SHFAJESIME NAIVE - Gazeta Express

More documents

Recommendations

Info

2 Pressing Fjalët tona Amerikanët nuk do ta braktisin Kosovën. MOTI PRISHTINË Sot Nesër <strong>Gazeta</strong> <strong>Express</strong> është botim i MediaWorks, LLC Adresa: Dardania 1/1 Prishtinë, 10000, Kosovë E-Mail: info@gazetaexpress.com Tel. +381 (0)38 76 76 76; fax: 038 76 76 78 www.gazetaexpress.com ELIOT ENGEL, Kongresist amerikan. Ditë më parë është përfolur mjaft se SHBA-të do ta tërheqin kontingjentin e tyre ushtarak në përbërje të KFOR-it. Ndërkohë këtë lajm e kanë përgënjeshtruar edhe autoritetet zyrtare amerikane. E drejta e disa qytetarëve për të protestuar dhe shprehur pakënaqësinë nuk do të lejohet të abuzohet në dëm të lëvizjes së lirë të qytetarëve tjerë dhe mallrave. BAJRAM REXHEPI, Ministër i Brendshëm i Kosovës, u është përgjigjur kështu paralajmërimeve të Lëvizjes Vetëvendosje për bllokimin e Pikave Kufitare në Merdarë dhe Dheu i Bardhë, me qëllim të “zbatimit të mocionit të Kuvendit të Kosovës për vendosjen e masave të reciprocitetit në raport me mallrat e Serbisë” Tadic, ik nga Kosova. Mbishkrim Me të cilin Lëvizja e Lirë Qytetare ka protestuar në qytetin e Pejës ndaj vizitës së presidentit serb Boris Tadic në Kosovë. Protesta ka pasur edhe në Deçan. Tadic gjendet në Kosovë për festimin e Krishtlindjeve ortodokse. Max: 0 °C Min: -6 °C Max: -1 °C Min: -3 °C Ferizaj ka një shesh të mbushur me histori shkrumbi dhe krenarie, ku janë mbajtur demonstrata e protesta nga më të ndryshmet. Në të janë djegur njerëzit edhe librat. E shtunë, 7 janar 2012 Kryeredaktor: Leonard Kerquki leonard.kerquki@gazetaexpress.com Politikë: Shpend Limoni shpend.limoni@gazetaexpress.com Nacionale dhe siguri: Jeton Musliu jeton.musliu@gazetaexpress.com Ekonomi: Arben Hyseni arben.hyseni@gazetaexpress.com Bota: Arsim Buxhovi arsim.buxhovi@gazetaexpress.com Arte: Faton Raçi faton.raci@gazetaexpress.com Editorialet dhe Shkurt e Shqip: Arben Idrizi arben.idrizi@gazetaexpress.com Sport: Valdet Hasani valdet.hasani@gazetaexpress.com Fotografia: Atdhe Mulla atdhe.mulla@gazetaexpress.com, Drejtore e marketingut: Vjollca Musa, marketing@gazetaexpress.com redaksia: info@gazetaexpress.com tel: 038 76 76 76, ; fax: 038 76 76 78; Drejtor ekzekutiv: Shpend Jakupi, shpend.jakupi@gazetaexpress.com Shtypi: Roto Print Center: MediaWorks. Bardh.Frangu @gazetaexpress.com Historia e djegies së librit në Ferizaj Ferizaj është qytet shumë i ri. Nuk ka çarshi fare. Në fakt më shumë ngjet në një katund të madh, të ndarë nëpër lagje kaotike, ku edhe u gjet një grusht njerëzish për ta identifi kuar si qytet të ruajtjes dhe kultivimit të kultit të diktatorit Enver Hoxha, për çka edhe u bë i njohur nga Presheva deri në Skrapar. Po ka edhe një shesh të mbushur me histori shkrumbi dhe krenarie, ku janë mbajtur demonstrata e protesta nga më të ndryshmet. Në të janë djegur njerëzit edhe librat. E tymi i librit të djegur, pavarësisht çfarë është ai, bën renë më kobzezë për fatin dhe perspektivën e një vendi. Në vitet gjashtëdhjeta të shekullit të kaluar, Latif Hasani, në shenjë proteste kundër regjimit, kishte provuar ta digjte veten. Fati kishte bërë që ai t’i shpëtonte këtij akti dhe t’ia mundësonte Jan Pallahut që të shndërrohej në mit kundër të keqes së madhe që dëshmonte kampi komunist. Gjatë demonstratave të vitit 1981 skaj këtij sheshi ishte vrarë Sherif Frangu. Në vitet e para të pasluftës, përkatësisht në shekullin njëzet e një, në shesh u dogj Shtëpia e Krishtit, përkatësisht Betlehemi, të cilin, në prag të festave të fundvitit, e kishin ngritur ushtarët amerikanë nga kampi “Bonsteell”. Dy vite përpara në këtë shesh u dogj libri i një autori ferizajas, i cili në pamfl etin e