Albania Demographic and Health Survey 2008-09 ... - Measure DHS

8 | Hyrje
farmaceutike europiane (Ministria e Shëndetësisë e Shqipërisë, 2009; Ministria e Shëndetësisë e
Shqipërisë, 2002; Ministria e Shëndetësisë e Shqipërisë, 2004).
1.4.6 Instituti i Sigurimeve Shëndetësore
Sigurimet shëndetësore në Shqipëri janë institucionalizuar në përputhje me ligjin ‘Për sigurimet
shëndetësore në Republikën e Shqipërisë’ (Nr. 7870), 13 tetor 1994. Modeli është ai i llojit Bismark të
skemës së sigurimeve shëndetësore që filloi në mars 1995. Institucionalizimi i sigurimeve shëndetësore
është një element i rëndësishëm i reformës në sistemin shëndetësor dhe është me rëndësi kyçe për
financimin e kujdesit shëndetësor, rritjen e burimeve shëndetësore dhe arritjen e përmirësimeve në
cilësinë e shërbimeve shëndetësore.
Skema e sigurimeve shëndetësore mbulon shërbimet e kujdesit shëndetësor parësor, kujdesin
spitalor dhe kostot e mjekimit të një liste prej 405 barnash të miratuara dhe të regjistruara. Instituti i
Sigurimeve Shëndetësore (ISSh) do të ketë një rol në rritje në zhvillimin e skemës së sigurimeve
shëndetësore, sepse është përgjegjës për mbulimin e kujdesit shëndetësor parësor dhe kujdesit spitalor.
1.4.7 Burimet Njerëzore
Një prej përparësive kryesore të MSh është ndërtimi i kapaciteteve të burimeve njerëzore në
sektorin shëndetësor. Në Shqipëri ka 2 039 mjekë të përgjithshëm (MP), 1,587 mjekë të specializuar,
dhe 12,746 infermierë. Figura 1.2 tregon shpërndarjen në përqindje të profesionistëve të shëndetësisë
për 100 000 banorë sipas llojit të profesionistit të shëndetësisë (Ministria e Shëndetësisë e Shqipërisë,
2009).
Infermierë
405
Figura 1.2
1.4.8 Burimet e Financimit Publik të Shëndetësisë
Shpërndarja e Profesionistëve të Shëndetësisë
Për 100,000 Banorë
Dentistë
33
Mjekë të
specializuar
138
Mjekë të
përgjithshëm
51
Farmacistë
35
ADHS 2008-09
Pas fillimit të reformës në sektorin e shëndetësisë, në vitin 1995, Shqipëria kaloi nga
financimi i drejtpërdrejtë qeveritar i sektorit të shëndetësisë, në një mekanizëm të ri financimi, i cili
është një kombinim i taksimit të përgjithshëm, taksave mbi të ardhurat dhe kontributeve nga donatorët
ndërkombëtarë (Ministria e Shëndetësisë e Shqipërisë, 2003; Nuri, 2002).