Software License Agreement - Nielsen

KASUNDUAN HINGGIL SA LISENSIYA SA PAGGAMIT NG
SOFTWARE
BASAHING MABUTI ANG SUMUSUNOD NA KASUNDUAN. ITO AY ISANG LEGAL NA KASUNDUAN SA
PAGITAN MO AT NG NIELSEN COMPANY (US), LLC (ANG "KOMPANYA") HINGGIL SA PAGLAGAY AT
PAGGAMIT SA IYONG (MGA) COMPUTER NG AMING PATENTADONG SOFTWARE APPLICATION (“ANG
SOFTWARE”), UPANG PAHINTULUTAN MO KAMING MAG-IPON PARA SA AMING MGA PAG-AARAL NG
MGA MAMIMILI (MARKET RESEARCH) NG IMPORMASYON TUNGKOL SA IYONG PAGGAMIT NG
COMPUTER AT INTERNET.
Kaloob ng Lisensiya. Sakop ng lahat ng mga tadhana at kondisyon sa Kasunduang ito, ipinagkakaloob sa iyo ng Kompanya
ang isang lisensiyang limitado, hindi tanging iyo, hindi maililipat, at hindi lisensiyang maaring mabigay sa iba
(nonsublicensable) (i) upang ilagay, o malagay ng Kompanya, ang Software ng Kompanya sa mga hard disk drive ng mga
Computer sa iyong bahay at (ii) upang magamit ang Software, sa bawat kaso, sa anyong object code lamang. Ang lahat ng
mga ibang karapatan hinggil sa Software, ang paggamit nito at ng anumang kasamang kasulatan ay nirereserba para sa
Kompanya sa pamamagitan nitong kasulatan.
Mga Paghihigpit. Ikaw ay sumasang-ayon na hindi mo babaguhin ang Software o idi-disassemble, ide-decompile, o irereverse-engineer
ito o sa ibang paraan sisikaping kumuha ng source code galing dito. Ang Software ay ituturing bilang
"commercial computer software" alinsunod sa DFAR Bahagi 227.7202 at FAR Bahagi 12.212, kapag nababagay. Ang
anumang paggamit, pagbabago, pagkokopya, pagpapalabas, pagpapakita o pagbubunyag ng Software at ng anumang
kasamang kasulatan sa o ng pamahalaan ng Estados Unidos ay hinihigpitan alinsunod sa mga binanggit na bahagi ng DFAR
at FAR at tanging pinamamahalaan ng mga tadhana ng Kasunduang ito. Ang Kontratista/Pabrikante ay The Nielsen
Company, 770 Broadway, New York, New York 10003.
Karapatang Magpalathala, o Copyright. Ang Software ay protektado ng mga batas ng Estado Unidos hinggil sa
pagpapalathala, mga probisyon ng mga kasunduan sa pagitan ng mga bansa, at ng ibang mga batas. Hindi mo maaring
gamitin, kopyahin, ipakita, baguhin o ipamigay ang Software o anumang kasamang kasulatan maliban kung may mahigpit na
pagsang-ayon sa Kasunduang ito.
Mga Update sa Software. Naiintindihan mo at sumasang-ayon ka na may mga oras na ang Kompanya ay maaaring kusang
gumawa ng update sa Software upang maiba at/o madagdagan ang mga uri ng dato na susubaybayan nito at upang maayos
ang mga pagkakamali alinsunod sa Privacy Notice.
Paghihinto. Kahit kailan, maaaring itigil ng Kompanya ang iyong partisipasyon, at maari mong itigil ang inyong paglahok sa
inampalan. Ang Kasunduang ito at ang lahat ng mga karapatan at lisensiyang ipinagkakaloob sa iyo alinsunod sa
Kasunduang ito ay kaagad mapapawalang-saysay kapag mahinto sa anumang paraan ang iyong paglahok sa inampalan o
kapag nilabag mo ang anumang tadhana o kondisyon ng Kasunduang ito. Sa sandaling mapawalang-bisa ang Kasunduan
dahil sa anumang sanhi, sumasang-ayon ka na kaagad at permanente mong sisirain ang lahat ng mga kopya ng Software at
kasamang kasulatan tungkol sa Software (kung mayroon) na hawak mo.