tij politik, siç e ka pranuar edhe vetë para gjykatës, kishte denoncuar njerëz pa fakte. Po ndërsa gjykata kishte dënuar librin me tërheqje nga shitja dhe nga institucionet ku ishte shpërndarë, një nga personazhet e denoncuar në të, i pakënaqur me këtë vendim, merr disa ekzemplarë të librit dhe ua vë zjarrin në mes të sheshit. Në prag të festave të këtij fundviti, një grup enveristësh, djegin librin e Blendi Fevziut për Enver Hoxhën. Kështu shtresa e hirit në sheshin e qytetit të Ferizajt vazhdon të trashet. Por sigurisht që ngjarja më trishtuese që ka të bëjë me djegien e librit ishte ajo që ndodhi në vitin 1986, kur u dogj libri “Katërmbëdhjetë autorë”, një antologji e poetëve të rinj ferizajas. Për herë të parë në historinë e librit, jo vetëm tek ne, por edhe më gjerë, dënohet një libër nga gjykata me vendimin për ekzekutim me djegie. Djegia publike e këtij libri u bë në oborrin e Gjykatës Komunale të Ferizajt, jo shumë larg sheshit të qytetit. Libri u bë hi, ndërsa autorët e tij vazhduan të ndiqeshin nga politika deri edhe me burgosje, siç ishte rasti im, si njëri nga autorët e kësaj antologjie poetike. Po siç ndodhë zakonisht që jeta tek ne të zhvillohet në dimensione paradoksale, edhe atëherë këtë rast të shëmtuar e pat dënuar organi më i lartë i shtypit në Jugosllavinë e atëhershme, “Borba” e Beogradit. Ndërsa “Borba” ishte vënë në mbrojtje të librit dhe të autorëve të saj, duke kërkuar nga politika që të mos fuste duart në prodhimet kulturore, “Rilindja” jonë, pasi kishte përcjell ndjekjen e librit dhe të autorëve, duke u qëndruar besnike procesverbaleve politike të katërmbëdhjetë mbledhjeve të Komitetit Komunal, rastin e ekzekutimit të librit me djegie e heshti fare. Kërkesa e disa krijuesve ferizajas, menjëherë pas luftës, që këtij libri t’i bëhej një pllakë përkujtimore pranë objektit të Gjykatës Komunale në Ferizaj nuk u realizua kurrë. Edhe politika e pasluftës e kishte të qartë se ata që njëherë nuk ishin pajtuar me pushtetin, mund të mos pajtoheshin kurrë. E sikur të bëhej kjo pllakë përkujtimore, sigurisht që njerëzit do të refl ektonin ndryshe mbi librin dhe nuk do të ndërmerrnin veprime të tilla barbare që publikisht ta djegin atë. Në këtë mënyrë në sheshin e Ferizajt dëshmohet barbaria e politikës dhe e qytetarisë. Histori e dhembshme vërtet. Po përse kaq zhurmë e madhe për djegien e librit të Blendi Fevziut për Enver Hoxhen!? Dihet që pas lufte Ferizaj është identifi kuar si qyteti i vetëm në hapësirat shqiptare ku janë gjetur njerëz për ta ruajtur dhe kultivuar fi gurën e diktatorit Enver Hoxha. Kjo nuk ndodhi pse Ferizaj kishte më shumë partizanë të ideologjisë enveriste, sepse, bazuar në aktivitetet e ilegales, ku kultivohej më shumë kjo frymë, Gjilani dhe Podujeva do të duhej të ishin në radhë të parë. Pse ndodhi kështu, ka shumë arsye, të cilat shpjegohen nëpërmjet shumë spekulimeve. Thuhet se Ferizaj u zgjodh në Tiranë si qytet i Enverit, për të vazhduar idenë e luftës antiimperialiste, shkaku që afër tij u ngrit kampi amerikan “Bondsteell”. Kështu kjo lëvizje edhe nisi të identifikohet si antiamerikanizëm. Ndryshe ky grusht njerëzish që provojnë të mbajnë gjallë frymën e diktatorit Hoxha, lidhje nuk kanë me ideologjinë e tij, mbase në shumë raste edhe e kanë fyer ashpër atë, siç ishte rasti i kremtimit të një përvjetori të tij në kohë ramazani nëpërmjet iftarit. Për më tepër, në këtë grusht njerëzish ka edhe imam! Djegia e librit të Fevziut duket të jetë gërhama e fundit e këtij grupi njerëzish. Ata janë si një grusht bore që po shkrihet vazhdimisht, ndërsa menjëherë pas lufte dukeshin si një ortek, kur në manifestimet e tyre merrnin pjesë edhe kryetarë komunash, përfaqësues të lartë politikë e