Miyambi ya Patsokwe by Bonwell Rodgers

Buluzi kuthandiza mbewa kuthawa.
-Nthawi zina anthu amene sitigwirizana nawo
kapena amene sitiwadziwa ndi amene
amatithandiza.
Buluzi wa ize (mnyengo) anapanidwa ndi
chitseko.
-Kuchita zinthu zachinyengo monga
chiwerewere kapena kuba kukhoza kutiika
m’mavuto osaneneka.
Bwato silidya.
-Nsengwa, dengu kapena bwato
zimangosunga zinthu zimene mwaikamo,
sizimachepa kapena kuwonjezereka.
Tizikhutira ndi zimene tili nazo pamoyo
wathu.
Bwenzi lako ndi la wina.
-Tizichenjera ndi anzathu amene timacheza
nawo chifukwa tikawauza kathu, iwonso
amakauza anzawo.
Miyambi ya Patsokwe
37