DUA LIPA KRENARE ME KOSOVËN

More documents

Recommendations

Info

plus www.facebook.com/thealbanian.co.uk faqe 16 Sheqeri, ky “armik” i rrezikshëm i atyre që po përpiqen të humbasin në peshë, njëkohësisht edhe po aq i dëshiruar për të shuar nepsin për ëmbëlsira, mund të menaxhohet lehtësisht duke ndjekur këshillat e mëposhtme “Konsumoni më pak sheqer”, mund të jetë një këshillë e lehtë për t’u dhënë, por shumë e vështirë për t’u zbatuar. Megjithatë ekzistojnë mënyra që do t’ju ndihmojnë shumë të ulni konsumin e sheqerit të panevojshëm në trupin tuaj. Në fund të fundit, jeni ju që vendosni se çfarë do të bëni me ushqimin që ju vihet në pjatë dhe të produkteve që do të konsumoni. Ja se çfarë duhet të bëni për të sakrifikuar ëmbëlsinë e ushqimeve tuaja të preferuara. KUJDES NGA SHEQERI EDUKOJENI VETEN Përpara se të tmerroheni dhe të hidhni çdo ushqim në plehra, merrni një çast për të kuptuar rekomandimet zyrtare të mjekëve për sheqerin dhe ndryshimin midis atij të tepërt dhe sheqerit natyror. Frutat, perimet dhe produktet e bulmetit kanë sheqer për nga natyra, e kjo gjë nuk ka pse duhet të jetë shqetësimi juaj. Frutat dhe perimet përmbajnë edhe përbërës të tjerë të shëndetshëm si fibrat dhe yndyrat e mira, por duhet të kuptoni se mëlçia juaj nuk e përpunon sheqerin e tyre në të njëjtën mënyrë siç përpunon sheqerin nga një biskotë apo çokollatë. Me fjalë të tjera, sheqeri te mollët dhe specat nuk e shton peshën tuaj, siç bën një pije me ose pa gaz. Për fat të keq, etiketat e produkteve ushqimore nuk janë gjithnjë të vërteta, gjë që nuk na ndihmon aspak për të matur sheqerin që konsumojmë. Në këtë rast, shmangni ushqimet që përmbajnë sheqer artificial dhe blini më tepër ato produkte ushqimore që nuk kanë shije të shumëllojshme, sepse në këtë rast kjo nënkupton se atyre u është shtuar sheqer i panevojshëm. SHIKONI ME KUJDES EMËRTIMET Ka mbi 56 emra të ndryshëm për sheqerin e shtuar në ushqim, përfshirë shurupin e misrit me fruktozë të lartë, shurupin e orizit ngjyrë kafe apo çdo gjë tjetër që ka prapashtesën “ose”. Nëse disa forma të ndryshme të sheqerit shfaqen në etiketë, mendoni dy herë përpara se ta bëni atë produkt të rregullt në dietën tuaj. Mund të jetë shumë më pak i shëndetshëm nga sa mendoni. KUJDES ME PIJET Burimi i tretë më i madh i kalorive në SHBA sot janë limonadat, që gjithashtu janë një nga burimet më të mëdha ku ne e marrim sheqerin. Një sasi shumë e vogël e pijeve me ose pa gaz që ne i konsumojmë çdo ditë, mund të përmbajë një sasi aq të madhe sheqeri saqë të hedhë poshtë çdo përpjekje tuajën për të humbur peshë. Provoni të mos i konsumoni këto pije të konservuara. Do ta kuptoni se do të shmangni shtimin në peshë të kilogramëve të tepërt, të panevojshëm për trupin tuaj. BLINI VERSIONIN PA SHEQER Nuk ka rëndësi se çfarë produkti po blini, nëse keni mundësi zgjedhjeje duhet të kontrolloni për atë version që nuk ka sheqer. Kjo nuk do të thotë se produkti nuk e përmban sheqerin natyral, por që atij nuk i është shtuar sheqer nga prodhuesi, gjë që do t’ju bëjë një nder shumë të madh shëndetësor në harkun kohor të një viti. BËNI PAZAR PASI TË KENI NGRËNË Duket e lehtë të bëni zgjedhje të shëndetshme për veten, derisa ju shkelni në një supermarket. Nëse jeni të uritur, logjika juaj ka gjasa të zhduket dhe të bëni zgjedhje që mund të dëmtojnë përpjekjet tuaja për të ruajtur një trup sa më në formë. Kini parasysh që sa herë të shkoni në dyqan, pikë së pari të keni ngrënë. Këshillohet të merrni edhe një karrocë të vogël dhe të mendoheni gjatë përpara se të bëni shpenzimet e nevojshme. KONSUMONI ‘ËMBËLSIRA’ NATYRORE Çfarë duhet të blini në vend të atyre ëmbëlsirave që kanë