njerëz të rëndësishëm të kulturës nga anë të ndryshme të Kosovës. Po akti barbar i djegies së librit refl ekton edhe qasjen e politikës ndaj tij. Këtu edhe është e keqja, karshi një grupi të frustruar dhe të instrumentalizuar njerëzish që mund edhe ta djegin atë vetëm sa për të prodhuar një lajm. Pas lufte edhe politika është sjell barbarisht ndaj librit. U tretën dhe u shuan të gjitha ato biblioteka nëpër bashkësitë lokale, ku librat kishin përballuar edhe tmerrin e luftës. Ndryshe djegia e librit nuk do të ndalet kurrë, sepse lufta ndërmjet gënjeshtrës dhe së vërtetës është permanente dhe e përhershme, mbi të cilat edhe mbështetet të qenit e njeriut. Këtë e dëshmon edhe historia e librit. E dëshmon edhe djegia e vazhdueshme e librave të shenjtë, përkatësisht “Biblës” dhe “Kuranit”, në luftën e vazhdueshme për primat mbi të vërtetën ekskluzive. Çështja është se përse në qytetin e Ferizajt ka më shumë vullnet për djegien e librit sesa për ndërtimin e një përmendoreje për të.
E shtunë, 7 janar 2012 “Asgjë nuk do të jetë si më parë”, shpalli Sarkozy në Toulon. Megjithëse shumë larg të qenit frymëzuese e një vizioni për të ardhmen, prapë është më mirë se Godoja me “nuk mund të bëhet asgjë”. A do të bjerë Franca sërish në dashuri? Peter Beaumont The Observer Një vit pasi Nicolas Sarkozy ‘pushtoi’ Pallatin Élysée në vitin 2007, komediani François-Xavier Gelin vuri në skenë një pjesë stand up në teatrin Nesle të Parisit. E titulloi En attendant Sarko, duke bërë ironi me titullin e pjesës Duke pritur Godonë të Samuel Beckett-it, personazhet kryesore të të cilit besojnë se shpëtimi do t’u vijë kur të shfaqet Godoja. Shakaja ishte e mprehtë. Sado e vështirë të duket tani, për ata që votuan për Sarkozy-në, ai simbolizonte pikërisht atë, një ‘shpëtimtar’ që kishte ardhur nga jashtë elitës së vjetër e të korruptuar politike me premtimin për ta ringritur Francën. Duke fi tuar mandatin më të gjerë popullor që nga viti 1958, Sarkozy mori më shumë se gjysmën e votave të grave, ndërkohë që siguroi edhe shumë vota nga klasa punëtore e Veriut, e cila nuk kishte votuar për një president të djathtë që nga Charles de Gaulle në vitin 1965. Por kjo i përket së kaluarës. Tani kur i kanë mbetur edhe pesë muaj, Sarkozy vihet sërish përballë francezëve për një mandat tjetër. Në një kohë kur popullariteti i tij është në mjerim, ato zgjedhje të largëta të fi tuara nga De Gaulle kundër François Mitterand duken të mbushura me paralele historike. Ajo fushatë e 1965-ës, ashtu si e tanishmja, ndodhte brenda teatrit të dramës europiane-në kohën e ‘karrigeve bosh’, të quajtur kështu për shkak të bojkotit francez ndaj institucioneve të Brukselit, të cilat ishin për zgjerimin e fuqive mbikombëtare kundër një Parisi këmbëngulës për të arritur një marrëveshje që mbronte fermerët vendas. Derikur një president francez u largua nga takimet-jo një kryeministër britanik-dhe Franca e përjashtoi veten nga dhoma e lartë europiane. Pas katër vitesh të një presidence shumë të kritikuar, në të cilën Sarkozy ka vuajtur për të bërë ndonjë gjë për së mbari, përqafi mi i papritur dhe popullor i një degolizmi bolshevik në shërbim të republikës-kombinuar me origjinalitetin e fëmijës së parë të Presidentit në tetor dhe vazhdimin e teatrit Carla Bruni-Sarkozy-dëshmuan një kthesë të shkurtër ku u fi tua një pjesë e popullaritetit të humbur. Ai ia arriti kësaj duke iu rikthyer një pozicioni të njohur, mbështetur te ambicia gjermane për një union më të ngushtë, ndërkohë që sulmoheshin britanikët. Kjo përfshinte injorimin e David Cameron-it në samitin e eurozonës në Bruksel dhe më vonë kritikën ndaj tij, sipas së cilës ai po sillej si fëmijë kryeneç. Nëse kjo është një strategji që ka