Daraasad-Cimilo-Awaal - Heinrich Böll Foundation
Daraasad-Cimilo-Awaal - Heinrich Böll Foundation
Daraasad-Cimilo-Awaal - Heinrich Böll Foundation
Create successful ePaper yourself
Turn your PDF publications into a flip-book with our unique Google optimized e-Paper software.
Hadhuudhka loo yaqaanno Cilmi-Jaamac ayaa ka mid ah jaadadka ugu mudan<br />
ee ay beeraleydu beerato, sababta oo ah waa uu u adkeysi badan yahay abaaraha,<br />
cayayaanka iyo xanuunnada, wax-soo-saarkiisuna waa fi ican yahay.<br />
Beeraleydu iyaga oo maanka ku haya roobabka aan isku halleyn lahayn, waxa ay<br />
marmarka qaarkood hore u soo dhigaan xilligii wax la beeri jiray, taas oo micnaheedu<br />
tahay in ay ku bilaabaan ama la eegtaan shuuxa ugu horreeya, si uu roob wanaagsani<br />
u soo gaadho iniinyihii oo durba biqley. Si kastaba arrinku ha ahaadee tan oo kale<br />
waa baqti-yaa-nasiib, oo waxaaba laga yaabaa in uu roobku raago ama dib u dhaco,<br />
halkaasna uu ku siriro ama dhinto dalaggii yaraa. Fig 4. Beer ku taalla Arabsiyo. Biyo<br />
badan ayaa ku luma qaab-waraabka noocan oo kale ah<br />
Qaab-waraabka noocan oo kale ah ee ay saaqiyaduhu ciid yihiin, isla markaana aan la<br />
adeegsan tuubbooyin, waxa ku luma biyo badan. Waxa sidoo kale la arkaa in aaney<br />
beeraleyda badankoodu aaney ku baraarugsanayn in tayada waraabintu ay hoos u<br />
dhacdo xilliga kulaylka, maxaa yeelay, biyo badan ayaa ku lumaaya uumi-bax. Sida<br />
ugu habbooni waa in la waraabiyo dalagga xilliga ay cadceeddu qabowdahay.<br />
3.3.2 Dhowrista/kabidda ciidda iyo kordhinta ka-faa’iideysiga<br />
biyaha roobka<br />
Si loo kordhiyo keydinta ay ciiddu biyaha gudaheeda ku keydiso, taas oo xoojin karta<br />
riiq-dheeraanta dhirta, cawska iyo dalaggaba, waxa ay ku dhaqmaan bulshadani tabo<br />
ay u adeegsadaan dhowrista ciidda iyo biyahaba. Waxana ka mid ah in moosas la<br />
dhigo dhulka janjeedhka leh ee ay aaney biyuhu ku hakannin, taas oo keenta in ay<br />
hakiyaan qulqulka, isla markaana gacan ka siiyaan in biyuhu dhulka hoos u galaan.<br />
Waxa aynu sidaas oo kale hore uga soo hadalnay adeegsiga bacaha loo adeegsado<br />
kaydinta biyaha roobka. Fig 5: Moos ku yaalla Dila<br />
3.3.3 Isku-dhafka noocyada kala duwan ee xoolaha<br />
Waayihii hore ee tigaadda badan laga heli jiray dhulka ay daraasaddu koobsatay,<br />
ishinka, siiba lo’da ayaa ahayd nooca ugu badan ee ay dhaqdaan bulshada ku nool<br />
degmooyinkaasi. Ha yeeshee tirada lo’da ayaa sii yaraaneysay kol haddii uu cawskii<br />
yaraaday, iyada oo weliba la ogsoon yahay in ay lo’du xaalufka, abaarta iyo biyola’aantaba<br />
u nugushahay. Kolkaas, tiro-ahaan, waxa halkeedii beddelay geelii iyo<br />
riyihii oo laaca dhirta sare.<br />
Reer-magaalkuna beryahan dambe waxa ay door bidaan caanaha geela iyo riyaha<br />
(sabab la xidhiidha duxda oo ku yar awgeed), taas oo keentay in ay dadku ku<br />
dadaalaan dhaqashada labadaas, dhinaca kalena ay hoos u dhacdo tirada lo’du.<br />
Waxase iyana feejignaan u baahan sida loo kala badbaadinaayo dalagyada la beerto<br />
(siiba khudaarta) iyo xoolaha qaarkood, sida riyaha, oo dhaawac badan u geysta.<br />
Dhanka kale, kol haddii uu guurguurkii reeruhu yaraaday, waxa ay bulshada<br />
xoololeyda-beeraleydu ku dadaalaan in ay qorsheystaan sidii ay calaf ugu heli<br />
lahaayeen xoolahooda – taas oo dhiirri-gelisay in qoysas tiro badani ay ceshadaan<br />
Candlelight<br />
Case Study<br />
26<br />
CIMILO-AWAAL<br />
<strong>Daraasad</strong>o ku Saabsan Doorsoonka Cimilada