaafatan 

itti himi. 

Qabxilee armaan gaditti kennaman gabaabaatti ibsiiti 


✦ Murtee gaarii ta'an murteessuun jireenyaaf baay'ee waan 

nama gargaaruudha. 

✦ Murtee gaarii ta'an murteessuu akka dandeenyuuf 

qalbiidhaan itti yaaduu, orma irraa gorsa gaafachuu, itti 

gaafatama fudhachuufi kan kana fakkaatan 

barbaachisaadha. 

✦ Murteen har'a murteessinu jireenya keenya borii irratti 

dhiibbaa gaarii uuma. 

✦ Barattootni murtee gaarii dabarsuudhaaf sadarkaalee 

murtee kennuu barbaachisaa ta'an irratti hiriyoota isaanii 

wajjin bal'inaan akka irratti dudubbatan itti himi.

5 

Qulqullina Ofiifi 

Naannoo 

✦ Barattootni faayidaa kan qabaniifi barbaachisaa kan 

ta'an mala eegumsa qulqullina ofiifi naannoo akka 

beekaniifi shaakalan gochuu 

✦ Qulqullina ofiifi naannoo eeguun fayyummaadhaan akka 

jiraannuufi ofii keenyatti akka amannuuf nugargaara. 

✦ Hojiin eegumsa qulqullinaa gaariin hordoffii 

guyyaa-guyyaa barbaada. 

✦ Barattootni waa'ee eegumsa qulqullinaaf kan qophaa'e 

faarsaa tokko faarfatu. Itti anseemmoo jarmiin 

dhukkubaa akkamittiin dhukkuba akka dabarsan kan 

agarsiisu shaakala gabaabaa godhu. Isa booda hir'ina 

qulqullinaa kan agarsiisan fakkii adda-addaa ilaalanii 

irratti dudubbatu. Dhuma irrattis barattootni torban isa 

itti aanuu qulqullina isaanii eeggachuu akka danda'aniif 

hordoffii kan ittiin godhan gabatee tokko barsiisaan 

isaaniif kenna. 


H 

o 

j 

j 

a 

a

✦ Cilaattii yookiin daaraa 

✦ Kophéé 


✦ Boronqii 


✦ Walaloo faarsaa waa'ee eeguumsa qulqullina ofiif 

naannoo qophaa'e gabatee gurraacha irratti barreessi. 

✦ Gabatee ittiin qulqullina ofiif naannoo to'atan gabatee 

gurraacha irratti barreessi. 

✦ Kaayyoofi ijoo ergaa hojjichaa sirriitti hubadhu. 

✦ Meeshalee barsiisuudhaaf barbaachisaa ta'an qopheessi. 


Sadarkaa 1 

38 

Faarsaa Eegumsa Qulqullinaa Faarffachuu 

Kanatti aanee kan jiru faarsaa waa'ee eegumsa qulqullinaa barrefame 

barattootni akka faarfatan godhi. Qooqi farfannichaas qooqa faarfannaa 

"Mucummaakoo, mucummaakoo aannaniifi dammakkoo (lijinnatee, 

lijinnatee maarinnaa watatee)" jedhuuti. Qooqa faarsichaa 

yaadachuudhaaf barataan fedha qabu tokko ka'ee akka inni tarree 

murtaa'e faarfatu godhi.

Faarfanicha: 

Fayyummaakoo, Fayyummaakoo aannaniifi dammakkoo 

Fayyummaakoo, Fayyummaakoo horii irra caalaakoo 

Abba beekkateefii fayyummaan horiidha 

Jireenya ilma namaaf oolmaansaa guddaadha 

Saamunaafi bishaaniin qaama haadhiqannu 

Jireenya bareedaa fayyummaa ha'argannu 

Qeensi haaqoramu qulqullaawaa haata'u 

Akkanni bareeduufi xuriin irraa haaba'u 



Rifeensi haasirraa'u utuu hindheeratin 

Dhiqannee haafilannu yeroon utuu hindarbin 

Kana ta'uu baannaan hinjiraan horataa 

Isa duwwaa mitii ciniisoo nigodhataa 

Afaanni keenyallee gaarii akka urgaa'uu 

Ganamaafi galgala ilkaanni haaqulla'uu 



Qodaan itti nyaataa hunduu haadhiqaman 

Jarmii dhukkubaa irraa amma haa'oofkalan 

Qulqullina keenyaaf kutanne haakaanu 

Yeroo yeroon eegnee kosii haaharannu 

Naannoo ofii eegnee tokkuumaadhaan kaanee 

Gammadnee haajiraannu fayyaakeenya taanee 



Faarsaan faarfadhu kun utuu inni hindhuminii 

Dhaamsa guddaan qabaa yoo nadhagessanii 

Manaafi naanno keenya haaqulqulleessinuu 

Qodaa itti nyaataa ammas haamiiccinuu 

Harkaaf fuula keenyaa ganama haadhiqannu 

Gammadnee bareednee hojiitti haabaanu 



Qulqullina rifeensaa eeguun 


Qulqullina ilkaanii eeguun 


Nyaata qophaa'e qadaadanii 

kaa'uun barbaachisaadha. 

Qulqullina naannoo 

eeguun barbaachisaadha 

39

Sadarkaa 2 

40 


Mala eegumsa qulqullinaa barataan beeku yoo jiraate gaafadhuutii mala 

kana akka inni dubbatu godhi. Yaada kanatti aanu ibsii hubachiisi. 

Fuulakeenya, miillakeenyaafi harkakeenya yeroo hundaa dhiqachuun 

barbaachisaa kan ta'ee hojii qulqullina eegumsaati. Qulqullina sirriitti 

eeguun dhukkuba daddarban kan akka qufaa yookiis utaalloofi 

tiraakoomaa (dhukkuba ijaa) ofi irraa dhorkuudhaaf/dhowwuudhaaf nama 

gargaara. 

Jarmiin dhukkuba fidan baay'ee xiqqoo waan ta'aniif ija duwwaadhaan 

isaan arguu hindandeenyu. Kanaafis qulqullina ofiif naannoo yeroo 

hundaa eeguun barbaachisaadha. 

Qulqullina ofii eeguu duwwaadhaan hojiin eegumsa qulqullinaa hundinuu 

hojjetamanii jiru jechuun hindanda'amu. Qulqullina naannoo keessa 

jiraannuu, kan bakka hojii keenyaafi mana barumsaa keenyaa eeguun 

hojii eegumsa qulqullinaa isa biroodha. Kanatti dabalees nyaata, 

bishaaniifi mana fincaanii itti gagaaramnu qulqullinaan eeguutu nurra jira. 

Barattooni gaafii deebisuuf yeroo mari’atan

Sadarkaa 3 

Sadarkaa 4 

Sadarkaa 5 

Sadarkaa 6 

Tapha - Dhukkuba Dabarsuu 

Barataan fedha qabu tokko harkasaa akka inni cilaattiidhaan yookiin 

daaraadhaan dibu godhi. Kana booda waan armaan gadii kana haagodhu. 

1. Dabtara hojii manaa isaa barsiisaatti haakennu 

2. Hiriyaa isaa harka qabee haadubbisu. 

3. Hiriyaa isaa irraa kophéé haa'ergifatu 

4. Barcuma isaa irra harka haakaa'u. 

5. Balbala yookiis foddaa daree sanaa haabanu 


1. Harka barataa sanaa irra kan ture cilaattiin yookkiin daaraan eessatti 

darbe? Cilaattiin yookiin daaraan sun kan harka keessanitti bu'e yoo 

jiraattan harka kaasaamee. Kan kana irraa barannu maali? 

2. Yeroo hundaa harka keenya dhiqachuun kan nurra jiruu maaliif? 

Qulqullina Kan Eegeefi Kan Hineegin Garaa-gara Baasuu 

Kanatti aansee qulqullina eeguu dhiisuu irraa kan ka'e waan uumaman kan 

agarsiisan fakkilee akka ilaalan itti himi. Barattootnis fakkilee sana eega 

ilaalanii booda sababni rakkinichaa maal akka ta'e akka dubbataniifi 

barataan abbaa cilaattii sun qulqullina isaa eegachuudhaaf maal gochuun 

akka irra jiru akka ibsan ibsiifi. 

Gabatee To'annaa Qulqullinaa 

Namni tokko qulqullina mataa isaafi naannoo eguudhaaf waan gochuun isa 

irra jiru tokko-tokkoon akka himan gaafadhu. Deebii isaan kennanis dura 

gabatee gurraacha irrati kaaftee kan turte gabatee sana keessatti 

barreessi. Waan qulqullina eeguuf nama gargaaran keessaa kan akka fuula 

bishaaniifi saamunaadhaan dhiqachuu, qaama dhiqachuu, wayyaa/kafana 

qulqulluu uffachuu, mataa miiccatanii filachuu, ilkaan qulqulleeffachuu, 

qeensa qorachuufi qulleessuu, mana fincaaniitti gargaaramuufi bishaaniifi 

saamunaa achi bira kaa'uu, min'aaniifi bishaan qadaaduu, qodaa itti 

nyaatan qulqulleessuu, mana qulqulleessuufi kosii gubu keessatti argamu. 

41

Sadarkaa 7 


Qulqullina eeguudhaaf hojilee barattootni himan naannoo isaaniitti hojii gubbaa 

ooluu danda'uu isaanii gaafadhuutii mirkaneessi. 

Guyyaa torban dhufan keessatti sochii isaan qulqullina ofiif naannoo eeguuf 

godhan akka galmeessaniif akka hojii manaatti akka kennamuuf itti himi. Sochii 

galmeessan yeroo godhan gabatee to'annaa keessa kan jiru bakka duwwaa 

keessatti guyyaa hojichi hojjetame jala mallattoo (X) kaa'uun akka isaan irra jiru 

itti himi. 

Qulqullinaa Eeguuf 

Sochiin Godhe 

Fuulakoon (saamunaadhaan) 

dhiqadhe 

Mataakoon filadhe 

Millakoon dhiqadhe 

Gabatee to'anna qulqullinaa armaan gadii barattootni gabatee gurraacha 

irraa akka galagalchan itti himi. 

Shurraaba 

millaakoon/maratakoon miiccadhe 

Qaamakoon dhiqadhe 

Wayyaakoon miiccadhe 

Qeensakoon qoradhe 

Rifeensakoon 

haadadhe/muradhe/hojjetadhe 

Qodaa itti nyaata qopheessan, 

itti nyaataniifi itti dhuganin miice 

Manakoon qulqulleesse 

Mora manakoon 

qulqulleesse 

Mora mana barumsaakoon 

qulqulleesse 

Mana fincaaniin 

qulqulleesse, nanqadaade 

42 

Guyyaa 

1 

Guyyaa 

2 

Guyyaa 

3 

Guyyaa 

4 

Guyyaa 

5 

Guyyaa 

6 

Guyyaa 

7

Qabxilee armaan gaditti kennaman gabaabaatti ibsiiti hojicha 

xumuri. 

✦ Qulqullina ofiif naannoo eeguun fayyummaadhaan akka 

jiraannuuf nugargaara. 

✦ Eegumsi qulqullina ofiif naannoo guyyaa guyyaadhaan hordoffii 

barbaada. 

✦ Barattootni gabatee to'anna qulqullinaa eeggannaadhaan 

guutanii torban dhufu akka fidanii dhufan itti himi. 

43

6 

Kutaalee Qaama Keenyaafi 

Yeroo Saalffattee 

✦ Barattootni kutaaleen sirna-hormaataa dhiraafi dhalaa 

hojii isaan hojjetan akka beekan. 

✦ Umuriin saalfattee maal akka ta'e hubatanii yeroo kana 

rakkoolee uumaman saalfiifi sodaa malee dubbachuu 

akka danda'an gargaaruu. 

✦ Yeroo saalfattee kan dhufu jijjiiramni qaamaa waan 

nagaa ta'e seera uumamaati. 

✦ Jijjiiramni yeroo umurii saalfattee uumamu qaamolee 

isaanii irratti dhiibbaa adda-addaa uumu. 

✦ Dargaggooni hundaa umurii saalfattee keessa darbu. 

✦ Barattootni yeroo darbe akka hojii manaatti kan 

kennameef gabatee to'anna eegumsa qulqullinaa deebii 

isaa irratti dudubbatu, walirraa baratu. Isa booda fakkii 

kutaalee qaamaa adda-addaa ilaalanii maqaa isaanii 

sirriitti itti kennu. Itti fufanii tapha kutaalee sirnahormaataa 

dhiiraafi dhalaa hojjaa isaanii wajjiin 

sararaadhaan walitti fiduu taphatu. Isa booda beekumsa 

isaan waa'ee umurii saalfatinaa irratti qaban 

beekuudhaaf kan nama gargaaru dorgommii gaaffii 

keessatti hirmaatu. Dhuma irrattis barsiistichi daa'ima 

guddisuun hammam ulfaataa akka ta'e kan gaafatu hojii 

manaa barattootaaf kenna. 

H 

o 

j 

j 

a 

a


✦ Pilasterii ittiin maxxansan 

✦ Kophééfi waraqaa ittiin mallattoo godhan 

✦ Boorsaa laastikii (feestaalii)fi poostaa guddaa 

✦ Boronqii 


✦ Armaan gaditti sadarkaa 4 jala kan jiran fakkiilee duwwaa 

gara tokkoon, gara kaaniinimmoo maqaa isaanii duwwaa 

gabatee gurraacha irratti barreessi. Maqaa isaanii 

hinbarreessin. 

✦ Gabatee kanatti aanee jiru gabatee gurraacha irratti 

barreessi. Maqaa isaaniitiifi hojii isaan hojjetan garuu 

sararaan walhin'agarsiisin. 

✦ Kaayyoofi ijoo ergaa hojichaa sirriitti hubadhu. 

✦ Meeshalee ittiin barsiisaaf barbaachisan qopheessi. 

