Albania Demographic and Health Survey 2008-09 ... - Measure DHS

PËRMBLEDHJA E GJETJEVE
Studimi Demografik dhe Shëndetësor në
Shqipëri (ADHS) 2008-09 është një studim
kombëtar i realizuar me një grup përfaqësues prej
7,584 femrash dhe 3,013 meshkujsh të moshës
15-49 vjeç. Puna në terren u zhvillua gjatë
periudhës tetor 2008 deri në prill 2009.
ADHS u realizua nga Instituti i Statistikës dhe
Instituti i Shëndetit Publik të Republikës së
Shqipërisë. ICF Macro siguroi asistencën teknike
për studimin. Fondet për këtë studim janë
siguruar nga Agjencia e Shteteve të Bashkuara
për Zhvillim Ndërkombëtar (USAID), Zyra
Zviceriane për Bashkëpunim në Shqipëri (SCO-
A), Fondi i Kombeve të Bashkuara për Fëmijë
(UNICEF), Fondi për Popullsi i Kombeve të
Bashkuara (UNFPA), Organizata Botërore e
Shëndetësisë (OBSH) dhe Agjensia Spanjolle për
Zhvillim dhe Bashkëpunim (AECID).
KARAKTERISTIKAT E POPULLATËS
Shqipëria është një vend etnikisht homogjen,
pothuajse të gjithë të intervistuarit janë shqiptarë.
Rreth 55 përqind jetojnë në zonat rurale. Një e
gjashta e të intervistuarve banojnë në Tiranën
Urbane. Madhësia mesatare e familjeve në
Shqipëri është 3.8 persona. Gjashtëmbëdhjetë
përqind e familjeve janë të kryesuara nga
gratë. Tre përqind e familjeve kanë fëmijë jetimë
ose fëmijë nën kujdestari që jetojnë me ta.
Nëntëdhjetë e katër përqind e familjeve përdorin
një burim të përmirësuar të ujit të pijshëm dhe
92 përqind e familjeve përdorin pajisje sanitare të
përmirësuara. Më shumë se gjysma e familjeve
shqiptare (52 përqind) kanë tokë bujqësore të
vetën.
Shumica e femrave dhe e meshkujve të zgjedhur
kanë frekuentuar shkollën. Rreth gjysma e grave
(47 përqind) kanë përfunduar arsimin fillor,
ndërsa rreth një e katërta (24 përqind) kanë
përfunduar arsimin e mesëm. Katër në dhjetë
meshkuj (37 përqind) kanë përfunduar arsimin
fillor, ndërsa tre në dhjetë meshkuj (30 përqind)
kanë përfunduar arsimin e mesëm. Trembëdhjetë
përqind e femrave dhe 12 përqind e meshkujve
janë me universitet ose arsim të lartë. Pothuajse e
gjithë popullata di të shkruajë dhe të
lexojë. Tridhjetë përqind e femrave dhe 66
përqind e meshkujve ishin të punësuar deri në
shtatë ditë para intervistës.
ARSIMI
Në total, 95 përqind e të intervistuarve kanë
ndjekur arsimin fillor dhe 56 përqind arsimin e
mesëm; indeksi i barazisë gjinore është 0.99 dhe
0.96, përkatësisht. Pesëdhjetë e pesë përqind e
fëmijëve të moshës 36-59 muaj kanë ndjekur një
program arsimor në fëmijërinë e hershme.
LINDSHMËRIA
Treguesit e fertilitetit. Niveli total i
lindshmërisë (TFR) për tre vitet para studimit
është 1,6 fëmijë për çdo grua, shifër kjo nën
nivelin e zëvendësimit.
TFR për zonat rurale (1.8 lindje) është më i lartë
se sa për zonat urbane (1.3 lindje). Ky ndryshim
urban-rural në normat e lindjes së fëmijës, mund
t'i atribuohet pothuajse ekskluzivisht
grupmoshave të reja. Edhe pse piku i pjellorisë
ndodh në moshën 25-29 vjeç, si në zonat urbane
dhe në ato rurale, ndryshimi më i madh urbanrural
i treguesit të fertilitetit specifik për moshën
është në grupmoshën 20-24 vjeç (64 lindje për
grua krahasuar me 120 lindje për grua).
Tendencat në kohë. Krahasimet midis studimit
të Shëndetit Riprodhues në Shqipëri dhe
rezultateve të ADHS tregojnë një rënie nga 2.6
fëmijë për grua në 1999-2002, në nivelin aktual
të 1.6 fëmijëve për një grua në periudhën
2006-2008.
Mosha në lindjen e parë. Lindja e fëmijëve
fillon relativisht vonë në Shqipëri, tre të katërtat
e grave të moshës 20-24 vjeç nuk kanë
lindur. Studimi tregoi se vetëm 2 përqind e grave
të moshës 15-19 vjeç kanë lindur fëmijë. Mosha
mesatare në lindjen e parë, për gratë e moshës
25-49 vjeç, është 23.4 vjeç.
Intervalet e lindjeve. Studimet kanë treguar se
fëmijët e lindur më shpejt pas lindjes së
mëparshme, sidomos ata të lindur brenda dy
Përmbledhja e Gjetjeve | xxv