Strategaeth Rheoli Gwastraff Dinesig - Fersiwn PDF 1.8Mb

Strategaeth Rheoli Gwastraff Dinesig
Y targedau cynradd ar gyfer Cymru yw:
1. Cyrff cyhoeddus i leihau eu gwastraff eu hunain:
• erbyn 2005, cyflawni gostyngiad sy’n gyfystyr ag o leiaf 5% o’r ffigwr a
gafwyd yn 1998;
• erbyn 2010, cyflawni gostyngiad sy’n gyfystyr ag o leiaf 10% o’r ffigwr a
gafwyd yn 1998.
2. Isafswm targedau ailgylchu a chompostio ar gyfer pob awdurdod lleol:
• erbyn 2003/04 ailgylchu/compostio o leiaf 15% o’r gwastraff dinesig a
lleiafswm o 5% o hyn yn gompostio (cyfrif compost a geir o ddefnyddiau a
wahanir lle crëir nhw’n unig) a 5% yn ailgylchu
• erbyn 2006/07 ailgylchu/compostio o leiaf 25% o’r gwastraff dinesig a
lleiafswm o 10% o hyn yn gompostio (cyfrif compost a geir o ddefnyddiau a
wahanir lle crëir nhw’n unig) a 10% yn ailgylchu
• erbyn 2009/10 ailgylchu/compostio o leiaf 40% o’r gwastraff dinesig a
lleiafswm o 15% o hyn yn gompostio (cyfrif compost a geir o ddefnyddiau a
wahanir lle crëir nhw’n unig) a 15% yn ailgylchu
3. Gwell gwahanu o wastraff cartref peryglus:
• erbyn 2003/04, dylai pob safle amwynderau dinesig gael cyfleusterau i
dderbyn a storio asbestos wedi ei fondio. Dylai safleoedd gael
cyfleusterau ar gyfer derbyn a storio olew, paent, toddyddion a bylbiau
golau fflworoleuol, er mwyn eu hailgylchu’n hwyrach.
Gweithia Llywodraeth Cynulliad Cymru’n agos gyda llywodraeth leol ac nid yw’n ystyried
bod angen cyflwyno’r targedau ailgylchu a chompostio gwastraff dinesig arfaethedig fel
safonau perfformiad gwerth gorau. Fodd bynnag, os yw perfformiad awdurdodau lleol o ran
y targedau anstatudol ar gyfer 2003/4 yn dangos na fydd goblygiadau’r Undeb Ewropeaidd
yn cael eu cyflawni, mae gan y Cynulliad yr hawl i gyflwyno safonau perfformiad gwerth
gorau a gofyn i awdurdodau lleol eu bodloni.
Mae’r Cynulliad yn benderfynol y bydd Cymru’n diwallu ei rhwymedigaeth i leihau’r
gwastraff dinesig pydradwy y ceir gwared arno drwy ei gladdu. O ganlyniad i’r ymatebion a
gafwyd i’r papur ymgynghori “Cyfyngu ar Gladdu Sbwriel”, cyhoeddir trwyddedau i
awdurdodau lleol a chyrff eraill i alluuogi awdurdodau lleol i gael gwared ar swm penodol
o’r gwastraff hwn o fewn blwyddyn. Mae’r tunnelli a ganiateir gan y trwyddedau’n gyfystyr
â chyfanswm y GDP y mae modd ei gladdu bob blwyddyn. Yn wahanol i’r cynigion yn
Lloegr, ni ellir cyfnewid y trwyddedau hyn.
38