45

Qaamolee Sirna 

Hormaataa 

Hojjaa Inni Hojjetu 

Ujummoo 

Gadameessaa 

Galma cinaan baatuudha. 

Ovaariy Qaama hormaata dhiiraa booda kan jiru waan 

ija mukaa fakkatuudha. Sanyii-kormaa 

Gadameessa 

hormoonii maddisa. Hormoononni kun haala 

dhiirummaa murtessu. Fakkenyaaf waan akka 

rifeensa qaama irratti ba'uufi moorsuu sagalee 

murteessu. 

Dhiirri quunnamtii saalaa godhuuf kan inni itti 

gargaaramu qaama sirna-hormaataati. Qaamni 

kun seelii lallaafa ta'an irra kan hojjetameedha. 

Uraas niqaba. Dhiirri yeroo inni quunnamtii 

saalaaf kaka'uufi takka-takka yeroo inni 

Qaama 

fincaan fincaa'u nijabaata. 

Ujummoo ittiin fincaanni afuuffee kessaa gara 

hormaataa 

alaatti ba'uudha. Ujummoon fincaanii dhalaa 

dubartii 

kan inni argamu gara gararraa qaama 

(Buqushaa) 

hormaata dhalaa irratti. Ujummoon fincaanii 

dhiiraa kan inni darbu qaama hormaata dhiiraa 

keessa ta'ee innis sanyii-kormaa fincaan alatti 

dabarsa. 

Ujummoo 

Qaama sirna-hormaata dhalaa kan afaan 

Fincaanii 

gadameessaatii hanga qaama hormaataatti 

(buqushaa) jiruudha. Yeoo walquunnamtii 

saalaa qaammi hormaata dhiiraa isa keessa 

lixa. Mucaanis yeroo dhalatu karaa kana ba'a. 

Qaama 

hormaataa 

dhiiraa 

(Qunxurroo) 

Garaa dubartii keessa gara gajjallaatti argama. 

Hanqaaquu isa sanyii-kormaa wajjin walmakee 

baata. 

Cinaan Bitaafi mirga qaama sirna-hormaata dhalaa 

irratti argama. Hanqaaquu uuma. Ji'atti si'a 

tokko hanqaaquun asii ba'a. Hanqaaqichis 

iddoo kanaa ujummoo gadameessaa keessa 

ba'ee gadameessatti gala. 

Golgaa 

cinaanii 

Ujummoo ittiin hanqaaquun bakka itti 

uumamee gara gadameessaatti dhaquudha. 

Innis kan argamu gara gararraa gadameessaa 

bitaafi mirgatti. 

Barattoota tokko yookiin lama fo'iitii dhagaa xixinnoo kiiloogiraama walakkaa ulfaatan akka 

walitti qaban godhi. Baay'inni dhagichaas barattota daree keessa jiranii wajjin walqixxee 

ta'uu qaba. 

46


Sadarkaa 1 

Sadarkaa 2 

Sadarkaa 3 

Gabateen Hordoffii Qulqullinaa Guutamuu Isaa Mirkaneessuu 

Baay'inni deebii isaan gabatee hordoffii qulqullinaa irratti guutan meeqa 

akka ta'e akka lakkaawaniif barattoota gaafadhu. Isa booda, barattoota 

deebii baay'ee kennan keessa hojii qulqullinaa kan isa tokkoo barattottaf 

dubbisi. Itti aansiitii deebii yartuu warra kennan keessaammoo kan isa 

tokkoo barattotaaf dubbisiitii garaa-garummaa isaanii irratti dudubadhaa. 


1. Hojjechuudhaaf rakkisaa kan ta'e hojiin eegumsa qulqullinaa 

turee jiraa? Deebiinsaa "Eeyyee" yoo ta'e warra caqasaman 

keessaa warra kamtu rakkisaa turan? Furmaati isaaniiwoo? 

2. Hojjaaleen eegumsa qulqullinaa kun qulqullina ofiis haata'uu kan 

naannoo eeguuf nigargaaru jettanii yaadduu? Maaliif? 

Qabxilee kanatti aanan ibsi 

Barumsa keenya har'aa keessatti waa'ee kutaalee qaama namaa baranna. 

Kutaaleen qaama keenyaa baay'ee ajaibsiisaa kan ta'eedha. Onneen nama 

tokkoo waggaa tokko keessatti giddu-galeessaan si'a miiliyoona 35 rukuta. 

Saffisa kanaan guutuu jireenya keenyaa keessatti onnen keenya dhiiga 

barmeela biiliyoona tokko ta'u facaasa. Dhiigni hammi kun kuusaalee 

bishaanii (water tank) gar-malee baay'ee gurguddaa jedhaman sadii guutu 

kan danda'uudha. Qaamni keenya kana irraanis ji'atti si'a tokko muuxata 

yookiis gogaa haaraa biqilcha. Ji'a sadi-sadi'iinis kerkera (skeleton) 

haaraa hojjeta. Barumsa har'aa keessatti caalaatti xiyyeefannaa itti 

kenninee kan barannu waa'ee qaamolee hormaata namaati. 

Waa'ee qaama hormaataafi sirna-hormaataa barataan beeku yoo jiraate 

akka ibsu gaafadhu. Deebii isaa eega dhaggeefattee booda hormaata 

jechuun hojjaa mucaan akka uumamu gochuu ta'uu isaa ibsi. Hojja kana 

keessattis dhiiraaf dhalaan walquunatmtii saalaa akka godhanis ibsi. Yeroo 

waa'ee sirna-hormaataa kaafnee dubbannu qaamoleen hormaataa kan 

dhiraafi dhalaa kanaa wajjin kan ka'an ta'uu isaaniitiif qaama sirnichaas 

ta'uu isaanii barattootaaf akka galuu danda'utti karaa salphaa ta'een ibsiif. 

47

Sadarkaa 4 Gabatee gurraacharatti gama tokkoon maqaa qaamolee hormaataa kan 

dhiiraafi dhalaa gama biroonimmoo fakkii isaanii akka keessu barattootaaf 

ibsi. Kana booda warri fedha qaban dabaree dabareedhaan ka'anii 

tokko-tokko maqaa sanaa fakkii isa sirrii ta'ee wajjin akka sararaadhaan 

walitti fidan itti himi. 

48 


Hirmaannaan ijoollee durbaa akka inni guddatuuf maqaadhaan isaan waamiitii 

akka isaan hirmaatan godhi.

Sadarkaa 5 Barattootni maqaa qaama hormaataa dhiraafi dhalaa fakkii sirrii ta'ee 

wajjin walitti fiduu isaanii mirkaneessi. Itti aansiitii duraan dursitee 

gabatee gurraacha irratti barreessitee kan turte qaamoolee 

sirna-hormaataafi hojii isaanii akka barsiistu ibsi. Kanaatti dabalees 

barattootni qaamolee sirna-hormaataafi hojii isaanii sararaadhaan akka 

walitti fidan itti himi. 

Sadarkaa 6 

Sadarkaa 7 

Sadarkaa 8 

Amma barataan fedha qabu tokko gabatee gurraacha irraa jalqaba kan 

jiru qaama sirna-hormaataa hojii innii hojjetuu wajjin sararaadhaan akka 

inni walitti fidu godhi. Akkuma kanatti barattootni warri hafanis dabaree 

dabareedhaan ka'anii akka isaan walitti fidan godhi. Maqaaleefi hojileen 

barattootni walitti fidanis sirrii ta'uu isaa barattoota gaafadhu. Yoo wanti 

sirreessan jiraates barattootni akka sirreessan gaafadhu. 


1. Waa'ee qaamolee sirna-hormaataa dhiiraaf dhalaa irratti 

dudubbachuuniifi mari'achuun barbaachisaadhaa? Maaliif? 

2. Shaakala sila hojjettan keessatti maqaalee sirna-hormaataa tokkotokko 

waamuun rakkisaa turee? Yoo deebiinsaa "Eeyyee" turee 

rakkisaa kan inni ta'es maaliifi? Warra kaanimmoo waamuun kan 

salphaa ta'eef maaliifi? 

Waa'ee umurii dergeegumaa kan kanatti aanee jiru ibsi 

Waa'ee umurii saalfattee wanti beektan jiraa? Kan inni ittiin beekamus 

maali? Umurii dergeegumaa kan jedhamuu hoormoononni 

(kemiikaalotnii dhangala'aa ta'an) qaama isaanii keessatti uumaman 

jijjiiramni nafaafi xin-sammuu akka jiraatan yeroo godhaniidha. 

Dargaggoon tokko yeroo umrii dergeegumaa ga'u qaamni hormaata 

isaa/ishii mucaa dhalchuus haata'u dhaluudhaaf dandeettii qaba. Kana 

jechuun umurii kanatti qaamni ishii durbaa hanqaaquu (egg) uumuu 

yeroo danda'u inni kan dhiiraammo sanyii kormaa (sperm) uumuu 

nidanda'a. Tarii isin keessa umurii dergeegummaa irra kan geessan 

jiraachuu nidandeessu. Waarri haftanimmoo fuulduratti bira geessu. 

Dergeegumaa yeroo baay'ee ijoollee durbaa irratti kan inni mul'atu 

waggaa 9 hamma 13 gidduutti yeroo ta'u warra dhiiraa irrattimmoo 

waggaa 10 hamma 16 gidduutti. 

49

50 

Mallattoon umurii saalfatuma warra kanatti ananiidha. 

Jijjiirama Ijoollee Durbaa Irratti Argaman 

✦ Ovaariin hanqaaquu uumuu jalqaba. 

✦ Naannoon mudhii ulfa baachuufi da'uu akka danda'uuf naanna'ee 

bal'achaa adeema. 

✦ Harmii niguntuta, niguddata. 

✦ Hidhiin buqushaa nifurdata. 

✦ Quxxen (clitoris) niguddata. 

✦ Bobaa jalaafi naannoo qaama saalaatti rifeensi nibiqila. 

✦ Gadameessi ulfa baachuuf niguddata. Ovaariyiin niguddata. 

Hanqaaquu uumuus nijalqaba. 

✦ Daagni gadameessaas ulfa baachuuf niqophaa'u. 

✦ Makamni yookiis laguun (menustration) dhangala'uu jalqaba. 

✦ Fedhiin adda-addaas nimul'atu. Jechuunis: 

● Fedhiin walquunnamtii saalaas nikakka'a. 

● Jarjartumman nimul'ata. 

● Jijjiiramni miiraas nimul'ata. 

● Gammachuufi gaddi waljijjiiranii mul'atu. 

Jijjiirama Ijoollee Dhiiraa Irratti Argaman 

✦ Sanyii-kormaa abjuu keessa dhangala'a. 

✦ Hojjaaniif ulfinni qaamaa dafee dabala. 

✦ Cinaanni niguddata. 

✦ Cinaanni Sanyii-kormaa hoomishuu jalqaba. 

✦ Furdinni qaama hormaataa nidabala. 

✦ Rifeensi areeda biqiluu jalqaba. 

✦ Sagaleen moorsuufi furdachuu jalqaba. 

✦ Bobaa jalaafi naannoo qaama saalaatti rifeensi nibiqila. 

✦ Hidda dhiigaa kan warra durbaa caalaa baay'atutu qaama kessatti 

guddata. 

✦ Fedhiin adda-addaas nimul'atu. Jechuunis: 

● Fedhiin walquunnamtii saalaas nikakka'a. 

● Jarjartumman nimul'ata. 

● Jijjiiramni miiraas nimul'ata. 

● Gammachuufi gaddi waljijjiiranii mul'atu.

Sadarkaa 9 Kanatti aansee "Dhugaa" yookiis "Soba" jechuudhaan kan deebifaman 

gaaffileen waa'ee umurii dergeegumaa akka dhiyaatan barattootatti himi. 

Gaaffii dura garuu jechoota armaan gadii hiikasaanii ibsi. 

Sadarkaa 10 

Laguu 

Makamni yookiis laguun dubartootaa kan inni jalqabu yeroo 

miciree hormaata dubartootaa kan ta'e hanqaaquun 

uumamuu jalqabuudha. Hanqaaqichi sun yeroo walquunnamtii 

saalaa xaraanxaraan yoo hincabnee baqee dhiiga ta'uudhaan 

akka dhangala'aatti karaa qaama hormaata dhalaa gara 

bakkeetti gadi yaa'a. Kun dubartoota hundumaa irratti waan 

argamu waan ta'eef homaayyuu kan nama qaanessu miti. 

Dhangala'uu miciree hormaata dhiiraa 

Ulfaa'uu 

Dhangala'uu miciree hormaata dhiiraa jechuun dhangala'aa kan 

ta'e sanyii-kormaa qaama hormaata dhiiraa keessaa yeroo 

walquunnamtii saalaa dhangala'uudha. Haalli akkassii dhiira 

umuriinsaa kanaaf ga'ee hundumaa irratti waan mul'atuuf 

nuyaaddessu hinqabu. Kun jireenya keenya keessatti 

waanuma jiruudha. 

Miciree hormaata dubartoota kan ta'e hanqaaquun yeroo inni 

sanyii-kormaa cabee walmaku dubartiin sun niulfoofte jedhama. 

Yeroo walquunnamtii saalaa sanyii-kormaa qaama saalaa 

dhiiraa (qunxurroo) keessaa qaama saalaa dubartii (buqushaa) 

keessatti naqamuudhaan gara gadameessaatti deema. Achittis 

hanqaaquu yoo argate cabsee micireen (ulfi) akka uumamu 

godha. Ulfichis guddatee ji'a sagal booda dhalata. 

