October 4- 10, 2009.pmd - Parokya ni San Vicente Ferrer ...

Ang kasugpon... “Salamat...”, halin sa page 3
kabarangayan, sa tanan nga mga tawo nga
yara sa katilingban nga nagatinguha nga
mapabakod ang ila relasyon sa Dios kag sa
tagsa-tagsa. Padayon sa inyo Misyon, atipana
ninyo ang inyo kaugalingon kag ang inyo
katilingban paagi sa pag-alagaray kag
paghigugma sa kada isa.
Sa tuod lang wala ko man gipanumdom nga
nangin bahin na ako sa inyo tagipusoon nga
yara sa katilingban nga akon ginakadtoan. Ini
amat-amat ko nga nakita kag nadiskubre sang
tion sa paghiwat ni Deling sang Area
Evaluation. Una sa Calong- calong kag sa
iban pa nga mga area. Diri ko nakita nga bisan
sa diutay nga tion sa akon pagkadto kag
pagpakig-upod sa inyo nangin “In na ako sa
puso nyo”. Kag ina isa ka Daku nga Bugay
sang Dios sa akon nga palangga ninyo ako.
Madamo gid nga salamat kay kon ako nangin
parte na sang kabuhi ninyo kamo man tanan
yari na sa tagipusoon ko.
Apang kon ano man ang mga kaayuhan nga
nagakatabo sa inyo kaugalingon nga kabuhi
kag sang inyo katilingban nagakatabo ina
bangod sa inyo pagtinguha kag sa grasya
sang mahal nga Dios. Indi ina bangod sa akon
kay kon wala ang inyo kooperasyon kag ang
pagpanghikot sang Dios sa kada isa sa inyo
wala man ako sing may mahimo. Ako
instrumento lamang sang Dios kag pala-agihan
agod makita ang paghigugma kag pag-atipan
sang Dios sa kada isa sa aton, nga aton man
mapa-ambit sa iban.
Para man sa mga tawo nga may malaen nga
buot sa akon sorry, ilabi na sa tion sang mga
seminar ukon sa akon mga paghambal kon
may nasakitan man ako indi ina hungod sang
akon buot kag parte ina sang akon misyon.
Ang pag-giya nga mamolalongan naton ang
mga malain nga nagakatabo sa aton katilingban
agod mabinag-binag sang kada isa ang ikaayo
sang ila kabuhi kag sang katilingban. Gani
nagapangayo gid ako sing pasaylo sa inyo
kon nasakitan ko man ang inyo balatyagon.
Sa tanan madamo gid nga salamat sa inyo
paghigugma, pagpalangga kag pag-atipan indi
ko na pag-isa isahon pa ang pagpasalamat.
Para sa tanan nga mga Leganesnon Madamo
gid nga Salamat, sa mga nangin kaupod ko sa
Misyon sa parokya, ang aton mga kaparian
kag mga lideres kag sa mga pamatan-on kag
kabataan. Madamo nga salamat sa inyo
pagpa-ambit sang inyo tion kag sa pagbukas
sang inyo kaugalingon, isa ka timaan sa inyo
pagsalig sa akon. Akon ina tipigan sa akon
tagipusoon. Salamat sa tanan nga nagbuylog
sa ginhiwat nga despedida, sa tanan nga
nagpakabudlay, ang Dios na ang magabalos
sa inyo nga kaayo. Kabay pa nga ang tanan
magmaukod kag mangin pat-od sa pagtuo kag
pagsalig sa mahal nga Dios. Padayon sa
pagpabakod sang inyo katilingban nga
nasandig sa Misyon ni Kristo ang Misyon sang
Paghigugma nga magatandog sa balatyagon
sang kada isa kag magadala sang kabag-ohan
sang katilingban kabay pa. Sa liwat madamo
nga salamat sa inyo tanan….. Goodbye…..
May the spirit of the Lord always there, to light
and guide you all. Saint Vincent Ferrer Pray
for Us. Amen.
6 Otober 4- 10, 2009
Kids Corner. Mga ginikanan, updi ninyo ang inyo mga kabataan sa
pagsabat sa sini nga puzzle. Samtang ginapangita nila ang mga tinaga, amatamat
isaysay sa ila ang Pulong sang Dios nga gina-pabasa diri.
Word Search Puzzle
Crossword Puzzle
Solution to last week’s Crossword Puzzle:
P
E
S
T A S T E
C
E
L
O
F
A L T F
A G O O D
V
O
W O R L D
R