molaetsa oa motlotlehi letsie iii oa mafelo a selemo sa 2012

MOLAETSA OA MOTLOTLEHI LETSIE III OA MAFELO A
SELEMO SA 2012
SECHABA SA HESO, KEA LE LUMELISA HOHLE-HOHLE MOO LE
LENG TENG KA HARE ESITA LE KA NTLE HO NAHA.
KE KOPA HO QALA MOLAETSA OAKA KA HO LE LAKALETSA
MAFELO A MONATE A SELEMO LE MAHLOHONOLO A SE
SECHA. HA RE LEBOHENG MORENA MOLIMO EA RE
BABALLETSENG LE HO RE SIRELETSA HO FIHLELA MONA; „ME
RE „NE RE TSOELEPELE HO RAPELLA TŠIRELETSO LE TATAISO
EA HAE SELEMONG SENA SE SECHA.
RE LE CHABANA SA KHOMO, KE HONA MATSATSING ANA A
MAFELO A SELEMO LE MAQALONG A SE SECHA, MOO RE
LOKELANG HO HOPOLA LE HO RAPELLA BANA BA BO RONA BA
HLOKANG E LE KA „NETE; BA LIPHATENG TSE CHESANG KA
LEBAKA LA MAFU A FAPAKANENG; BA APARETSOENG KE
BOFUMA LE BOFUTSANA; BA MATHATENG A TLHOBOLO, BA
HLOKANG MESEBETSI LE BA FELETSOENG KE TŠEPO EA
BOPHELO. RE LOKELA HO BA BONTŠA LERATO LE
KUTLOELO-BOHLOKO KA HO NANABETSA LETSOHO LE HO BA

KHOTHATSA, HO BA MATLAFATSA „MELENG LE MOENG, LE HO
LEKA HO BA NOLOFALETSA MATHATA AO A BOPHELO.
SECHABA SA HESO, MATSATSI ANA A PHOMOLO, HA SE
MATSATSI A THABO LE MEKETE FEELA, EMPA LE A
BOITLHATLHOBO. HA HO LE JOALO, E MONG LE E MONG OA
RONA, O LOKELA HO HLAHLOBA HORE NA MAEMO A BOPHELO
A JOANG SECHABENG SA HABO TIKOLOHONG EO A PHELANG
HO EONA. MOTHO KA MONG O TŠOANETSE HO LEKOLA
HORE PELA HAE:
1 NA HO NA LE BANA BA LIKHUTSANA, BA TLAMEHANG HO
SEBETSA HO IPHELISA;
2 NA HO NA LE BATHO BA HLOKANG MESEBETSI;
3 NA HO NA LE MAQHEKU LE MAQHEKOANA A ROBALANG
A ITSOSA;
4 NA HO NA LE BAKULI BA TS'OAETSO EA LEFU LA HIV LE
AIDS BA HLOKANG THUSO; LE HORE
5 NA HO NA LE BATHO BA MAQAKABETSING A TLHOBOLO
LE BOFUMA.

HA HO NAHA E KA TSOELANG PELE HA FEELA MATHATA ANA A
NTSE A APARETSE BOHOLO BA SECHABA. KA HONA, KE
BOIKARABELO BA MOSOTHO E MONG LE E MONG, EO MOLIMO
A MO FILENG MATLA A „MELE LE KELELLO, HO IKAKHELA KA
SETOTSOANA TOANTŠONG EA MATHATA ANA, E LE HORE
NAHA EA RONA E TSEBE HO TSOELAPELE MOLEMONG OA
RONA BOHLE.
SECHABA SA HESO, SELEMO SENA SA 2012, SE BILE LE TSE
MONATE LE TSE BOHLOKO.
HA RE HETLA MORAO, RE TLA HOPOLA HORE, NAHA EA RONA
E ILE EA TŠOARA LIKHETHO TSE AKARETSANG KA
MOTŠEANONG „ME TSEO, KA KAKARETSO LI TSAMAHILENG HA
NTLE. JOALOKA HA LE TSEBA, LIKHETHO TSENA, LI ILE TSA
RE TSOALLA PUSO E KOPANETSOENG KE MEKHA E MERARO
(COALITION GOVERNMENT). KA HONA, KE RATA HO LE
LEBOHA HA LE ILE LA TSOHA E SA LE KA MATJEKE, LA
IKHATHATSA HO EA LITSING TSA LIKHETHO HO IKHETHELA
BAETAPELE BA LONA KA KHOTSO LE TLHOMPHANO. KE

