pulo ea paramente 2009 - The Lesotho Government Portal

PUO EA
MOTLOTLEHI LETSIE III
PULONG EA TULO EA BOBELI EA PARAMENTE
EA BOSUPA EA LESOTHO
LABOHLANO LA LA 06 HLAKOLA, 2009
1

• MOTLOTLEHI MOFUMAHALI ‘M’ASENATE SEEISO
• MOHLOMPHEHI TONA-KHOLO
• MOHLOMPHEHI MOOKAMELI OA NTLO EA SENATE
• MOHLOMPHEHI MOTSAMAISI OA LIPUISANO KA LEKHOTLENG LA
• SECHABA
• MOHLOMPHEHI MOAHLOLI E MOHOLO
• MOHLOMPHEHI MOTLATSI OA TONA-KHOLO
• MOHLOMPHEHI MOOKAMELI OA LEKHOTLA LA MAIPILETSO
• BAHLOMPHEHI MATONA A KHABANE
• BAHLOMPHEHI BAAHLOLI BA LEKHOTLA LE PHAHAMENG
• YOUR EXCELLENCIES HEADS OF DIPLOMATIC MISSION AND
INTERNATIONAL
• ORGANISATIONS
• BAHLOMPHEHI LITHO TSE KHABANE TSA MATLO A MABELI A
• PARAMENTE
• BAHLANKA BOHLE BA SECHABA
• BO-‘M’E LE BO-NTATE
• SECHABA SA THESELE
KAJENO KE LETSATSI LE ETSANG PALE NALANENG EA PARAMENTE LE PUSO
EA SECHABA KA SECHABA NAHENG EA LESOTHO. LE TLA HOPOLA HORE
MOLAO OA MOTHEO O BONTŠA HORE PARAMENTE EA RONA E ABETSOE
LILEMO TSE SA FETENG BOHLANO. LETSATSING LENA RE BETSA LEOA LE
2

LECHA, LE FAPANENG LE LA MEHLA, MOO RE NENG RE BULA LE HO FANA KA
PUO HANG FEELA, QALONG EA LILEMO TSE HLANO TSE BOLETSOENG. KA
LEBAKA LEO PUO EA KAJENO E TLA BA FEELA E HLEKELANG LILEMO TSE
THARO TSE SETSENG BOPHELONG BA PARAMENTE ENA, ’ME HA E NA HO BA
TELELE JOALOKA EA HA RE BULA PARAMENTE. ENA KE PHETOHO E KHOLO,
’ME KE PONTŠO E TOTOBETSENG EA HORE PUSO EA PARAMENTE KAHAR’A
NAHA EA LESOTHO EA HOLA, EA PHELA, E BILE E NTSE E TSOELAPELE HO
IKAMAHANYA LE LIPHETOHO TSA PUSO EA SECHABA KA SECHABA LEFATŠENG
KA BOPHARA.
MOHLOMPHEHI MOOKAMELI OA NTLO EA SENATE
MOHLOMPHEHI MOTSAMAISI OA LIPUISANO
LITHO TSE KHABANE
LE HOJA RE LE MOTLOTLO KA PULO EA TULO ENA EA BOBELI EA PARAMENTE
EA BOSUPA, RE NTSE RE HOPOLA KA MASOABI A MAHOLO LITHO TSE
KHABANE TSA PARAMENTE EONA ENA TSE ILENG TSA FALLA LEFATŠENG LENA
LE KA KOANO.
KA NTLONG EA SENATE RE SIILOE KE LITHO TSE LATELANG:
• MOHLOMPHEHI LEKHETHO PHAKISI;
• MOHLOMPHEHI PROF. ZACHARIAH MATŠELA;
• MOFUMAHALI ’MAJOELE MOPELI;
• MORENA ’MUALLE MOSHOESHOE;
• MOHLOMPHEHI ’MIKIA MAHOLELA; LE
• MOFUMAHALI ’MASENATE DAVID GABASHEANE MASUPHA.
3

