Söluskrá 2012 - SVFR.is

6 STJÓRN SVFR 2011–2012
Kæru
veiðifélagar
Hér er komin söluskrá Stanga veiðifélags
Reykjavíkur fyrir veiðisumarið
2012. Í henni er að finna mjög fjölbreytt
úrval veiðisvæða og marga
spennandi valkosti fyrir alla stangaveiðimenn.
Veiðin síðastliðið sumar var með ágætum víðast hvar.
Þó sumarið hafi byrjað með köldum norðanáttum
þá rættist fljótt úr og laxinn var mættur í árnar um
miðjan júní og veiðin góð. Í flestum tilvikum var
veiðin í svipuðum takti og sl. sumar. Í Norðurá,
Elliðaám, Langá og Hítará var góð veiði og þó
Sogið næði ekki mettölunni frá 2010, þá var
afbragðsveiði þar.
Mörg svæði seldust upp, t.d. Nessvæðið í Laxá
í Aðadal. Í fyrra buðum við veiðimönnum að
kaupa eina stöng á svæðinu fyrir landi Tjarnar
(Tjarnarhólmaflúð og Símastrengur) en nú höfum
við bætt Árbótarsvæðinu við og geta veiðimenn
veitt með þremur stöngum í þessari mögnuðu
á. Gist er í Lynghóli, ágætu veiðihúsi þar sem
veiðimenn sjá um sig sjálfir.
Ásókn í góð tveggja til þriggja stanga veiðisvæði
hefur farið vaxandi og nú bjóðum við veiðimönnum
Setbergsá og Dunká á Skógarströnd. Báðar árnar
eru tveggja stanga og í þeim báðum má veiða á
maðk og flugu, báðar eru þær nettar og fallegar
og við vonum að veiðimenn eigi eftir að taka
þessum kostum vel.
Nú er bryddað upp á þeirri nýjung að bjóða
veiðimönnum í Hítará að gista í veiðihúsinu án
STANGAVEIÐIFÉLAG REYKJAVÍKUR / SÖLUSKRÁ 2011
Stjórn Stangaveiðifélags Reykjavíkur 2011–2012. Standandi eru frá vinstri: Bernhard A. Petersen, Bjarni Júlíusson,
formaður, Ásmundur Helgason, Hörður B. Hafsteinsson og Hörður Vilberg. Sitjandi eru frá vinstri: Árni Friðleifsson
og Ragnheiður Thorsteinsson. (Ljósmynd: Golli)
þess að kaupa sér fæði. Einungis þarf að greiða
húsgjald fyrir eina stöng og veiðimenn sjá um sig
sjálfir. Við hvetjum veiðimenn til að ganga vel um
þetta fallega hús.
Veiðin á urriðasvæðunum fyrir norðan var ágæt.
Talsvert var sótt um veiðileyfi þar í í forúthlutun
en enn eigum við góða daga á svæðunum. Bent
er á að ekki er skylt að gista í veiðihúsinu við Hof
eftir 20. júlí. Að sjálfsögðu geta veiðimenn pantað
gistingu og fæði eins og fyrr, en nú hafa þeir val!
Við minnum á skilafrest umsókna og greiðslufresti
sem kynntir eru á síðu 9 hér í söluskránni sem og
reglur um úthlutun veiðileyfa á síðu 81. Við biðjum
félagsmenn að kynna sér úthlutunarreglurnar vel
og vanda umsóknir sínar.
Enn og aftur minnum við á að félagar í SVFR
njóta betri kjara við veiðileyfakaup hjá félaginu
en utanfélagsmenn, sem greiða 20% hærra verð.
Síðast en ekki síst viljum við minna félagsmenn á
Veiðikortið. Það er einfaldlega frábær valkostur fyrir
stangaveiðimenn, en með því fá veiðimenn nánast
ótakmarkaðan aðgang að nærri 40 veiðivötnum.
Stjórn Stangaveiðifélags Reykjavíkur hefur ákveðið
að félagsmenn í SVFR fá Veiðikortið á einungis 4.000
krónur ef það er keypt hjá félaginu. Af veiðivötnum
í Veiðikortinu má nefna Þingvallavatn (fyrir landi
þjóðgarðsins), Hítarvatn á Mýrum, Meðalfellsvatn
í Kjós, Hópið í Húnavatnssýslu og Hraunsfjörð á
Snæfellsnesi. Nýjasta viðbótin í Veiðikortinu eru
vötnin á Laxárdalsheiði í landi Sólheima. Þar getur
verið frábær veiði þegar vel til tekst. Frábærar
undirtektir veiðimanna hafa þýtt að tekist hefur
jafnt og þétt að auka framboð spennandi veiðivatna
innan Veiðikortsins.
Stjórn SVFR vill benda veiðimönnum á veiðireglur
í einstökum ám og vatnasvæðum, sér í lagi hvað
varðar leyfilegt agn og skyldu til að sleppa stórlaxi
og tilmæli þar um. Jafnframt hvetur stjórn félagsins
veiðimenn til að fara að reglum og gæta hófsemi
við veiðar og skorar á veiðimenn að sleppa öllum
stórlaxi hvar sem hann er veiddur, sé þess nokkur
kostur.
Við hvetjum félagsmenn til að sækja um veiðileyfi
sín á netinu. Fimm félagsmenn sem sækja um á
netinu fá glæsilegan glaðning.
Kæru veiðifélagar við vonumst til að veiðisumarið
verði ykkur ánægjulegt og þið njótið veiðinnar
sem aldrei fyrr. Að lokum skorum við á ykkur að
eiga viðskipti við Stangaveiðifélag Reykjavíkur.
Með veiðikveðjum,
Stjórn SVFR
Frekari upplýsingar um veiðisvæði félagins er svo
að finna á vefnum, undir slóðinni www.svfr.is
WWW.SVFR.IS