Hiika jechoota kana ibsitee eega raawwattee booda barattota akka 

walfakkii saalaatti garee shan yookiis ja'atti qoodi. Tokkoo-tokkoon garee 

sanaa maqaa miseensa isaanii tokko akka siif kennan godhiitii maqaa 

sana gabatee gurraacha irratti barreessi. Kannati aansii beekumsa isaan 

waa'ee umurii saalfattee qaban kan ittiin madaaluu dandeessu yaada 

adda-addaa dubbisiifiiti "dhugaa" yookiimmoo "soba" jedhanii akka 

deebisan godhi. Gareewwan kunis tokkoo-tokkoo deebii sirrii ta'eef qabxii 

tokko-tokko argatu. Dhuma irrattis garee qabxii caalu argatetu mo'ata. 

Akkaataa gaaffiin itti deebi'us ta'ee qabxiin itti qabamuu wanti barattootaaf 

hingalin yoo jiraate akka galuuf godhiitii ibsi. 

51

Sadarkaa 11 Hima armaan gaditti dhiyaatanii jiran barattootaaf dubbisi. Akka isaan 

gaaffilee kana deebisaniinis ibsa dhiyaatanii jiran dubbisiif. Qabxii 

tokkoon-tokkoon garee jiranii argatanis walitti ida'iitii garee isa mo'e 

addaan baasii bari. 

52 

Gaaffilee Waa'ee Umuri Saalfattee Ilaalchisanii Dhiyaatan 

1. Ijoolleen durbaa hundumtuu yeroo umuriin isaanii 11 ga'u jijjiirama 

qaamaa agarsiisu. 

Soba 

Ijoolleen durbaa hundumtuu akka haala mata isaaniitti guddatu. 

Tokko-tokko waggaa 8 yookiis 9 yeroo ta'an jijjiirama kan agarsiisan 

si'a ta'u kaanimmoo waggaa 14 yookiis 15 yeroo ta'an jijjiirama 

agarsiisu. 

2. Yeroo baay'ee umuriin saalfattee ijoollee durbaa kan warra dhiiraa dura 

jalqaba. 

Dhugaa 

Yeroo baay'ee jijjiiramni qaama ijoollee dhiiraa kan jalqabu kan warra 

durbaa jalqabee waggaa lama booda. Haata'uyyuu malee haalli itti 

jijjiiramni qaamaa ijollee durbaa tokkoo-tokkoo turee jalqabuufi kan 

ijoollee dhiiraa tokkoo-tokkoommoo dafee jalqabus nijira. Kanaaf 

karaadhumti fedheyyuu waan nagummaa agarsiisuudha. 

3. Jalqaba umurii saalfattee irratti ijoolleen durbaa makama/laguu argu. 

Dhugaa 

Ijoolleen durbaa yeroo umurii saalfattee ga'an hanqaaquu ummachuu 

jalqabu. Kunis yoo xaraanxaraan cabuudhaa baatee makama/laguu 

ta'ee gara bakkeetti dhangala'a. 

4. Makamni/laguun kan dhufu mucaan durbaa tokko eega quunnamtii 

saalaa gochuu jalqabdee booda. 

Dhugaa 

Makamni/laguun kan dhufu hanqaaquun kan hincabin guddatee eega 

diigamee booda akka dhiigaatti qaama dubartii keessaa gara 

bakkeetti yeroo dhangala'udha. Dubartiin tokko walquunnamtii saalaa 

gootus gochuu dhiiftus ji'a ji'aan waan dhufuudha.

5. Yeroo salfatummaa sagaleen ijoollee dhiiraa nifurdataa, amala 

ukkaamamuus niqabaata. 

Dhugaa 

6. Gaafa gara umurii saalfatteetti ceenu kutaaleen qaama keenyaa kan 

jijjiiraman yeroo ta'an wanti nutti dhaga'amu garuu hinjijjiiramu. 

Soba 

Yeroo umurii saalfattee geenyu amallii keenya irra deddeebi'ee 

jijjiirama. Bifaafi qaama akkamii akka qabnuufi ormis waa'ee keenya 

maal akka yaadan baruudhaaf baay'ee dhiphanna. Akki aariis nutti 

dhaga'ama. Dardaran yookiin shamarran nijaala'anna, niajaa'ibsiifanna. 

7. Qaamni hormaataa keenya fakkeenyaaf qaamni hormaataa dhiiraa 

yookiis harmi durbaa namoota garaa-garaa gidduutti yoo guddinissaa 

garaa-gara ta'ee dhiphachuu hinqabnu. 

Dhugaa 

Namni hundumtuu qaama hormaataa guddini isaa wal caccaalu qaba. 

Harmi durboota tokko-tokkoo guddaa yeroo ta'u kan tokko-tokkoommoo 

xiqqaadha. Wanti barbaachisaan gurguddini isaa garaa-gara ta'uu 

isaa miti. Dhiironni qaama hormaataa (qunxurroo) xiqqoo qaban 

ulfeessuu nidanda'u. Dubartoonni harma xiqqaa qaban mucaa 

hoosisuu nidanda'u. 

8. Yeroo tokko-tokko ijoolleen dhiiraa irriba keessa xaraanxara gad-naquu 

nidanda'u. 

Dhugaa 

Haalli akkasii abjuu keessa of jiisuu yookiis abjuu keessa gad naquu 

jedhama. Kun nagummaa waan ta'eef nuqaanessuu hinqabu. Umurii 

kanatti dhiira fayyaa ta'e hundumaa irratti waan mul'atuudha. 

9. Xaraanxarri qaama hormaataa dhiiraa keessaa gara bakkeetti 

dhangala'a. 

Dhugaa 

Xaraanxarri qaama hormaata dhiiraa irraa madda. Yeroo quunnamtii 

saalaa yookiis abjuu keessa qunxurroo keessaa gara bakkeetti 

dhangala'a. 

53

54 

10. Dargaggoonni hundinuu laphee isaanii irratti rifeensa biqilchu. 

Soba 

Dargaggoonni tokko-tokko yeroo laphee isaanii irratti rifeensa 

biqilchan tokko-tokkoommoo hinbiqilchani. Haalli qaamii namootaa 

itti guddatu walirraa adda. Akkuma namootni tokko-tokko dheeraa 

ta'anii kaanimmoo gabaabaa ta'an jechuudha. Kanaaf yoo 

dargaggootni tokko-tokko laphee isaanii irraa rifeensa qabaatanii 

kaanimmoo dhabani nuajaa'ibsiisuu hinqabu. 

11. Shamarran hundinuu yeroo guddatan harma gurguddaa qabaatu. 

Soba 

Shamarran tokko-tokko harma gurguddaa qabu. Kaanimmoo harma 

gurguddaa hinqaban. Guddinni yookiis xiqqinni harmaa mucaa 

hoosisuu irratti dhiibbaa fidu hinqabu. 

12. Umurii saalfattee irratti qaamni keenya jijjiirama baay'ee waan 

godhuuf qulqullina ofii eeggachuun baay'ee barbaachisaadha. 

Dhugaa 

Umurii saalfattee irratti xannachii keenya caalaatti waan hojjetaniif 

gogaan keenya akka nama dhadhaa dibatee cululuqa. Finniisas 

nibaafna. Qaamoleen hormaataa keenyas dhangala'aa uumu. 

baay'ee nudafqisiisas. Waan kana ta'eef qaama keenya dhiqachuufi 

qulqullina keenya eeguu qabna. 

13. Umurii saalfattee irratti ijoolleen dhiiraa utuu hinbarbaadiniifi utuu 

hinyaadin qaamni hormaata (qunxurroo) isaanii ijaajja. Kun kan ta'us 

hormoononni walquunnamtii waan dabaluuf. 

Dhugaa 

Umurii saalfattee irratti qaamni hormaataa dhiiraa (qunxurroon) kan 

inni dhaabbatuu dhigaan waan gutamufidha. Qaamichis nijabaata. 

Dhaabachuun qaamni hormaataa dhiiraa fayyummaa kan agarsiisu 

hojjaa jireenyaa ta'uu isaa hubachuu qabna. Kanaaf qaaniin yookiis 

dhiphuun nutti dhaga'amuu hinqabu.

Sadarkaa 12 

Barattootni waan isaaniif hingalin waraqaa irratti akka barreessan godhi. 

Gaaffiin isaanii waa'ee umurii saalfattee, waa'ee makamaa/laguu 

(menustration), waa'ee dhaabachuu qunxurroofi kan kana fakkaatan 

ta'uu nidanda'a. Gaaffileewwan yeroo barreessan maqaa isaanii 

barreessuu hinqaban. Gaaffileewwan kun boorsaa yookiis qaracitii tokko 

keessatti walitti qabamanii akka innii/ishiin yeroo dhufutti deebii itti 

kennuuf /kennituuf ogeessa fayyaa naannoo sanatti argamutti ergu. 



✦ Jijjiiramni qaamaa yeroo umurii salfattee uumamu 

nagummaa kan agarsiisu akkaataa umamaati. 

✦ Umuriin salfattee dargaggoota irraatti dhiibbaa adda-addaa 

uuma. Fakkenyaaf guddina harmaa, biqilchuu rifeensa fuulaa 

(areedaa) baasuu finniisaafi kan kana fakkaataniidha. 

✦ Yeroon umurii salfattee kan dhiraafi durbaa walirraa adda 

ba'a. Kana irraanis saala walfakkaatan warra qaban 

gidduutillee umuriin salfattee garaagara. 

✦ Warri durbaa yeroo hanqaaquu uumuu jalqaban warri 

dhiiraammoo yeroo xaraanxara uumuu jalqaban umuriin 

salfattee jalqaba. Yeroo kana warri durbaa makama/laguu 

arguu jalqabu. 

55

56 

1. Hojii manaa kana keessatti itti gaafatamni mucaa 

guddisuu hammam cimaa akka ta'eefi yeroo haadha ta'an 

maal akka namatti dhaga'amu akka baratan barattootatti 

himi. Warri dhiiraa haadha ta'u yoo 

hindandeenyellee shaakalli barnootaa hojii manaa kana 

keessatti godhamu muuxannoo murtaa'e akka kennuuf itti 

himi. Ba'aa warra haadhaa irra jirus hubachuu akka 

danda'an ibsiif. 

Daree ala tokkoo-tokkoo baratootaaf kan walga'u dhakaa 

xixiqqaa ka'uukeef ulfinni tokkoo-tokkoo dhakaa sanaas 

walakkaa kiiloogiraamaa akka ta'e itti himi. 

Torban isa itti aanutti tokkoo-tokkoon barataa dhakaalee 

dhiyaatan sana keessaa tokko fudhatee akka mucaa 

isaatti hammatee, baatee kunuunsuudhaan fakkeenya 

mucaa guddisuu akka agarsiisu itti himi. Gara mana 

hiriyaa isaanii yeroo adeeman dhakaa sana fudhatanii 

dhaqu. Yeroo laaqana nyaatan dhakicha of bira kaa'u. 

Yero qaama, fuula yookiis miilla dhiqatan of bira kaa'anii 

ijaan eegu. Yeroo daree galan garuu dhakicha fudhatanii 

hingalan. Dareedhaa ala kaa'u. 

Dhakaa sana akka mucaa dhalaniitti kabajuufi jal'achuu 

qabu. Barattootni tokko-tokko dhakaa isaaniitiif maqaa 

baasuu barbaadu ta'a. Kan fedhes haata'uu hanga torban 

isa itti aanuutti dhakaa isaanii kunuunsuufi kabajuu qabu. 

Tokkoo-tokkoo dhakichaa irratti mallatteessi. Sababiinsaa 

torban isa itti aanu yeroo isaan dhakaa isaanii fidanii 

dhufan addaan baasanii beekuuf nama gargaara. 

Barataan fedhe yeroo gara magaalaa, mana ormaa 

yookiis ganda biroo adeemuu dhakaa isaa baatee yoo 

hindhaqne dorgommii hojii manaa kanaa ala akka ta'u 

ifaan himi. Wanti isaanii hingalin yoo jiraate ibsiif. 

2. Amma dhakaa duraan walitti qabde keessaa 

barattootaaf tokko-tokko kenni. Tokkoo-tokkoo dhagichaa 

irrattis mallatteessi.

7 

Gocha Barsiifataa Miidhaa 

Fidaniifi Korniyaa 

✦ Barattootni gocha barsiifataa miidhaa fidanii addaan 

baasanii akka beekan gargaaruu. 

✦ Barattootni haala jibbisiisaa gocha barsiifataa miidhaa 

fidanii hubatanii karaa isaan itti waya'an akka yaadan 

gochuu. 

✦ Gosa hojjaalee dhiiraafi dhalaadhaan hojjetaman 

addaan baasanii akka beekaniifi miidhaa hireen hojii 

akkasii kun qabus akka hubatan gochuu. 

✦ Gochaaleen barsiifataa miidhaa fidanii yeroo 

✦ 

dheeraadhaaf dhallootaa gara dhalootaatti daddarbaa 

kan turaniidha. 

Gochaaleen barsiifataa miidhaa fidanii fayyaafi jireenya 

gamtaa irrati dhiibbaa hamaa fida. 

✦ Yeroo baay'ee gochaalee barsiifataa miidhaa fidaniin 

kan hubaman dubartoota. 

✦ Itoophiyaatti kan argaman barsiifataa miidhaa fidan 

keessatti utuu hinga'in eerumuu, butiidhaafi durba 

dhaqna qabuun niargamu. 

✦ Saala irratti kan hundaa'e hirmaannaan hojii kan 

barsiifataa malee kan uumamaa miti. 

✦ Jechi "saalaa" jedhu uumamaan "dhiira" yookiin 

"durba" ta'anii uumamuu agarsiisa. 

✦ Jechi "korniyaa" jedhu kan uumamaa utuu hinta'in haala 

hawaasni uumeedha. Hawaasni tokko hojii yookiis itti 

gaafatama tokko dhiirraaf isa kaanimmoo dhalaadhaaf 

godhee murteessuu yookiis yaaduu isaa kan 

agarsiisuudha. Kanaafis "sirni-saalaa" yaad-rimee 

ilaalchaafi amantii hawaasni tokko qabu kan calaqqeesisu 

ta'ee wayyaa'uu yookiis jijjiiramuu kan danda'uudha. 