ATHE KA LEKHOTLENG LA SECHABA TENG RE ILE RA LAHLEHELOA KE BA
LATELANG:
• MOHLOMPHEHI MOLEFE KONYANA;
• MOHLOMPHEHI PHALE MOKOENA;
• MOHLOMPHEHI MOLEBATSI MAKHEBESELA; LE
• MOHLOMPHEHI SEKOALA TOLOANE.
KA BOIKOKOBETSO, KE KOPA HORE BOHLE RE EMENG, RE KHUTSE
METSOTSOANA E SE MEKAE, HO HOPOLA MASOLE ANA A RONA A ILENG A OA
MOLENG OA NTOA.
MOHLOMPHEHI MOOKAMELI OA NTLO EA SENATE
MOHLOMPHEHI MOTSAMAISI OA LIPUISANO
LITHO TSE KHABANE
LE TLA HOPOLA HAPE HORE HA KE NE KE LE MONA NGOAHOLA-KOLA, KE ILE
KA BUA KA MORALO OA CHEBELO-PELE EA 2020 (VISION 2020), KE BONTŠA SE
LEBELETSOENG HO PARAMENTE LE MAKALA A ’MUSO MALEBANA LE
PHETHAHATSO EA LITABA-TABELO, LITORO LE LITEBELLO TSA BASOTHO TSE
TOTOBALITSOENG MORALONG OO. KA RE TABA-KHOLO PARAMENTENG ENA
EA BOSUPA, KE PHETHAHATSO EA CHEBELO-PELE ENA.
4

KE LE HOPOTSA HAPE HORE PUONG EONA EO EA KA HA KE NE KE BULA
PARAMENTE ENA EA BOSUPA, KE NE KE BONTŠE HORE “’MUSO O TLA
HLOPHISA LITHUPELO HO NTLAFATSA BOIPHIHLELO BA LITHO TSA
PARAMENTE, MATONA LE BANGOLI BA BAHOLO BA MAKALA, E LE HORE
MEKHAHLELO ENA E MERARO EA PITSA EA PUSO E TIEE, ’ME NEHELETSANO LE
TŠEBELISANO E BE TSE MATLA LIPAKENG TSA EONA.” E LE HO PHETHISA TABA
ENA, HAR’A LITHUPELO TSE ILENG TSA TŠOARELOA LITHO TSA PARAMENTE
TULONG EA PELE, E ’NGOE EA TSA BOHLOKOA E BILE EA “POST ELECTION
SEMINAR”, E NENG E TŠOEROE KA KOPANELO LE OFISI EA MOKHATLO OA
LINAHA TSA SELEKANE (COMMONWEALTH SECRETARIAT). LE TLA LUMELLANA
LE ’NA, LITHO TSE KHABANE, HORE THUPELO ENA E ILE EA E-BA E BOHLOKOA
HAHOLO NTLAFATSONG EA TŠEBETSO EA LONA.
KE MOTLOTLO HAPE HO TLALEHA HORE TULONG EA PELE EA PARAMENTE EA
BOSUPA, HO SEBELITSOE LITŠOANTŠO TSA MOLAO TSE MASHOME A MABELI A
METSO E MENE, ’ME PALO ENA KE E HOLIMO HO FETA TSOHLE KA NAKO E
KANA. TABA ENA KE PONTŠO LE BOPAKI BO HLAKILENG BA HORE TSELA ENA E
NCHA EA TŠEBETSO, EA HO HETLA MORAO LE HO ITLHAHLOBA TULONG E
’NGOE LE E ’NGOE, E THUSA PARAMENTE HORE E ETSE MOSEBETSI O
MONGATA KA NAKO E KHUTŠOANYANE.
NTUMELLENG HORE KE MPE KE QOLLE E SENG MEKAE FEELA EA MELAO ENA
EA BOHLOKOA E FETISITSOENG TULONG ENA EA PELE EA PARAMENTE EA
BOSUPA. EONA KE:
5

