SHËNDETI MENDOR - Arct

14
SHËNDETI MENDOR DHE TË DREJTAT E NJERIUT
Mjekët kanë detyrë etike të respektimit të grevistëve të urisë. Mjekët e burgut
duhet të jenë në gjendje të veprojnë të pavarur nga autoritetet e burgut në
qoftë se ata janë duan ta kryejnë punën e tyre në mënyrë efektive. Besimi
është një çështje kyçe, kur kemi të bëjmë me grevistë të urisë. Mjekut shpesh
do ti duhet të veprojë si ndërmjetës midis autoriteteve, të burgosur dhe madje
edhe me anëtarët e familjes. Ata, për më tepër, kanë detyra specifike klinike
për të kryer dhe shpesh do të jenë në një pozicion për të lehtësuar dhe për të
shpëtuar mundësi, për të mirën e të gjithë personave të përfshirë.
Mjekët duhet të dinë dhe të kuptojnë plotësisht sfondin e udhëzimeve
ndërkombëtare për mjekët, të përcaktuara nga Shoqata Mjekësore Botërore.
Në disa situata veçanërisht komplekse, mjekët duhet të përdorin zërin e tyre
dhe gjykimin moral në mënyrë të mire, për të ndihmuar grevistët e urisë që
janë nën kujdesin e tyre - ndonjëherë duke e vëbë veten në rrezikun për t’u
perceptuar si paternalistë.
Grevat e urisë janë një mënyrë agjërimi që përfshijnë disa forma të protestës.
Ato zakonisht ndërmerren nga të burgosurit apo persona të tjerë që ndodhen
në një mjedis kujdestarie. Ka lloje të ndryshme të grevës së urisë: disa prej
tyre përfshijnë situata komplekse dhe konflikte. Mjekët e burgut duhet të
kenë njohuri në lidhje me situatat klinike dhe fiziologjinë e agjërimit, por
gjithashtu duhet të jenë të vetëdijshëm për çështjet etike në rrezik. Ky kapitull
diskuton këto çështje dhe paraqet udhëzimet mjekësore dhe etike që të gjithë
mjekët duhet tëdinë në lidhje me grevat e urisë.
Së fundmi, mjekët duhet të dinë fazat e ndryshme të agjërimit të përgjithshëm,
në mënyrë që të jenë në gjendje të japin këshilla mjekësore për grevistët e
tillë të urisë. Çështje të tilla si, kur duhet ose kur nuk duhet ta ripërtërijnë,
dallimin mes të ushqyerit artificial dhe forcës; kur duhet monitoruar nga ana
mjekesore grevisti i urisë në spital, janë të gjitha çështje që duhet të kuptohen
qartë nga çdo mjek i përfshirë në përkujdesjen për grevistët e urisë.
Para se t’ ju prezantojmë me përcaktimet e grevave të urisë, do t’ju kërkojmë
të reflektoni mbi këtë rast:
Ju keni një punë me kohë të pjesshme, si një mjek burgu. Gjatë javëve
të fundit ka pasur një konflikt midis disa prej të burgosurve dhe autoriteteve
të burgut.
Sfondi për këtë konflikt është përdorimi i shpeshtë nga ana e burgut, të
qelive të izolimit, si masë për të ndëshkuar të burgosurit. Dy të burgosur
kanë kaluar më shumë se pesë javë në një qeli të vetme. Njëri prej tyre
ka filluar një grevë urie për të protestuar kundër përdorimit të izolimit.
Si mjek i burgut, juve ju duhet të vlerësoni seriozitetin e grevës së urisë.