Adlis amzwaru n wussan n inɣmisn (inɣmisen)

2 X taggayt tamzwarut i wyur amzwaru idja Jacobam, mmis n Saddiel. Di taggayt nnes 24 000 n iryazn.
3 Netta tuɣa d ij n uḥnjir n Perez ed d azdjif n marra izdjifn imqqranen n rɛskar dg wyur amzwaru.
4 Taggayt n uyur wiss 2 idja Ahoaxit Dodai, ij n rbacat. Taggayt nnes dais 24 000 n iryazn.
5 Azdjif wiss 3 n rɛskar, i wyur wiss 3, tuɣa Benaya, mmis n uxhan Joyada, ij n uzdjif amqqran. Taggayt
nnes dais 24 000 n iryazn.
6 Benaya wa tuɣa t d aryaz ijhed zi 30 ed agwwad (azdjif) n 30 ed taggayt nnes. Mmis tuɣa d Ammisabad.
7 Azdjif wiss 4 n rɛskar, i wyur wiss 4, tuɣa Asael, umas n Joab. Awarn as tuɣa d mmis Sebadya. Taggayt
nnes dais 24 000 n iryazn.
8 Wiss 5, i wyur wiss 5, tuɣa azdjif amqqran Camhut, ij n uḥnjir n Serax. Taggayt nnes dais 24 000 n
iryazn.
9 Wiss 6, i wyur wiss 6, tuɣa ira, mmis n Ikkec, zi Tekoa. Taggayt nnes dais 24 000 n iryaz.
10 Wiss 7, i wyur wiss 7, tuɣa Helez zi Pelet, ij n Efraimit. Taggayt nnes idja dais 24 000 n iryazn.
11 Wiss 8, i wyur wiss 8, tuɣa Ahucatit Sibbexai, ij n uḥnjir n Serax. Taggayt nnes idja dais 24 000 n
iryazn.
12 Wiss 9, i wyur wiss 9, tuɣa Abieser zi Anatot zi tqbitc n Benyamin. Taggayt nnes idja dais 24 000 n
iryazn.
13 Wiss 10, i wyur wiss 10, tuɣa Mahrai zi Netofa, ij n uḥnjir n Serax. Taggayt nnes idja dais 24 000 n
iryazn.
14 Wiss 11, i wyur wiss 11, tuɣa Benaya zi Piraton, ij n Efraimit. Taggayt nnes idja dais 24 000 n iryazn.
15 Wiss 12, i wyur wiss 12, tuɣa Heldai zi Netofa zg ait Otniel. Taggayt nnes idja dais 24 000 n iryazn.
16 Ina bdden ɣar uzdjif n tqbirin n Israel: Rbaca ɣar ait Rubenit tuɣa Elieser, mmis n Sixri; ɣar Simeon
tuɣa Cefatya, mmis n Maaka;
17 ɣar Levi, Hacabya, mmis n Kemuel; ɣar Aaron Zadok;
18 ɣar Juda Elihu, ij n umas n Mixael;
19 ɣar Sebulon Jicmaya, mmis n Obadya; ɣar Naftali Jerimot, mmis n Asriel;
20 ɣar ait Efraimit Hocea, mmis n Asarya; ɣar ij n wzyen n tqbitc n Manasse Joel, mmis n Pedaya;
21 ɣar wzyen nneɣnit n tqbitc n Manasse di Gilead tuɣa d Jiddo, mmis n Sexarya; ɣar Benyamin Jaasiel,
mmis n Abner;
22 ɣar Dan Asarel, mmis n Jeroham. Ina tuɣa d izdjifn n tqbirin n Israel.
23 Qdda n inni, tuɣa ɛad war id asen tiwiḍ 20 n isggwasn, tuɣa David war ijji a ten csin; maɣar Mas tuɣa
iɛahed, ad netta ad ijj Israel ad idwer dg waṭṭas am itran n ujenna.
24 Joab, mmis n Zeruya, tuɣa ikumasa dg wsiṭṭen (rḥsab), maca war issqfer, minzi x afsen tuɣa axyyeq
iwḍad x Israel. Ammu amḍan (qdda) n sen war itwari dg inɣmsn n wussan n ujdjid David.
25 Asmawet, mmis n Adiel, tuɣa ɣars taɛssast x rknus n ujdjid, Jonatan, mmis n Usiya, x rɛwetc di rxra, dg
ibilajn, rḍcur ed rburjat,
26 Esri, mmis n Kelub, x ifdjaḥen, inni tuɣa icarrzen tammurt,
27 Cimi zi Rama x tzayart, dg idurar n tzayart,
28 Baal-Hanan zi Bet-Gader x iskla n uzmmur ed ttut di Cefela, Joac x rɛwetc n uzatim,
29 Citrai, Acaronit, x iynduzn, inni iarwsen (ihddan) di rwḍa n Caron, Cafat, mmis n Adlai, x iynduzn di
talat (iɣzran),
30 Asmaeli Obil x irɣman, Jecdeya zi Meronot x iɣyar,
31 Ahagarit Jasis x txswin ed ttɣaṭin. Nitni marra tuɣa ten d awkirn n wagra, idjan n ujdjid David.
32 Jonatan, ɛmmis n David, tuɣa d amcawar (amaru) nnes. Netta tuɣa d ij n waryaz d miɣis, iɣra. Jehiel,
mmis n Haxmoni, tuɣa t ɣar iḥnjirn n ujdjid.