ENVIRONMENT ACT, 2008;
PUBLIC SERVICE (AMENDMENT) ACT, 2008
PUBLIC OFFICERS DEFINED CONTRIBUTORY PENSION FUND ACT, 2008;
LOCAL GOVERNMENT SERVICE (AMENDMENT) ACT, 2008;
DEFERRED PAY ACT, 2008; LE
MILLENNIUM CHALLENGE ACCOUNT LESOTHO AUTHORITY ACT, 2007
KE RATA HO SUPA HORE E MERARO EA MELAO ENA E FETISITSOENG, KE E
SEBETSANANG KA KOTLOLOHO LE HO HLAOLA KHETHOLLO E MABAPI LE BO-
MME LE BACHA. EONA KE:
LAND (AMENDMENT) ACT, 2008;
LESOTHO BANK (AMENDMENT) ACT, 2008;
COMPANIES (AMENDMENT) ACT, 2008; LE
NATIONAL YOUTH COUNCIL ACT, 2008.
MOHLOMPHEHI MOOKAMELI OA NTLO EA SENATE
MOHLOMPHEHI MOTSAMAISI OA LIPUISANO
LITHO TSE KHABANE
TULONG ENA EA BOBELI EA PARAMENTE EA BOSUPA, ’MUSO OA KA, E LE HO
NTŠETSA-PELE MERERO EA OONA EA PUSO, O TLA TEKA KAPELE HO
PARAMENTE LITŠOANTŠO TSE LATELANG TSA MOLAO:
6

▪ ALIENS CONTROL (AMENDMENT) BILL, 2009;
▪ NATIONAL ASSEMBLY ELECTIONS (AMENDMENT) BILL, 2009;
▪ SPECIFIED OFFICERS (RETIREMENT BENEFITS) BILL, 2009;
▪ CHILD PROTECTION AND WELFARE BILL, 2009;
▪ PENAL CODE BILL, 2009;
▪ JUDICIAL ADMINISTRATION BILL, 2009;
▪ NATIONAL HERITAGE BILL, 2009;LE
▪ EDUCATION BILL, 2009.
MALEBANA LE NTLAFATSO EA TŠEBETSO EA PARAMENTE, LIKOMITI TSA
TŠEBETSO TSE THEHETSOENG HO HLAHLOBA LE HO MATLAFATSA MOSEBETSI
OA PARAMENTE, LI TLA TSOELA PELE HO SEBETSA LI ITŠETLEHILE KA
BOELETSI LE TLATSETSO EA LITSEBI TSE TSOANG MAKALENG A ’MUSO LE
MAFAPHENG ’OHLE A TLANG HO ANGOA KE LITŠOANTŠO TSA MELAO TSE
KAPEL’A LIKOMITI. HO BILE HO TLA BA LE MOO LIKOMITI TSENA LI TLANG HO
TSOA LETŠOLO HO EA TSOMA MAIKUTLO A BASOTHO KAHARE LE KANTLE HO
NAHA, JOALO KA HA HO ILE HA ETSAHALA TULONG E FETILENG. LE TLA
LUMELLANA LE ’NA, LITHO TSE KHABANE, HORE BOEMO BONA KE BO BONG BA
A KAHOLIMO-LIMO HA RE BUA KA HO ISA PARAMENTE SECHABENG, ’ME TABA
ENA E BONAHALA E THABISITSE BASOTHO HAHOLO.
BAHLOMPHEHI BA KA, ’MUSO OA KA O ILE OA TŠEPISA HORE O TLA QALA
MOSEBETSI O MOHOLO OA HO AHA PARAMENTE E NCHA EA LESOTHO. KE
7

