Adlis amzwaru n wussan n inɣmisn (inɣmisen)

2 Natan iarra x David: Egg marra, min ɣark dg wur; maɣar Arbbi ak idk.
3 Maca di tmddit nni iffeɣ wawar n Arbbi ɣar Natan:
4 Ujur ɣar ismeɣ inu David ed tinid as: Ammu issiwer Arbbi: War dji cek id ayi ɣa ibnan taddart, ḥima ad
dais zdɣeɣ.
5 Zg wass, umi id ssufɣeɣ necc Israel zi Egipt, war zdiɣeɣ ɣas ar ass n iḍa ɛmmars dg ict taddart, maca
necc ggurɣ zg wqyḍun ɣar uqyḍun, zi tzddiɣt ɣar tzddiɣt.
6 Ma jjin nniɣ necc dg wussan, umi necc ujurɣ zi tmurt ɣar tmurt ak ait Israel, inni tuɣa ggiɣ d initcan x
rgens inu, ijj n wawar ed ssqsiɣ: Maimmi kenniw war id ayi tbnim bu taddart zg wkccuḍ n idgl?
7 Ini rxxu i ismeɣ inu David: Ammu issiwer Arbbi n rɛsakar (Mas n rɛsakar): Necc iwieɣ cek-d zi tkssawt
ed zi tḥimmirt, maḥend ad twdred d rbaca n rgens inu,
8 ed necc tuɣa ayi ak idk mani ma, tujurd cek. Necc tḥḥiɣ marra isnga nnec zzat i tittawin nnec ed necc
xseɣ ad ac ggeɣ ijj n wassaɣ, am wassaɣ n imqqranen x tmurt.
9 Necc xseɣ ad ɛyyneɣ i rgens Israel inu ict tmurt ed xseɣ ad t zzuɣ, maḥend ad izdeɣ di tmurt nnes (di
raman) ed war isḥissif ɛad ed iwdan war iḥḥrin war t ssɛqarin am ɣar umzwar,
10 zg wussan, umi necc ggiɣ rqaḍit di rgens Israel inu. Necc ad ɣḍreɣ marra isnga nnec ɣar tmurt ed ad
cek arreɣ d amqqran. Arbbi maca ad ac ibna ict taddart.
11 X minni ussan nnec ɣa qfren ed cek ad tujurd ɣar imzwura nnec, xenni ad ggeɣ necc ijjen zg wara
nnec, ijjen zg iḥnjirn nnec d amsḍfar nnec ed isbedd tagldit nnes.
12 Netta ad ibna i necc ict taddart ed necc ad sbddeɣ akrsiw nnes i rbda.
13 Necc ad iriɣ d babas ed netta ad ayi iiri d mmi. Rmarwwet inu war id as-tet tkkseɣ, mamec necc i t
kkseɣ i wen, tuɣa awrud i cek d ajdjid.
14 Di taddart inu ed di tgldit inu ad as wadjiɣ abddi n rbda; akrsiw nnes ad iqqim idja (ibedd) i rbda.
15 Natan issiwer ɣar David nican ammu, mamec tuɣa id (as) itwanna ed itasscen.
16 Uca iujur ujdjid David din, iqqim zzat i Arbbi ɣar tmurt, inna: Min djiɣ necc, Mas inu ed Arbbi, ed man
ten taddart inu, aqqa cek tndhed ayi-d ɣas ar danita?
17 Minzi aya di tiṭṭawin nnec tuɣa drus, o Arbbi, cek tɛahded taddart n ismeɣ nnec di ijj n imar iiggwaj ed
txzard dayi ..., Mas inu ed Arbbi.
18 Min ɣars ɣar David ɛad ad ac-t iini? Cek tssned ismeɣ nnec.
19 Mas, x ismeɣ nnec ed x ɛmada n wur nnec tggid marra timgga a timqqranin ed tssufɣedd marra
timsarin a timqqranin.
20 Mas, ura ed ijj war idji am cek ed awarn ac war idji ura ed ijj n Arbbi x marra, min nsra neccin s
imzzuɣn nneɣ.
21 Man rgens x tmurt idjan am rgens Israel nnec? Mani iri iujur ijj n Arbbi, ḥima ad iɛawed timsɣa i rgens
ed ad igg i ixf nnes ccan n tmgga timqqranin n sburhan? Cek tstwwjed zzat i tiṭṭawin n rgens nnec, wen umi
id tɛawded timsɣa x ait Egipt, marra rgnus.
22 Cek tggid Israel i rbda d rgens nnec ed cek, Mas, tdwred d Arbbi nnes.
23 Maca rxxu, Mas, ad tarid awar, tssiwred cek x ismeɣ nnec ed x taddart nnes, a t tgged i rbda s tidett.
Egg, min tnnid cek.
24 Xenni ad idḥa wassaɣ nnec d tidett ed d amqqran i rbda ed ad inin: Mas n rɛsakar d Arbbi n Israel!, ed
taddart n ismeɣ nnec David ad tqqim tbedd zzat i tiṭṭawin nnec.
25 Maɣar cek, Arbbi inu, tssargbed ismeɣ nnec: Necc ad ac bniɣ ict taddart. X uyenni iufa ismeɣ nnec
taryast, ad ɣark ittar (izzadj).
26 Wah, Mas, cek i idjan d Arbbi waha; cek tɛahded ismeɣ nnec zzhar (ttisir) am wa.
27 Cek tggid rxxu s uḥinni ttisir di taddart n ismeɣ nnec, maḥend ad tqqim tbedd i rbda zzat i tiṭṭawin