Create successful ePaper yourself
Turn your PDF publications into a flip-book with our unique Google optimized e-Paper software.
FORSÍÐUGREIN<br />
BESTA<br />
SEM ÞÚ HEFUR FENGIÐ<br />
Góðra manna ráð eru gulli betri í viðskiptum. Frjáls verslun ræðir hér við þekkt athafnafólk<br />
um bestu ráðin sem það hefur fengið í viðskiptum. Þetta er skemmtilegt efni og það kemur<br />
á daginn að húsráðin í heimi viðskiptanna eru mörg og snerta hið smá sem stóra.<br />
TEXTI: SIGURÐUR BOGI SÆVARSSON<br />
MYNDIR: GEIR ÓLAFSSON<br />
Góðra manna ráð eru vinsælt efni í erlendum<br />
viðskiptatímaritum. Nýlega var Fortune með<br />
yfirgripsmikla úttekt á „besta ráðinu sem þú<br />
hefur nokkurn tíma fengið“. (21. mars sl.) Þar<br />
voru margir þekktir viðskiptajöfrar spurðir út<br />
í þetta. Warren Buffett, hinn kunni fjárfestir, segir þetta:<br />
„Munið að þið hafið ekki rétt fyrir ykkur vegna þess að<br />
aðrir kikka kolli og samþykkja það sem þið segið, heldur<br />
vegna þess að þið hafið rétt fyrir ykkur.“ Með öðrum<br />
orðum: Menn þurfa að treysta á sjálfa sig. Hver er sinnar<br />
gæfu smiður. Richard Branson, breski auðkýfingurinn sem<br />
er forstjóri Virgin, kemur með þetta ráð: „Takið ykkur ekki<br />
of alvarlega. Gerið grín að ykkur sjálfum. Öðru vísi lifið þið<br />
þetta ekki af.“ Branson er mjög áberandi andlit fyrirtækisins<br />
sín og segir að ef hann hefði ekki notað sjálfan sig í að<br />
kynna Virgin með alls kyns uppátæki þá hefði fyrirtækið<br />
ekki haft það af. Jack Welch, fyrrum forstjóri General<br />
Electric, segir: „Vertu alltaf þú sjálfur.“ Sumner Redstone,<br />
stjórnarformaður Viacom, segir: „Fylgdu þínu eigin innsæi,<br />
en ekki fólks sem er mjög ólíkt þér og sér hlutina á allt<br />
annan hátt.“ Sallie Krwcheck, hjá Citigroup segir: „Ekki<br />
hlusta á neikvætt fólk.“ Meg Whitman, stjórnarformaður<br />
eBay segir: „Mamma sagði mér að vera sjálfstæð og að<br />
hafa aldrei áhyggjur af því hvað aðrir segðu.“ Whitman<br />
segir sömuleiðis: „Vertu góður og þægilegur og gerðu<br />
alltaf þitt besta – og hafðu þetta alltaf á bak við eyrað.“<br />
Vivek Paul, forstjóri Wipro Technologies, segir: „Láttu ekki<br />
væntingar fortíðarinnar halda aftur af þér og trufla þig.“<br />
Dick Parsons, forstjóri Time Warner: „Þegar þú ert að<br />
semja við einhvern, skildu þá eitthvað eftir á borðinu.“<br />
14 F R J Á L S V E R S L U N • 3 . T B L . 2 0 0 5