MOTLOTLO HO BOLELA HORE MOSEBETSI OO O QALILE KA MATLA, ’ME O
TSOELA PELE HANTLE HAHOLO.
HO EKELETSA HOLIM’A NTLAFATSO ENA E ETSANG PALE NALANENG EA NAHA
ENA, PARAMENTE E TLA FETISA LIKHAKANYO TSA LICHELETE TSE TLA PHETHA
MERERO E MEHOLO EA ’MUSO EA NTLAFATSO, E KENYELETSANG HAR’A E
MENG, NTLAFATSO EA LITŠEBELETSO TSA BOPHELO, KHAHO EA LITSELA LE
MAROKHO, PHEPELO EA METSI METSENG, LE PHELISO EA BOFUMA.
MOHLOMPHEHI MOOKAMELI OA NTLO EA SENATE
MOHLOMPHEHI MOTSAMAISI OA LIPUISANO
LITHO TSE KHABANE
HA KE KENA LITABENG TSA PHETHAHATSO EA MAANO LE MERERO EA ’MUSO,
KE TLA QOTSA TSE SENG KAE FEELA TSA TSEO ’MUSO O TLANG HO LI ETSA
TULONG ENA EA BOBELI EA PARAMENTE EA BOSUPA:
’MUSO OA KA O TLA THEHA LEKHOTLA LA NAHA LA KHOEBO (THE BUSINESS
COUNCIL OF LESOTHO), E LENG MOO BAHOEBI LE ’MUSO BA TLANG HO PHURA
LESHOETLA ’MOHO KA LITABA TSA KHOLISO LE NTLAFATSO EA KHOEBO, E LE
HORE BAHOEBI BA NAHA ENA BA TLE BA TSEBE HO KENYA LETSOHO KA TSELA
E MATLA KHOLISONG EA MORUO LE PHOKOTSONG EA TLHOKAHALO EA
MESEBETSI.
8

’MUSO O TLA KENA LIPUISANONG TSA KHOEBISANO LE MACHABA A KOPANENG
A EUROPA (ECONOMIC PARTNERSHIP AGREEMENT WITH THE EUROPEAN
UNION) HO LEKA HO NOLOFALETSA LIHLAHISOA TSA NAHA EA LESOTHO HO
FUMANA ’MARAKA LE HO ATOLOSA KHOEBISANO EO RE SENG RE NTSE RE E-
NA LE EONA LE AMERIKA TLAS’A LEANO LA KHOLISO EA MORUO OA AFRIKA
(AGOA).
’MUSO O TLA TSOELA PELE HO LOANTŠA BOFUMA LE TLHOKAHALO EA
MESEBETSI KA HO LEMA LIFATE TSA MERU LE TSA LITHOLOANA, HAMMOHO LE
JOANG, E LE HO THIBA LE HO KOALA MANGOPE A BAKOANG KE KHOHOLEHO
EA MOBU.
LITHO TSE KHABANE
MOTSE OA BOCHABA BA BASOTHO O THABA-BOSIU, O TLA BULELOA
TŠEBETSO MONONGOAHA, E LE HO EKETSA HO HOHELA BAHAHLAOLI, HORE
BA FELE BA TLE KA BONGATA QHOBOSHEANENG ENA EO RURI BOHLE RE E
HOPOLANG KA TLHOMPHO LE KA THOTHOMELO PALENG EA RONA RE LE
SECHABA.
’MUSO O TLA THAKHOLA MERERO E MEHOLO EA NTLAFATSO EA METSI
LIBAKENG TSE ’MALOA KAHAR’A NAHA. KA KOTLOLOHO, KHAHO EA LETAMO LA
METOLONG E TLA QALA HO EA MAFELONG A SELEMO SENA SA 2009.
KAHOLIMO HO MONA ’MUSO O TLA PHETHELA LIPUISANO LE ’MUSO OA AFRIKA
9

