Adlis amzwaru n wussan n inɣmisn (inɣmisen)

33 Ahitofel tuɣa d amcawar n ujdjid arkiti Hucai tuɣa t d amdduker n ujdjid.
34 Awarn i Ahitofel tuɣa Joyada, mmis n Benaya (amcawar n ujdjid). Abajatar tuɣa d axhan ed Joab d
azdjif n rɛskar n ujdjid.
28 1 David ismun di Jerusalem marra iryazn imqqranen n Israel, rmquddam n tqbirin ed taggayin,
idjan di txmmest n ujdjid, izdjifn n ifḍn- ed timiḍit (ruruf ed mmyayat), awkirn n marra agra ed rksbet n rmar
n ujdjid ed iḥnjirn nnes, ed ismɣan (uynuxn) n taddart, iryazn ijhden ed marra iryazn imḥḍen n umnɣi.
2 Ajdjid David ibedd, inna: Esret ɣari, aytma ed rgens inu! Necc simant inu tuɣa ggiɣ, ad sbddeɣ i maleta
(tabut) n Mas, taubdat n uḍar n Arbbi nneɣ, ict tzddiɣt n wzyinfi, ed sswjdeɣ i rbni.
3 Maca Arbbi issiwer ɣari: Cek war tbnnid i wassaɣ inu taddart; maɣar cek tggid imnɣan ed tssizzred
idammn.
4 Mas, Arbbi n Israel, ifarz ayi zi marra taddart n baba i rbda d ajdjid n Israel. Netta igga Juda i wgwwed
ed di taddart Juda taddart n baba. Jar iḥnjirn n baba infa netta rfraḥett dayi, igga ayi d ajdjid x Israel.
5 Jar marra iḥnjirn inu maca - Mas iarzef ayi abarru n iḥnjirn - isti (ifarz) netta mmi Salomo, aqqa netta
ad iḥkem x ukrsiw n Mas x Israel.
6 Netta issiwer ɣari: Mmic Salomo ad isbedd taddart inu ed rmraḥat (inɣurn, anɣur) inu; maɣar netta i
farzeg d mmi ed necc ad as iriɣ d babas.
7 Necc ad as wadjiɣ ict tgldit ad tqqim tmneɛ i rbda, mara netta iḍfar s taryazt irqqasn inu ed ttwsyyat,
mamec tdja iḍa.
8 Ed rxxu ad awem ɛrmeɣ zzat i tiṭṭawin n marra Israel, ajraw n Mas, ed zzat i imzzuɣn n Arbbi nneɣ:
Ḥḍat marra irqqasn n Mas, Arbbi n wem, ed tḍfarm ten, maḥend kenniw ad tqqimem d ait bab n tmurt
icuwwarn ed ad tet tjjem i rbda i iḥnjirn n wem.
9 Cek maca, mmi Salomo, ɛqer Arbbi n babac; xmmes as s wur war ibḍi ed buḥber ixs; maɣar Mas ixzzar
marra urawn ed issen qeɛ ixarrisn n rbar. Mara cek tarzzud t, itjja ixf nnes ad t tafed. Mara cek maca tsmḥed
dais, ad cek indar i rbda.
10 Xzar rxxu: Mas ifarz (i) cek, aqqa cek ad as tsbdded ict taddart d tamqddest. Iri d aryaz ed tmnɛed di
txdmed!
11 Uca iwca David i mmis Salomo rɛbar (rqis) n wsqif, n wxxam amqqran ak rhrit n rkenz nnes, ixxamn n
snnej (tiɣurfatin) ed ixxamn n daxer ed Sala n dduri
12 ed rɛbar n marra, min tuɣa tuɣa ixs ad igg i rmraḥat n zzawect ed i marra rhrit id as innḍen. Netta
iwca ttwsyyat x rknuz n taddart n Arbbi ed rknuz zi tarzfin n rftuḥ,
13 x taggayin n ixhanen ed ait Levit, x usqfer n txmmest di taddart n Mas ed x marra rqcuɛ, itxssan i
txmmest di taddart n Mas.
14 Iarni as asiṭṭn (kuentat) nnes x wurɣ, s tmwca n rwzen n wurɣ i qeɛ rqcɛet n txmmest, ed x marra
rqcuɛ n nnuqart, s tmwca n rwzen (ddqer) n qeɛ rqcɛet n txmmest.
15 Netta inna as rwzen n rḥsket n wurɣ ak lambat nnes n wurɣ, s tmwca n rwzen n qeɛ rḥsket ed lambat
nnes, ed rḥsket n nnuqart, s tmwca n rwzen n qeɛ rḥsket ed lambat nnes, x usxdem n qeɛ rḥsket.
16 Netta imyyez urɣ s tmwca n rwzen i qeɛ ṭṭabrat n iɣrumn n rxzart ed nnuqart i ṭṭabrat n nnuqart.
17 Ammu bɛda iwca as tɣuri x furcetat (tazzarin), ṭṭbasa ed tɣllayin n wurɣ iqqur, x ifnjarn n wurɣ, s
tmwca n rwzen n qeɛ afnjar, ura x ifnjarn n nnuqart, s tmwca n rwzen n qeɛ afnjar.
18 Netta iura urɣ itwasizdgen (itwasffan) i missa n ṭṭbaxur, s tmwca n rwzen, ed wurɣ i wsbeddi n ukarru
n ukrsiw, Kerubim, ibzzɛen afriwn n sen drin maleta n rɛahed n Mas.
19 Qeɛ aya issars as t din di tira zg wfus n Mas, iarsan tiwa nnes, ed issfarz marra rxdayem, iwca rɛbar
(plan).
20 Xenni inna David i mmis Salomo: Iri d aryaz ed tmḥḍeḍ! Ujur ɣar rxdmet! War tggwed ed war arxxu!