Adlis amzwaru n wussan n inɣmisn (inɣmisen)

iwḍa dg wfaryeḍ?
4 Maca ajdjid imneɛ dg wawar nnes akd Joab. Ammu iujur Joab uca ikka marra Israel. Umi netta id iɛqeb
ɣar Jerusalem,
5 iwca netta i David asiṭṭn n rgens. Marra Israel dais 1 100 000 n isrdas (iryazn n umnɣi), inni izmmarn
ad mmnɣen s uxdmi, ed Juda dais 470 000 n iryazn, inni izmmarn ad mmnɣen s uxdmi.
6 Levi ed Benyamin war ten ak idsen iggi Joab, maɣar adbbar n ujdjid tuɣa i netta d aɛiffi.
7 Maca aya war iɛjib i Arbbi; x uyenni iwta netta Israel.
8 Rxxu inna David i Arbbi: Necc ffaryḍeɣ aṭṭas, minzi necc ggiɣ aya. Maca surf i ismeɣ nnec afaryeḍ
nnes, maɣar necc ggiɣ min war iḍbiɛen.
9 Arbbi maca issiwer ɣar Gad, agzzan n David:
10 Ujur ed tinid i David: Ammu issiwer Arbbi: Ad ac-d ssarseɣ 3 n tɣwsiwin. Esti ict zzaisent! Ad act t
ggeɣ.
11 Gad iusedd ɣar David, inna as: Ammu issiwer Arbbi: Esti i ixf nnec:
12 Krad n isggwasn n raz, niɣ 3 n iyurn, di ɣa trakkwareḍ cek zg isnga nnec ed uxdmi n isnga nnec ad cek
iḍaffar, niɣ 3 n wussan axdmi n Arbbi ed rhrac aɛffan ad iɣzza di tmurt ed umalak n Arbbi ad iawi x marra
iḍuwwarn n Israel jjarḥ. Xarres rxxu, min id as ɣa ssiwḍeɣ i wen, id ayi-d isskken d tamrarut.
13 Uca inna David i Gad: Necc dayi tiggwda d tamqqrant. Necc xseɣ mliḥ ad wdiɣ i Arbbi dg ifassn, maɣar
rmarwwet nnes d tamqqrant. I iwdan maca war xseɣ ad asen wdiɣ dg ifassn.
14 Uca ijja Arbbi ad iwḍa rhrac aɛffan x Israel ed bbuxen di Israel 70 000 n iwdan.
15 Arbbi issekk ijj n umalak ɣar Jerusalem, ḥima a t ijarreḥ. Maca umi netta ikumasa dg ujarreḥ, izr i t
Arbbi ed indemm x arzyyet. Netta inna i wmalak n jjarḥ: Rxxu d aṭṭas, shwa afus nnec! Amalak n Arbbi hḥra
ibedd ɣar undrar n Jebusit Arauna.
16 Umi David isgɛɛed tiṭṭawin, izra amalak n Arbbi ibedd jar ajenna ed tmurt. Netta iṭṭef axdmi id
itwakksen dg wfus ɣar Jerusalem. Uca wḍan David ed iwssura, tuɣa rḥḥfen dg aruḍ n wcḍan, s uɣmbub ɣar
tmurt
17 ed David iraɣa ɣar Arbbi: War dji d necc i iḍbbarn, ad ssiṭṭen rgens? D necc maca, ig iffaryḍen ed ggiɣ
min idjan d aɛffan. Maca ina, tḥimmirt, maɣar min ggin nitni? Mas, Arbbi inu, ecsi (sgɛɛed) afus nnec i ticti
ɣari ed ɣar taddart n baba, war dji maca ɣar rgens nnec!
18 Amalak n Arbbi igga x Gad, ad iini i David, netta ad diha igɛɛed ed isbedd i Arbbi x undrar n Jebusit
Arauna ict missa.
19 David igɛɛed din, mamec tuɣa id as inna Gad dg wassaɣ n Arbbi.
20 Arauna tuɣa innqreb ed izra amalak. 4 n iḥnjirn nnes, tuɣa ɣares dinni, nnuffarn. Netta tuɣa issarwat
irden.
21 Umi rxxu id iusa David ɣar Arauna ed wanita isgɛɛed tiṭṭawin ed izra David, iffeɣḍ netta zg wndrar ed
iwḍa zzat i David s uɣmbub ɣar tmurt.
22 Uca inna David i Arauna i ejj ayi andrar! Necc xseɣ ad ggeɣ x afs ict missa i Arbbi. I ssum n tmsɣiwt ad
ayi-t twced, maḥend ticti (jjarḥ) di rgens ad ibedd,
23 Arauna iarra x David: Cek iusa ac-d; mas inu ed ajdjid ad igg, min iufa netta d aṣbḥan. Necc ad ac wceɣ
iynduzn i ssdqet n uscmeḍ, iɛumad (tabuskerkart, taḥuaccat) d akccuḍ i tmssi ed irden i ssdqet n macca; necc
ad ac wceɣ marra.
24 Maca ajdjid David inna i Arauna: Urid ammu, necc ad x afk sɣeɣ andrar s ssum imun. Necc war xseɣ ad
ac kkseɣ agra nnec ed ad awieɣ i Arbbi taɣarst (ssdqet) n uscmeḍ am war txdjes.
25 Ammu iwca David i Arauna dg wndrar 600 n Cekel n wurɣ wznen.
26 Netta isbedd dinni ict missa i Arbbi iiwi din taɣarst n uscmeḍ ed ssdqet n usnjem ed iraɣa i Arbbi.