BOROA KA MOKHAHLELO OA BOBELI OA MORERO OA METSI A LIHLABA
(LESOTHO HIGHLANDS WATER PROJECT, PHASE II), O LEBELETSOENG HO
QALA KA SELEMO SA 2013 KA KHAHO EA LETAMO LA POLIHALI, MOKHOTLONG.
HAPE, KE BOETSE KE MOTLOTLO HO LE TSEBISA HORE ’MUSO OA KA O SE O
QALILE LIPUISANO TSA HO HLAHLOBA MENYETLA EA THEKISETSANO EA METSI
LE ’MUSO OA BOTSWANA, KA TSELA E TŠOANANG LE EO RE SENG RE NTSE RE
E ETSA LE ’MUSO OA AFRIKA BOROA.
’MUSO OA KA O REKILE MECHINE EA KHAHO EA LITSELA LITEREKENG TSE
LESHOME TSA NAHA ENA. THEPA ENA E SE NTSE E SEBETSA HO TSE LING TSA
LITEREKE, ATHE HO TSE LING TENG HO NTSE HO LOKISOA KHIRO EA
BAHLANKA BA TLA SEBELISA MECHINE ENA.
MALEBANA LE NTLAFATSO EA LITŠEBELETSO TSA BOPHELO, ’MUSO OA KA O
SE O HATETSE PELE HAHOLO KHAHONG EA SEPETLELE SE SEHOLO SA NAHA
(REFERRAL HOSPITAL) LEPERENG, MASERU. ’MUSO O TEKENNE TUMELLANO
LE TŠEPONG (PTY) LTD TLAS’A LEANO LA PPP (PUBLIC PRIVATE
PARTNERSHIP), ’ME TEBELLO KE HORE MOSEBETSI O TLA QALA SELEMONG
SONA SENA. ’MUSO O TLA BOELA O ITHUKHUBETSA KA MATLA, TULONG ENA
EA BOBELI EA PARAMENTE EA BOSUPA, HO FOKOTSA SEKHAHLA SA HO SHOA
HA MASEA LE BO-’M’A NAKONG EA PELEHI KA HO EKETSA BAOKI LE LINGAKA
TSE NANG LE LITSEBO TSE KHETHEHILENG LITABENG TSENA. TABENG EA HIV
LE AIDS, LITEKO TSOHLE TSE SENG LI QALILOE HO LOANTŠA KHOLUMO-LUMO
10

ENA LI TLA MATLAFATSOA LE HO NTŠETSOA PELE KA SEFUTHO SE FETANG SA
PELE.
THUTONG TENG, ’MUSO OA KA O TLA ETSA MOLAO OA THUTO OO, HAR’A
LINTLHA TSE LING, O TLANG HO TLAMA BATSOALI HO LOKOLLA BANA HORE BA
KENE THUTONG EA MATHOMO E LEFELLOANG KE ’MUSO. ’MUSO O TLA
HLOPHOLLA LE HO NTLAFATSA MANANE-THUTO, LE HO LOKISA HORE
LIHLAHLOBO TSA MAPOMELO TSA LIKOLO TSE PHAHAMENG LI LAOLOE MONA
LESOTHO, E LE HORE THUTO EA RONA E ARABELE LITLHOKO TSE TOBILENG
NAHA EA RONA KA KOTLOLOHO. HO FETA MONA, ’MUSO O TLA NTLAFATSA
BOLENG BA KOETLISO EA MESEBETSI EA MATSOHO LE LITSEBO TSE
IKHETHANG KA HO EKETSA LITSI TSA THUPELO LE PHEPELO EA THEPA E
SEBELISOANG.
MOHLOMPHEHI MOOKAMELI OA NTLO EA SENATE
MOHLOMPHEHI MOTSAMAISI OA LIPUISANO
LITHO TSE KHABANE
’MUSO O TLA KENYA TŠEBETSONG MECHINE E TLA THUSA HORE LIFOFANE LI
LULE LEBALENG LA LIFOFANE LA MOSHOESHOE OA PELE LE HA MAEMO A
LEHOLIMO A LE MABE. HAPE, MEAHO LE THEPA LI TLA NTLAFATSOA HORE LI
BE BOEMONG BA MACHABA.
11