BOETSE KE LEBOHA LEKHOTLA LA LIKEREKE LA LESOTHO KA
HO RAPELLA LIKHETHO TSE NANG LE PONALETSO ESITA LE
HO KHOTHALETSA BAETAPELE BA MEKHA HO ITLAMA HO
ANANELA SEPHETHO SA LIKHETHO. HAPE, KE RATA HO
LEBOHA LEKHOTLA LE IKEMETSENG LA LIKHETHO (IEC) LE
BASEBETSI BOHLE BA LEKHOTLA LEO KA TLHOPHISO E NTLE
E ILENG EA ATLEHISA LIKHETHO TSENA.
KE LAKATSA HO SEBELISA MONYETLA ONA, SECHABA SA
HESO, HO LEBOHA LE HO THOHOLETSA BAETAPELE BA LONA
MEKHENG EA LIPOLOTIKI, KA NEHELETSANO E MAKHETHE EA
PUSO KA MOR'A LIKHETHO TSENA TSE AKARETSANG.
KETSAHALO EO E BABATSEHANG, E ILE EA KHAHLA LE
MACHABA, „ME EA E-BA LETŠOAO LE HLAKILENG LE
BONTŠANG HORE PUSO EA SECHABA KA SECHABA E NTSE E
MATLAFALA SECHABENG SA BASOTHO.
HA RE NTSE RE IKOTLA LIFUBA KA TSENA TSE NTLE TSEO RE
LI FIHLETSENG, RE LOKELA HO HOPOLA, KA MASOABI A
MAHOLO, HORE SECHABA SA RONA SE NTSE SE HLASELOA,

LETSATSI LE LETSATSI, KE KOKOANA-HLOKO EA HIV LE LEFU
LA AIDS. JOALOKA HA KE ILE KA SUPA HA RE NE RE TŠOAEA
LETSATSI LA MACHABA LA HIV LE AIDS, KA LA PELE TŠITOE,
2012, LITŠOAETSO TSE NCHA LI BONAHALA LI NTSE LI
TSOELAPELE. BOEMO BONA, KE BO HLOBAHETSANG,
HAHOLO-HOLO HA RE IPAPISA LE LINAHA TSA BOAHELANI
MOO LIPHUPUTSO, LI BONTŠANG SEKHAHLA SA LEFU LENA
SE THEOHILE HAHOLO. KA HONA, SECHABA SA HESO, KE SA
BOETSE KE PHETA MANTSOE AKA HA KE NE KE RE, “RE KA
HLOLA SERA SENA HA FEELA RE KA FETOLA MEKHOA LE
BOITŠOARO BA RONA”. KE BOIKARABELO BA MOTHO KA
MONG HO QOBA TŠOAETSO LE LITHOLOANA TSA EONA TSEO
RE LI TSEBANG KA BOTLALO.
BOTHATA BO BONG BO TJAMETSENG LEFATŠE ESITA LE
RONA MONA LESOTHO, KE MAEMO A HLOBAHETSANG A
LEHOLIMO. LINAHENG TSE LING, RE BONA MASISA-PELO A
BAKOANG KE MAHOLUOTSOANA LE LIPULA TSE NANG KA
LIKHOHOLA. MONA LESOTHO, RE SE RE HLOKOMETSE HORE
PHETOHO ENA EA MAEMO A LEHOLIMO, E RE TLISETSA

KOMELLO. EMPA, SELEMONG SENA, RE BONE MAEMO ANA A
BOETSE A RE TLISETSA MAHOLUOTSOANA A SA
TLOAELEHANG LIBAKENG TSE FAPAKANENG TSA NAHA.
SECHABA SA HESO, KE SEBELISA MONYETLA ONA HAPE
LEBITSONG LA BASOTHO BOHLE, HO TŠELISA MALAPA OHLE A
SENYEHETSOENG KE MATLO LE THEPA KA LEBAKA LA
MAHOLUOTSOANA ANA. KE HLOKOMETSE HORE „MUSO,
ESITA LE BATHO BA BANG BA BOITHATELO BO BOTLE, BA SE
NTSE BA LEKA HO THUSA MALAPA ANA A TLOKOTSING. RE
LEBOHA LIKETSO TSEO TSA MOHAU.
JOALOKA HA RE TSEBA, KOMELLO E LUPA TLALA LE BOFUMA.
LE HA RE QALILE HO LEMA TLASA MAEMO A HLOBAETSANG A
KOMELLO, KE TOKELO LE TŠOANELO EA RONA HO LEBOHA
MORENA MOLIMO KA MAFAFATSANE AO A RE FILENG ONA
MATSATSING ANA, KA MOR'A HO RAPELLA PULA. KEA TŠEPA
HORE KAROLO E „NGOE EA SECHABA E ATLEHILE HO KENYA
PEO MOBUNG LEHA NAKO E NE E SE E FOKOLA.
BASOTHO BA HESO, KAHA RE MATSATSING A PHOMOLO LE

THABO, HA SE MORERO OA KA HO LE IBISA LITSEBE KA PUO E
TELELE. KA LEBAKA LENA, NTUMELLENG KE QETELLE
MOLAETSA OA KA, KA HO LE LAKALETSA MEKETE E MONATE
EA MAFELO A SELEMO, LE HO BOELA KE LE LAKALETSA
MAHLOHONOLO LE KATLEHO SELEMONG SE SECHA.
MOLIMO O BOLOKE LESOTHO LE BASOTHO.
KHOTSO! PULA!! NALA!!!