H 

o 

j 

j 

a 

a

58 

✦ Barsiistichi hojii manaa yeroo darbe kenname barattootni 

hojjetanii fixuu isaanii mirkaneessa. Kana boodaa gaaffilee 

torban darbe gaafatamanii turaniif ogeessi fayyaa deebii 

kenna. Itti aansee barattootni fakkilee waa'ee barsiifata 

miidhaa fidanii ilaaluudhaan irratti dudubbatu. Barsiistichi 

barreeffama gabaabaa tokko barattootaaf dubbisee achi 

keessa kan jiran hojjaalee barsiifataa miidhaa fidan irratti 

yaada tokko-tokko ibsa. Dhuma barreeffamasanaa 

barattootaaf utuu hindubbisin barattootni filanno dhuma 

ta'uu danda'an akka dhiyeessaniif gaafata. Dhuma irrattis 

barattootni waa'ee korniyaa irratti dudubbatu. 


✦ Kophéé 

✦ Waraqaa yaadannoo itti qabatan 

✦ Boronqii 

✦ Gabatee gurraacha

✦ Gaaffilee barattootaa deebisuu kan danda'u ogeessa 

fayyaa tokko naannoo sanaa qopheessi. Yoo danda'ames 

ogeessi sun qaamaan dhiyaatee akka inni deebii kennuf 

haala mijeessi. 

✦ Kaayyoo hojjichaafi ijoo ergichaa sirritti hubadhu. 



Sadarkaa 1 Barattootni dhakaa torban darbe gara mana isaaniitti fudhatan gara 

dareetti akka galchan gaafadhu. Dhakaa isaaniifis eenyufaan akkaa 

kunuunsaa gaarii gochaa turan addaan baasii bari. 

Sadarkaa 2 

Sadarkaa 3 


1. Dhakicha torban guutuu kunuunsuun rakkisaa ture? Yoo 

deebiinsaa "Eeyyee" ta'ee rakkisaa kan ture maali? 

2. Ijoollee guddisuun hammam cimaadha? Dhakaalee sana kan 

kunuunsitan torban tokko duwwaadhaafi. Ijoollee guddisuun hojii 

yeroo hammamiiti? 

Torban darbe barattootni gaafatanii kan turan waa'ee umurii saalfattee, 

makamaa/laguufi, waa'ee dhaabbachuu qunxurroo deebiin akka kennamu 

godhi. 

59

Sadarkaa 4 

60 

Gochaalee Barsiifataa Miidhaa Fidanii 

Barattootni waa'ee dhaqna-qabaa, butiifi utuu hinga'in eerumuu waan 

dhaga'an/beekan akka himan gaafadhu. 

Barataan waa'ee gochaalee barsiifataa miidhaa fidanii beeku yoo 

hinargamne gochaaleen barsiifataa miidhaa fidanii fayyummaa sirnahormaataafi 

mirga ilma namaa dubartootaa kan miidhan ta'uu isaanii 

barattootaaf ibsi. Gochaaleen akkasii dhalootaa gara dhalootaatti dabraa 

turuu isaanii ibsi. Itti dabalii kanatti aananii kan jiran ibsi . 

Umrii malee heerumuu 

Durbi waggaa 18 dura eerumtu ulfa rakkisaa ta'eefi fistuulaatti 

(fistula) saaxila baati. Carraa ishiin Ech Ayi Vii Eedsiifi 

(HIV/AIDS) dhukkuba saal-quunnamtii biroodhaan 

qabamuudhaaf qabdus bal'aadha. Sababiinsaas dhirsi ishii 

kanaan dura walquunnamtii saalaa kan godhe ta'uu waan 

danda'uudhaaf. 

Utuu hinga'in eerumuun kan inni fide itti gaafatamni ba'aa 

hojii mana keessaafi ijoollee guddissuu kana fakkaata.

Butii 

Butiin dubartii irratti humnaan adeemsifamu ishii butamtu irra hiri'ina 

qaamaa geessisuu nidanda'a. Intalli butamtus nama hinfilatinii wajjin 

walquunnamtii saalaa akka gootuuf dirqamti. Kanaaf Ech Ayi Vii 

Eedsii (HIV/AIDS)fi dhukkuba saalaa birootti saaxilamuu dandeessi. 

Humnaan Butuu 

Dhaqna-qabaa durbaa (kittaannaa) 

Dhaqna-qabaa durbaa jechuun qaama hormaata (quxxee) ishii karaa 

bakkee irraa kutanii gatuu jechuudha. Gochaan akkasii aalbee 

qulqullinnisaa hineegaminiin raawwatamuu waan danda'uuf Ech Ayi 

Vii Eedsiifi (HIV/AIDS) dhukkubaa adda-addaatti isaan saaxila. Yeroo 

da'umsaas rakkina uumuu nidanda'a. 

Dhaqna-qabaa Durbaa - Barsiifata Miidhaa Fidan 

Keessaa Isa Tookko 

61

Sadarkaa 5 

Sadarkaa 6 

62 

Barattootni qabxilee armaan olii irratti xiqqoo eega dudubbatanii booda 

fakkii sadan armaan olii itti agarsiisi. Gaaffilee kanatti aananii jiranis 

gaafadhu. 

1. Fakkilee sana irratti maal-maal agartu? 

2. Namni fakkii sana irra jiru fuulduratti haala akkamiitu irra ga'a 

jettanii yaaddu? 

Saala 

Dhiira 

Dubartii 


Gabatee armaan gadii gabatee gurraacha irratti barreesiiti dubartootni dhiira 

caalaa gochaalee barsiifataa miidhaa fidaniin akka hubaman barattootaaf ibsi. 

Gosa Hubaatii Gochaalee Barsiifataa Miidhaa Fidaniin 

Dhufan (plural) 

Dhaqna-qabaa 

Durbaa 

(kittaannaa) 

Butii Utuu Hinga'in 

umrri malee 

Eerumuu 

Dhaala (Dubartii 

AbbanManaa Irraa Du'e) 


1. Durbaafi dhiirri walqixxeetti gochaalee barsiifataa miidhaa 

fidaniin hubamuu? 

2. Fakkilee armaan olii keessatti wanti hindhiyaatiniifi isin kan 

beektan gochaaleen barsiifataa miidhaa fidaniinii biroon jiruu? 

Kanatti aansitee waa'ee nama guddaa intala dargaggeettii taate fuudhe 

tokkoo barreeffama gabaabaa akka dubbiftuuf barattootatti himi. Sana 

booda gareen lama karaa adda-addaa barreeffama sana xumuruuf tapha 

akka agarsiisan ibsi.

Sadarkaa 7 

Oduu kannatti aanu dubbisi. 

Masfiniifi Tizzitaa 

Masfin kan ijasaa Tizzitaa irra buufatee dur yeroo umuriin ishii waggaa 10 

tureedha. Masfiniifi hiriyootni isaa takka-takka yeroo Tizzitaan bishaan 

waraabuu dhaqxu ishii argu turan. Bareedduudha jedhanii waan 

yaadaniifis yeroo guddattu dubartii barreeddu akka taatu niamanu turan. 

Masfin Naannoo sanaa dukkaanaa (suuqii)fi bakka qonnaa gaarii waan 

qabuuf nama beekamaadha. Kanaafi kan yeroo Masfin akka Tizzitaa itti 

eerumsiisaniif warra ishii gaafatu mamii tokko malee tole jedhaniin. Yeroo 

sana umuriin Tizzitaa waggaa 12 duwwaa yoo ta'ellee warri ishii carraan 

kana caaluu hindhufuuf jechuudhaan gaaffii sana fudhatan. 

Ji'oota yartuu booddee Masfiniifi Tizzitaan walfuudhan. Guyyaa cidha 

isaaniis namoota gurgguddaafi beekamoo baay'eetu argame. Cidhichaafis 

sangoota baay'eetu qalame. Dhugaatiin adda-addaas qopha'ee ture. 

Cidhichis kanaan dura naannoo sanatti qophaa'anii kan beekaman 

cidhoota gurguddaa keessaa isa tokko ture. Masfinis baay'ee guddaa kan 

ta'e sirna cidha kanaatti gamachuu guddaatu itti dhaga'ame. 

Eega walfuudhanii booda mucaa utuu hingodhatin turuu Masfin 

hinbarbaadne ture. Hiriyootni isaa garuu Tizzitaan ammayyuu ijoollee waan 

taateef jarjaranii mucaa akka hingodhanne isa gorsan. Masfin garuu gorsa 

isaanii dhaggeeffachuu hindandeenye. Ijoollummaa Tizzitaa yoo 

hubateyyuu hojjaan ishii dheeraa waan ta'eef mucaa deessee guddisuu 

nidandeessi yaada jedhuun mucaa godhachuudhaaf murteesse. 

Cidhi isaanii darbee ji'oota yartuu keessaatti Tizzitaan ulfoofte. Garaan 

ishiis yeroodhaa gara yerootti guddataa dhufe. Kana kan arge Masfin 

baay'ee gammade. Gorsa hiriyootni isaa duraandursanii gorsanii turan 

sanas hinaaffaadhaa wajjiin walitti qabsiisee yaaduu jalqabe. Akka yaada 

Masfinitti shamarree Tizzitaa ulfeessuu danda'uun waan baay'ee isa 

boonsuu ture. 

Tizzitaan mucummaa ishii kanatti haalli ulfa ishii nagaadhaan itti fufuun 

isaa nama baay'ee ajaa'ibsiisee ture. Yeroon ishiin itti deessu ga'ee 

ciniinsuun gaafa qabu garuu guyyaa sadi'iif waraansaafi dhiphina guddaa 

keessa turtee gara mana wal'aansaatti geessan. Akka ishiin achi geesseen 

doktooronni haala ishii qoratanii eega mari'atanii booda baqaqsanii 

deessisan. Haata'uyyuu malee mucaan dhalate du'aa ture. Masfinis warri 

manaa isaa Tizzitaan mucaa du'aa da'uu ishii tokkichumaan dhaga'e. 

63

Sadarkaa 8 

Sadarkaa 9 

Sadarkaa 10 

64 

Tapha - Masfiniifi Tizzitaa 

Barattotni taphattoota oduu duraa keessa jiran gabatee gurraacha irratti 

haabarreessan. Garee lama qopheessiitii qooda taphattoota sanaa akka 

taphatan godhi. (Waan taphattootni sun godhan haagodhan/ haajedhan.) 

Gareewwan sanatti utuu barattootni biroon hindhaga'in oduu sana 

xumuruuf fiannoo kanatti aanan itti himi. 

Akkaataa Xumura Odichaa - Filannoo Tokkoffaa 

Masfin Tizzitaa hiikee dubartii biroo naqata. (Gareen sun jireenyi Tizzitaa 

isa booda akkam ta'uu akka danda'e akka taphaatti haadhiyeessu.) 

Akkaataa Xumura Odichaa - Filannoo Lammaffaa 

Masfin gorsa hiriyoota isaa dhaga'uudhaan barumsa irraa argatee 

Tizzitaan akka turtee deessuuf godhe. 

Gareen lamaan daree ala ba'uudhaan daqiiqaa shan keessatti hojii tapha 

isaaniif kenname hojjetanii akka dhufan itti himi. Hamma gareen lamaan 

shaakalanitti gaaffilee armaan gadii barattoota warra daree keessa jiran 

gaafadhu. 

1. Masfin intala dargaggeettii akkasii fuudhuu kan barbaade maaliifi? 

2. Tizzitaan waan Masfinitti eerumuu barbaadde isinitti fakkaataa? 

3. Warri Tizzitaa mucaa isaanii Masfinitti eerumsiisuuf kan akkana 

gamaddan maaliif ture? 

Gareen lamaan daree ala ba'anii shaakalaa turan gara dareetti deebi'anii 

tapha isaanii akka agarsiisan godhi. Tapha isaanii sadarkaa 8 jalatti kan 

kenname "akkaataa xumura odichaa - filannoo tokoffaa"tti gargaaramanii 

akka dhiyeessan ibsiif.

Sadarkaa 11 

Sadarkaa 12 


1. Akka akkaataa xumura odichaa filannoo tokoffaatti Tizzitaan 

eega mucaa du'aa deessee booda Masfin haadha manaa 

biroo fuudhuun isaa sirrii ture jettanii yaadduu? Deebiin 

keessan "Eeyyee" yoo ta'e maaliif? Deebiin keessan 

"Hi'iyyoo" yoo ta'emmoo maaliif sirrii hinturre? 

2. Dubartiin beektan biroon kan akka carraan Tizzitaa ishii 

quunname jirtii? Deebiin keessan "Eeyyee" yoo ta'e jireenyi 

ishii inni dhumaa maal ta'e? Maqaa ishii himuu 

hinbarbaachisu. 

Hamma ammaatti kan irratti dudubbatne waa'ee gochaalee barsiifataa 

miidhaa fidaniiti. Kannatti aanseemmoo waa'ee hojii hirmaachuu 

korniyaa irratti duddubbatna. 

Akka Barsiifataatti Hojilee Manaa Alatti Dhiraan Hojjeetaman 

Keessaa Tokko-tokko 

Akka Barsiifataatti Hojilee Dubartootaan Hojjeetaman 

Keessaa Tokko-tokko 

65

Sadarkaa 13 

66 

Gosa hojii dhirriifi dhalaan hojjetan ibsuuf akka dandeessuf gabatee 

armaan gadii gabatee gurraacha irratti hojjedhu. 