’MUSO OA KA O TLA AHA MAROKHO LE HO NTLAFATSA LITSELA. HAR’A LITSELA
TSE TLA SEBETSOA KE QOLLA TSENA TSE THARO:
TSELA EA LITERAPENG HO EA TŠEHLANYANE E TLA NYOLLELOA BOEMONG
BA LETŠOANA;
MOKHAHLELO OA HO QETELA OA TSELA E TLOHANG LIKALANENG HO EA
THABA-TSEKA O TLA QALA; ’ME
HO TLA LOKISOA TSELA E TLOHANG OXBOW HO EA MOKHOTLONG .
E LE HO TSOELA PELE HO NTLAFATSA TSELA EA HO FITISA MELAETSA, ’MUSO
OA KA O TLA AHA LIPOSO TSA SEJOALE-JOALE TSE NANG LE BANKA EA POSO
HAMMOHO LE INTERNET LITEREKENG TSA MAFETENG, MOHALE’S HOEK,
MOKHOTLONG LE BOTHA-BOTHE. HAPE, ’MUSO O TLA ANETSA KHASO EA
SEEA-LE-MOEA LE TELEFISHINI HORE LI FIHLELLE HOHLE KAHARE HO NAHA.
KE NE KE BONTŠE TLHOMAMISONG EA PARAMENTE ENA HORE KABO EA TOKA
KE TŠIEA E KHOLO EA PUSO EA SECHABA KA SECHABA. KA HONA, ’MUSO OA
KA O TLA TSOELA PELE HO IKITLAELETSA HO FOKOTSA MANANE A LINYEOE
TSE NTSENG LI EMETSE HO SEBETSOA KA MAKHOTLENG A MOLAO, LE HO
POTLAKISA KABO EA TOKA SECHABENG. E LE HO FIHLELA SEPHEEO SENA HO
TLA ETSOA TSE LATELANG:
• HO TLA THEOA HO BE HO KOETLISOE LITHO TSA LEFAPHA LEO HO LONA
BOCHOCHISI LE SEPOLESA LI SEBETSANG ’MOHO (SERVICE OF COURT
PROCESS UNIT);
12

• BAAHLOLI BA LEKHOTLA LE PHAHAMENG BA TLA TSOELA PELE HO EA
MAMELA LINYEOE LITEREKENG TSOHLE TSA NAHA; ’ME
• HO TLA IMAMELLOA HO EKETSA LENANE LA BAAHLOLI KA LEKHOTLENG
LE PHAHAMENG.
TOANTŠONG EA LITLOLO TSA MOLAO TENG, ’MUSO O TLA NTLAFATSA
BOSEBELETSI BA SEPOLESA SA LESOTHO KA HO SE AHELA MATLO A BOLULO,
LIOFISI, HO BA RUPELA LE HO BA FUMANTŠA THEPA EA TŠEBETSO.
’MUSO O TLA HLAHLOBA LE HO HLOPHISA BOCHA, LE HO NTLAFATSA LETLOLE
LA BAHLANKA BA SECHABA LA HO AHA KAPA HO REKA MATLO A BOLULO, E LE
HORE LETLOLE LENA LE TLE LE FIHLELE SEPHEO SEO LE SE RERETSOENG SA
HORE BAHLANKA BA TSEBE HO AHA KAPA HO ITHEKELA MATLO. KA TSELA E
TŠOANANG, ’MUSO O TLA HLAHLOBA BOCHA MEKHOA EA HO HOHELA LE HO
BOLOKA BAHLANKA BA NANG LE LITSEBO TSE KHETHEHILENG KAHARE HO
NAHA. ’MUSO O TLA KENYA TŠEBETSONG LEANO LA HORE BAHLANKA BA
SECHABA BA NTLAFALETSOE MEPUTSO HO LATELA BOIPABOLO BA BONA
MOSEBETSING (PERFORMANCE RELATED REWARD SYSTEM).
13

MOHLOMPHEHI MOOKAMELI OA SENATE
MOHLOMPHEHI MOTSAMAISI OA LIPUISANO
LITHO TSE KHABANE
TEMA E KHATHILOENG E KHOLO TULONG E FETILENG, ’ME E SE E KA LILEMO
TSENA TSE SETSENG TSA PARAMENTE EA BOSUPA EA LESOTHO E KA BA TSE
TLA TLISETSA BASOTHO LITHOLOANA TSE HLABOSEHANG BOLISENG BA LONA.
KE LE KHOTHALETSA KA MATLA HO SEBELETSA KHOTSO, BOTSITSO LE PUSO
EA MOLAO, E LENG TSONA LITŠIEA TSE KHOLO TSA PUSO EA SECHABA KA
SECHABA.
KE LE LAKALETSA LIPUISANO TSE MOFUTHU. SEBETSANG KA BOITELO LE KA
TLHOMPHANO, LITHO TSE KHABANE.
KHOTSO! PULA! NALA!
14