Bayad-Pinsala, o Indemnity. Sumasang-ayon ka na iyong ipagtatanggol, babayaran pagkapinsala (i-indemnify), at hindi
hahablahin (hold harmless) ang Kompanya, ang mga empleyado, pinuno, tagapangasiwa, aksiyonista, kaanib, kasosyo, at
kahalili at mga hinirang (assigns) nito (sama-samang tutukuyin “mga Kinatawan”) laban sa anumang at lahat ng mga pagangkin
(claims), pagkalugi, kapinsalaan, gastos (kabilang ang walang-hangganang makatwirang bayad sa abugado), na
resulta ng o may kaugnayan sa iyong paglabag ng Kasunduang ito.
Pagtatakda ng Pananagutan at mga Garantiya. IKAW ANG MAGBABAYAD NG BUONG HALAGA NG ANUMANG
GASTOS, PAGKASIRA, KAPINSALAAN, PANANAGUTAN O GUGOL NA RESULTA NG IYONG PAGGAMIT NG
SOFTWARE. ANG SOFTWARE NA IBINIBIGAY SA IYO “AS IS”, O SA KONDISYON NITO SA SANDALING
IBINIGAY SA IYO, NA MAY WALANG ANUMANG GARANTIYA. SA PINAKALAWAK NA SAKLAW NA
PINAPAHINTULUTAN NG ANGKOP NA BATAS, IPINAGKAKAILA NG KOMPANYA AT NG MGA KINATAWAN
SLAt_PC_1209

NITO SA PAMAMAGITAN NG KASULATANG ITO ANG LAHAT NG MGA GARANTIYA, MAGING MALIWANAG
O IPINAHIWATIG, KABILANG ANG SUBALIT HINDI LIMITADO SA MGA IPINAHIWATIG NA GARANTIYA
UKOL SA PAGIGING NARARAPAT NA KALAKAL (MERCHANTABILITY), DI-PAGLABAG SA BATAS (NON-
INFRINGEMENT) AT KAANGKUPAN SA ISANG PARTIKULAR NA PAGGAMIT. ANG KOMPANYA AT ANG
MGA KINATAWAN NITO AY HINDI NAGBIBIGAY NG ANUMANG GARANTIYA NA ANG SOFTWARE AY
WALANG KAMALIAN (“BUGS”) O NA ANG PAGGAMIT NITO AY HINDI MAAABALA O SA PAMAMAGITAN
NG PAGGAMIT NITO IYONG MATATAMO ANG ANUMANG PARTIKULAR O HINAHANGAD NA RESULTA.
Hindi pinapahintulutan ng ilan sa mga nasasakupang teritoryo ang mga takda sa mga ipinahiwatig na garantiya. Sa gayon,
ang pagtatakda sa itaas o isang bahagi ng pagtatakda sa itaas ay maaaring hindi angkop sa iyo.