Saala Gosa Hojii Isaan Hojjetanii 

Dhiira Qonnaa qotuu, murtee kennuu, qabeenyaa to'achuu, mana ijaaruufi 

kan kana fakkaatan 

Dhalaa Bishaan waraabuu, nyaata qopheessuu, midhaan daaksisuu yookiis 

daakuu, mana qulqulleessuu, mucaa guddisuu, meeshalee manaa 

miicuu, wayyaa miicuu, gabaa dhaquufi kan kana fakkaatan 

Gaaffilee kanatti aanan gaafadhu. 

1. Hojjaaleen tarreeffaman kun miseensota saala tokkoo 

duwwaadhaan hojjetamu qabu jettee amantaa? Dhiiraafi dhalaa 

irra hojii ulfinaan walgitutu jiraa? Deebiin isaa "Hi'iyyoo" yoo ta'e 

haallichi dubartoota kan inni miidhuu danda'u akkamitti? 

2. Gosa hojilee dhalaa warra gabatee armaan olii irratti 

agarsiifaman keessaa dhiirri kan hojjechuu danda'u jiraa? Kan 

warra dhiraa keessaas warri dhalaa kan hojjechuu danda'an 

jiraa? Deebiin isaa "Hinjiran" yoo ta'e maaliifi? 

3. Warri Tizzitaa mucaa isaanii Masfinitti eerumsiisuuf kan 

akkana gamaddan maaliif ture? 

Dubartoonni hojii kamiyyuurratti hirmaachuudhaaf 

ga’umsa qaba



✦ Gochaaleen barsiifataa miidhaa fidanii dhalootaa gara 

dhalootaatti daddarbaa waan turaniidha. 

✦ Gochaaleen barsiifataa miidhaa fidanii haala fayyaafi jireenya 

gamtaa irratti dhiibbaa hamaa qabu. 

✦ Harka caalu gochaalee barsiifataa miidhaa fidaniin kan 

hubaman dubartoota. 

✦ Dhiiraafi dhalaa gidduu kan jiru hirmaannaan hojii waan 

namni uume malee kan uumamaa miti. 

✦ Barattootni naannoo isaaniitti kan argaman gosaafi baay'ina 

gochaalee barsiifataa miidhaa fidanii irratti hiriyootaafi maatii isaanii 

wajjin akka dudubbatan godhi. 

67

8 

Barsiifata Hamaa Irraa 

Of Dhorkuu 

✦ Barattootni barsiifata hamaa irraa of dhorkuun faayidaa 

qabaachuu isaa beekanii irraa of eeguu akka danda'an 

gargaaruu 

✦ Of dhorkuu jechuun waan tokko gochuu irraa fedha 

keenyaan of eeguu jechuudha. 

✦ Barsiifata hamaa baay'ee gochuu irraa of dhorkuun 

nidanda'ama. Fakkeenyaaf tamboo xuuxuu, caatii 

qama'uu, dhugaatii dhuguu, soba dubbachuu, waan 

ormaa hatuufi kan kana fakkaatan irraa of dhorkuun 

nidanda'ama. 

✦ Barsiifata hamaa irraa of dhorkuun jireenya gaarii akka 

jiraannu nugargaara. 

✦ Duraandursanii barattootni yaada "Hi'iyyoo" jedhu afaan 

kamiin 

(Afaan Inglizii, Afaan Amaaraa, Afaan Oromoofi kan kana 

fakkaatan) akka ibsuu danda'an dubbatu. Isa booda 

barsiistichi jecha "of dhorkuu" jedhu haala bal'aadhaan 

barattootaaf ibsa. Kannatti aane barsiifata hamaa isa kam 

irraa of dhorkuu akka qaban barattootni akka himan isaan 

gaafata. Akka taphaatti akka isaan dhiyessanis isaaniif 

ibsa. Dhuma irrattis oduu gabaabaa waa'ee barataa 

hiriyootnisaa akka inni tamboo xuuxuufi caatii qama'u 

gaafannaan didde tokkoo barsiistichi barattootaaf dubbisa. 

Barattootni oduu dhaga'an kanaaf yaada xumuraa biroo 

akka filannootti akka dhiyeessan godha. 

H 

o 

j 

j 

a 

a


✦ Kophéé 

✦ Waraqaa yaadannoo itti qabatan 

✦ Boronqii 


✦ Kaayyoo hojjichaafi ijoo ergichaa sirriitti hubadhu. 

✦ Tartiiba akkaataa barumsichi itti dhiyaatuu hubadhuutiii 

haala ibsameen sochii gochuuf qophaa'i. 

✦ Meeshaalee barsiisaaf sibarbaachisan qhopheeffadhu. 

✦ Barattootni afaan/qooqa isaan ittiin "hi'iyyoo" jechuu 

danda'aniifi beekan gabatee gurraacha irratti barreessi. 

✦ Gaaffilee kanatti aanan gabatee gurraacha irratti barreessi. 

1. Nama tamboo xuuxu yoo taate maal taata yookiis 

maal sigodha? 

2. Nama dhugaatii dhugdu yoo taate maal taata yookiis 

maal sigodha? 

3. Nama caatii qama'u yoo taate maal taata/maal 

sigodha? 

4. Sobduu yoo taate maal taata yookiis maal sigodha? 

69


Sadarkaa 1 "Hi'iyyoo" jechuu afaan adda-addaatiin ibsuu 

70 

"Hi'iyyoo" ibsuuf jechoota afaan adda-addaatiin gabatee gurraacha irratti 

barreeffaman barattootni akka shaakalan gaafadhu. Dubbisuu isaa eega 

shaakalanii booda bakka duwwaa armaan gadii keessatti jecha "hi'iyyoo" 

isa sirri haabarreessan. 

"Hi'iyyoo" ibsuuf: 

1. Afaan Ingliziitiin ___________________________ jedhama. 

2. Afaan Amaaraatiin _________________________ jedhama. 

3. Afaan Oromootiin __________________________ jedhama. 

4. Afaan ___________________________________ jedhama. 

5. Afaan ___________________________________ jedhama. 

6. Afaan ___________________________________ jedhama. 

7. Afaan ___________________________________ jedhama. 

8. Afaan ___________________________________ jedhama. 

"Hi'iyyoo" jechuu afaan adda-addaatiin ibsuu 

Lakk. Afaan 

Biyya Afaanichi 

Itti Dubbatamu 

"Hi'iyyoo" jechuuf 

jecha Itti 

Gargaaraman 

1 Afaan Arabaa Baha Gidugaleessaa Leey 

2 Afaan Ashaantii Kaabaa Gaanaa Daabii 

3 Afaan Inglizii Inglizii/ Amarikaa Noo 

4 Afaan Jarmanii Jarmaniyi Naayin 

5 Afaan Girikii Girikii Ooch 

6 Afaan Jaapaanii Jaapaan Laay 

7 Afaan Maandariinii Chaayinaa Bu shii zihee yaang 

8 Afaan Maasaayii Keeniyaa Micaa 

9 Afaan Ruusiyaa Ruusiyaa Niyeet 

10 Afaan Wooloofii Senegaal Dedet

Sadarkaa 2 

Marii barsiistichaan geggeeffamu 

Barumsa har'aa keessatti barattootni waa'ee of dhorkuu akka 

baratan itti himi. Faayidaaleen of dhorkuu maal akka ta'an akka 

ibsan gaafadhu. Yeroo isaan yaada isaanii kennanii raawwatan: 

Dhaloota Haaraa Barsiifata Miidhaa 

Fidan Irraa Qulqullaa'e 

Sadarkaa 3 

✦ Of dhorkuu jechuun barsiifama hamma ta'e tokko gochuu irraa 

fedha keenyaan of eeguu jechuudha. 

✦ Of dhorkuu jechuun akka namootni baay'een yaadan 

walquunnamtii saalaa irraa of dhorkuu duwwaa utuu hinta'in 

barsiifama hamma kan akka dhugaatii, tamboo (sijaaraa)fi caatii 

irraa ofqusachuu ta'uu isaa ibsi. 

✦ Barattootni gosaalee barsiifama hamaa itti dabalanii akka himan 

gaafadhu. 

Dargaggoota Barsiifata Miidhaa 

Fidaniin Hidhaman 

Gosaalee of dhorkuu barattootni himan gabatee gurraacha irratti barreessi. 

Kana booda barattoota akka walfakkina saalaatiin garee shan yookiis 

ja'atti qoodi. Itti aansiitii gareewwan sun tapha of dhorkuu barsiisuu danda'u 

akka hojjetan itti himi. Taphicha keesssatti namnii yaada isaa/ishii "hi'iyyoo" 

jechuudhaan ibsu akka jiraatu godhi. Tapha qopheessan sana 

garee-gareedhaan ta'anii daqiiqaa kudhaniif haashaakalan. 

71

Sadarkaa 4 

Sadarkaa 5 

Sadarkaa 6 

72 

Gareewwan sun taphoota isaanii akka dhiyeessan godhi. 

Kanatti aansee waa'ee barataa barsiifata hamaa akka godhuuf dhiibbaan 

itti baay'ate tokkoo barreeffama gabaabaa "Saaliimiifi kara-deemsa isaa" 

jedhu akka dubbiftuuf barattootatti himi. Oduu sana eega dubbiftee booda 

barattootni karaa adda-addaatiin xumurasaa akka taphaatti akka 

dhiyeessan itti himi. 

Amma mata-duree "Saaliimiifi kara-deemsa isaa" jedhuun kan barreefame 

oduu gabaabaa barattootaaf dubbisi. 

Saaliimiifi Kara-deemsa Isaa 

Saaliim amala gaarii kan qabu barataa kutaa shaniiti. Haata'uyyuu malee rakkinni waa 

iraanfachuu xiqqoo irraa mul'ata. Hojii manaa barsiisaan isaa kenneef yeroon inni itti 

irranfatullee nijira. Takka-takkammoo qubeessituusaas nigata. Saaliim waan kana 

wayyeessuudhaaf yaalii gochuu garuu hindhiifne. Karaa biroommoo Saaliim maatii isaa 

biratti baay'ee jal'atamaadha. 

Guyyaa tokko Saaliim kitaabolee isaa irraanfatee mana barumsaa deemee waan tureef 

gara manaatti deebi'uutu irra ture. Deebi'ee deemuun baay'eeyyuu itti hinulfaatne ture. 

Garu mana barumsaa sadarkaa lammaffaa karaa bira jiru sana bira darbuu yeroo 

dheeraadhaaf nijibba ture. Sababiin isaa ijoollotni gurguddoon mana barumsaa sanaa 

baratan yeroonni achiin darbu irraa deddeebi'anii waan sossodaachisaniifiidha. 

Saaliim garuu gaafa sana ijoollonni sun gara mana isaanii niadeemu jedhee waan amaneef 

baay'ee utuu hindhiphatin adeemsa isaa itti fufe. Akka kanatti Saaliim gaafa mana 

barumsichaa xiqqoo darbu gammachuun itti dhaga'ame. Garuu baay'ee utuu hinturin 

sagalee tokko dhaga'e. Sagalichis "Dhaga'i gurbayyo! As kottu!" kan jedhu ture. 

Saaliim sagalee dhaga'e sana baay'ee sodaate. Maal gochuun akka isa irra jirus dalga itti 

gale. Yeroo kana hiriyootni isaa utuu isa bira jiraatanii gaarii akka tureefi akka isaa 

gargaaruu danda'anis yaade. Saaliim gara sagalee dhaga'e sanaattis deeme. Gaafa achi 

ga'us ijoollonni dargaggoo dhiiraa sadi'iifi shamarran sadii qonnaa caabbii keessa taa'anii 

haala ho'aadhaan yeroo dudubbatan arge.

Akka achi ga'eenis fooliin tamboo (sijaaraa) baay'ee ciinca'u itti dhaga'ame. Akka 

dhukkubuus ta'e. Barattootni sunis caatii qonnaa qotee-bultoota naannoo sanaa irraa 

cabsanii fidan utuu isaan taa'anii qama'aniifi tamboo xuuxanii ilaale. Saaliim kana yeroo 

argu caalaatti dukkubniifi naasuun itti dhaga'ame. 

"Nu fakkaadhukaa obboo!" jedhe dargaggoota sana keessaa inni tokko Saaliimiin. 

Shamarran keessaa tokkos "As siqiitii nu wajjin qama'i!" jette Saaliimiin. "Waan nama 

miidhu miti. Gaafa afaaniin tuqxu nijaala'ata!" jettee shamarree biroon Saaliimin 

hawachuuf. 

Saaliim gidduutti rakkate. Kanaan dura warri isaa caatii qama'uufi tamboo xuuxuu akka 

hinqabne itti himanii turan. Barsiisaan saayinsii tamboo xuuxuun fayyaa irratti balaa 

hammamii akka inni fidu kanaan dura kan inni itti hime yaadate. Saaliim kanaan dura 

barataa ta'ees gaafa nama guddaa ta'u caatii akka hinqamaaneefi tamboo akka hinxuuxne 

murteessee jira. Haata'u malee naannoo isaatii akka inni caatii qama'uufi tamboo xuuxu 

kan isa hawwatan dargaggoo baay'eetu jira. Saaliim garuu barataa murtee isaatti cimeefi 

barsiifata hamaa irraa of dhorkuuf kutateedha. 

Sadarkaa 7 

Tapha 

Barattootni taphattoota oduu "Saaliimiifi Kara-deemsa Isaa" jedhu keessati 

caqasaman akka dubbatan gaafadhuutii deebii isaanii gabatee gurraacha 

irratti barreessi. Fedha kan qaban gareewwan lama taphattoota bakka 

bu'uudhaan tapha akka dhiyeessan godhi. Isaanis filannoo armaan gadiitti 

gargaaramanii akka dhiyeessan itti himi. Garee inni duraa filannoo isa 

jalqabaa garee inni lammaffaammoo filannoo isa lammataatti akka 

gargaaraman itti himi. 

Filannoo Tokkoffaa: 

Saaliim gaaffii dargaggoota sanaa fudhatee isaanitti makama. 

