You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
LETËR NGA WUPPERTALI<br />
Festa e dijes në Gjermani<br />
SYLEJMAN SALIHU<br />
Në Wuppertal të Gjermanisë, që<br />
gjendet në landin e Nord-Rhein-<br />
Westffalen-it, më 23 qershor u organizua<br />
festa e dijes së nxënësve<br />
të shkollave shqipe në Gjermani,<br />
që ndryshe quhet “Kampionati i<br />
diturisë”. Nxënësit e shkollave<br />
nga shumë anë të Gjermanisë, të<br />
udhëhequr nga mësuesit e tyre<br />
dhe të shoqëruar edhe nga<br />
prindërit, kishin mësyrë gjimnazin<br />
“Am Kotten” në Wuppertal të<br />
Gjermanisë, me dëshirën e madhe<br />
që t’i provojnë dijet e tyre tok me<br />
moshatarët e shkollave simotra<br />
për kulturën, historinë,<br />
gjeografinë e atdheut dhe gjuhës<br />
shqipe, të cilën vazhdojnë ta kultivojnë<br />
me entuziazëm dhe me<br />
dashuri, këtu në diasporë, duke u<br />
bërë digë që lufton kundër asimilimit<br />
të tyre. Që nga larg, në<br />
shtrirje ballore horizontale, binin<br />
në sy fjalët ”100-vjetori i<br />
Pavarësisë së<br />
Shqipërisë”. Kampionati<br />
i 21-të, i<br />
mbajtur në<br />
Wuppertal,<br />
këtë herë<br />
mblodhi 14<br />
ekipe nxënësish<br />
që garonin<br />
në fushë<br />
të dijes dhe,<br />
krahasuar me vitet<br />
e kaluara, paraqiti<br />
një pjesëmarrje mjaft të<br />
vogël, derisa dimë se në Gjermani<br />
kemi një pjesëmarrje me rreth<br />
6000 nxënës shqiptarë në shkollat<br />
shqipe gjithandej Gjermanisë. Por,<br />
peri i traditës nuk u këput.<br />
Përshëndetën Etleva Mançe, mësuese,<br />
Xhemshir Haziri, kryetar i<br />
KASH-it në Gjermani, Skënder<br />
Xhakalia, ambasador i<br />
posaemëruar në Gjermani, Nuhi<br />
Gashi, zyrtar i MASHT-it të<br />
Kosovës, dhe vetë mësuesi nikoqir<br />
Sami Thaçi. Të gjithë radhazi i<br />
përgëzuan fëmijët për kurajën e<br />
tyre që të garonin me bashkëmoshatarët<br />
e tyre në Gjermani<br />
dhe uruan për suksese të larta.<br />
Pjesëmarrja e tyre,- u tha,- është<br />
vetë një sukses që në momentin<br />
kur ata kanë marrë përsipër një<br />
punë të tillë për pasurimin<br />
e tyre me<br />
dije, prandaj,<br />
ndonëse të gjithë<br />
nuk do t’i fitojnë<br />
tri vendet e<br />
para,<br />
prapëseprapë<br />
me vetë pjesëmarrjen<br />
e tyre<br />
dalin dhe vlerësohen<br />
të fituar që në<br />
fillim.<br />
Vajzat e shkollës së Wuppertalit<br />
shpërfaqën talentin e tyre<br />
në vallëzim, kurse nxënësit e Shtutgartit,<br />
të udhëhequr nga mësuesit<br />
Zejnije dhe Zeqir Asllani, Valdrin<br />
Asllani, Xhenita Shabani, Valesa<br />
Asllani dhe Saranda Elezaj, përcollën<br />
mesazhe dhe emocione të forta<br />
te shikuesit me poezitë për flamurin<br />
dhe për gjuhën shqipe. Por,<br />
pika kulmore e programit artistik<br />
ishte kur Valdrin Asllani realizoi<br />
një pikë tepër emocionale me<br />
monologun e njohur nga kohët e<br />
luftës ”Dheu i Kosovës”, dhe për<br />
këtë mori urime dhe duartrokitje të<br />
mëdha nga publiku.<br />
Në pjesën e dytë dhe kryesore të<br />
këtij takimi, nxënësit i provuan<br />
dijet e tyre, për të cilat kishin<br />
sakrifikuar shumë kohë dhe<br />
durim. Nga 14 ekipe, dhjetë u<br />
eliminuan në mënyrë gradative,<br />
sado treguan përgatitje solide,<br />
dhe kështu tri më të mirat, vlerësuar<br />
me pikë nga juria, i ndanë<br />
vendet fituese.<br />
Vendin e parë e zuri Shkolla e<br />
Viersenit me nxënësit: Ardit<br />
Ejupi, Trim Ejupi, Urim Ejupi,<br />
Arbesa Abazi dhe Arlinda Selimi<br />
me mësuesin Adem Shala; vendin<br />
e dytë e zunë nxënësit nga<br />
Shkolla e Neussit me nxënësit:<br />
Jehona Emini, Blinera Ismajli,<br />
Ardiana Muçolli, Alma Mustafi<br />
dhe Arbenita Jakupi me mësuesen<br />
Nexhmie Hamiti; kurse vendin<br />
e tretë e zuri Shkolla e Hammit<br />
me nxënësit: Ardita Hasani,<br />
Zelihe Kërqeli, Amire Dobra, Arlinda<br />
Hasani dhe Albana Lubishtani<br />
me mësuesen Nexhmie<br />
Reçica.<br />
23