You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
D A G B Ó K I N<br />
20. apríl<br />
Ískalt á milli Straums<br />
og stjórnar Íslandsbanka<br />
Ein af stóru viðskiptafréttum<br />
þessa mánaðar eru kaup Þáttar,<br />
þ.e. Werners-barna, þeirra Karls,<br />
Ingunnar og Steingríms, á 67%<br />
hlut í Sjóvá af Íslandsbanka.<br />
Forráðamenn Straums fjárfestingabanka<br />
eru afar ósáttir við<br />
söluna og ætla að kanna réttarstöðu<br />
sína. Straumur er stærsti<br />
hluthafinn í Íslandsbanka, en<br />
Karl og systkini hans eru næststærst<br />
og í oddastöðu í stjórn<br />
Íslandsbanka. Þétting greiddi<br />
17,5 milljarða kr. fyrir 67% eignarhlutinn<br />
í Sjóvá og stóðu samningaviðræður<br />
yfir í nokkrar vikur<br />
þar sem m.a. Morgan Stanley<br />
kom að verðmatinu á Sjóvá.<br />
Heildarvirði Sjóvár í kaupunum<br />
er 26,2 milljarðar. Íslandsbanki<br />
eignaðist Sjóvá fyrir átján mánuðum<br />
og innleysir um 3,4 milljarða<br />
söluhagnað af sölunni til<br />
Þéttingar. Karl og systkini eiga<br />
tæp 14% í Íslandsbanka, þau<br />
eru eigendur Lyfja og heilsu og<br />
auk þess er þau í hópi stærstu<br />
hluthafa í Actavis í gegnum félag<br />
sitt Milestone.<br />
Fram hefur komið í fjölmiðlum<br />
að Þórður Már Jóhannesson,<br />
framkvæmdastjóri Straums, líti<br />
svo á að óeðlilegri aðferð hafi<br />
verið beitt við söluna á Sjóvá.<br />
Hún feli í sér mismunun gagnvart<br />
hluthöfum. Þórður segist<br />
hafa lýst yfir áhuga Straums á<br />
að fá að bjóða í eignarhlutinn við<br />
stjórn bankans en stjórnin hafi<br />
ekki tekið tillit til þess.<br />
Einar Sveinsson, stjórnarformaður<br />
Íslandsbanka, sagði að<br />
afar faglega og eðlilega hefði<br />
verið staðið að málum og það<br />
væri fráleit hugsun að Straumur<br />
sem hluthafi í Íslandsbanka ætti<br />
þar með rétt á að krefjast viðræðna<br />
við bankann um kaup á<br />
tilteknum eignum hans.<br />
Yfirleitt er sala á eignum<br />
félaga til stórra hluthafa þeirra<br />
talin frekar krítísk og vandmeðfarin.<br />
Þess má geta að aðeins<br />
viku áður en tilkynnt var um<br />
söluna á Sjóvá tilkynnti Straumur<br />
um söluna á hlut sínum í TM<br />
þannig að velta má því fyrir sér<br />
hvort ekki hafi verið erfitt fyrir<br />
Straum að koma með formlegt<br />
tilboð í hlutinn í Sjóvá til stjórnar<br />
Íslandsbanka. Þess má geta<br />
að Burðarás og Landsbankinn<br />
eru stórir hluthafar í Straumi,<br />
auk þess sem Straumur sjálfur<br />
er keppinautur Íslandsbanka í<br />
fjárfestingum. Allt er þetta því<br />
frekar snúið.<br />
Með sölunni á Sjóvá<br />
dylst samt engum að það<br />
„andar verulega köldu“ á milli<br />
Straums, stærsta hluthafans<br />
í Íslandsbanka, og stjórnar<br />
Íslandsbanka.<br />
Bræðurnir<br />
Steingímur<br />
og Karl<br />
Wernerssynir.<br />
Trúlofun slitið í ársbyrjun 2001. Núna hafa „hringarnir verið settir<br />
upp aftur“.<br />
19. apríl<br />
Trúlofun slitið –<br />
hringarnir upp aftur<br />
Þegar það var tilkynnt þennan<br />
dag að Atorka hefði keypt 63,5%<br />
eignarhlut í Austurbakka af þeim<br />
Árna Þór Árnasyni, forstjóra<br />
Austurbakka, og Valdimar Olsen<br />
framkvæmdastjóra rifjaðist upp<br />
fyrir mönnum þegar trúlofun<br />
Austurbakka og Thorarensen<br />
Lyfja var slitið í ársbyrjun 2001.<br />
Frjáls verslun birti þá ítarlega<br />
fréttaskýringu undir heitinu<br />
„Trúlofun slitið“. Upp úr slitnaði<br />
á lokspretti sameiningar.<br />
Á meðal dótturfélaga sem<br />
Atorka Group á er Icepharma<br />
(Sameinað fyrirtæki Thorarensen<br />
Lyfja, Heilsuverslunar Íslands<br />
og Ísfarm). Þótt boðað sé að<br />
Austurbakki verði rekinn sem<br />
sjálfstætt dótturfélag finnst<br />
mörgum sem „hringarnir hafi<br />
verið settir upp aftur“ með<br />
kaupum Atorku á hlut Árna Þórs<br />
og Valdimars. Þeir félagar fengu<br />
509 milljónir króna fyrir eignarhluti<br />
sína. Atorka mun bjóða<br />
öðrum hluthöfum í Austurbakka<br />
að kaupa hlutabréf þeirra í félaginu<br />
á sama gengi.<br />
21. apríl<br />
Halldór á 2,33% í<br />
Skinney-Þinganesi<br />
Það var vel til fundið hjá þingmönnum<br />
Framsóknarflokksins að<br />
taka saman og birta opinberlega<br />
upplýsingar um eignir sínar og<br />
hlutabréfaeign, ásamt upplýsingum<br />
um önnur launuð störf og<br />
aðild að hagsmunasamtökum.<br />
Þetta gegnsæi upplýsinga kemur<br />
þingmönnum flokksins best. Það<br />
er óskandi að þetta verði að<br />
reglu í þinginu. Jónína Bjartmarz,<br />
þingmaður Framsóknarflokksins,<br />
sendi forseta Alþingis jafnframt<br />
bréf þar sem óskað var eftir því<br />
við forsætisnefnd að sem fyrst<br />
verði settar reglur um opinbera<br />
upplýsingagjöf um fjárhag, eignir,<br />
hagsmuni og tengsl þingmanna.<br />
Halldór Ásgrímsson forsætisráðherra<br />
upplýsti í kjölfarið að hann<br />
ætti 2,33% hlut í útgerðarfyrirtækinu<br />
Skinney-Þinganesi hf. og<br />
að hluturinn væri arfur eftir foreldra<br />
hans og væri 15,1 milljón<br />
króna að nafnvirði.<br />
32 F R J Á L S V E R S L U N • 3 . T B L . 2 0 0 5