You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
LETËRSI E HUAJ<br />
Liza Tecner<br />
Një mbret kishte një zog<br />
shumë të bukur. Fatkeqësisht,<br />
një ditë zogu u largua nga<br />
oborri i mbretit. Atë e zuri një<br />
plak. Donte t’ia kthente të<br />
zotit, por nuk e dinte rrugën.<br />
Papritur i doli një burrë. Plaku<br />
iu lut t’ia tregonte udhën, por<br />
ai iu përgjigj:<br />
-Nëse ma jep gjysmën e shpërblimit<br />
që do të të japë<br />
mbreti për zogun, të çoj unë<br />
atje.<br />
Ç’të bënte? E pranoi<br />
propozimin. Arritën në kështjellën<br />
e mbretit. Përpara<br />
portës qëndronte një ushtar, i<br />
cili nuk i la të futeshin brenda.<br />
-Të lë të hysh brenda vetëm<br />
nëse ma jep gjysmën e shpërblimit<br />
që do të marrësh për<br />
zogun, - tha ushtari.<br />
-Por unë gjysmën e<br />
shpërblimit ia kam<br />
premtuar udhërrëfyesit,<br />
- ia ktheu<br />
plaku.<br />
-Atëherë gjysmën<br />
e asaj që mbetet, - u<br />
përgjigj ushtari.<br />
Plaku premtoi, vazhdoi<br />
më tej e<br />
arriti te<br />
kësht-<br />
Plaku i zgjuar<br />
jella. Aty qëndronte përsëri një<br />
ushtar tjetër që e ndaloi.<br />
-Do të lejoj të hysh nëse ma<br />
jep gjysmën e shpërblimit, - i<br />
tha ai.<br />
-Gjysmën ia kam premtuar<br />
udhërrëfyesit.<br />
-Mirë, pra, gjysmën që<br />
mbetet.<br />
-Gjysmën e asaj që mbetet<br />
ia kam premtuar atij që rrinte<br />
te porta, meqë më la të hyja.<br />
-Mirë, pra, ma jep pjesën<br />
që do të mbetet.<br />
Plaku pranoi dhe kështu<br />
hyri te mbreti. Udhërrëfyesi<br />
qëndroi jashtë, te dera. Madhëria<br />
u gëzua shumë kur e pa<br />
mikun e dashur zogun dhe tha:<br />
-Çfarë do si shpërblim që<br />
ma solle zogun tim?<br />
Plaku u mendua.<br />
“Nëse marr<br />
një grosh, gjysmën<br />
do ta<br />
marrë udhërrëfyesi,<br />
çerekun<br />
ushtari i parë<br />
dhe atë që<br />
mbetet<br />
ushtari i<br />
dytë. Nëse marr 100 rubla, po<br />
e njëjta gjë. Sado që të marr,<br />
për mua nuk mbetet asgjë”.<br />
Pasi bëri këtë llogari, i tha<br />
mbretit:<br />
-Dua 100 goditje me kamxhik!<br />
Mbreti u çudit.<br />
-Me të vërtetë do 100<br />
goditje me kamxhik?<br />
-Po, po, me të vërtetë, - tha<br />
plaku. – Gjysmën e tyre ia kam<br />
premtuar udhërrëfyesit.<br />
Mbreti dërgoi ta thërrisnin.<br />
Ky hyri i lumtur te mbreti,<br />
duke kujtuar se kushedi sa<br />
para do të fitonte. Por, ishte<br />
gabuar. I thanë të shtrihej në<br />
një stol dhe shërbëtorët i<br />
dhanë 50 goditje kamxhiku në<br />
kurriz. Pas kësaj, mbreti tha:<br />
-Tani, plak, shtrihu ti!<br />
-Jo, mbret i nderuar, gjysmën<br />
e gjysmës tjetër ia kam<br />
premtuar ushtarit që më lejoi<br />
të hyja te porta.<br />
Mbreti dërgoi të thërrisnin<br />
ushtarin. I dhanë edhe atij 25<br />
goditje kamxhiku. Përsëri i<br />
kërkoi mbreti ushtarit të shtrihej.<br />
Por, ai ia ktheu:<br />
-Çerekun e fundit ia kam<br />
premtuar ushtarit të dytë, që<br />
më lejoi të vija tek ju.<br />
Mbreti dërgoi ta thërrisnin<br />
ushtarin e dytë dhe kështu<br />
edhe ai mori pjesën që i<br />
takonte. Më në fund, plaku<br />
u largua me një dhuratë të<br />
madhe, jo për zogun, por<br />
për zgjuarsinë e vet.<br />
(Nga gjermanishtja<br />
Jonida Bishqemi)<br />
21