dyqanet? Ëmbëlsirën e natyrës, sigurisht, që është pa asnjë sheqer artificial. Në fakt, specialistët e dietës thonë se konsumi i një frute është një nga mënyrat më të shëndetshme për të plotësuar nevojën për diçka të ëmbël. Sigurohuni që të konsumoni një frutë sa herë keni dëshirën për çokollatë, po ashtu hani arra, lajthi apo bajame për t’u ndjerë më të ngopur. KUJDES NGA FRUTAT E KONSERVUARA Të gjithë frutat e freskëta janë shumë të mira, por nëse jeni të dhënë pas frutave të konservuara apo shurupeve, duhet të kuptoni se shija e tyre e sheqerit është pikërisht ajo që duhet të shmangni për të jetuar shëndetshëm. KONSUMONI FARA KOPERI Nuk dini si ta hiqni nga mendja dëshirën për të ngrënë ëmbëlsira? Nëse konsumoni fara koperi, dëshira juaj mund të largohet. Përse? Sepse produktet natyrore që janë të ëmbla, por që nuk përmbajnë sheqer të shtuar ju ndihmojnë shumë të largoni dëshirën. Po ashtu, farat e koperit ndalin fryrjen e barkut dhe largojnë urinë. KONSUMONI ÇAJ Herën tjetër që do t’ju shkojë mendja për një ëmbëlsirë, “mashtrojeni” veten me një filxhan çaji. Menta, xhenxhefili, kanella dhe çaji i malit ju ndihmojnë shumë të largoni dëshirën për ëmbëlsira. Një lugë mjaltë po ashtu do të funksionojë si një mënyrë e mirë për ngrënë sheqer natyror dhe të shëndetshëm. KRIJONI BALANCË Preferoni një çokollatë pasditeve? Atëherë përgjysmojeni sasinë, ruajeni pjesën tjetër për të nesërmen dhe shtojini pjatës suaj diçka të freskët dhe të shëndetshme në mënyrë që të merrni proteina. Kështu, përfitoni sheqer, por gjithashtu e balanconi këtë me një produkt të shëndetshëm.
plus www.facebook.com/thealbanian.co.uk faqe 17 Për të shpenzuar çdo sekondë të jetës suaj me dobi, mësoni si ta bëni trurin të jetë arma më e fortë dhe vullnetin motorin e palodhur të realizimit të dëshirave tuaja “Ne jemi ajo ç’ka bëjmë vazhdimisht. Përsosmëria nuk është një akt, por një zakon”, ka thënë Aristoteli shumë kohë më parë. Kështu, ditë pas dite, ne jemi ata që mund të ndërtojmë vetë suksesin tonë, por kjo kërkon angazhim, durim dhe vullnet. Për të mbetur te vullneti, ja cilat janë zakonet e provuara shkencërisht se do t’jua forcojnë atë. 10 MËNYRAT SI MUND TË FORCONI VULLNETIN MEDITONI Meditimi është mënyra më e shpejtë dhe më efektive për të rritur vullnetin. Duke medituar ju stërvisni trurin që të përqendrohet dhe t’i rezistojë nxitjes për të humbur kohë me hamendësime. Kërkimet tregojnë se praktikimi me nga 10 minuta për 2 deri në 3 ditë i jep trurit më tepër energji dhe ul stresin. Meditimi është thjesht praktika që jua sjell mendimet në të tashmen. Rreth 47 për qind e jetës sonë kalon duke reflektuar për të shkuarën ose duke menduar rreth së ardhmes. Meditimi është pikërisht kjo dhuratë që e kthen mendjen tonë në të tashmen, largon çdo shpërqendrim dhe përqendrohet thjesht te frymëmarrja. Nëse e keni mendjen të pastër dhe të përqendruar, atëherë synimet tuaja nuk do të eklipsohen nga asgjë. GLUKOZA SI SEKRET Kur trupi konsumon ushqim, krijon një kimikat të njohur si glukoza që qarkullon në trup nëpërmjet gjakut. Kjo është ajo çka truri e përdor si burim për të furnizuar mendimin, krijimin dhe vullnetin. Për të pasur sa më shumë përfshirje, sigurohuni që truri juaj të marrë mjaftueshëm glukozë që do të shndërrohet më pas në energji. Çdo ushqim që përmban kalori do t’ju japë glukozë, por jo çdo glukozë krijohet njëlloj. Ushqimet me sheqer ju japin glukozë që ka efekt afatshkurtër, por gjëja më e mirë që mund të bëni është të krijoni një balancë të qëndrueshme dhe afatgjatë. Po ashtu hani proteina, fruta të thata, fruta të freskëta dhe perime. FLINI MJAFTUESHËM Kur nuk bëni gjumë të mirë, vullneti juaj