Miyambi ya Patsokwe by Bonwell Rodgers

Akugwira ziputu.
-Mawuwa amanenedwa mophiphiritsa za
munthu amene akukana kuchoka pamalo
kapena amene akukana kupita kumlandu
chifukwa akudziwa kale kuti zikamuvuta.
Akamanena za munthu wotereyu amati
“akugwira chiputu kapena ziputu.”
Akukana kali kutsaya.
-Pali anthu ena amakana mlandu kapena
zinthu zina m’maso muli gwa ngakhale kuti
pali umboni wonse wosonyeza kuti achita ndi
iwowo. Munthu akamakana zitafika
pamenepa timati akukana kali kutsaya.
Akula pusi wokhala patsekera.
-Pusi sangayende patsekera chifukwa ndi
wamkulu kwambiri. Chimodzimodzinso
munthu wamkulu, sayenera kumachita
zachibwana kapena kumasewera ndi ana.
Miyambi ya Patsokwe
9