UNIVERSITETI I PRISHTINES - Gazetaria

UNIVERSITETI I PRISHTINES
Departamenti i Gazetarisë - Fakulteti i Filologjisë
Niveli Bachelor/ lëndë obligative: viti i dytë i studimeve, semestri 4
Vlera e kredive: 8, sipas Sistemit Evropian të Transferit të Kredive
Shkrimi Akademik
Ligjëruese: Dr.Lindita Tahiri
e-mail: linditatahiri@gmail.com
Qëllimet e lëndës
Qëllimi i kësaj lënde është që të njohë studentët me konceptet themelore të të shkruarit
akademik. Studentët do të mësojnë si të shkruajnë në mënyrë akademike gjatë studimeve
dhe gjatë punës së tyre të ardhshme.
Rezultatet e pritura të nxënies
Pas përfundimit të kësaj lënde, studentët do të duhej të :
1. Të aftësohen të shkruajnë rrjedhshëm dhe do të kuptojnë se shkrimi e nxit
procesin e të menduarit.
2. Të vetëdijësohen se si mund të zhvillojnë shkathtësi shkrimi
3. Të jenë në gjendje të prodhojnë shkrime për situata dhe audience të ndryshme
(për profesorët e vet, për kolegët, dhe për publikun e gjërë)
4. Të jenë poashtu në gjendje ta zbatojnë shqipen standarde.
Metodologjia e mësimdhënies
Nuk do të zbatohet metoda tradicionale –gramatikore e përvetësimit të rregullave
gramatikore. Do të mbizotërojë komunikimi, i mbështetur në përvojën e drejtpërdrejtë të
shkrimit.
Kërkohet një mjedis i përshtatshëm ku studentët mund t’i lexojnë shkrimet e tyre pa frikë
dhe me mirëbesim. Studentët do të inkurajohen të rrezikojnë gjatë procesit të të shkruarit.
Më me rendësi do të jetë puna grupore se sa garat.
Ligjëruesi nuk është vetëm vlerësues, po edhe dikush që mund ta kuptojë dhe ta
këshillojë studentin.
Literatura bazë
1. “Shkrimi Akademik”, Sylvan Barnet, Pat Ballanca, Marcia Stubbs, botoi Dita,
2000.
2. “Leximi dhe shkrimi”, Zejnullah Rrahmani, botoi Faik Konica, 2003.
3. “Si të shkruajmë”, Majlinda Nishku, Qendra për arsim demokratik, 2004.
4. “Si të shkruajmë ese”, Bardhyl Musai, Qendra për arsim demokratik, 2004.
5. “Studimi akademik”, Jill Lewis, KEC, 2006

Plani i detajizuar i mësimit
Java e parë: Shkrimi akademik, natyra e tij. Literatura “Leximi dhe shkrimi”, pjesa II,
Kapitulli III.1, Struktura e shkrimit akademik, Literatura “Leximi dhe shkrimi”, pjesa II,
Kapitulli III.2
Java e dytë: Zhvillimi i ideve. Literatura “Shkrimi akademik”, Kreu i parë.
Java e tretë: Elementet e paragrafit dhe struktura e paragrafit. Literatura: “Leximi dhe
shkrimi”, pjesa II, Kapitujt 1.1, 1.2. dhe 1.3. Shkrimi i paragrafit, shembuj dhe ushtrime.
Literatura: “Leximi dhe shkrimi”, pjesa II, Kapitulli 1.4.
Java e katërt: Formimi i paragrafëve. Literatura: “Shkrimi akademik”, Kreu i tretë.
Java e pestë: Shkrimi i draftit të parë dhe rishikimi, Literatura “Shkrimi akademik”,
Kreu i dytë
Java e gjashtë: Testi i ndërmjemë
Java e shtatë: Rishikimi për koncizitet, Literatura “Shkrimi akademik”, Kreu i katërt
Java e tetë: Rishikimi për qartësi, Literatura “Shkrimi akademik”, Kreu i pestë
Java e nëntë: Të shkruarit me stil, Literatura “Shkrimi akademik”, Kreu i gjashtë
Java e dhjetë: Analiza e teksteve, Literatura “Shkrimi akademik”, Kreu i shtatë
Java e njëmbëdhjetë: Të bindni lexuesit, Literatura “Shkrimi akademik”, Kreu i tetë
Java e dymbëdhjetë: Përdorimi i burimeve, Literatura “Shkrimi akademik”, Kreu i nëntë
Java e trembëdhjetë: Shkrimi i esesë kërkimore, Literatura “Shkrimi akademik”, Kreu i
dhjetë
Java e katërmbëdhjetë: Pikësimi i fjalive dhe përgatitja e dorëshkrimit, Literatura
“Shkrimi akademik”, Kreu i dymbëdhjetë dhe i pesëmbëdhjetë
Java e pesëmbëdhjetë: Diskutimi i detyrës finale
Metodat e vlerësimit
Vijimi i rregullt 10%
Angazhimi dhe pjesëmarrja aktive 10%
Vlerësimi i parë 25%
Vlerësimi i dytë 25 %
Provimi final 30 %
Gjithsej 100 %
Përshkrimi i lëndës
Gjatë kësaj lënde, studentët do të kryejnë detyra praktike, nën udhëheqjen e ligjëruesit që
do t’i udhëzojë për teknikat e llojeve të ndryshme të shkrimit. Gjatë ushtrimeve të të
shkruarit, studentët to të aftësohen të shprehen rrjedhshëm në shqipen standarde. Ata do
të kenë rregullisht detyra shtëpie, për të cilat do të vlerësohen nga ligjëruesi. Studentët do
të demonstrojnë edhe shkathtësi të të vlerësuarit konstruktiv të kolegëve. Të gjithë do ta
kompletojnë portofolin e punimeve përfundimtare si dhe versioneve të shkrimeve të tyre.
Regullat akademike të mirësjelljes

• Studentët duhet të vine të përgatitur, me detyrat e përfunduara dhe materialet e
lexuara.
• Studentët nuk duhet të vijnë me vonesë. Kini parasysh se ardhjet me vonesë
krijojnë bezdi dhe shqetësim.
• Kërkohet pjesëmarrje aktive në diskutimet që lindin gjatë zhvillimit të lëndës.
• Merren shënime dhe bëhet përmbledhje e leksioneve dhe diskutimeve.
• Meqë puna me shkrim do të jetë forma kryesore e vlerësimit të punës, ju do të
kompletoni portofolin e materialeve të shkruara.
• Do të praktikohet shkëmbimi i mendimeve dhe udhëzimeve me kolegë.
Udhëzimet dhe kritikat duhen bërë me sinqeritet po edhe me takt.
• Eshtë obligativ provimi përfundimtar me shkrim, që do të kërkohet në formën e
shkrimit akademik