Walang Pananagutan para sa mga Bungang Kapinsalaan. SA PINAKALAWAK NA SAKLAW NA
PINAPAHINTULUTAN NG ANGKOP NA BATAS, HINDI DAHIL SA ANUMANG PANGYAYARI MANANAGOT
ANG KOMPANYA O ANG SINUMAN SA MGA KINATAWAN NITO PARA SA ANUMANG KAPINSALAANG DI-
TUWIRAN, ESPESYAL, DI-SINASADYA, BUNGA O PAMBABALA (KABILANG SUBALIT HINDI LIMITADO SA,
MGA KAPINSALAAN PARA SA PAGKAWALA NG KITA, PAG-ABALA SA NEGOSYO, PAGKAWALA NG
IMPORMASYONG MAY KAUGNAYAN SA NEGOSYO, MGA PAGHABLA NG PANGATLONG PARTIDO, O
IBANG PAGKAWALA) BUNGA NG O MAY KAUGNAYAN SA SOFTWARE, IYONG PAGGAMIT NG SOFTWARE,
ANG MGA DATOS NA NAIPON NG SOFTWARE, O ANG KASUNDUANG ITO, MAGING BATAY SA PAGLABAG
SA KONTRATA, PAGKILOS NA LABAG SA BATAS, O TORT (KABILANG SUBALIT HINDI LIMITADO SA
KAPABAYAAN AT PANANAGUTAN UGNAY SA PRODUKTO (PRODUCT LIABILITY) O SA IBANG PARAAN,
KAHIT TINALASTASAN ANG KOMPANYA O ANG MGA KINATAWAN NITO TUNGKOL SA POSIBILIDAD NG
GANITONG MGA KAPINSALAAN. HINDI DAHIL SA ANUMANG PANGYAYARI HIHIGIT SA $50 ANG BUONG
PANANAGUTAN SA IYO NG KOMPANYA O NG MGA KINATAWAN NITO PARA SA LAHAT NG
KAPINSALAAN SA ANUMANG ISA O HIGIT NA KATOTOHANANG MAGBIBIGAY SA NAGHAHABLA NG
KARAPATAN SA KAGINHAWAAN.
Dahil hindi pinapahintulutan ng ilan sa mga nasasakupang teritoryo ang di-pagsama o ang pagtatakda ng pananagutan sa
bungang o di-sinasadyang kapinsalaan, ang pagtatakda sa itaas o isang bahagi ng pagtatakda sa itaas ay maaaring hindi
angkop sa iyo.
Ang Mamamahalang Batas. ANG KASUNDUANG ITO AY PAMAMAHALAAN NG MGA BATAS NG ESTADO NG
NEW YORK, NA MAY WALANG PAGSASAALANG-ALANG SA MGA ALITUNTUNING UKOL SA
PAGSASALUNGAT NG MGA BATAS. ANG LAHAT NG MGA PARTIDO AT MGA TUNGGALIANG RESULTA NG
KASUNDUANG ITO AY SASAILALIM SA TANGING KAPANGYARIHAN NG MGA HUKUMANG PANG-ESTADO
AT PEDERAL NA NASA NEW YORK COUNTY, NEW YORK.
Paglipat, o Assignment. Hindi mo maililipat ang Kasunduang ito o ang anumang mga alinsunod na karapatan o obligasyon,
sa pamamagitan ng pagtamo ng karapatan na walang pagsisikap (by operation of law) o sa anumang paraan, na may walang
paunang kasulatang galing sa Kompanya na nagbibigay ng pahintulot. Maaring ilipat ng Kompanya ang Kasunduang ito, at
ang mga alinsunod na karapatan at obligasyon, sa anumang pangatlong partido na walang pahintulot mo o talastas sa iyo.
Sumasailalim sa mga nauunang tadhana, ang Kasunduang ito ay sasaklaw sa mga partido nito at mahihirati sa pakinabang
nila, ng kanilang mga kahalili at ng mga maaring hirangin (assigns).
Kakayahan sa Paghihiwalay, o Severability. Kung mapasiya na hindi balido o hindi maaring tuparin ang anumang probisyon
sa Kasunduang ito, ang probisyong ito ay babaguhin hanggang saan kailangan lamang upang maging maaring matupad ito.
Sa anumang pangyayari, tutuparin ang mga natitirang probisyon.
Mga Gastos ng Paglilitis. Kung magsampa ng anumang demanda hinggil sa nilalaman ng Kasunduang ito ang alinman sa
mga partido ng Kasunduang ito laban sa kabilang partido, ang partidong nanalo ay may karapatan sa pagsasauli ng mga
makatwirang bayad sa abugado, mga gastos sa paglilitis, gayundin sa anumang ibang kaginhawahang ibibigay ng hukuman.
Ang Buong Kasunduan. Ang Kasunduang ito ay ang buong kasunduan sa pagitan mo at ng Kompanya hinggil sa nilalaman
ng Kasunduang ito at hinahalili nito ang anumang napag-usapan at lahat ng pinag-usapan hinggil sa nilalaman ng
Kasunduang ito.
SLAt_PC_1209