Miyambi ya Patsokwe by Bonwell Rodgers

Bisani matenda, maliro tidzamva.
-Munthu utha kubisa mavuto ako aang’ono,
koma akafika poipa kwambiri, umafuna
anzako kuti akuthandize.
Bodza likhoza kuyenda n’kuzungulira
theka la dziko lonse lapansi, choonadi
chikuvalabe nsapato zake kuti chilitsatire.
-Bodza limafala mofulumira kusiyana ndi
choonadi.
Bodza lilibe mwini.
-Anthu amene sitimayembekezera kuti
anganame nthawi zina amanena bodza
m’maso muli gwa.
Bodza limabwerera mwini wake.
-Munthu ukanena bodza, bodzalo
limakusakasaka mpaka kukupeza. Ndi bwino
kumasamala ndi zimene timanena, ngati
tilibe nkhani ndi bwino kungokhala chete
m’malo momapeka mabodza.
Miyambi ya Patsokwe
35