Albania Demographic and Health Survey 2008-09 ... - Measure DHS

HYRJE
Fillimi e mesi i viteve 1990 i çelën Shqipërisë rrugën e ndryshimit të madh, hopin e madh
cilësor nga sistemi totalitar në atë demokratik, duke e futur vendin në shinat e ekonomisë së tregut të
lire. Të tilla ndryshime rrënjësore u shoqëruan natyrshëm edhe me një sjellje të re të profilit shoqëror
shqiptar në këndvështrimin demografik e shëndetësor të saj.
Studimi Demografik dhe Shëndetësor i Shqipërisë (ADHS) 2008-09, është një studim i
realizuar mbi një kampion përfaqësues të popullatës shqiptare, me qëllim që të sigurojë informacion
mbi popullatën, karakteristikat demografike dhe shëndetin e saj në Shqipëri. Studimet e kryera në
popullatë janë frut i punës dhe i përpjekjeve të vlerësueshme që janë bërë në këto fusha studimi, të
cilat sigurojnë një grup të rëndësishëm të treguesve të zhvillimit.
Rezultatet e ADHS kanë si qëllim të sigurojnë të gjithë informacionin e nevojshëm që do të
shfrytëzohet për të vlerësuar programet ekzistuese në vend, si dhe t’u ofrojë vendim-marrësve
shqiptarë informacionin e nevojshëm për hartimin e politikave dhe strategjive të reja në lidhje me
shëndetin dhe shërbimin shëndetësor që i sigurohet popullatës shqiptare.
Njëkohësisht informacioni i mbledhur nga Studimi Shqiptar mbi Demografinë dhe Shëndetin
2008-09 do të përdoret jo vetëm nga vendim-marrësit shqiptarë, por edhe nga drejtues të programeve
për planifikimin e ndërhyrjeve, nga partnerë dhe donatorë të huaj që japin ndihmesën e tyre në fusha
të ndryshme, si dhe nga institucionet akademike për të vënë në zbatim analiza më të thelluara të të
dhënave të përftuara.
Ky studim është rezultat i punës dhe përpjekjeve të lavdërueshme të shumë institucioneve dhe
organizmave kombëtare e ndërkombëtare, të cilët e kanë realizuar atë me profesionalizem duke
konsoliduar njëherësh vijimësinë e një tradite në trajtimin e kësaj problematike.
Petrit VASILI
Ministër i Shëndetësisë
Hyrje | iii