funksionuar përkohësisht, pyetja është nëse mjafton për të marrë mbështetës nga rivali socialist Francois Hollande, i cili do ta dërrmojë Sarkozy-në në një raund të dytë, sipas anketimeve të opinionit. Që nga shfryrja e numrit të mbështetësve, pak pasi mori detyrën, pjesërisht për shkak të shijeve të tij për pushime të shtrenjta me miq pasunarë, ai i është gëzuar vetëm dunave të vogla në popullaritetin gjithnjë në rënie. Njëra kur mbështeti ndërhyrjen në Libi, diktatorin e së cilës e kishte pritur më parë. Ashtu si në parodinë disi sureale të komedianit, presidenca e Sarkozy-së-i mbiquajturi presidenti Bling-Bling- nganjëherë është dukur sa pjesë e teatrit absurd; sa një telenovelë vëmendjetërheqëse dhe sa politikë serioze. Ndërsa paraardhësit e Sarkoyz-së, përfshirë Chirac-un dhe Mitterand-in, iu dhanë marrëdhënieve jashtëmartesore, ato kryesisht mbetën private. Në të kundërt, vështirësitë martesore dhe lidhjet e Sarkozy-së janë luajtur para syve të të gjithëve. Ndarja e tij me Cecilia-n, e cila thuhet se qëndroi me të vetëm sa për të rritur shanset elektorale, u pasuan nga një romancë fl uturake me ish-supermodelen dhe këngëtaren Carla Bruni, një lidhje që nuk u ka rezistuar thashethemeve. Sarkozy është kritikuar për vulgaritetin ndaj parave, për aferat e tij me të pasurit e të famshmit, dhe për një ambicie të tepruar për pushtet. Ndoshta Gelin kishte të drejtë në titullimin e parodisë së tij. Pasi shpesh-ashtu si Godoja që nuk vjen-ajo që Sarko ka ofruar, ashtu siç vëren Vladimiri i Bekett-it, është “asgjë përfundimtare”. Marrëveshja për politika buxhetore më të ashpra brenda Europës është nën trysni si nga Hollande ashtu dhe nga liderja e së djathtës ekstreme Marine Le Pen. Një problem i dytë ka të bëjë me atë se, pavarësisht popullariteti të shkurtër që fi toi pas samitit të Brukselit, më shumë se gjysma e elektoratit francez mbeten, ironikisht, kundërshtarë të kompaktësisë fi skale të negociuar nga Sarkozy. Megjithëse nuk pritet që ai të shpallë zyrtarisht vendimin e tij për të rikandiduar deri në muajt e parë të këtij viti, një fjalim i mbajtur në Toulon në dhjetor u pa si goditja e tij e parë kundër Hollande. Qasja e Sarkozy-së është ripaketimi i mesazhit që përdori në vitin 2007-fajësimi i modelit të vjetruar shoqëror të Francës dhe javës 35-orëshe të punës për ngecjen në vend. Kjo kërkon bindjen e Francës që të votojë për masat shtrënguese ekonomike, ndërkohë që pat premtuar se vendi do të jetë më i pasur nën udhëheqjen e tij. Të votojnë në favor të të qenit më të varfër. Dhe t’i besojnë udhëheqjes së tij, të cilën kanë fi lluar ta shohin me dyshim. “Asgjë nuk do të jetë si më parë”, shpalli Sarkozy në Toulon. Megjithëse shumë larg të qenit frymëzuese e një vizioni për të ardhmen, prapë është më mirë se Godoja me “nuk mund të bëhet asgjë”. Samsung Galaxy S II, vetëm në IPKO! 3
Page 1: Express www.gazetaexpress.com N° 2
Page 5 and 6: E shtunë, 7 janar 2012 MPB: Kufi j
Page 7 and 8: E shtunë, 7 janar 2012 ndihmuar di
Page 9 and 10: E shtunë, 7 janar 2012 LDK kundër
Page 11 and 12: E shtunë, 7 janar 2012 BB ndihmon
Page 13 and 14: E shtunë, 7 janar 2012 BOTA 13 Bur
Page 15 and 16: E shtunë, 7 janar 2012 BOTA 15 Mby
Page 17 and 18: E shtunë, 7 janar 2012 MARKETING 1
Page 19 and 20: FAQE 20: Emma, dilere e drogës FAQ
Page 21 and 22: E SHTUNË, 7 JANAR 2012 SKEMA PROGR
Page 23 and 24: E SHTUNË, 7 JANAR 2012 SKEMA PROGR
Page 25 and 26: E shtunë, 7 janar 2012 25 Fjalët
Page 27 and 28: PALUAJTSHMËRI E shtunë, 7 janar 2
Page 29 and 30: E shtunë, 7 janar 2012 Ministri Kr
Page 31 and 32: E shtunë, 7 janar 2012 Pekerman, s

SHFAJESIME NAIVE - Gazeta Express

Create successful ePaper yourself

Delete template?

Save as template?