Tamboos nixuuxa. (Saaliim yeroo mana ga'u maaltu isatti akka 

dhaga'amu gareen tapha dhiyeessu sun akka agarsiisu itti himi. 

Filannoo Lammaffaa: 

Saaliim ofitti amanee dhiibbaa dargaggoota sanaa danda'uudhaan 

gaaffii isaaf dhiyaate hinfudhadhu jedhee isaan gatee deema. Mana 

yeroo ga'us waan godhetti gammada. 

73

Sadarkaa 8 

Sadarkaa 9 

74 

Taphicha gareen dhiyeessan lamaan ala ba'anii daqiiqaa shaniif akka 

shaakalan itti himi. Barattoota warra daree keessatti hafanimmoo gaaffii 

kanatti aanan gaafadhu. 

1. Saaliim yeroo barattootni sadarkaa lammaffaa sun akka inni gara 

isaanii dhaquuf waaman maaltu isatti dhaga'ame jettanii yaaddu? 

2. Isin utuu Saaliim taatanii nisodaattu turtanii? 

3. Dargaggootni sun Saaliim waan isaan godhan akka inni godhu kan 

barbaadan maaliifi? 

4. Saaliim gaaffii dargaggoota sanaa fudhatee waan isaan godhan 

utuu godhee jira ta'ee jireenya akkamii qabaata ture? Dhiibbaa 

isaanii danda'uu isaatiif Saaliim fuulduratti jireenyi inni jiraatu kan 

akkamii ta'a? 

Daqiiqaa shan booda gareewwan sun tapha isaanii akka dhiyeessan godhi. 


Barattoonni gareedhaan qodamanii gaafii 

kennameef irratti yoo mari’atan 

1. Sadarkaa 8 jalatti filannoo dhiyaatan keessaa isa kamiin caalaatti 

jaal'attan? Maaliif? 

2. Akka filannoo tokkoffaatti Saaliim gaaffii dargaggoota sanaa fudhatee 

tamboo xuuxee manatti galee jira utuu ta'ee yeroo maatiin isaa 

galgala galanii isa argan maaltu itti dhaga'ama ture? Filannoo 

lammaffaa irratti kan kaa'ame tarkaanfii murtee utuu fudhatee jira 

ta'eehoo? 

3. Sagniin dhiibbaa Saaliimiin quunnamee siquunnamee beekaa? Yoo 

siquunnamee beeka ta'e akkamittiin dhiibbaa sana mo'atte?



✦ Of dhorkuu jechuun waan tokko fedha ofiiin dhiisuu 

jechuudha. 

✦ Gochaalee barsiifata hamaa adda-addaa irraa of dhorkuu 

nidandeenya. 

✦ Barsiifata hamaa irraa of dhorkuun jireenya nagaa akka 

jiraannuf nugargaara. 

✦ Barattootni gochaalee barsiifata hamaa adda-addaa irraa 

of dhorkuun faayidaa inni qabu bal'inaan akka irratti 

dudubbatan itti himi. 

✦ Barattootni gosa gochaalee barsiifata hamaa adda-addaa 

naannoo isaanitti argamaniifi miidhaa isaan fidan kaasanii 

walii wajjin akka irratti mari'atan itti himi. 

75

Ech Ayi Vii Eedsii 

(HIV/AIDS) 

9 

✦ Barattootni waa'ee Ech Ayi Vii Eedsii (HIV/AIDS) 

beekumsa bu'uraa akka argatan gochuu. 

✦ Barattootni karaa Ech Ayi Vii Eedsiin (HIV/AIDS) ittiin 

daddarbuu akka hubatan gochuu. 

✦ Ech Ayi Viin (HIV) vaayirasii (virus) dhukkuba Eedsii 

(AIDS) fiduudha. Qaamni keenya dhukkuba adda-addaa 

of irraa dhorkuu akka danda'uuf sirna (system) mataa 

isaa qaba. Ech Ayi Viin (HIV) sirna ittiin dhukkuba of 

irraa dhorkinu kana dadhabsiisuudhaan dhukkuba 

adda-addaatti akka saaxilamnu nugodha. 

✦ Waa'ee karaa Ech Ayi Viin (HIV) ittiin daddarbuufi 

waa'ee dhkkubichaa yaada/ilaalcha dogongoran 

baay'eetu jiran. 

✦ Barsiistichi waa'ee Ech Ayi Vii Eedsii (HIV/AIDS) 

gabaabaatti ibsa. Kana booda barattootni tapha haala 

sochi qaamaa Ech Ayi Vii (HIV) akka fakeenyaatti 

agarsiisu taphatu. Itti aanee beekumsa barattootni 

waa'ee daddarba Ech Ayi Vii (HIV) qaban hubachuu 

kan dandeessisu tapha biroo taphatu. 


H 

o 

j 

j 

a 

a

✦ Waraqaa babal'aa lama 

✦ Maarkarii (marker) ittiin barreesan yookiis kophéé 

✦ Boronqii 


✦ Waraqaa babal'aa lama qopheessi. Isa tokko irratti 

guddisiitii jecha "Dhugaa" jedhu barreessi. Isa biroo 

irrattimmoo guddisiitii jecha "Soba" jedhu barreessi Isa 

booda isa tokko keenyan gara mirgaakeetti argamu irratti 

isa biroommoo keenyan gara bitaakeetti argamu irratti 

maxxansi. 

✦ Kaayyoofi ijoo ergaa hojjichaa sirriitti hubadhu. 



Sadarkaa 1 

Barattootni waa'ee Ech Ayi Vii Eedsii (HIV/AIDS) waan beekan akka 

dubbatan godhi. Kana booda yaada armaan gadii barattootaaf sirriitti ibsi. 

✦ Ech Ayi Viin (HIV) vaayirasii (virus) dhukkuba Eedsii (AIDS) fiduudha. 

✦ Ech Ayi Viin karaa gurguddaa kanatti aananiin daddarba. 

1. Karaa of eegganaa hinqabneen nama Ech Ayi Viin dhiiga isaa keessa 

jiruu wajjin walquunnamtii saalaa gochuudhaan 

2. Lilmoo, haadduu (blade) yookiis meeshaalee qara qaban biroo nama 

Ech Ayi Viin dhiiga isaa keessa jiruu wajjin itti grgaaramuu 

3. Yeroo dhiiga nubarbaachisee fudhannu dhiigichi kan hinqoratamneefi 

Ech Ayi Viin kan keessa jiru yoo ta'e 

4. Ech Ayi Viin dhiiga ishii keessa kan jiru dubartii ulfi yeroo ulfaa, 

da'umsaafi da'umsa booddee wal'aansa ga'aafi of eeggannoo 

hingodhanne yoo taate 

77

Sadarkaa 2 

78 

✦ Itoophiyaa keessatti daddarbuu Ech Ayi Viitiif sababii inni guddaan 

nama dhiiga isaa keessaa vaayirasicha qabuu wajjin walquunnamtii 

saalaa gochuudha. 

✦ Ech Ayi Vii Eedsiidhaaf qorichi umurii dheeressu kan argame yoo 

ta'ellee kan fayyisu garuu hamma ammaatti hinargamne. 

Barattota fedha qaban ja'a filii kaasiitii fuuldura dhufanii geengoo tokko 

akka hojjetan godhi. Geengoo isaan hojjetan sana walakkaa isaa 

dhaabadhu. Barattootni hafanimmoo ka'anii fuula isaanii gara keessanitti 

galagalchuudhaan keenyan bira tarreedhaan akka hiriiran godhi. Eega 

isaan akkasitti dhaabatanii booda yaada kanatti aanan haala gaariidhaan 

ibsiif. 

Tapha Dhukkuba Adda-Addaa Irraa Akka Of Eegnu Agarsiisu 

✦ Namni hundinuu kan ittiin ofiisaa dhukkuba irraa eeggatu mala yookiis 

sirna uumamaa qaba. Ech Ayi Vii Eedsiin sirna uumamaa kan ta'e kana 

kan namootni ittiin dhukkuba irraa of eegan miidhuudhaan akka inni 

dadhabu godha. 

✦ Namni tokko dhiiga isaa keessa Ech Ayi Viin nijira yoo ta'e, vaayirasichii 

sirna uumamaa namtichi ittiin dhukkuba of irraa dhorku dadhabsiisuudhaan 

dhukkuba biroo akka inni of irraa hindhorkineef dandeettii isaa 

dhabsisiisa.

Sadarkaa 3 

Sadarkaa 4 

Sadarkaa 5 

Sochii barnootaa kanatti fufee dhiyaate barattootni sirriitti hojjechuu akka 

danda'aniif qajeelfamaafi ibsa kanatti aanee jiru haala isaanii galuun ibsiif. 

✦ Barattootni nama fayya-qabeessa godhanii akka isaan siyaadan itti 

himi. 

✦ Barattoota simarsanii jiran ja'animmoo akka sirna uumamaa dhukkuba 

sirraa dhorkaniitti akka yaadan itti himi. 

✦ Warra keenyan bira tarreedhaan hiriiranii jiraniinimmoo akka Ech Ayi 

Viitti (vaayirasii Eedsii fidaniitti) akka yaadan itti himi. 

✦ Ajaja "jalqabaa!" jedhu akka ati kenniteen barattootni warri hiriira 

keessaa sun warra ja'aa sanaan dorgomanii utuu qammi isaanii 

hintuqamin akka situquu qaban itti himi. 

✦ Simarsanii geengoo kan hojjetan barattootni ja'an sunimmoo warri 

hiriira keessaa akka sintuqneef karaa cufuudhaan jabaatanii bakkeetti 

akka dhorkan itti himi. 

✦ Barattootni warri situquudhaaf dorgoman sun barattoota warra 

dhorkaniin yoo qaamni isaanii tuqame garuu tapha keessa ala ta'anii 

hamma taphichi dhumutti bakkee akka dhaabatan itti himi. 

Armaan ol sadarkaa 2 jalatti tapha ibsame barattootni haala ibsame 

sanaan akka taphataniif jalqabsiisi. Marsaa tokko eega taphatanii booda 

barattootni warri Ech Ayi Vii (vaayirasii Eedsii fidan) ta'anii taphatan gara 

keetti dhufanii situquudhaaaf sochii isaan godhan hammam akka rakkisaa 

ture gaafadhu. Barattootni warri ja'aa sunis hojii ittisaa cimaa akka hojjetan 

ibsi. Sababii kanaafis barataan tokkollee gara keetii darbee dhufuu akka 

hindanda'iniifi vaayirasii dhukkuba fidan sana irraa akka eegamte 

barattootaaf haala galuun ibsi. 

Amma barattotni marsaa lammaffaa taphachuudhaaf haajalqaban. Si'a 

kana barattota warra ja'an ittisaa turan keessaa sadii irraa kaasi. Isa booda 

taphicha jalqabsiisi. Taphicha booda marsaa kana hojiin warra 

situquudhaaf yaalii godhan sanaa salphaa ta'uuf dhiisuu isaa gaafadhu. 

Ammammoo yeroo dhumaatiif barattotni taphicha haajalqabani. Si'a kana 

warri ittisaa turan hunduu hojii ittisuu dhiisanii callisanii akka ilaalan godhi. 

Yeroo taphichi dhumus barattoota warra akka vaayirasiitti hojjetan sana 

geengicha darbanii akka isaan sihintuqneef humni isaan dhorku akka 

hinturin haala gaariitti ibsi. 

79

Sadarkaa 6 

Sadarkaa 7 

Sadarkaa 8 

80 

Tapha barumsa kennu armaan olii keessatti akka arginetti namni dhiiga 

isaa keessaa Ech Ayi Vii (vaayirasii Eedsii fidan) qabu humni dhukkuba of 

irraa ittisuu isaa waan dadhabuuf dhukkubni ada-addaa salphaatti akka 

gara qaama isaatti galan ibsi. 


1. Ech Ayi Viin (HIV) akkamitti qaama keenya miidha? 

2. Garaagarummaan Ech Ayi Viifi (HIV) Eedsii (AIDS) gidduu maali? 

Dhugaadhamoo soba? 

Hawwaasni karaa Ech Ayi Viin (HIV) ittiin daddarbuudha kan inni jedhu 

akka himan barattoota gaafadhu. Barattootni deebii kennan waraqaa 

irratti akka barreessan itti himi. Hamma deebii kudhan kennanitti deebii 

isaanii fuudhi. 

Watdorgommii gaafii fi deebii 

Kanatti aansanii tapha karaa Ech Ayi Viin (HIV) ittiin daddarbu agarsiisu 

akka taphatan itti himi. Waraqaa irratti barreessiitii Keenyan gama tokkoo 

irratti jecha "Dhugaa" jedhu keenyan gama kaanii irrattimmoo jecha "Soba" 

jedhu maxxansi. Kana booda yaada adda-addaa yeroo ati dubbiftu warri 

deebiin isaa dhugaadha jedhanii yaadan gara keenyan jechi "Dhugaa" 

jedhu maxxanfame dura warri deebiin isaa soba jedhanii yaadanimmoo 

gara keenyan jechi "Soba" jedhu maxxanfame dura akka hiriiran itti himi. 

Tapha kana keessa filannoon "Hinmurteeffanne" jedhu akka hinjirre ibsi. 

Kana dura waa'ee karaa Ech Ayi Viin (HIV) ittiin daddarbu deebii isaan 

barreessanii turanii wajjin kan walfaallessu yoo dhaga'ani deebii sana akka 

sirreessuu qaban itti himi. Deebii gaaffilee sana booda ibsa dhiyaatan 

barattootaaf ibsi.

Sadarkaa 9 Amma sagaleekee ol kaasii hima kennaman barattootaaf dubbisi. 

Dhugaadhamoo soba? 