bëhet shumë i dobët. Kur jeni të lodhur, qelizat e trurit nuk mund të thithin glukozën aq mirë, kjo do të thotë se ju nuk keni energji. Mos lejoni që kjo gjë t’ju errësojë gjykimin dhe t’ju mbajë larg synimeve tuaja në jetë. Flini mjaftueshëm për të pasur një vullnet çeliku që do t’ju hapë dyert në plotësimin e ëndrrave dhe në arritjen e suksesit. Për të fjetur sa më mirë sigurohuni që dhoma juaj të jetë e errët, po ashtu mund të merrni një sy gjumë edhe gjatë ditës. STËRVITUNI Të gjithë e dimë se stërvitja trupore bën mirë për shëndetin, por a e dini se bën mirë edhe për vullnetin? Kërkimet kanë zbuluar se ata që shkojnë në palestër ose bëjnë stërvitje fizike kanë kontroll më të lartë mbi trupin e tyre dhe mund t’i rezistojnë më shumë tundimeve. Gjithashtu, sa më tepër të stërviteni aq më në kontroll të emocioneve tuaja do të jeni, do të pakësoni duhanin, alkoolin, kafeinën, do të kurseni më shumë para dhe do të hani më shëndetshëm. Të gjitha këto lidhen patjetër me forcimin e vullnetit, i cili do t’ju duhet shumë në jetë. BËJINI PUNËT ME RADHË Mos prisni që të nisni shumë punë njëherësh dhe që vullneti juaj të jetë i mjaftueshëm për t’i bërë ato të gjitha menjëherë. Për të pasur sukses të madh në një detyrë që merrni përsipër sigurohuni që të përqendroni shumë energji në atë punë. Pasi të përfundoni me sukses një detyrë kaloni te tjetra. Ky është sekreti për të forcuar vullnetin! ARSYETONI Një pjesë shumë e madhe e vendimeve tona gjatë ditës bëhen në mënyrë mekanike. Ne hamë, vishemi, shkojmë në punë në mënyrë automatike dhe pa e vrarë shumë mendjen për veprimet tona. Për të shmangur këtë tendencë dhe për të bërë më tepër veprime të mira gjatë ditës, arsyetoni. Ndaloni për një çast dhe vini në pyetje atë që po bëni, do të kuptoni se vullneti do t’ju forcohet. VËZHGOJENI VETEN Analizojini me kujdes mendimet, veprimet dhe dëshirat tuaj. Brenda jush ekziston një person të cilin ju doni ta përsosni. Merrni parasysh mundësitë dhe jepjani vetes këtë shans. Filloni të veproni siç është mënyra më e mirë për veten tuaj të ardhshme, atë që dëshironi të bëheni. MBROHUNI Kur studiuesit analizuan njerëz që dukeshin se kishin vullnet të hekurt, ata zbuluan se në fakt këta persona kishin një sekret për t’u qëndruar larg tundimeve që nuk sillnin asnjë të mirë. Ata nuk e vinin veten në situata që mund t’ia thyenin rutinën e shëndetshme. Jepini pak ndihmë vullnetit. GJENI FRYMËZIM Nëse po kërkoni për vullnet që do t’ju bëjë të fortë të arrini çdo gjë, atëherë duhet të kërkoni edhe për frymëzim. Pa pasur një muzë që do t’ju shtyjë përpara, e keni të kotë që të ëndërroni për ndryshimin. Gjeni një motivim dhe ndiqeni atë. PLANIFIKONI ME DE- TAJE Mendoni për një synim që dëshironi ta plotësoni. Pastaj filloni ta copëtoni atë në pjesë derisa të bëhet i mundshëm. Ndiqni me saktësi planin tuaj për ta arritur atë dhe do të shihni se nuk do të jetë aspak e vështirë. Duke ushtruar doza të vogla vullneti do ta keni më të lehtë të arrini objektivin.
Page 1 and 2: SIR NOEL MALCOLM: POPUJT E BALLKANI
Page 3 and 4: JENI NE BRITANI DHE KENI 190 MERTON
Page 5 and 6: NGA DAUT DAUTI Dijetari dhe histori
Page 7 and 8: Dë dh ërgo ni par a në S he Koso
Page 9 and 10: opinion www.facebook.com/thealbania
Page 11 and 12: aktualitet www.facebook.com/thealba
Page 13 and 14: opinion www.facebook.com/thealbania
Page 15: NGA LUAN RAMA Sapo jam kthyer nga G
Page 19 and 20: plus www.facebook.com/thealbanian.c
Page 21 and 22: KOMPANIA AVOKATORE SHQIPTARE Immigr
Page 23: english www.facebook.com/thealbania

DUA LIPA KRENARE ME KOSOVËN

You also want an ePaper? Increase the reach of your titles

Delete template?

Save as template?