1. Bookeen busaa Ech Ayi Vii (HIV) nidabarsiti. 

Soba 

Bookeen busaa Ech Ayi Vii (HIV) hindabarsitu. Bookeen busaa dhiiga 

nama Ech Ayi Vii (HIV) qabuu yeroo xuuxxu vaayirasichi gara qaama 

bookettiitti galuu nidanda'a. Haata'uyyuu malee vaayirasichi bookee 

busaa keessa yeroo dheeraadhaaf turuu hindanda'u. 

2. Ech Ayi Viin (HIV) wal dhungachuudhaan darbuu nidanda'a. 

Dhugaa 

Nama Ech Ayi Vii (HIV) dhiiga keessa qabaatee afaan irraa madaa 

qabu dhungachuun dhukkubicha waan dabarsuu danda'uuf of 

eegachuun nibarbaachisa. 

3. Nama dhiiga isaa keessa Ech Ayi Vii (HIV) qabuu wajjin nyaachuun 

Ech Ayi Vii nama qabsiisa. 

Soba 

Nama dhiiga isaa keessa Ech Ayi Vii (HIV) qabuu wajjin nyaachuu 

duwwaadhaan namni Ech Ayi Viidhaan qabame hinjiru. Maaliif? 

Sababiinsaas Ech Ayi Vii Eedsiin (HIV/AIDS) kan daddarbu karaa 

gurguddaa kanatti aananii kennamaniidhaan. 

1. Walquunnamtii saalaa of eeggannaa hinqabneen 

2. Meeshaalee qara qaban nama Ech Ayi Vii dhiiga keessaa qabuu 

wajjin itti gargaaramuu 

3. Yeroo dhiiga nubarbaachisee fudhannu dhiigichi kan 

hinqoratamneefi Ech Ayi Viin kan keessa jiru yoo ta'e 

4. Haati Ech Ayi Vii dhiiga ishii keessaa qabdu yeroo ulfaa, 

da'umsaafi da'umsa booddee wal'aansa ga'aafi of eeggannoo 

hingodhatne yoo taate 

81

82 

4. Mixmixa nyaachuun Ech Ayi Viidhaan (HIV) qabamuu irraa nama 

oolcha. 

Soba 

Mixmixa nyaachuun Ech Ayi Viidhaan (HIV) qabamuu irraa nama 

oolchuusaatiif ragaan argame hinjiru. 

5. Ech Ayi Viin (HIV) dhiiga, dhangala'aa qaama hormaata dhiiraafi 

dhalaa akkasumas aannan harmaa keessatti argamuu nidanda'a. 

Dhugaa 

Ech Ayi Viin (HIV) dhiiga, dhangala'aa qaama hormaataafi aannan 

harmaa nama vaayirasicha qabuu keessatti argama. 

6. Walquunnamtii saalaa yeroo jalqabaatiif si'a goonu carraan Ech Ayi 

Viidhaan qabamuu nu quunnamuu nidanda'a. 

Dhugaa 

Of eeggannaa ga'aa utuu hingodhin yoomiyyuu yoo walquunnamtii 

saalaa goone carraan Ech Ayi Viidhaan qabamuu nuquunnamuu 

nidanda'a. Sababiinsaas jara lamaan keessaa qaama isa tokkoo 

keessa vaayirasichi yoo jiraate dhiigaafi dhangala'aa qaama 

hormaataa keessaa ba'uun darbuu waan danda'uufiidha. 

7. Ech Ayi Vii Eedsiidhaaf (HIV/AIDS) hamma ammaatti qorichi 

hinargamne. 

Dhugaa 

Ech Ayi Vii Eedsiidhaaf (HIV/AIDS) hamma ammaatti qorichi 

hinargamne. Garuu qorichi umurii dheeressu argameefii jira. Amma 

Itoophiyaa keessatti qorichi umurii dheeressu raabsamu jalqabee jira. 

Haata'uyyuu malee gatiin isaa baay'ee jabaadha (mi'aadha). Buufatni 

fayyaa tookko-tokko qorichicha tola yeroo hiran warri biroonimmoo 

hojii kanaaf deggersa horii godhu. 

8. Walquunnamtii saalaa irra of dhorkuun Ech Ayi Vii of irraa ittisuudhaaf 

mala isa baay'ee filatamuudha. 

Dhugaa 

Of dhorkuun mala cimaa Ech Ayi Vii ittiin of irraa ittisuu dandeessisu 

ta'uun isaa mirkaneeffamee jira.

9. Ech Ayi Viin haadha irraa gara mucaatti akka hindarbine gochuun 

hindanda'amu. 

Soba 

Dubartiin Ech Ayi Viin dhiiga ishii keessa jiru utuu hinda'in, yeroo 

da'umsaafi da'umsa booda wal'aansaafi eeggannoo barbaachisaa 

yoo fudhatte dhukkubichi gara mucaatti akka hindarbine gochuun 

nidanda'ama. 

10. Dandeettii Ech Ayi Viin qaama namaa ala ta'ee jiraachuudhaaf qabu 

dadhabaadha. 

Dhugaa 

Ech Ayi Viin dhukkuba namaa duwwaa waan ta'eef qaama namaa ala 

ta'ee yeroo dheeraadhaaf jiraachuu hindanda'u. 

11. Nama Ech Ayi Viin qabee wajjin akka obboleessaatti yookiis akka 

obboleettiitti michuu (hiriyaa) ta'uun yoomiyyuu taanaan bala'amaadha 

(sodaachisaadha). 

Soba 

Nama vaayirasichaa wajjin jiraatuu wajjin tuttuqa vaayirasicha 

dabarsuu danda'uu hamma hingodhinitti michummaan 

(hiriyummaan) bala'amaa ta'uu hindanda'u. 

Sadarkaa 10 Yeroo darbee barattootni deebii isaan waa'ee karaalee Ech Ayi Viin ittiin 

daddarbuu irratti kennan walitti qabiitii barumsa isa dhufu dura ogeessa 

dhimmichi ilaaluun ibsi akka kennamu godhi. 

Barsiisaan barattootaaf ibsa yoo godhan 

83

Sadarkaa 11 

84 


1. Taphicha dura karalee Ech Ayi Viin ittiin daddarbuu ilaalchisee yaadnii 

dogongoraa jira turee? Yaadichis maal kan jedhu ture? Isaanis 

dogongora ta'uu kan danda'an maalifi? 

2. Hawaasni naannookee waa'ee karalee Ech Ayi Viin ittiin daddarbuu 

yaadni isaan kennan kan dogongoreedha? 

3. Yaada dogongoraa kana sirreessuuf kan ati gochuu dandeessu maali? 



✦ Ech Ayi Viin (HIV) vaayirasii (virus) dhukkuba Eedsii (AIDS) 

fiduudha. 

✦ Ech Ayi Viin (HIV) sirna uumamaa (natural system) ittiin 

dhukkuba of irraa dhorkinu dadhabsiisuudhaan dhukkuba 

adda-addaatti akka saaxilamnu nugodha. 

✦ Waa'ee karaa Ech Ayi Viin (HIV) ittiin daddarbuu ilaalchisee 

amantii dogongoran baay'eetu hawaasa keessa jira. 

Sababiinsaas: 

✦ barumsa ga'aa dhabuu irraa kan ka'e amantii 

dogongoraan jiraachuu isaatiif 

✦ loogiif qoqqobbin uumamuu isaatiif 

✦ sodaan jiraachuu isaatiif 

✦ sababii dhiibbaa aadaatiif ijoolleen yaada isaanii 

warraaf ibsuu waan hindandeenyeefi kan kana 

fakkaatan 

✦ Baattootni naannoo isaaniitti kan himamaniifi dongongora 

kan ta'an karaa Ech Ayi Viin (HIV) ittiin daddarbuu warra 

isaanii gafatanii akka dhufan godhi. 

✦ Karaa isa sirrii kan ittiin Ech Ayi Viin (HIV) daddarbuu warra 

isaaniifi hawaasa naannootii akka ibsan itti himi.

Loogiifi Qoqqobbii 

10 

✦ Barattootni loogiifi qoqqobbiin maal akka ta'e akka beekan 

gargaaruu. 

✦ Barattootni loogiifi qoqqobbiin namoota Ech Ayi Vii 

Eedsii (HIV/AIDS) wajjin jiraatan irratti yaada hamaa inni 

uumu akka beekan gochuu. 

✦ To help team members understand about puberty and the new 

changes on their body. 

✦ PWaa'ee namoota Ech Ayi Vii (HIV) wajjin jiraatanii yaada 

dogongoraa baay'eetu jira. 

✦ Yeroo tokko-tokko namootni warra Ech Ayi Viidhaan qabaman 

utuu irraa baqatanii mul'atu. Gochaan akkasii kun loogiifi 

qoqqobii jedhama. 

✦ Eenyuuniyyuu looguufi qoqqobuun waan sirri hintaneedha. 

✦ Barattootni tapha gabaabaa qoqqobbii agarsiisu taphatu. 

Isa booda fakkii namoota Ech Ayi Vii wajjin jiraataniifi 

qoqqobaman agarsiisu ilaalanii irratti dudubbatu. Dhuma 

irrattis barsiistichi oduu gabaabdu waa'ee mucayyoo 

qoqqobamte tokkoo barreeffame barattootaaf dubbisa. 

Barattootnis oduu sanaaf xumura adda-addaa 

kennuudhaan tapha qopheessu. 


H 

o 

j 

j 

a 

a

✦ Kophéé 


✦ Boronqii 


✦ Kaayyoo hojjichaafi ijoo ergichaa sirritti hubadhu 

✦ Kanaan dura deebiin barattootni karaa Ech Ayi Viin ittiin 

darbu ilaalchisee kennan sirrii ta'u isaanii ogeessa fayyaa 

wajjin ta'udhaan ittatti dudubbadhu. Yoo danda'ames 

bakka barattootni argamanitti deebii sana fulaan irratti 

dudubbachuudhaaf waliigaltee godhi. 

✦ Dalgeen (bench) irraa taa'an akka jiraatan godhi. 

Barattoota lama-lamaaf dalgeefi xarapheezzaan tokkotokko 

akka jiraataniif haala mijeessi. 

✦ Armaan olitti warra caqasaman meeshaalee barsiisaaf 

sibarbaachissan qopheeffadhu. 


Sadarkaa 1 

Sadarkaa 2 

86 

✦ Deebii torban darbe barattootni karaa Ech Ayi Viin ittiin darbu 

ilaalchisee kennan keessaa wanti isaaniif hingalin yoo jiraate ibsiif. 

✦ Hojii manaa torban darbe kennameef deebii karaa dongongoraa Ech 

Ayi Viin (HIV) ittiin darba jedhaman dhiyeessaatti irratti dudubbadha. 

Yaada loogiifi qoqqobbii jedhu ifaan ibsi. 

Barattootni waa'ee loogiifi qoqqobbii waan isaan beekan gaafadhu. 

Namoota Ech Ayi Viidhaan qabaman maatiin isaanii, hiriyootni isaaniifi 

hawaasni naannoo akkamitti akka ilaaluufi akka keessumsiisu gaafadhuutii 

akka isaan yaada irratti kennan godhi.

Itti aansuudhaan waa'ee loogiifi qoqqobbii kan dhiyaate ibsa armaan gadii barattootaaf 

dubbisi. 

Qoqqobbii - Qoqqobbii jechuun ilaalcha dogongoraa ta'e irraa kan ka'e namoota of irraa 

fageessuu jechuudha. Namootni tokko-tokko dhukkubsataa waan ta'aniif, 

hiyyeessa waan ta'aniif, amantii mataa isaanii waan qabaniif, yookiimmoo 

garaagarummaa umuriifi saalaa irraa kan ka'een yeroo qoqqobaman argina. 

Qoqqobbii 

Loogii - Loogii jechuun ilaalcha dogongoraa ta'een nama tokko namaa gadi, 

fokkisaa, yookiis kan kana fakkaatan godhanii ilaaluudhaan ulfinaafi 

faayidaa isaaf ta'u akka inni hinarganne gochuu jechuudha. Loogiin kan 

uumamu namootni baay'een sammuu isaanii keessatti waa'ee 

dhimma/nama tokkoo ilaalcha dogongoraa yeroo qabaataniidha. Nama Ech 

Ayi Viidhaan qabamee wajjin nyaachuufi dhuguun dhukkubichatti nama 

saaxila kan jedhu yaadni dogongoraan sammuu nama baay'ee keessa 

waan jiruuf nama Ech Ayi Vii wajjin jiraatu utuu jibbanii argamu. Yaadni 

dogongoraan isaan waliin qaban kun loogii caqasamef sababii ta'e 

jechuudha. Waan Kana ta'eef namootni ilaalcha ragaa hinqabneefi 

dogongoraa ta'een kan ka'e shakkii, sodaa, yaaddoo fi jibbi isaan qaban 

uumamuu loogiitiif sababii ta'a. Gabaabaatti loogii jechuun waan nama 

tokkof goodhan isa biroodhaaf gochuu dhiisuu jechuudha. 

Walquunnamtii Loogiifi Qoqqobbii Hinqabne 

87

Sadarkaa 3 

Sadarkaa 4 

88 

Haala Xin-sammuu Qoqqobbiin Fidu 

Waa'ee loogiifi qoqqobbii ibsi giddu jireessi kennamuu isaatiif kanatti 

aansanii loogiifi qoqqobbii caalaatti hubachuu akka danda'aniif tapha 

tokko akka taphatan barattootatti himi. Taphi kun loogiifi qoqqobbiin 

keessattuu nama Ech Ayi Vii wajjin jiraatu hammam akka yaada isaa hubu 

baruudhaaf akka isaan gargaaru ibsi. 

Qoqqobbii 

Barattootni dalgee jiran marsanii geengoo hojjechuudhaan akka 

dhaabatan itti himi. Naana'iitii tokkoon-tokkoon barataa kutaa tapha sanaa 

keessatti kan kanatti aanan keessaa akka tokkootti akka taphataniif 

ramadi. 

✦ Shamarree/dargaggeettii 

✦ Mucaa abbaafi haati irraa du'an

Sadarkaa 5 

✦ Dargaggeessa 

✦ Nama Ech Ayi Vii wajjin jiraatu 

✦ Dubartii abbaan manaa irraa du'e 

✦ Nama hir'ina qaamaa qabu 

Yaadannoo Barsiistichaa:- 

Armaan olitti kan ibsaman maqaalee taphattootaa akka tartiiba isaaniitti 

barattootaaf ramadi. Jechuunis, "shamarree/dargaggeettii" isa jedhu barattu 

ishii jalqabaatiif, "mucaa abbaafi haati irraa du'an" isa jedhummoo barataa isa 

lamataatiif ... jedhaa itti fufa. Ramaddiin akkasii kun taphattootaa jiran 

walqixxeetti hiruu nama dandeessisa. 

Barattootni lama-lama ta'anii akka isaan dalgee tokko irra ta'an itti himi. Isa 

booda duraan-dursitee fakkeessanii akka taphataniif kenniteefii kan turte 

maqaa taphataa sagaleekee ol kaasii dhageessisi. Barattootni maqaa 

isaaniif kennamee ture ta'uu isaa akka dhaga'aniin ka'anii dorgommeedhaan 

dalgee biroo irra akka taa'an godhi. Yaada armaan olii barattootaaf akka 

galutti eega ibsitee booda taphicha jalqabsiisi. 

Yaadannoo Barsiistichaa:- 

Barattootni hundumtuu dabareedhaan akka dubartii abbaan manaa irraa 

du'efi akka nama Ech Ayi Vii wajjin jiraatuu ta'anii akka hojjetan godhi. 


1. Akka nama Ech Ayi Vii wajjin jiraatuu ta'anii hojjechuun miira akkamii 

uuma? 

2. Namoota biroo kan akka shamarree/dargaggeettii, mucaa abbaafi 

haadha hinqabneefi dubartii abbaan manaa irraa du'e ta'anii 

hojjechuunoo miira akkamii uuma? 

89

Sadarkaa 7 

Sadarkaa 8 

Sadarkaa 9 

90 

Fakkilee armaan olii kan loogiifi qoqqobbi ibsan barattootatti agarsiisi. Itti 

aansiitii gaaffilee armaan gadii barattoota gaafadhuutii irratti 

dudubbadhaa. 

1. Fakkilee irratti wanti argitan maali? 

2. Nama Ech Ayi Vii wajjin jiraatutti miira akkamiitu dhaga'ama 

jettee yaadda? Namoota akkasii ormii maaliif qoqqoba jettanii 

yaaddu? 

3. Warra Ech Ayi Vii wajjin jiraataniin akka namootni haala 

gaariidhaan qabaniifi kunuunsan gochuuf gorsa akkamii 

kennuufii dandeessa? 

Seenessa 

Faantaayee 

Kannatti aansee barreeffama gabaabdu waa'ee mucayyoo Faantaayee 

jedhamtuu tokko akka dubbiftuuf barattootatti himi. Faantaayeen abbaafi 

haati kan irraa du'anii yeroo taatu murtee rakkisaa ta'an murteessuutu ishii 

irra ture. Barreeffamicha eega dhaggeefatanii booda gareen lama yaada 

filannoo adda-addaatti gargaaramuudhaan akka xumuran itti himi. 

Amma barreeffama gabaabaa waa'ee Faantaaye barreeffame 

barattoottaaf dubbisi. 

Yeroon isaa yeroo manni barumsaa banamee hiriyootni Faantaayee 

hunduu qayyabachuudhaan itti qabamaniidha. Fantaayeen garuu hamma 

kanatti fedhiin qayyabachuu itti dhaga'amaa hinjiru. Sirumayyuu waan 

baay'ee dadhabde fakkaatti. Baay'ees gadditee jirti. Gara mana barumsaa 

deemuufis waan humni ishii danda'e hundaa godhuu hindhiboofne. Sanas 

ta'ee garuu haalli qayabachuu ishii baay'ee gadi bu'ee jira. 

Warri Faantaayee kan isaan du'an naannoo jalqaba waggaa kanaatti. 

Abbaafi haati ishii utuu hindu'in dura ji'oota baay'eedhaaf dhukkubsatanii 

ciisanii turan. Dhuma irrattis lubbuun isaanii darbuu dandeesseetti. 

Duraan-dursanii ji'a Ebilaa keessa kan du'an harmee ishii turan. Ji'a lama 

boodamoo abbaan ishii sokkan. 

Firootni Faantaayee awwaalchaafillee hindhufne. Booda garuu maatii 

warra du'aatiif waan nyaataa erguu jalqaban. Faantaayeefi obboleessa 

ishii isa xiqqaa akka gaariitti kunuunsaa kan turan warri ollaas yeroo booda 

ilaalchi isaan Faantaayeefi obboleessa ishiitiif jijjiiramaa dhufe. Ijoollee 

isaniillee akka isaan obboleessa Faantaayee wajjin hintaphanne dhorkan. 

Isa qoqqobuus jalqabani.

Haala Fokkisaa Qoqqobbii Irraa Dhufe 

Faantaayeen akka hundumtuu fuula ishii dhowwate hubachaa dhufte. 

Faantaayeen utuu warri ishii hindu'in dura barumsa ishiitiin tokkoffaa baati turte. 

Hawwiin ishiis xiyyaara balaliisuu ture. Amma garuu kana yaaduu dhiisiitii 

obboleessi ishiifi ishiin guyyaa guyyaadhaan garaa isaani guuttatanii 

buluuniyyuu waan guddaa ta'ee jira. 

Guyyaa tokko Faantaayeen barumsa ishii dhiisuudhaaf lafa ishiin qophooftee 

jirtutti barsiistuun herregaa ishii Addee Tasammeen Faantaayeen maaliif yaadi 

gaddaafi dhiphinaa akka itti galee gaafatte. Dur barumsa ishiitiin jabduu kan 

turte Faantaayeen amma qabxiin ishiis gadi bu'aa akka jiru Addee Tasammeen 

ibsiteef. 

Addee Tasammeen waa'ee Faantaayee ilaalcha gaarii kan qabduufi kan ishii 

jaal'attu barsiistuu ishiiti. Addee Tasammeen uumamuma ishiitiin barsiistuu 

nama kabajjuufi kokkolfituudha. Barattoota ishiitti garuu fuula hinkennitu. 

Faantaayeen du'a abbaafi haadha ishii barsiistu ishiitti himuu hinbarbaanne. 

Haata'uyyuu malee torban sun ishiifi obboleessa ishiif baay'ee rakkisaa waan 

tureef Faantaayeen haala jiru barsiistu ishiitti himuudhaaf dirqamte. 

"Warrikoo eega du'anii jalqabee namootni natti hindubbatan. Firoonnikoollee 

nahingaafanne. Nyaata dur nuergaa turanillee amma nuuf hinergan. Horii 

argachuuf jedhee namoota ganda sana jiraataniif bishaanin waraaba. Garuu 

bishaan waraabuun horii ga'aa hinargamsiisu. Kanaaf barumsakoo 

dhiisuudhaafin jedha." jettee Faantaayeen barsiistuu ishii Addee Tasammeetti 

dubbatte. 

Yeroo Faantaayeen waa'ee du'a warra ishii dubbattu barataan tokko dhaga'ee 

ture. Innis oduu dhaga'e hiriyoota isaa birootti hime. Akka kanatti barattootni 

mana barumsaa sanaa waa'ee du'a warra Faantaayee dhaga'an. 

91

Sadarkaa 10 

Sadarkaa 11 

Sadarkaa 12 

92 

Tapha 

Barattootni armaan olitti kan dubbifame waa'ee Faantaayee keessatti kan 

argaman maqaa taphattootaa akka himan gaafadhu. Deebii isaan kennan 

gabatee gurraacha irratti barreessi. Garee fedha qabaan lama filadhuutii 

taphattoota sana bakka bu'anii akka taphatan godhi. Gareen lamaan oduu 

waa'ee Faantaayee akka xumuran itti himi. Isa booda barattootni warri 

waa'ee du'a abbaafi haadha Faantaayee dhaga'an Faantaayee akkamittin 

akka ilaalaniifi akka ishiitti dhiyaatan kan ibsu tapha haa agarsiisan. 

Gareen lamaan daqiiqaa shaniif ala ba'anii akka shaakalan godhi. 

Barattoota warra daree keessatti hafemmoo gaaffilee kanatti aanan 

gaafadhu. 

1. Firoonniifi olloonni ishii kan Faantaayee fuula dhowwatan maaliif jettee 

yaadda? 

2. Firoonniifi olloonni Faantaayee ishiifi obboleessa ishii sadarkaa sanatti 

fuula dhowwachuun isaanii sirrii turee? 

Daqiiqaa shan booda gareen lamaan alatti shaakalaa turan tapha isaaniii 

akka dhiyeessan godhi. 


1. Faantaayeen utuu barumsa ishii dhiifteetti ta'ee maal taati turte? 

2. Barattootni sun Faantaayee akka kanatti itti dhiyaachuu isaaniitiif 

yaadni isin qabdan maali? 

3. Barattootni sun Faantaayeetti kan akka sanatti itti dhiyaatan maaliifi? 

4. Nama akka Faantaayee kan beektan jiraa? Namoota akkasii 

gargaaruudhaaf maal gochuu dandeessu?

Hojii Xumuraa 



✦ Qoqqobbii jechuun sababii ilaalcha dogongoraa ta'een 

namoota of irraa fageessuufi hawaasa, maatii 

yookiis hiriyaa wajjin akka waliin hinmakamne 

dhiibbaa gochuu jechuudha. 

✦ Loogii jechuun ilaalcha dogongoraa ta'een nama tokko 

dadhabaa, namaa gadi, fokkisaa, yookiis kan 

kana fakkaatan godhanii yaaduu jechuudha. 

Loogiin namoota walqixxee godhanii ilaaluu 

dhiisuudha. Kanaaf loogii jechuun waan nama 

tokkof goodhan isa biroodhaaf gochuu dhiisuu 

jechuudha. 

1. Barattota garee kudhanitti qoodi. 

2. Tokkoo-tokkoo garee sanaatiif hojilee hamma ammaatti baratan keessaa 

tokko-tokko duwwaa kenniif. 

3. Tokkoo-tokkoon garee sanaa ergaa hojii kennameefii gabaabaatti akka 

dhiyeessuf daqiiqaa kudhan kennii. 

4. Isa booda gareewwan sun akka tartiiba hojichaatti dabareedhaan qophee isaanii 

daqiiqaa sadi-sadi'iif barattoota daree sanaaf haadhiyeessan. 

5. Ergaa dhiyaatan irratti qabxileen dabalamuu qaban yoo jiraatan akka dabalaniif 

barattoota jajjabeessi. 

6. Dhuma irrattis hojii waggichaa gabaabsitee ibsuudhaan barumsicha xumuri. 

93

94 

Qabxilee Yaadannoo 

1. Ech Ayi Vii (HIV) 

Ech Ayi Viin vaayirasii sirna ittiin qaamni namaa dhukkuba of irraa dhorku 

dadhabsiisee dhukkuba adda-addaatti nama saaxiluudhaan suuta jedhee 

gadadoofi du'atti kan dabarsee nama kennuudha. 

2. HIV = Human Immuno Deficiency virus 

3. Eedsii 

Ech Ayi Viin sirna ittiin qaamni namaa dhukkuba of irraa dhorku eega dadhab 

siisee booda sadarkaa itti dhukkubni adda-addaa mul'atan yeroo ga'u Eedsii 

jedhama. 

4. AIDS = Acquired Immuno Deficiency Syndrome 

5. Qoricha farr'a Eedsii 

Namoota dhiiga isaanii keessa Ech Ayi Viin (HIV) jiruufi Dhukkubsattota 

Eedsiitiif kan kennamu qoricha baay'inni Ech Ayi Viin (HIV) qaama keessaa 

akka inni xiqqaatu godhuudha. 

6. Bara 1997(A.L.H.) kan ba'e Eedsiin Itoophiyaa Keessatti (Maxxansaa 5ffaa) 

kan jedhu barreeffamni tokkoo biyyattii keessa dhiiga isaanii keessa kan Ech 

Ayi Viin jiru namootni miiliyoona 1.5 akka argaman agarsiisa. 

7. Biyya keenya Itoophiyaa keessatti bara 2003 (A. L. A.) duwwaa namootni 

26,335 ta'an fedha irratti kan hundaa'e qoratama Ech Ayi Vii godhatanii jiru. 

8. Biyya keenya Itoophiyaa keessatti namoota dhibba keessaa namni afur 

yookiis shan vaayirasicha dhiiga isaanii keessaa kan qaban yeroo ta'u 

magaalaatti dhibba keessa namni kudha-sadii baadiyyaattimoo dhibba 

keessaa namni sadii vaayirasicha qabu. 

9. Biyya keenya keessatti namootni vaayirasichaa wajjin jiraataniif qorichi farr'a 

Ech Ayi Vii isaan barbaachisu kuma 250 hanga kuma 300 kan ga'an yeroo ta'u 

Ministeerri Eegumsa Fayyaammoo hanga 2008tti (A. L. A.) namoota 

vaayirasichaa wajjin jiraatan kuma 320 ta'aniif qorichi farr'a Ech Ayi Vii tola 

kennuudhaaf karoorfatee jira. 

10. Qoricha farr'a Ech Ayi Vii tola waliin ga'uudhaaf sochii guddaan godhamaa 

jira. Sochiin kunis fiixaan ba'ee sagantaan isaa jalqabamee jira.

Baafata

You also want an ePaper? Increase the reach of your titles

Delete template?

Save as template?